Re: שיינע בילדער וואס איר האט אליין גענומען
גערעכט.עלטעפעטער האט געשריבן: ↑ מיטוואך יולי 17, 2024 11:01 amWOW!!! זייער קלאר אריינגעקומען מיט'ן הסברהרב יואל קליין האט געשריבן: ↑ מיטוואך יולי 17, 2024 10:23 amPicture noise
למשל;
מ׳נעמט אסאך קליינע פיצי tube גלעזעלעך, יעדע גלעזל איז ברייט נישט מער ווי א פערטל אינטש און הויעך 2 אינטשעס. די אלע גלעזעלעך לייגט מען ארויף אויף א טאץ איינס נעבן צווייטן און מ׳שטעלט עס ארויס אין די רעגן אז וואסער זאל אריין גיין דערין.
רעגן רינט נישט ווי א סינק, נאר ליבערשט עס טראפט אויסגעשפרייט. ס׳איז דא פלאץ צעווישן איין טראפ און די צווייטע. ווען עס גיסט שטארק איז דא געניג וואסער אז יעדע גלעזל זאל באקומען טראפעלעך און זיך שנעל אנפולן.
ווען עס רעגנט שוואך איז מעגליך אז אסאך גלעזעלעך זאלן גארנישט באקומען אדער באקומען זייער ווייניג.
די זעלבע איז מיט לייט און א סענסאר. ווען ס׳איז דא ווייניג לייט און די סענסאר איז אפן ווייניג, וועלן זייער אסאך פון די פיקסעלס נישט באקומען לייט שטראלן אדער באקומען זייער ווייניג.
יעדע פיקסעל׳ס דידשיטעל וועליו ווערט געליינט צו ס׳האט וואס צו ליינען צו נישט. סאו די וועליו פון ליידיגע פיקסעלס ווערט סתם א קאליר. וואס הייסט קאליר נויז. ווען ס׳איז דא גאר ווייניג לייט זעהט מען די נויז פיל פיל מער.
אבער ס׳איז פאקטיש דא אסאך פיקסעלס וואס האבן יא באוויזן צו כאפן לייט שטראלן אבער זייער זייער ווייניג וואס דאס וואלט רעזאלטעט אין א ממש טינקעלע בילד. קומט די ISO און boost ארויף די וועליוס. אנשטאט זאגן אז די גלעזל האט נאר 2 טראפעלעך וואסער וואס מיינט טינקל, זאגט עס אז ס׳איז 20 טראפעלעך וואסער וואס מיינט ליכטיגער… די עפעקט דערפון איז גרעיני פּימפּעלס וואס הייסט אויך נויז.
ווען יעדע פיקסעל האט ווען כאטשיק געניג וואסער פאר א פולע בילד, נאר די בילד וואלט נישט געווען ״אזוי״ לעכטיג, נו… האט די ISO געזאגט אביסל ליגענט און געמאכט די בילד זאל זיין אויפן סקרין ״אביסל״ לעכטיגער. מ׳זעהט נישט קאליר נויז, און גרעיני נויז איז אויף א שוואכערע שטאפל וואס מ׳דארף זוכן. פארשטייט זיך געוואנדן וויפיל ליגענט די ISO זאגט…
אבער, דא דרייט מען מיטן גראבן פינגער… הני מילי אז מיט געניג לייט שטארלן איז דא א ריינע קריספי בילד אן קיין ISO ליגענט, איז נאר? ביי די פראפעשאנעל היי-ענד קעמרעס/לענסעס און סענסארס. משע״כ א אייפאון, פוינט ענד שאט, וכדומה, וואס די אלע סענסארס זענען לאו קוואליטי ביליגע סחורה, און שרעקליך פיצי און יעדע פיקסעל איז מייקראו מייקראו פיצי, און די לענס איז פיצי פיצי פיצי… איז מה יעשה הבן שלא יחטא?! ווען נישט די ליגענט פון די ISO וואלט ווען יעדע בילד געווען שווארץ!
מוז מען ארייננעמען די מאכטפולע קאמפיוטינג קראפט וואס א סמארטפון האט, און ניצן סאפיסטיקירטע נויז רידאקשן סאפטווער צו סעיוון דעם בילד, און מיט דעם אלעם ווען מ׳קוקט אביסעלע נענטער זעהט מען אז ס׳איז א אייפאון בילד… איז דאך זיכער אז א פוינט ענד שאט וואס האט טאקע א פיל בעסערע און גרעסערע סענסאר און מער א עכטע גרעסערע לענס ווי א אייפאון, אבער עס פעלט די קראפט פון די פּראעסעסינג און קאמפּיוטינג וואס א אייפאון האט, איז עס ווייטער א נויזי בילד!
און דאס איז די סיבה פארוואס א פאטאגרעפי קעמרע מיט לענס קאסט אין די טויזנעטער׳ס. און דאס איז די סיבה פארוואס מ׳דארף האבן די סקיל צו וויסן וויאזוי צו ניצן א פראפעסיאנאלע קעמרע און לענס.
אבער אפילו מיט פראו עקוויפמענט, ווען ס׳איז נישטא קיין גוטע לייט שטראלן, אדער אויב דארף די עקספאוזשער ספיד זיין שרעקליך שנעל ווייל די פייגעלע פליט זייער שנעל, דארף מען דאך ווייטער ניצן די ISO בלאף… האט אבער די פראו קעמרעס א מאכטפולע פּראסעסאר מיט קאמפיוטינג וואס קען אליין טאן נויז רידאקשן. הני מילי וועט מ׳כאפט די בילד אויף jpg, אבער ווען מ׳כאפט די בילד אויף א RAW פארמאט, וואס דאס איז וואס יעדע פּראו טוט, דארף מען דאך ניצן א קאמפיוטער מיט א Raw converter צו אהערשטעלן דעם בילד. ווייל RAW אליינס איז רויע וועליוס פונעם סענסאר. ניצט מען די קאמפיוטער צו קער נעמען פון די נויז. פאר א קאמפיוטער איז דא א רייע מיט נויז רידאקשן סאפטווער וואס קען פיל בעסער העלפן זאגן ליגענט…
און מיט די היינטיגע AI, ניצט מען אינפארמעישן פון ביליאנע בילדער צו קענען אפשאצן וואס די פיקסעל וואלט עכט געדארפט ווייזן אנשטאט די נויז, און עס ריפלעיסט עס מיט א אויפגעמאכטע קאליר לויט ווי עס שאצט אז עס וואלט עכט געווען…
ביטע סעוון דעם הסבר אויב נאך איינער פרעגט.
הצלחה.
א פיצי הוספה לגבי over exposure,
צוריק צום משל אויב די גלעזלעך ווערן איבערגעפולט קענסטו שוין נישט וויסן וויפיל סאיז אריין אין דעם, ווייל סגיסט שוין איבער.
די זעלבע ביי א סענסאר אויב אפאר פיקסלס כאפן אריין צופיל לייט וועט עס מער נישט קענען ווייזן וואס מען דארף דארט צו זען ווייל אלעס אין די over exposed געגנט ווייזן נאר 100% ליכטיגקייט.
↧
איך ברויך א סעילמאן פאר אונזער ביזנעס אין סקייטעק טעלעקאם.
ביטע מיר קאנטאקטן: [email protected] . לאמיר ביידע מאכן געלט בעזר השם!
איך ברויך א סעילמאן פאר אונזער ביזנעס אין סקייטעק טעלעקאם.
ביטע מיר קאנטאקטן: [email protected] . לאמיר ביידע מאכן געלט בעזר השם!
