משפחות כהנים מיוחסים

זיס · פרייטאג מארטש 27, 2009 1:06 am

ווי באקאנט איז פאראן משפחות פון כהנים וואס זענען מיוחסים, דאס הייסט אז מען ווייסט קלאר, אדער אז צדיקים האבן מעיד געווען אז זיי זענען כשר'ע כהנים אן קיין פסול אינדערמיט.

איך עפן אצינד אן אשכול ווי די טייערע חברים קענען ברענגען וועלכע משפחות פון כהנים זענען אין היינטיגע טעג מיוחסים. פארשטייט זיך אז צווישן די ספרדים איז פאראן מער כהנים מיוחסים, די סיבה דערצו איז וויבאלד זיי זענען ווייניגער גלות געגאנגען און די רדיפות הדת איז נישט געווען אזוי שטארק אויף זיי, האבן זיי זיך געהאלטן מער מיט די משפחות. מען זאגט אז איידער די גזירות ת"ח ות"ט איז אויך געווען צווישן די אשכנזים מער כהנים מיוחסים ווי היינט, אבער עס איז נאכאלס פאראן צווישן די אשכנזים גענוג משפחות כהנים מיוחסים.

לאמיר אנהויבן:

ראפאפארט
כהנא
כ"ץ (נכדי הסמיכות חכמים)
בראנדער (מחזיקים עצמם כמיוחסים, על סמך הרה"ק מבעלזא שאמר לאביהם שבבית המקדש השלישי יעשה הוא העבודה בבית המקדש)

ווער נאך?

yield · מאנטאג דעצעמבער 24, 2012 7:47 pm

די תולדות אהרן משפחה האלט זיך פאר כהנים מיוחסים און אגב אורחא ס'יז דא וואס זענען מקפיד צו נעמען א כהן מיוחס ביי א פדיון הבן

זיס · פרייטאג מארטש 27, 2009 1:06 am

וואס הייסט מיוחסים? - פון וועמען שטאמען זיי, וואס איז זייער ייחוס אז זיי זאלן זיין מיוחסים?

yield · מאנטאג דעצעמבער 24, 2012 8:47 pm

אהה די homework לאז איך פאר דיר

ישלהוסיף · דינסטאג דעצעמבער 25, 2012 1:11 am

ר' ישראל יעקב קאהן (ב"ר דוד ז"ל מחסידי פלאנטש, וואס האט געקענט דעם רבי'ן בשנה ראשונה אלס איידעם ביים פלאנטשער, ונזכר במקומו במושיעין של ישראל) איז א בן אחר בן פון רבי דוד מגיד אויף וועם דער חוזה מלובלין האט מעיד געוועהן אז ער איז א כהן מיוחס, אויף דעם ארויף האט דער מהר"ש מבאבוב איהם געבעטן אז ביים דוכענען זאל ער שטיין אקעגען איבער איהם.

פרעגער · זונטאג אוגוסט 09, 2009 11:35 am

משפחת גלאנץ - נמנים בין הכהנים המיוחסים

אייניקעל פון אהרן הכהן · מיטוואך אקטאבער 29, 2008 6:13 pm

אינטערעסאנטע תגובה בהלכה אויפן נידון פון כהנים מיוחסים
http://www.din.org.il/2012/02/07/28412

לעולם יהא אדם · זונטאג נאוועמבער 11, 2012 7:50 am

מח"ס כרם יהושע איז א אייניקל בא"ב פון א ברודער פון הייליגן בעל תפארת שלמה פון דאראמסק ואין בודקין מן המזבח ולמעלה

אנעים זמירות · דינסטאג דעצעמבער 25, 2012 8:32 pm

'קופת העיר' האט געמאכט א רעקלאמע אז זיי וועלן האבען א מנין (אדער מער) פון כהנים מיוחסים וועלכע וועלן דאווענען קעגן איבער דעם מקום המקדש ביום זאת חנוכה. דזשאסט סעאינג...

נחוניא · מיטוואך יולי 18, 2012 4:46 pm

המגיד מטשערנאביל זי"ע העיד על ר' בעריש כהן מזלאטיפאלי (מחסידי הרה"ק ר' אהרן מטיטיוב) שהוא כהן מיוחס, ומכל הסביבות לקחו אותו ואת בניו לשמש ככהן בפדיון הבן.

