בימי בחרותי האב איך געקענט דעם ספר קן ציפור (פון הר"ר דן שווארץ שליט"א פון א"י) כמעט אויפן לשון... איך האב דאן כמה פעמים זוכה געווען מקיים צו זיין מצוות שילוח הקן. פרוביר צו פרעגן ספעציפישע פראגעס.
יוראפ האט געשריבן:
עס איז דא איינער כהנא אין וויליאמסבורג וואס איז אדורכגעטוען אין דעם נושא און פאר אפאר דאלער קען מען עס ביי אים ערלעדיגן
איך מיין אז פאר די געלט, פאקט ער איין די אייער זייער שיין, אין אזא לוסייט, אזוי מיטן נאמען אין דאטום, מיט א צעטל פונעם לשון הכתוב ועוד.
בכלל איז כדי נאר צו מאכן מיט איינעם וואס איז א שטארקע בקי, ווייל אז מען פארזעט איין קלייניקייט, איז אנשטאט א מצוה וואס שטייט אויף דעם די גרעסטע זאכן, ווי אריכת ימים, און אז עס איז מעורר די שכינה אויף די גאולה ועוד, קען ארויס קומען א איסור פון צער בעלי חיים ח"ו, איך האב געהערט אז געוויסע ערליכע אידן - תלמידי חכמים אפי' - האבן זיך משום דעם טעם אפגעהאלטן פון מאכן אליינס, אן קיין מומחה.
ולא באתי אלא לעורר.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש
דער רב כהנא האט אן א שיעור אינטערסאנטע מאמרים עפיזאדן און געשיכטעס ארום דעם ענין ספיציעל מיט גדולי ישראל רבנים ואדמורי"ם וכדומה איך האב געכאפט א היטש מיט איהם צו די קעטסקיל בערג און עס איז נאך צו דעם אויך געווען טרעפיק די טריפ איז ווערד געווען אלע געלטער (ווייל ס'איז געווען אומזיסט) נאר א שאד איך האב איהם נישט רעקארדעד
AROUND THE WORLD AROUND THE CLOCK ארום די (איי) וועלט - רונדע דעם זייגער
איך דערמאן מיך מיין שליח הקן אין יעשיבה ווער איך עמאניציאל פארוואס ? פשוט איך דערמאן מיר איך בין נישט צי לאנג צירוק אינג געווען
עס איז געווען פסח זמן אין איך בין אנגעקימן אין ישובה האב איך געוויסט איך מיז טרעפען א נעסט נישט דא וואס צי רעדן וואס הייסט מיין ברידער האט אויך געמאכט.
סא איך האב אנגעפאנגען זיכן אין אזוי נישט מיר נישט דיר בין איך געווארן באהאווענט, אין איך האב שוין געוויסט וויאזוי צי זיכן אין כאפן די אימשולדיגע פייגל ביי די מעשה אין אז מען מיינט עס ערנסט העלפט דער פין אויבן אין איך האב געטראפן א נעסט וואס האט שוין געהאט א צוויי אייער איז די ערשטע זאך האב איך זיכער געמאכט אז עס איז נישט קיין טריפה. אין איך בין געגאנגען אין געמאכט א סימן ווי די נעסט איז אין זיך געגאנגען גרייטן צים דערהויבנע מצווה פין" שליח הקן", נישט ביי אלע אבער דע פייגל וואס איך האב געטראפן איז די מאמע נאר ביינאכט אבער איך האב דאך געוואלט האבן מער ווי צוויי אייער אין זיי לייגן עס בערך ביי חצות, האב איך ציגעווארט ביז פארטאגס אין אויפגעשטאנען אין געזאגט די לשם יוחד מיט א בחורישע ברען אין אינזין האבענדיג אז עס זאל זיין א סגילה צי טרעפען א שידוך בקררוב בין איך ציגעגאנגען צים מצווה, אין טאקע געטראפן דריי ווארעמע אייער.
אין מאנרא מאנסי איז גרינגער צי טרעפען א נעסט פשוט וויייל עס איז דא אסאך מער ביימער בעיקר טרעפט מען דארט די מיטן רויטען בויך. אבער אז איר טרעפט א יונה איז עס זייער מהודר ווייל עס האט א מסורה אין חוץ דעם איז גיט צי וויסן אז א יונה קימט צירק אפילו נאכן מאכן איינמאל שליח הקן סא אכטונ געבן אין נישט ציפאטשקענען זייער נעסט אויף וואס זיי האבן זיך אזוי איבערגעגעבן, אין איר וועט האבן די זכי' צי מאכן נאכאמאל די מצווה.
