לכבוד ממלכת התורה עוז והדר
פון טיפן הארצן וויל איך דא אוסדרוקן מיין פולסטן הכרת הטוב, פאר אייער טייערע און הערליכע ארבעט וואס איר טוט כסדר מיט די תורה וועלט.
בפרט האב איך גאר שטארק הנאה פון אייער אנהייבן איבערצוזעצן ספרי חסידות, וואס נוסף צו די שווערע ארבעט וואס איר לייגט אריין דערין, האט איר אויך אויפגעמאכט מיינע אויגן, און מיט פינטלען די ספרים האט איר געמאכט אז איך זאל ח"ו מער נישט מאכן די אמעראצישע טעותים וואס מיינע עלטערן האבן געמאכט אלע יארן, און איך אליין בין אויך נכשל געווארן דערין ליידער.
ווי למשל, אנשטאט וְכֵיוָן מיט א ציר"י פלעג איך אלס זאגן וְכִּיוְן, אדער אנטשאט מקבלין שָׂכָר פלעג איך ליידער אלס זאגן שְׂכַר, אדער אנשטאט די ווארט "עיין במדרש" וואס אפילו דער בני יששכר אליין האט זיך טועה געווען און געשריבן מיט צוויי יו"ד'ן האט איר אונז געראטעוועט און געשריבן מיט איין יו"ד. און נאך פיל אזעלכע.
איין זאך שטערט מיר נאר זייער שטארק. אזויווי איך איז דא נאך טויזענטע אנדערע וואס קענען נישט ריכטיג לערנען אן נקודות, און דערפאר טאקע האט איר דאס מנקד געווען פאר אונזערט וועגן, טא פארוואס האט איר נישט מנקד געווען אויך די הערות וואס אגב פארנעמט רוב פונעם עמוד??...
אויך וויל איך זאגן אז איך ווארט זייער שטארק אויף די נייע חידושי הרשב"א המנוקד, און חידושי רבי עקיבא איגר המנוקד, ביטע לאזט נישט ווארטן צו לאנג.
מיט שעצונג
[נאמען געהיט]