איטשע · דאנערשטאג אוגוסט 27, 2009 10:19 am

זיס האט געשריבן: ראפאפארט
כהנא
כ"ץ (נכדי הסמיכות חכמים)
בראנדער (מחזיקים עצמם כמיוחסים, על סמך הרה"ק מבעלזא שאמר לאביהם שבבית המקדש השלישי יעשה הוא העבודה בבית המקדש)

לאמיר צונעמען דער זאך צוביסלעך:
משפחת רפאפורט - עס זענען דא צוויי משפחות רפאפורט, 1. נכדי הש"ך, דער ש"ך האט נישט געהייסן און ער איז נישט געווען פון די משפחה. 2. דער ארגינעלער משפחת רפאפורט.
משפחת כהנא, צוט זייערע יחוס ביז צו משפחת רפאפורט - דעריבער איז כהנא רפאפורט איין גזע.
משפחת כ"ץ - וועל איך הבאלד מאריך זיין
משפחת בראנדער וכדומה.

משפחת רפאפורט וואס זענען זיך מתיחס צום ש"ך - עס איז לע"ע נישט דא קייןם שום מקור אז דער ש"ך איז געווען א כהן מיוחס, אויב יא, אדרבא, זאל איינער צייגן.

משפחת רפאפורט די ארגינעלער, איז אויך דא צווי משפחות, איינס צוהט די יחוס פון דער איתן האזרחי און דער צווייטער פון רבי נחמן ליפשעס דער זיידע פון ר' חיים כהן אבד"ק לבוב.
יחוס האיתן האזרחי:
אן אייניקל (נישט בן אחר בן) פון דער איתן האזרחי שרייבט אין דער סדר היחוס צום סוף ספר אז זיינע פעטערס האבן עם געזאדט "גילו אזני בזה סדר היחוס שלהם מפיהם ומפי כתבם דור אחר דור עד אהרן הכהן הגדול זכותו יגן עלינו" - מיינט דאס כהנים מיוחסים? ניין! א הלכה'דיגע א כהן מיוחס, מיינט א כהן וואס האט א מגילת יוחסין פון זיך ביז אהרן הכהן. היינט איז אין דער וועלט נישטא אזא כהן, איז לאמיר זאגן אז דאס איז גענוג, ווייל בעסער האבן מיר נישט.

יחוס רבי נחמן ליפשע'ס:
זיי שרייבען אז זענען אייניקלעך פון עזרא הסופר. דער ערשטע מקור דערפון איז א מעשה אין ספר עליות אליהו - תולדות פון דער ווילנער גאון - שרייבט ער דארטן "שמעתי" - ער שרייבט נישט פון וועמען ער האט געהרט, אויב וואלט עס געווען אן אדם חשוב אדער א פארלעסליכער מקור וולאט ער עס אוודאי צוגעצייכענט - איז דער ווילנער גאון האט זיך אויסגעלייזט ביי ר'מאיר כהן רפאפורט, אבער ער שרייבט אז דער גאון האט זיך פודה געווען ביי נאך, איז פון דער מעשה נישט קיין גרויסע ראיה, בפרט אז דער מקור איז שוואך.
דער צווייטער מקור איז פון הג"ר בעריש רפאפורט וואס האט אזוי מעיד געווען אויף די משפחה בערך 100 יאר צוריק, עי' ספר דרך המלך מהדורת ניו יארק תשכו.

וואס איז ער מעיד: דהיינו, דער זיידע האט געזעגט אז מען שטאמט פון אהרן, יעדער כהן חזקה האט אזא קבלה, מה לי עזרא הסופר מה לי אהרן הכהן, עס מאכט נאך קיינעם נישט קיין כהן מיוחס.

