עס איז יעצט אין יעדעמס הענט דאס אויפצובויען, עס פארמאגט נאכנישט קיין מנהלים, צוליב דעם וואס טעכניש קען מען נישט אראפנעמען די רעכטן פון א מנהל נאכן עס ארויפלייגן אויף אים -דערווייל, און עס איז דעריבער זייער איינגעשטעלט צו געבן א כח ההנהלה נאר ווייל מען קלערט אז מען וועט אויפבויען וויקעפעדיע. די מנהלים וועלן אויסגעקליבן ווערן ברוב דעות.
אויך איז וויכטיג צו באטאנען, אז די גאנצע סטרוקטור איז בעצם געמאכט געווארן על דעת פון דער אידישע וועקי, כאטש היפש זאכן זענען געטוישט געווארן צו נארמאל אידיש. דעריבער זענען די הצעות אפען עס טוישן אויפן היימישן חסידישן אידיש.
דער ניק yiddishworld איז דערווייל מיינס, טעכניש בין איך דער איינציגסטער מיטן כח אויף די אינערליכע חלקים פונעם סייט, אבער חוץ דעם פארמאג איך נישט קיין שום אנדערע כח מער ווי פון סיי וועמען, און איך "גיי" דאס אי"ה אוועקגעבן איינמאל די זאך ראטנט.
רבותי, איך פעקל מיך אריבער צום נייעם וויקי, איך וויל בעטן אלע חברי הקרעטשמע זאלן קומען מחזק זיין די ידים כושלות, די סייט איז נאך זייער נישט מסודר, און מיר ווארטן אויף אייער הילף.
עס וואלט געווען געראטן אז דער נייער סייט זאל זיין א שוועסטער פריאעקט צום קרעטשמע, ווי נישט ווי, איז דער קרעטשמע א בלאג, און נישט אויסגעשטעלט פאר קיין ענציקלאפעדיע, ווי מ'קען מסדר זיין ענינים דבר דבר אל אופניו כשלחן ערוך ומוכן לאכול. דעריבער וועט דער קרעטשמע זיין דער בלאג און דער אידישע וועלט די ענציקלאפידיע.
דער סייט איז געבויט אויפן זעלבן פרינציפ ווי דער קרעטשמע, אלעס מוז געשריבן ווערן מיטן היימישן און תורה'דיגן געשמאק. אן קיין שום מחשבת אבק פיגול פון פאליטיק אדער מחלוקת. למשל, קיין שום לעבעדיגע פרומע פערזאן טאר נישט באשריבן ווערן דארט, חוץ אויב עס איז נישטא קיין שום חשש אז ס'וועט צוקומען צו מחלוקת אדער פאליטיק, (למשל רב אמנון יצחק??? אפשר???). זאל נישט חלומ'ן קיין שום חסידות ער זאל האבן די מינדעסטע פראפאגאנדע דארט.
ברוך שובך מר. אלבערט קודם צום אלעם ערשט, חזק ואמץ! איך האף אז דיין פלאן וועט פארוויקליכט ווערן, און היימיש יידיש-רעדנדע וועלן אין דעם זייטל געפונען פילע פילע פעק און זעק פון ידיעות.
