אידישע וועלט פארומס

פליגל האט געשריבן: ↑ זונטאג אפריל 07, 2024 9:24 pm

גאווערנאר האוכאל האט באאויפטראגט די MTA זאל אראפקריכן פון בוים מיטן פארלאנג פון די ניו יארק ראוד ראננערס מיטן פארלאנגען די דריי פערטל מעלאונע. באריכטן זאגן נאך מער, די MTA דערלייגט נישט אויפן געשעפט היות זיי ווישן אריין א גוטע 1.1 מעלאונע פון טאללס מער ווי א געווענליכע זונטאג צוליב די פלייץ פון באטייליקטע וואס באניצן זיך מיט די בריקן און טונעלן ביים ארום רייזן אין די סיטי צוליב די געלויף.

די MTA האט לכתחילה זיי געזאגט אז טאמער זיי באצאהלן נישט די פארלאנגטע סכום וועט מען זיי באצווינגן זיך צו באניצן מיטן טונקעלע חלק פונעם בריק, די אונטערשטע שטאק. לעצטענס האבן זיי געטוישט טענער און זאגן אז זיי גייען זיך קענען קלובן וועלכע שטאק, אבער נישט ביידע.

געוועזענער גאווערנאר פאטאקי האט אויך געלאזט הערן זיין אנטריסונג איבער די געלט רייסערייען "די גאנצע וועלט קוקט זיך צו צו ניו יארק יענעם טאג, מען קען דאס נישט אזוי ארויסלאזן נאר ווייל זיי ווילן רייסן געלט". פאטאקי האט דאס נאך געזאגט איידער די היצטיגע גאווערנאר האט געהאט א שאנס עפעס צו זאגן.

די גאווערנארקע האט פארט געבעטן די ראוד ראננערס זאלן זיך דורכקומען מיט די MTA דורך אויפטרייבן הכנסות דורך ניצן זייערע באסעס פאר אדווערטייזמענטס.

די MTA האט נאך דערווייל נישט געלאזט הערן פון זיך איבער דעם ענין.