משפחת כ"ץ - איז אויך דא עטליכע: נכדי הש"ך האבן מיר שוין דערמאנט; נכדי הסמיכות חכמים, נכדי השארית יוסף; נכדי השער אפרים, עס איז דא נאך, אבער מיר וועלן מאריך זיין אין די דערמאנטע גדולי ישראל.
נכדי הסמיכת חכמים - זיי זענען אייניקלע פון עלי הכהן, אזוי שרייבט אן אייניקל אינעם ספר וצוה הכהן פרק יג: "שמעתי מפי אדוני אבי הרב הגאון זללה"ה אשר זקינינו הגאון המפורסם מו"ה נפתלי הכהן אב"ד לובלין היה לו כתב יחוס עד עלי הכהן" - דער רבי נפתלי אז א זיידע פון דער סמיכת חכמים. נו ענדליך האבן מיר דער ערשטע כהן מיוחס, אבער ער לעבט נישט, אבער די אייניקלעך קענען זיך יא גרויסן אז זיי זענען "אייניקלע" פון א כהן מיוחס, על פי הלכה, זענען גלייך מיט יעדער כהן חזקה, ווייל מה מייןם זיידע איז אהרן הכהן צו מיין זיידע איז געווען א כהן מיוחס, אלעס איז באזירט אויף קבלה, חוץ איינער וואס האט א קאנפירמט מגילת יוחסין ביז רבי נפתלי, האט מען שוין עפעס.
נכדי השארית יוסף - ער האט אויך געצויגן זיין יחוס ביז עלי הכהן: אזוי שרייבט דער אויבנדערמאנטער אייניקל אין איתן האזרחי אויף זיינע אייניקלעך: "וגם אצל המשפחה זו היה אצלם סדר היחוס עד עלי הכהן"
נכדי השער אפרים: - אויף דעם איז מעיד זיין אייניקל דער יעב"ץ אז ער האט געהאט א מגילת יוחסין ביז דער בית שני.

משפחת בראנדער וכדומה: תורה לא בשמים הוא, נישט דער רבי פון לובלין, נישט דער בעלזער רב, קיין נעמען א כהן חזקה, און פארוואנדלען און כהנים מיוחסים, לערנט נישט אפ מיינע ווערעטר פאלש, איך רעד נישט פון געפיל, איך רעד פון טרוקענע הלכה, מיין טאטע'נס עדות איז פונקט אזוי גלייך אין בית דיי ווי זייערע עדות, אונז האבן א קבלה פון איינע פון די גרויסע חסידישע רבי'ס, איך בין עס שטארק מכיר, אבער איך האלט מיך נישט פאר קיין מיוחס, ווייל איך האב נישט א כתב יוחסין.

איך ווייס פון משפחת גוטווירטה, וואס האלטן זיך כהנים בן אחר בן פון דער שער אפרים, אבער די מקור צו זייערע יחוס "בן אחר בן" איז שוואך (עס האט נישט קין מקורות, און עס שטאמט פון א חוקר יוחסין" די בני משפחה וואס האבן יא פארשריבען זייערע יחוס האבן נישט געוויסט אז זענען איינילעך בן אחר בן.

תמצית הדברים:
נכדי משפחת הסמיכת חכמים, נכדי השארית יוסף, ונכדי השער אפרים. - האבן עפעס א קבלה. איינער וואס האט א מוסמך'דיגע מגילת יוחסין ביז ארויף האט א שיינע זאך, צועל פי הלכה הייסט דאס א ריכטיגע מגילת יוחסין כאילו ביז אהרן, ווייס איך נישט, דאס דארף מען פרעגן א רב.

סוף דבר, דארף מען געדענקען, אז מען קען זיין אן אייניקל מיט א כתב יחוסין בן אחר בן ביז אהרן הכהן, אבער דאך איז מען נישט קיין כהן.

כנעלנ"ד

תרנגול · מיטוואך דעצעמבער 26, 2012 12:50 pm

איטשע, שיין צולייגט. ייש"כ.

ים רויבער · מיטוואך דעצעמבער 26, 2012 1:54 pm

אין די אשכול משפחת הכהנים לבית ראפאפורט ווערט ברייט אויסגעשמועסט דאס ענין פון כהנים מיוחסים

לעולם יהא אדם · זונטאג נאוועמבער 11, 2012 7:50 am

נחוניא האט געשריבן: המגיד מטשערנאביל זי"ע העיד על ר' בעריש כהן מזלאטיפאלי (מחסידי הרה"ק ר' אהרן מטיטיוב) שהוא כהן מיוחס, ומכל הסביבות לקחו אותו ואת בניו לשמש ככהן בפדיון הבן.

