נישט אויסרעדן ליל שבועות
טייבעלע האט געשריבן:טייבעלע האט געשריבן: דא איז די לשון אין ספה"ק בעש"ט עה"ת שבועות:
בשם מורי נר"ו הבעל שם טוב צריך ליזהר מאוד אחר התיקון שעשה בלילה שלא יפסיק בשום שיחה בטילה עד אחר שאמר במוסף קדושת כתר כי אז עולין
כל קישוטי הכלה שעשה בלילה, על כן יזהר מאוד לטהר מחשבתו על כל פנים עד כתר זה.
שויתי'ניק האט געשריבן: הרב יונה, פון דעם לשון דא זעט נישט אויס ווי ער זאגט אנדערש פונעם אריה"ק, ער זאגט נאר אז נאכן תיקון דארף מען זייער נזהר זיין נישט אויסצורעדן ביז נאך כתר.
שויתי השם לנגדי תמיד
דיינע ווערטער זענען פאר מיר א חידוש איך האב עס נאך קיינמאל געזעהן פון רבנו האר"י הק' לא בשער הכוונות ולא בפרי עץ חיים,
עס קאן זיין איך האב עפעס פארפאסט אדרבה צייכען מיר אהן וואו, דאס ווערט געברענגט אין סי' ר' שבתי בשם מורי נר"ו הבעש"ט
און אויב עס הייבט זיך אן פאר דעם ע"פ האר"י הק' וואלט ער דאס מזכיר געוועהן און געזאגט קלאר פון ברכו.
כ'טרעף טאקע נישט בשם האר''י הקדוש, און כ'זעה אז דער קאמארנער שרייבט וליזהר באזהרת מרן אלקי קודש הריב"ש טוב ליזהר אחר התיקון וכו'.
אבער פון של"ה הקדוש שטייט שוין: וטוב שיזהרו שלא ידברו באותה הלילה בשום לשון חול...
זעט אויס אז עס איז יא א פריערדיגע מנהג שוין, אבער פון ווי נעמט זיך דער מנהג פון ברכו? ווייס איך נישט. מנהג ישראל תורה...
דער חיד"א ברענגט פון אריה''ק שהוראת חיי האדם היא בלילה זו.