אויב מען איז נישט זיכער אז מען האט א כשר'ע פייגל זאל מען ביטע שטיין ווייט ווייל עס איז בכלל נישט קיין וויץ איך געדענק אז עס איז געווען א בחור וואס האט געטראפען א נעסט אין אן טראכטן צוויי האט ער פארשיצט די פייגל אין גענימען די אייער פילענדיג אזוי דערהויבן נאכן מקיים זיין אזא חושב'ע מצווה, פרעג איך אים אפשר מעג איך זעהן דיינע אייער? אין ווי איר ווייסט האט כשור'ע אייער א סימן אז עס איז פין איין זייט שפיציג אין פין איין זייט רינדיג, אין ער האט ליידער געמאכט שליח הקן אויף א טריפה פייגל
אז איך פרעג בין איך א נער פאר פינעף מינוט, אז איך פרעג נישט בין איך א נער פאר אייביג
הודי לה׳ האמיר יעצט מזכה געווען דעם שווער זאל זיין געזונט מיט די מצוה פון שליח הקן אויף א תור די ערשטע מאל!!! מ׳האמיר דן געווען צו ס׳הפקר צו נישט, ווייל ס׳איז געווען אין איינע פון די שטאטישע פארקס, ונסכמנו כנפסק בספר קן ציפור שהקן הפקר הוא משום שני סיבות: א) שהוא מקום רבים. ב) שהמקום נמוך, וכל עובר ושב יכול להגיע עליה בקל, ואפי׳ הי׳ רשות היחיד היה מותר לקיים המצוה.
געזעהן נעכטן אין א בריוו צו איינע פון די היימישע צייטונגען אז ר' שלום שרעבי זצ"ל שרייבט אז עפ"י סוד זאל מען נישט מאכן שילוח הקן בימי הספירה.
האב איך אביסל געזוכט אין אוצר החכמה דערוועגן, האב איך געזעהן ווי ס'איז געדרוקט אין נזר התורה א תשובה פון ר' משה האלבערשטאם זצ"ל ווי ער שרייבט אז דער מנחת יצחק זצ"ל האט מקיים געווען די מצוה ביי אים אין שטוב בימי הספירה שנת תשמ"ב, און ווען מען האט אים געוויזן וואס ר' שלום שרעבי שרייבט האט ער געענטפערט אז ס'איז נאר געזאגט געווארן אויף א אופן אז מ'וועט קענען מקיים זיין די מצוה אויך נאך די ימי הספירה, אבער אויב האלט מען אינמיטן די ימי הספירה איז דא א חשש הפסד מצוה, ווייל די מאמע זיצט אין קן נאר במשך א וואך אדער צוויי, אויף אזא אופן זאל מען זיכער יא מקיים זיין די מצוה אפילו בימי הספירה.
און אזוי אויך ברענגט ער פון ספר אמת ליעקב להמקובל ר' יעקב שאלתיאל זצ"ל אז די כוונה איז אז בימי הספירה זאל מען נישט גיין דירעקט זוכן א קן ציפור, אבער אויב ס'איז ממילא נזדמן לו, זאל מען אוודאי מקיים זיין די מצוה.
פרשיסחא האט געשריבן:
די מקובלים זאגן אז מען מאכט נישט קיין שילוח הקן אין די טעג פון ספירת העומר און אין די שמיטה יאר. יעצט איז סיי ספירה טעג און סיי א שמיטה יאר. אנדערע זענען מסביר פשט אין דעם, אז מען לויפט נישט ארום זוכן מצות שילוח הקן, אבער טאמער עס טרעפט זיך ביי איינעם די מצות שילוח הקן מאכט מען יא.
מצוה הבאה לידך אל תחמיצנה, ויש על מי לסמוך בימי הספירה אויב טרעפט מען, וכאמור נישט ארומלויפן זוכן, אבער אז מ'טרעפט און מ'קען פארלירן די מצוה איז זיכער מ'קען מאכן
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