1) צו קענט איר אפשר אנווייזן ווער זענען פון זיינע אייניקלעך
2) פון וואנען איז די מקור צו אייערע ווערטער

ס'איז מיר זייער חשוב צו באקומען אן קלארן ענטפער אויף די 2 שאלות

ייש"כ

לעולם יהא אדם · זונטאג נאוועמבער 11, 2012 7:50 am

בדרך אגב ס'איז אינטערעסאנט אנצו-ווייזן אויף כמה מגדולי ישראל מפורסמים ועלכע האבן זיך געהאלטן פאר כהנים, און מן הסתם לא יצתה מכשול מתחת ידיהם,
ואלו הן:
א. תולדות יעקב יוסף
ב. רבי ר' הערש מרימנאוו
ג. תפארת שלמה
ד. חפץ חיים
ה. קצות החושן ואחיו בעל קונט' הספיקות
ו. משפחת כהנא מסיגעט מצאצאיהם האדמורי"ם לבית ספינקא
ז. הגר"ח רפפורט
מי שיכול להוסיף ולהשלים שכרו כפול מן השמים

נחוניא · מיטוואך יולי 18, 2012 4:46 pm

לעולם יהא אדם האט געשריבן:

נחוניא האט געשריבן: המגיד מטשערנאביל זי"ע העיד על ר' בעריש כהן מזלאטיפאלי (מחסידי הרה"ק ר' אהרן מטיטיוב) שהוא כהן מיוחס, ומכל הסביבות לקחו אותו ואת בניו לשמש ככהן בפדיון הבן.

1) צו קענט איר אפשר אנווייזן ווער זענען פון זיינע אייניקלעך
2) פון וואנען איז די מקור צו אייערע ווערטער

ס'איז מיר זייער חשוב צו באקומען אן קלארן ענטפער אויף די 2 שאלות

ייש"כ

די אייניקלעך זענען משפחת כהן אין ירושלים מחסידי באיאן וסאדיגורא. (איינער פון זיי איז העסקן ר' חיים יצחק כהן הי"ו מלפנים מנכ"ל מוסדות סאדיגורא).
דער מקור איז אינעם ארטיקל וואס איז געווען דארט בייגעלייגט א קאפי פון א מאמר געדרוקט אינעם באיאנער קובץ "תפארת ישראל" בשם דער קרעמענשוגער רב הגאון ר' ישראל יעקב יעבץ ז"ל.

איטשע · זונטאג דעצעמבער 30, 2012 5:42 am

לעולם יהא אדם האט געשריבן: מן הסתם לא יצתה מכשול מתחת ידיהם

איך פארשטיי נישט, דאס פאראגראף.
יעדער גדול בישראל א כהן, איז אטאמאטיש א כהן מיוחס?

על פי הלכה:
ווען דער בעש"ט, וואלט געזאגט אויף א ישראל אז ער איז א כהן, וואלט דער ישראל "נישט" געמעגט דוכנ'ען, און אויב יא, וואלט עס געווען א ברכה לבטלה.
ווען אליהו הנביא, זאגט ווען פאר א כהן, ר' יוד איר זענט נישט קיין כהן, פאר יעדעס מאל וואס ער דוכנ'ט נישט, איז ער מבטל 3 מצוות עשה מן התורה.

איך פארשטיי, אז דער געפיל זאגט אנדערש, אבער אונז האמיר א כלל "לא בשמים הוא".
עס איז נישט געווען אין די היסטאריע, אז א בעל רוח הקודש א כהן זאל אויפשטיין איין אינדערפריא, רבותי! איך בין נישט קיין כהן, מיין טאטע, זיידע'ס ולמעב"ק און האבן אלע געמאכט ברכות לבטלה. און דער זעלבער זאך פארקערט.

במחילת כבודך:
איר קענט שרייבען א רשימה פון גדולי ישראל וואס זענען געווען כהנים, אבער זיין מאכ'ן דערפאר מיוחסים, סתם ווייל "מן הסתם לא יצתה מכשול מתחת ידיהם", וואסארא סארט גערעדעכטס/געשרייבעעץ איז דאס.

זונטאג מארטש 02, 2008 10:17 pm

איך פארשטיי נישט וואס איר שרייבט תורה לא בשמים הוא, איז דאס נישט די זעלבע ווי דאס וואס שטייט אין רמב"ם (הלכות מלכים יב, ג)?

