Re: נייעס אין די לופטן: אלעס איבער אוויאציע און לופטפעלדער
מיר זענען ממשיך מיטן שבועות סך הכל וואס איז די השלמה פון וועלטליכע געשעענישן, אבער מיר געבן שוין א מיש צו די וועלטליכע נייעסעס פון די וויקענד כדי צו מאכן די זאך פאר א שלימות.
לאזטס איבער א לייק, ווייל דער שרייבער - וואס איז מיר א נאנטער חבר - האט מיך געזאגט אז ס'געט אים א שטופ צו שרייבן ווייטער. אויב פילסטו אז א לייק ברענגט נישט גענוג ארויס דייין הנאה און הכרת הטוב געב א קוק אריין וואס ס'טוט זיך דא און לאז דיך הערן.
יוני 9 האט די UK פלוצלינג צוריקגעדרייט די לויזערע רולס אויף פליסיגקייטן, נאך וואס נייערע פארגעשריטענע סקענערס האבן ערלויבט פאסאנדזשירן אין געוויסע בריטישע עירפארטס צו ברענגען מער ווי די אנגענומענע 100ml. די אויטאריטעטן האבן נישט אנגעגעבן די סיבה דערצו. איך דארף יעצט ציטערן?
---
סינגאפור עירליינס אפפערט פון $10,000 ביז $25,000 קאמפענסאציע פאר די געשעדיגטע פון די היסטארישע פאטאלע טורבעלענס אינצידענט פאריגן חודש, געוואנדן אין די ערנסקייט פון די וואונדן. די עירליין זאגט אז דאס מיינט נישט אז די באטראפענע דארפן אויפגעבן אויף גרעסערע סומעס אויב זענען זיי בארעכטיגט דערצו, נאר אויב וועלן זיין לעגאלע קלעימס פאר מער ווי די סומעס וועט די יעצטיגע קאמפענסאציע דינען אלס די דאון-פעימענט פון די גרעסערע סך הכל.
---
א כינעזע פרוי האט איבערגעדרייט א פליגער וואס האט זייער שטארק געוואלט פארן פון שאנכאי קיין דזשיקיאנגינקענגשיגענג (עפעס אזוי), ווייל זי האט זיך מיטגענומען א pet וואס איז א סארט מאוקאש באוואוסט אלס די Sugar glider. די סארט שרץ'ל איז באוואוסט צו זיין זייער פלינק, און ער האט זיך טאקע פלינקערהייט ארויסגעזעהן פון די קליינע cage וואו זי האט אים געטראגן און ארויסגעלאפן אויפן פליגער לתור את הארץ. דער עולם האט זיך גענומען שרייען "דזשין דזשי גאנגאנאם עסוWא!!!" (עפעס אזוי), און מ'האט שנעל עוועקואירט דעם פליגער און אלע פאסאנדזשירן אויסער איינער האבן געהאט א דילעי פון מער ווי א שעה. די איינע וואס נישט, האט א 15 טאגיגע דילעי וואס זי איז סטאק אין כינעזע טורמעס פאר די שטיקעס, ווייל אין כינע איז אומלעגאל ארויפצוטראגן סיי וועלכע באשעפענישן אויף א פליגער.
נאכדעם פרעגסטו וויאזוי די וויירוס פארשפרייט זיך פון בעלי חיים...
---
4 בריטיש עירוועיס ארבעטער אין לאנדאן זענען געשעדיגט געווארן פון א hydraulic ליעק בשעת וואס די פליגער איז געזעצן ביים געיט און זיי האבן אים צוגעגרייט פאר א רייזע. נישט געווען קיין ערנסטע געשעדיגטע.
---
216 פאסאנדזשירן אויף א בריטיש עירוועיס דרימליינער ארויס פון לאנדאן זענען אנגעקומען בשלום 9 שעה שפעטער קיין.... לאנדאן!!
פאסירט האט דאס פאריגן דינסטאג. א BA פליגער אויפן וועג קיין יוסטאן, טעקסאס, איז שוין געווען נאנט צום אמעריקאנעם קאנטינענט ווען די מאנשאפט האט באמערקט א ענדזשין אישו. די געשאפענע פראבלעם איז נישט געווען קיין ריסק פאר די פליגער, אבער ס'וואלט עווענטועל פארלאנגט מעינטענס און ריפעירס. ווי איידער צוצוענדיגן די רייזע און זיך טרעפן אין טעקסאס מיט א צובראכענעם ענדזשין, האבן די פילאטן געמאכט א בואי בשלום און זיך צוריקגעקערט צו זייער hub אין היטראו, וואו די מעכאניקער פון די עירליין זענען סטאנציאנירט און קענען גרינג טרעפן די פראבלעם און איר לעזונג!
כ'האב אזאנס נאכנישט געהערט, און אלס א פאסאנדזשיר וואלט איך געווען זייער זייער ברוגז אז די עירליין מאכט זיך אליין באקוועם אויפן חשבון פון מיין צייט!
---
אבער שפענדן 9 שעה פאר אומזינסט איז נאכאלץ בעסער ווי 3 אהאלב שעה אן עיר קאנדישן!!