צו די פראגע פון "נאטורליך" וועלכע פרעגט הלמאי מען מאכט אזא טומל איבער דעם היצטיגן "יידישע וויקיפעדיע", אמער וועם ס'געפעלט נישט זאל נישט אהין גיין? אין אויבן אויף, בהשקפה ראשונה, האט, לכאורה, נאטורליך רעכט מיט זיין טענה. ווארום, ווער בעט דיר טאקע אהין צוקריכן? איבערהויפט היינט צוטאגס נאך וואס דו ווייסט שוין קליפ און קלאר מיט וועלכע סארט פערשוינען און עלעמענטן מען האנדלט דארט... אבער אין אמת גערעדט איז דאס נישט ממש אזוי, ווייל אן "ענציקלאפעדיע" אויף דער יידישער שפראך איז א זאך וואס וואלט געקענט פאר יעדן צוניץ קומען. יעדער בלי יוצא מן הכלל וואלט געקענט דערפון נהנה זיין. עס זענען פארהאן טויזנטער נושאים וואס די ידיעות דערין זענען ווייניג און מיט א נארמאלע געמיינדע וואלט אזא ענציקלאפעדיע פראיעקט אסאך אסאך ארויסגעהאלפן; צי זאל דאס זיין אין רעליגיעזע ענינים, צי זאל דאס זיין סעקולארע ענינים, צי זאל דאס זיין פינאנציעלע ענינים, צי זאל דאס זיין סתם וועלטליכע וויסנשאפטן, ווי למשל: היסטאריע, געאגראפיע, סייענס, כעמיע, א.א.וו. גענוי אזוי ווי דער ענגלישער אדער העברעאישער וויקיפעדיע פראיעקט ווערט היינט צוטאגס באניצט ארויסצוהעלפן מיליאנען מענטשן איבער די וועלט, איבער יעדע סארט נושא וואס מען זוכט, האר גענוי דאס זעלביגע וואלט מעגליך געווען אהערצושטעלן דעם פראיעקט אינעם יידישן שפראך, די פראגע איז נאר פארוואס דאס איז נישט צושטאנד געקומען? און אויף דעם ארויף איז געקומען דער תירוץ, פון אונזער חשובן "אלבערט" יר"ה, אז די סיבה דערפאר איז גאנץ פשוט: "דער פראיעקט ליגט נישט אין גוטע הענט!"
דער פאקט איז אז ווען דו זוכסט, אויף סיי וועלכע שפראך, א געוויסע זאך אויפן אינטערנעט, שפרינגט דיר כסדר דאס ערשטע אנטקעגן "וויקיפעדיע". די יידישע שפראך איז מיט גארנישט צוריק געשטאנען, און אז דו זוכסט עפעס אויף יידיש שפרינגט דיר אנטקען דער נערישער, אומאונטערסאנטער "יידישער וויקיפעדיע". טא פארוואס זאלן יידיש רעדנדע נישט האבן די זעלבע פריווילעגיע ווי די אנדערע שפראכן? פארוואס מוזן זיך די יידיש רעדנדע כסדר אנשטויסן מיט זיינע נערישע שטותים במקום ווען דאס וואלט געקענט אויפגעארבעט ווערן אויף א פראפעסיאנאלן, אינטיליגענטן, ערוואקסענעם, שטייגער?
און אז איך רעדט שוין וויל איך שוין בארירן נאך א נקודה, וועלכע מען הערט זייער אפט, און דאס ווערט איבערקייט און איבער געקייט ככלב שב על קיאו. די אנפירער פון דעם היינטיגן "יידישע וויקיפעדיע" זייטל פארשטעקן זיך כסדר מיט א טענה, הלמאי מען קריטיקירט זיי? ווער עס האט טענות זאל מוחל זיין קומען און פאררעכטן, דער וויקיפעדיע איז פריי פון צענזור, ביסט נישט צופרידן קום און פאררעכט וויאזוי דאס שמעקט דיר. די טענה איז באמת אן אויפריכטיגע טענה, און ווען דער לעזונג דערפאר וואלט ווען געווען אז מיטן אהינגיין און פאררעכטן וואלט מען ווען געהאלפן געווארן, זענען זיי טויזנט און איין מאל גערעכט מיטן פארהאלטן און איבערקייען די טענה נאכאמאל און נאכאמאל. אויב איז אבער דער מציאות, לויט ווי עס שטעלט זיך ארויס, אז דער גאנצער סטראקטשער פון דעם זייטל ליגט אין שמוציגע, קינדערישע, נערישע, הענט וועלכע טוען דאס פארגרוילן און פארמיאוס'ן ביי יעדן באזוכער, דאן איז דער נאכאנאדיגער רוף אהינצוקומען נישט מער ווי פארברעך! ס'הייסט מען רופט אהין שרייבער מיטן אויסרייד אז ס'איז "פרידעם אוו ספיעטש" בעת ווען נישט נאר ס'נישט ריכטיג נאר ס'איז גאר דאס פרקערטע ממש!
בכל אופן, "אלרבעט" איז ווערט א באגריסונג, פארן טוהן צו דער זאך להלכה "ולמעשה". און איך וואלט אפי' פארגעשלאגן צו עפענען דא אן אשכול: "אן אינטערוויו מיט אלבערט איבער דעם נייעם "יידישן וויקפידיע". ווייל הרבה שאלות נשאר בקולמוסי. ועוד חזון.