בימי המלך המשיח כשתתיישב ממלכתו ויתקבצו אליו כל ישראל יתייחסו כולם על פיו ברוח הקודש שתנוח עליו שנאמר וישב מצרף ומטהר וגו' ובני לוי מטהר תחילה ואומר זה מיוחס כהן וזה מיוחס לויודוחה את שאינן מיוחסין לישראל הרי הוא אומר ויאמר התרשתא להם וגו' עד עמוד כהן לאורים ולתומים הנה למדת שברוח הקודש מייחסין המוחזקין ומודיעין המיוחסואינו מייחס ישראל אלא לשבטיהם שמודיע שזה משבט פלוני וזה משבט פלוני אבל אינו אומר על שהן בחזקת כשרות זה ממזר וזה עבד שהדין הוא שמשפחה שנטמעה נטמעה.

איטשע · מאנטאג דעצעמבער 31, 2012 6:43 am

עי רמב"ם פ"ב מהל' איסורי ביאה הלכה ב:

איזה הוא כוהן מיוחס--זה שהעידו לו שני עדים שהוא כוהן בן פלוני הכוהן, ופלוני בן פלוני עד איש פלוני, והוא, הכוהן ששימש על גבי המזבח: שאילו לא בדקו בית דין הגדול אחריו, לא היו מניחין אותו לעבוד.

זעהט אויס אז דער רוח הקודש איז גוט נאר פאר משיח...
ווייל בזמן הבית האבן די סנהדרין נאך געהאט רוח הקודש ווי דער בעש"ט וכדומה...

או יאמר, אז דעמאלסט, ווען עס וועט זין תחית המתים, וועט נישט גילט'ן דער כלל פון 'לא בשמים הוא', ווי מיר זעה מיר די אלע תיקו'ס אין ש"ס, עס וועט זיין אן אנדערע וועלט
לו יהיה כדבריף, וואלט דער רמב"ם געדארפט צו לייגן אין הל' איסורי ביאה נאך א כלל "או שיעיד עליו אליהו הנביא או בעל רוח הקודש, שהוא כהן מיוחס", זעהט אויס אז דער רמב"ם אז דער כלל גילט נישט אין גלות.

איטשע · דינסטאג יאנואר 01, 2013 9:23 am

מי לנו יותר פון הרה"ק רבי צדוק הכהן, וואס האט געשטעלט דער ש"ך כהונה אונטער א גרויסער פראגע צייכן...

ראש הקהל · מאנטאג יולי 04, 2011 1:36 pm

און אפטיילונג פון ועל פליטת בית סופריהם, ביים אשכול כמדומה לי פון זיהוי חתימות וכתבי ידות, איז לעצטענס ארויפגעקומען וועגן רבי פנחס ??? ראפאפארט
הבעל תוקע אצל הרה"ק הישמח משה מאוהעל זצ"ל, ווי מ'האט געטראפען זיין חתימה באיזה מקומן, כ'ווייס נישט פארוואס כ'האב מיר דעמאלס נישט אנגערופען,
אבער, כהיום עפ"י רוב און בארא פארק איז דא א גרויסע משפחה שמתייחסים אחריו, משפחת הארטשטיין, כמה ברודער'ס, רבי בערל, רבי הירצקא, רבי אבא, נאך איינער וואס ארבעט און מאנגאמרי סטעשענערי געשעפט אויף דרייצען עוועניו, כולם חונים בב"פ, תלמידי פון דו נייטרא ישיבה, בניהם של הרב יצחק (איצא) הארטשטיין ז"ל מקאנאדא, בן רבי נפתלי הירצקא
הארטשטיין ז"ל (מעיר ליסקא חתן רבי יוזפא גאלדבערגער זצ"ל חתן רבי הירשלע ליסקער האך פרי תבואה זצ"ל) בן רבי דוב בער הכהן הארטשטיין - ראפאפארט, נכד רבי פנחס
ראפאפארט הנ"ל הבעל תוקע, כן יש להם במסורה
האבן מיר דא נאך א גזע ראפאפארט, ששינוי שמם להארטשטיין, איני יודע למה

לעולם יהא אדם · דינסטאג יאנואר 01, 2013 12:38 pm

איטשע האט געשריבן:

לעולם יהא אדם האט געשריבן: מן הסתם לא יצתה מכשול מתחת ידיהם

איך פארשטיי נישט, דאס פאראגראף.
יעדער גדול בישראל א כהן, איז אטאמאטיש א כהן מיוחס?

