בין איך היינט געוואור געווארן א בשורה טובה ומרנינה, אז דער גרויסער חוקר היוחסין הנודע לכל באי בית מדרשינו הרב ר' נפתלי אהרן וועקשטיין הי"ו פון אשדוד ארבייט יעצט אינאיינעם מיט הרב החשוב ר' יוסף נחמי' הכהן קוואדראט הי"ו פון לאנדאן אויף גאר א גרונטליכען פראעיקט לתולדות המהר"ל מ'פראג ומשפחתו, הן זיין יחוס למעלה בקודש און הן די פרטים איבער זיינע קינדער, אייניקלעך און צאצאים.
די ארבייט נעמט אריין אין זיך פארשידענע מגילות יוחסין וואס מ'האט אפיגעטראפן, כולל דער מגילת יחוס פון משפחת בראנדיס און ר' מאיר פערילס וואס מ'האט שוין גערעדט דערוועגן אין א אשכול המיוחד, די ארבייט איז ארויסגעבן דערפון א ספר השלם רב הערך מיט פארשידענע טבלאות און אילני יחס, און פארשידענע נוצליכע אינפארמאציע לחקר משפחות ענופות וחשובות.
איך האב נישט קיין פונקטליכע ידיעה איבער א צייט ווען דער ספר וועט זיין צו באקומען, און ווי ווייט די מחקר האלט, אדרבא אויב קען איינער באשטעטיגען די נייעס און/אדער מוסיף זיין אינפארמאציע דערוועגן אל ימנע טוב.
