איך קען עס נישט פירן מאשקע ווייל איך בין נישט קיין יארצייט טייפ אפ עי פערסאן, אבער אין 'אידישע וועלט' איז יעדן טאג פארהאן די יארצייט פונעם טאג, מן הסתם וועט קוועליא מסכים זיין צו קאפירן דעם יארצייט אהער, אז דער עולם זאל קענען מיטטיילן די ידיעות הנוגעים להצדיקים.
הרה"ק ר' ישראל מרוזין (בהרה"ק ר' שלום שכנא**) - איז געוועהן א תלמיד פון הרה"ק מאפטא זי"ע ער האט קודם געוואוינט אין רוזין, און צוליב רדיפות פון די רעגירונג איז ער אנטלאפען קיין סאדיגורא. ער האט נישט איבערגעלאזט קיין ספר, נאר פיהל ספרים זענען געדרוקט געווארן פון זיינע דברי תורה וואס זיינע תלמידים האבן פארשריבען, טייל פון זיי זענען עירין קדישין, כרם ישראל, אבן ישראל. דער רוזינער רבי איז נפטר געווארן ג' חשון שנת תרי"א לפ"ק, זי"ע ועכ"י.
מען בעהט ווער עס קאן זאל ביטע פון דא http://ladaat.net/forum/index.php?topic=5227.0 אהער ברענגען די גליון תפארת ישראל- טשארטקאוו, אדער דער גליון פון באיאן לכבוד די יארצייט דעם שבת קודש.
איינמאהל ווען הייליגער צאנזער רב זי"ע איז צוריקגעקומען פון הרב הקדוש מרוזין זי"ע האט אים דער קראקאווער רב הגה"ק ר' שמעון סופר זצ"ל געפרעגט אזא גאון און קדוש ווי אייך צו וואס דארפט איר פארן צו א רבי איר זענט דאך א גרעסערער גאון פון אים האט אים דער צאזנער רב געענפערט עס זענען פארהאנען צוויי בערג וואס זענען זייער חשוב (א) דער בארג סיני וואס דארט האט דער אויבערשטער געגעבין די הייליגע תורה פאר די אידען (ב) דער בארג המוריה וואס דארט האט יצחק אבינו אויסגעשטרעקט זיין האלדז, אז זיין פאטער אברהם אבינו זאל אים שחט'ן , פארוואס האט דער אויבערשטער אויסגעוועהלט דעם בארג המוריה צו בויען דארט דאס בית המקדש דער בארג סיני האט דאך די גרויסע מעלה אז אויף אים איז געגעבען געווארען די תורה הקדושה- דער תירוץ איז, אויף אזא פלאץ ווי א איד האט אויסגעשטרעקט זיין האלדז זיך צו לאזן שחט'ן פאר דעם אויבערשטען איז מער חשוב ווי דאס פלאץ ווי עס איז געגעבען געווארען די תורה. האט דער צאזנער רב אויסגעפירט גלויבט מיר קרקאווער רב אז ביים רוזינער האב איך געזעהן אז יעדע רגע איז ער גרייט זיך אויס צושטרעקען זיין האלדז צו ווערן גע'שחט'ען פאר'ן אויבערשטען . (ספר רבינו הקדוש מצאנז, ח"א דף ס"ט)
דער רבי ר' אליעזר פון דזשיקוב פלעגט יעדן ר"ה מאכן א מי שברך פאר די צדיקי הדור, לויט א קוויטל וואס זיין גבאי האט פון פאראויס אנגעגרייט לויט זיין באפעל, יארן לאנג פלעגט דער ערשטער אויף די ליסטע זיין ישראל בן חוה [דער הייליגער ריזשינ'ער] ערב ר"ה תרי"א פרעגט דער הייליגער דזשיקוב'ער דעם גבאי צו ער האט שוין גרייט דעם קוויטל מיט די צדיקי הדור, ענטפערט דער גבאי אז יא, פרעגט ער אים ווייטער און וועם האסטו געשריבן דער ערשטער ענטפערט ער ווייטער אז ווי שטענדיג האט ער געשריבן דעם ריזשינ'ער, זאגט אים דער רבי ר' אליעזר'ל דו טיילסט מיר שוין גיי שרייב איבער און שטעל חיים בן מרים [דעם צאנז'ער רב] צום ערשט און לייגט צו אז די ר"ת פון דעם צאנז'ער רב איז די זעלבע ווי דער נוטריקון פון מכלכל חיים בחסד.
סאיז אנגענומען אז ער דער רוזשין'ער איז אוועק שנת תרי"א. איך האב אבער באמערקט אין די שער בלאט פון עירין קדישון וואס איז איבערגעדרוקט געווארן און תשל"ד פון בית הספר אז דארט איז דערמאנט אז ער איז אוועק שנת תר"י איך וואלט זייער געוואלט וויסן וועלכע איז א טעות
ב''ה בשב''ק השבוע נפל ברעיוני לדבר פלא שאחר המלחמה העולמית השני' נתקבלו ''בכלל'' ישראל שני צדיקים שלא נולדו מגזע הצדיקים הקדמונים וכל בית-ישראל ענו אחריהם מקודש מקודש הרי הם האחד הרה''צ ר' אליעזר זוסיא זצ''ל פארטיגאל אב''ד סקאלעני והשני הרה''צ ר' חיים זאנוויל זצ''ל מריבניץ ושניהם השתייכו לבית רוזין כידוע .ובאו מרומני' העתיקה בוקאווינא .והיו מקושרים עד יום פטירתם לצדיקי בית רוזין . דבר שפולין וגליצי' והונגרי' לא הוציא .....זה סתם חומר למחשבה ......טו''ב אלו''ל תשס''ט