על פי הלכה:
ווען דער בעש"ט, וואלט געזאגט אויף א ישראל אז ער איז א כהן, וואלט דער ישראל "נישט" געמעגט דוכנ'ען, און אויב יא, וואלט עס געווען א ברכה לבטלה.
ווען אליהו הנביא, זאגט ווען פאר א כהן, ר' יוד איר זענט נישט קיין כהן,פאר יעדעס מאל וואס ער דוכנ'ט נישט, איז ער מבטל 3 מצוות עשה מן התורה.

איך פארשטיי, אז דער געפיל זאגט אנדערש, אבער אונז האמיר א כלל "לא בשמים הוא".
עס איז נישט געווען אין די היסטאריע, אז א בעל רוח הקודש א כהן זאל אויפשטיין איין אינדערפריא, רבותי! איך בין נישט קיין כהן, מיין טאטע, זיידע'ס ולמעב"ק און האבן אלע געמאכט ברכות לבטלה. און דער זעלבער זאך פארקערט.

במחילת כבודך:
איר קענט שרייבען א רשימה פון גדולי ישראל וכו'.

נו ! דא האט איר א מפורש'ע רמב"ם ואס קריגט זיך מיט אייך, וע"ע בתשו' חת"ס (...) שזה לא נחשב תורה בשמים כי לא בא בזה לפסוק הלכה אלא לברר מציאות ועל כגון דא בודאי ובודאי שסומכין על בעל רוה"ק ונביא, ותו לא מידי

רב טקסט · דינסטאג יאנואר 01, 2013 1:10 pm

אויפ'ן מלך המשיח שטייט דאך והריחו ביראת השם, דמורח ודאין,
נאר בפשטות איז דאס אויך אויף מברר צו זיין מציאות'ן. הלכות וועט ער דאך נישט טוישן, און בכל אופן וועט דאך זיין דעה אין תורה מכריע זיין.
ווידער וועגן אליהו הנביא איז דאך ידוע פון בריסקער רב זיע"א בספר עה"ת פ' פינחס אז וועגן דעם האט אליהו זוכה געווען נישט נסתלק צו ווערן כדרך כל הארץ.

(כ'האב אמאל געהערט פון הגר"ח פלאהר אז בימי הצמח צדק זיע"א איז געווען מעשה מיט א שאלה אויף אשה צו זי איז אסורה לבעלה און דער צ"צ האט איהר געאסרט, און ר' אהרן טשערנאבלער זיע"א האט געזאגט אז זי איז ביי איהם געווען און ער האט געזעהן אויף איהר אז זי איז ריין, און אויף דעם האט דער צמח צדק געזאגט אולי מחתה בדמעות.

אזוי אויך יש אומרים אז דער נו"ב האט געזאגט אויף דעם וואס דער בעש"ט הק' האט געריסן קריעה אויפן אוהחה"ק ע"פ ידיעתו מסוד ה' ליראיו אז ער האט עובר געווען אויף בל תשחית, און דער בעש"ט האט אויף דעם געזאגט אז ס'איז ביי איהם געווען ווי א פשוט'ע ראיה, ואין לי לזה מקור ברור)

שמעלקא טויב · דינסטאג מאי 04, 2010 2:41 pm

משפחת ר' הערש פנחס מאשקאוויטש, זייער עכטע משפחה נאמען איז ראפאפארט, מ'האלט זיי פאר כהנים מיוחסים.

אנעים זמירות · דינסטאג יאנואר 01, 2013 9:58 pm

איך האב נאכנישט דורכגעליינט די תגובות בעיון, אבער פון אן אויבערפלעכליכען בליק זעהט מיר אויס אז קיינער האט נישט אנגעמערקט אז דער רוח הקודש פונעם מלך המשיח באשטייט פון אן אנדערע מהות ווי דער פונעם בעש"ט הקדוש ותלמידיו. משיח'ס רוח הקודש וועט זיין א בחינה פון נבואה, און יענס האבען מיר פארלוירען צוזאמען מיטען נבואה (סוטה מ"ח:). כנלע"ד וכתבתי לפום ריהטא.

אידישע וועלט פארומס

משפחות כהנים מיוחסים

משפחות כהנים מיוחסים

הרב הגאון הנודע ר' יהושע כהן

משפחת כהן (זלאטיפאלער)