אחראי: אחראי
שמערי בערי האט געשריבן: בין איך דער איינציגסטער וואס האפט נאך אז קרעמער וועט צוריק קומען?
מידער האט געשריבן: די אנדערע זייט פונעם מטבע...
ווי שטארק קרעמער האט נאר געגליכן דעם וועלטל, איז דאס שוין די לעצטע עטליכע יאר מער געווען א חוב פאר אים מיט גענוג שוועריקייטן וואס איז מיטגעקומען מיטן אנפירן אזא קרעטשמע. עס איז אים ווייט נישט געווען אזוי גרינג ווי מאנכע מיינען אז אויסער זיין געמעקעכטס און קאמענטס האט ער זיך געקענט זיך לייגן שלאפן מיט א רואיגקייט, ווען אין פאקט איז דאס אנפירן מיט דעם וועלט מיטגעקומען מיט גענוג שוועריקייטן, באשלוסן און טענה'רייען וואס האט אים צוגענומען גענוג רואיגקייט פון זיין פריוואטן לעבן וואס איז היבש באקריוודעט געווארן פון ווען ער האט אנגענומען דעם פאסטן אנצופירן דעם דאן רואיגן (לייען: לעבעדיגן) היימישע קרעטשמע ביז צום היינטיגן ריזיגן ברייט פארצווייגטן אידישע וועלט וואס איז געבוקמארקט ביי יעדן אידיש ליינערדיגן אויפן אינטערנעץ. (דאס וואס ער האט דאס אנגענומען פאר א זכי' און פרובירט דאס מערסטע וואס מעגליך אז דאס זאל אים זיין א האבי נעמט גארנישט אוועק פון די שווערעקייטן.)
פון די אנדערע זייט האבן מיר מזל אז ער איז שוין די לעצטערע יארן געווארן ווייניגער און ווייניגער אקטיוו אזוי אז דאס זעץ זאל זיין וואס גרינגער, אבער זיין רעזיגנאציע נאכן זיין ווי דער פאן טרעגער פונעם קרעטשמע וועט סייווי סיי זיין א שווערער פיל אראפצושלינגען.
נאר וואס דען, שוין געווען גענוג חברים וואס האבן זיך אפגעטראגן פון דא און מען האט געמיינט אז די 'וועלט' גייט אונטער אן זיי, אבער נאך א שטיק צייט האט מען פארגעסן פון זיי למחצה ולשליש ולרביע. כאטש קרעמער קען נישט פארגליכן ווערן צו קיינעם בעפאר צוליב זיין פירנדן עקזעקוטיוו ראלע, וועט די וועלט פארן ווייטער מיט די גאר אינהאלטסרייכע חברים וועלכע האבן נאכנישט אויסגעשאלטערט דעם קאמפיוטער פונעם נעץ און וועלן זיכער מאכן אז אייוועלט זאל ווייטער זיין אן ארט אויפן נעץ וועלכע איז די מערסטע אויסגעהאלטן פארן חרדי'שן איד איבער די וועלט.
קרעמער'ס באשלוס האט יעדער פארשטאנען אז ס'וועט מיט די צייט סייווי מוזן פאסירן, פונקט ווי יעדער דא פארשטייט אז נישט איך און נישט דו וועלן דא שטענדיג בלייבן זיצן.
אבער אנדערש פון די פריערדיגע וועלכע האבן טאקע איבערגעלאזט א חלל מיט זייערע פון הימל באשאנקענע טאלאנטן און מייסטערווערק, וועלן אבער די ליינער פון קרעטשמע - געוועזענע, היינטיגע און קומענדיגע - שטענדיג דאנקבאר זיין פאר קרעמער פאר זיינע פילע לייסטונגען פארן אהערשטעלן דעם קרעטשמע וואס מען קען ניטאמאל אויסרעכענען אירע מעלות, די זכותים וועלן דיר זיכער באגלייטן אויף שטענדיג.
פלוני האט געשריבן: ס'איז באקאנט די מעשה מיט דעם בחור וואס האט איין מיטוואך אינמיטן פרישטיג באשלאסן "זיך צו נעמען צו די גמרא מיט אלע כחות", און אומר ועושה ער הייבט זיך אויף און גייט אריין אין ביהמ"ד לערנען, און אזוי אפגעלערנט א פאר שעה. מהיום ההוא והלאה איז ער טאקע געווארן אן אנדערער מענטש א מתמיד וכו'.
האט מען געפרעגט דעם ראש ישיבה צו דער בחור האט געמעגט אוועקגיין פאר'ן בענטשן?
האט ער געענטפערט: צו ער האט געמעגט קען מען דן זיין, אבער דאס איז זיכער אז ווען נישט וואס ער הייבט זיך אויף יענע מינוט וואלט פון די גאנצע התעוררות גארנישט געווארן, און ער וואלט נאך געזיצן און פלאנירט...
דאס איז געשריבן לגבי די וועלכע וואלטן געוואלט אז קרעמער זאל זיך שיין געזעגענען....
טראנספארט האט געשריבן: כ'פרוביר צו שיקן א "אישי" פאר קרעמער, קומט ארויף די פאלגענדע מעסעדזש:
עטליכע פון די ניקס האבן פארלאשן זייערע פריוואטע הודעות און מען קען צו זיין נישט שיקן
קרעמער האט געשריבן: אלס איינער פון די געדונגענע [...] ארבייטער פון אייוועלט,
...
אויב איינער האט סיי וועלכע פראגע אדער טענה, איז מיין אישית קעסטל אייביג גרייט צו ענטפערןאדער צו דירעקטירן יענעם צום ריכטיגן קאנטאקט מענטש אין די הנהלה וואס וועט קענען געבן דעם גוטן אנטווארט.
בברכת א פרייליכן פורים.
קרעמער האט געשריבן:מוישע_יאכעס האט געשריבן: כ'קענישט מער ווי באשטעטיגען וואס איינער האט שוין ערווענט אונמיטען די וואך, "נאך ריינער האט באמערקט קרעמערס ענדלאזע געדולד????"
מיינס האט שוין געפלאצט
ווען דו וועסט פירן א שטוב מיט 2,000 קינדער וועסטו אויך האבן געדולד צו יעדן באזונדער...
