לשון הקודש דקדוק
http://www.ivelt.com/forum/viewtopic.php?t=843סאכדעס האט געשריבן: ווארט איך נאך אויפן כלל פון משה מוציא / כלב מכניס, (גוט געזאגט?)
נישט ממש. דער כלל איז "משה מוציא וכלב מכניס" (וכלב מיט א וי"ו).
איך וועל ערקלערן:
די צוויי און צוואנציג אותיות פון לשון הקודש זיינען איינגעטיילט אין צוויי גרופעס. די אותיות: א,ב,ה,ו,י,כ,ל,מ,נ,ש,ת ווערן אנגערופן "אותיות השימוש" (דער סימן דאס צו געדענקען איז אית"ן מש"ה וכל"ב). די אנדערע אותיות ווערן אנגערופן "אותיות יסוד".
די אותיות אין די ערשטע גרופע קענען דינען סיי אלס אותיות פון דעם עיקר ווארט און סיי אלס "באדינערס" צום ווארט. די אותיות אין די צווייטע גרופע דינען נאר אלס דעם עיקר ווארט.
לדוגמא: שלחנך: דער יסוד פונעם ווארט באשטייט פון די אותיות "שלחן". די אות 'ך' איז א צוגעגעבענער זי איז א באדינערין פון דאס ווארט: שלחן = טיש, שלחנך = דיין טיש.
די אותיות השימוש אליין דערהאלטן פארשידענע גרופעס וועלכע דינען אויף פארשידענע אופנים און האבן פארשידענע סימנים: אית"ן, בכל"ם און נאך.
כגון: ביים אנפאנג ווארט - ב פאר "אין", ו פאר "און", ל "צו", מ "פון". ביים סוף ווארט - ך פאר "דיר/דיינע", כם פאר "אייערע" א.ד.ג. די זיינען נאר אפאר דוגמאות.
איינער פון די גרופעס ווערט אנגערופן מש"ה וכל"ב (די זיבן אותיות). וואס אנבאלאנגט אונזער ענין איז די גרופע פארבינדען מיט די אותיות אהו"י ביים אנפאנג ווארט, ווי פאלגענד:
אויב א ווארט הויבט זיך אן מיט איינע פון די אותיות אהו"י (לדוגמא: אלוקים, ה', אד-י, יהושע) און אויף דערויף איז נאך צוגעלייגט איינער פון די אותיות מש"ה וכל"ב (מאלוקים, לאלוקים, מה', וה', ויהושע,) דאן איז גילטיק דער כלל פון משה מוציא וכלב מכניס. משה מוציא דהיינו מען זאגט ארויס די אותיות אהו"י, וכלב מכניס דהיינו מען זאגט נישט ארויס די אותיות אהו"י.
משה מוציא
מואלוקים זאגט מען מו אזלוקים און נישט מולוקים - מען זאגט ארויס די אל"ף וויבאלד זי קומט נאכ'ן מ"ם.
הטאלוקים זאגט מען הט אזלוקים און נישט הלוקים - מען זאגט ארויס די אל"ף וויבאלד זי קומט נאכ'ן ה"א.
וכלב מכניס
וואלוקים זאגט מען וולוקים (כאילו ווי ס'נישט דא קיים אל"ף) - וויבאלד פאר'ן אל"ף קומט די אות וי"ו.
וחה' זאגט מען ושם נישט ו-א-שם (כאילו עס איז נישט דא קיין אל"ף) - צוליב דעם וי"ו.
איך וואלט דאס בעסער מסביר געווען נאר דאס בעטל בעט זיך שוין ביי מיר.
אלזא, כל טוב.[/code]