א קאטאר עירוועיס פון גריכלאנד האט זיך נישט געקענט הייבן קיין Doha צוליב א טעכנישע פראבלעם און די רייזנדע זענען געבליבן אויפן פליגער ווילאנג ס'ווערט מסודר. די פראבלעם איז אבער אז קיין עיר קאנדישן איז אויפן פליגער נישט געווען, און פאסאנדזשירן זענען געבליבן זיצן איבער דריי שעה אויפן פליגער אין טעמפוראטורן פון איבער 100 דעגרי!! ועל כולם האט מען נישט געקענט פאררעכטן די אישו אויפן פלאץ און אלע האבן געדארפט אראפגיין פונעם פליגער און סייווי בלייבן איבערשלאפן אין ארץ יון.
---
אין גוטע נייעס פאר אונזערע ברידער אין קאנאדע, האט WestJet פארברייטערט זייער קאודשעיר אגרימענט מיט די בריטישע ווירדזשין אטלאנטיק, דאס לייגט אריין אין די אגרימענט נייע רוט אפציעס טיפער אין די מיטל מזרח, אזיע און אפריקע.
---
ווי שוין געמאלדן , קומט די ערשטע A321XLR קיין אמעריקע. די וואך איז באוואוסט געווארן די דאטומען. פון נאוועמבער 14 וועט די שוין-אזוי-לאנג-ארויסגעקוקטע פליגער אנהייבן די רייזעס צווישן מאדריד און באסטאן. שפעטער אין יאנואר 2025 וועלן זיי עס ברענגען קיין וואשינגטאן-דאללעס.
---
די FAA האט צוגעטיילט פאר עמיראטס א "מאווינג ווייאלעישן" פון 1.5 מיליאן דאללער פארן פארן אין פארבאטענע עירספעיס ארום די איראן-איראק געגנט. די פארלעצונגען פון יאר 2020-21 זענען קעגן אמעריקאנע געזעצן צוליב דעם וואס די פלייטס האבן אויך געטראגן אז דזשעט בלו קאוד, ווייל אין יענע יארן האט עמיראטס געהאט א קאודשעיר אגרימענט מיט דזשעטבלו, וועגן דעם האט די FAA א כח צו אינפארסירן די עירספעיס צוימונגען און באשטראפן עמיראטס.
וועט שוין זיין אויף שבת צו מאכן...
---
ווי ס'זעהט אויס פלאנען EU רעגולירער צו אפפראוון לופטהאנזא גרופ'ס איבערנעמען פון די איטאליענע ITA, אן עירליין וואס מ'גלייבט אז זיי זענען א שפרינגעלע אוועק פון באנקראט אם לא א טעיקאווער פאסירט. דאס וועט אריינברענגען ITA אונטער די פליגלען פון די שירעם-גרופע וואס פארפיגט שוין אויף א צאל אנדערע אייראפעאישע עירליינס אריינגערעכנט סוויס, אוסטריען און נאך.
---
אז מ'רעדט שוין פון אוסטריען, די A320ס זייערע עלטערן זיך אין פריידן און מ'דארף זיי ערזעצן. למעשה באטראכטן זיין די פלאן אריינצושטעלן 737 מעקס פליגערס אויפן פלאץ פון די A320ס. לופטהאנזא גרופ האט 40 מעקס אכטערס וואס זענען אויף ארדער, אבער זיי האבן נאכנישט באשטימט פאר וועלכע עירליין זיי גייען עס געבן. די CEO זאגט אז אפשר וועט אוסטריען עס באקומען, ווי איידער זיי זאלן יעצט באשטעלן פרישע 320neo פליגערס.
---
א באזונדערע גוטע ארדער האט באואינג אויך אריינגעכאפט פון אל-על! די עירליין האט אריינגעגעבן א פארלאנג פאר א quote אויף א פלאטע פון narrowbodies סיי ביי באואינג און סיי ביי עירבאס א וויילע צוריק, און באואינג איז אריינגעקומען בעסער! אין א סטאק מארקעט פיילינג זעהט מען אז די עירליין ערווארט צו אנהייבן ערהאלטן דעליוועריס פון 30 מעקס פליגערס אנגעהויבן פון יאר 2027, אבער דערווייל וועלן זיי שוין אנהייבן ליעסן די מאדעל כדי אנצוהייבן די איבערפרישונג פון זייער פלאטע וואס האט נאכנישט פון די סארט אין איר.
---
אבער למעשה האט די באואינג קאמפאני רעקארדירט בלויז 4 קארגע פליגערס באשטעלט אין די חודש מאי למספרם, דאס איז געווען אן ארדער אויף 4 דרימליינערס פון EVA עירליינס. דאגעגן עירבאס האט געהאט 27 ארדערס.
---
ווארשיינליך די גרעסטע דעליווערי וואס עירבאס האט געמאכט אין די לעצטערע חדשים, איז די דעליווערי פון די איקאנישע מאדנע-אויסזעענדע Beluga XL פליגער וואס די עירליין נוצט צו טראנספארטירן טיילן פאר זייערע ווייד-באדיס פון פלענט צו פלענט. זיי האבן דעליווערט צו זיך אליין די זעקסטע און לעצטע פון די סארט, און זיי פלאנען עס צו האלטן פאר ארום 30 יאר!