אידישע וועלט פארומס

המשך

מיטל מזרח ווינטל האט געשריבן:

/

ש'כויח!
חיזקתני!

א מורא'דיגע מעשה

צעטל קלעבער האט געשריבן:

די וואך אין די פרשה (בראשית מ"ט כ"ב) זאגט רש"י הק' אז ווען עשיו איז געקומען צו יעקב האט יוסף הצדיק זיך געשטעלט פאר רחל אז עשיו זאל איר נישט זען. האט יעקב אבינו געזאגט פאר עשיו לפיכך זכית לגדולה.
קלער אריין. מ'רעדט דא פון עשיו וואס ס'שטייט אויף אים די ערגסטע זאכן, ער גייט איר מן הסתם נאך אפאר סעקונדעס סיי ווי זען (דאכצעך אז יעדער איז דורך און זיך געביקט), נאר וואס? יוסף הצדיק וויל אפהיטן אזא רשע פון זען א מראה אסורה, איין סעקונדע ווייניגער, די בילד זאל זיין אביסל ווייניגער קלאר....
אויייייי טראכט אריין וואס פארא נחת רוח דער רבוש"ע האט פון מיר יעדעס מאל איך קוק אוועק! יא! אפילו נאך'ן דורך פאלן מיליאנע מיליאנע מאל רח"ל, אבער יעדע קוק ווייניגער איז אין לשער און אין לתאר!!!

שטארקע חיזוק יישר כח

צעטל קלעבער האט געשריבן:

צוויי מורא'דיגע מעשה'ס

יישר כח

האסטו וועסטו האט געשריבן:

צעטל קלעבער האט געשריבן:

צוויי מורא'דיגע מעשה'ס

יישר כח

יישר כחכם!

האסטו וועסטו האט געשריבן:

Wow
די האסט מעשיות

יעדער האט. מ'דארף זיך נאר מתבונן זיין...

איינער ווייסט צו עס איז דא א ספר/ביכעל פון מעשיות פון רבי יונתן אייבשיץ די וויכוחים מיט די גלחים איבער אמונה?

viewtopic.php?f=151&t=59120&start=300#p4028474

זייער זייער שטארק

Wow wow

בס"ד

פונקט אויף די יארצייט פון ר' ישעי'לע זי"ע האט מיר איינער דאס צוגעוויזן - בעצם באקומט יעדער אויף הוצאות שבת לפי זיין דרגה - אבער אויב איינער וויל מער מכבד זיין דעם הייליגן שבת אדער טון מצוות צדקה הכנסת אורחים וגמילות חסדים וכדומה זענען פארהאן גאנצעטע כיתות מלאכים וואס וועלן זיך 'אנשטרענגען' און טון וואס זיי קענען אים צו העלפן!!! ווייל נאר פון דעם האבן זיי חיות.
אגב, בדידי הווה עובדא כמה וכמה פעמים, מיט א געוואלדיגע סייעתא בענייני צורכי שבת, איך וויל שרייבן אפאר דוגמאות:

יעדע וואך דאנערשטאג גייט מיין זון דורך די פיש געשעפט אויף'ן וועג אהיים פון חדר, און ברענגט אהיים אסאך גרויסע פיש וואס מיר באשטעלן פריערט אין טאג לכש"ק, איין וואך האט די געשעפט אייגענטומער אונז געזאגט אז מיר קענען מער נישט אויף שרייבן ווייל די חוב איז שוין צו גרויס, ווען מיין רעבעצין האט מיר געפרעגט וואס מ'טוט, האב איך איר געזאגט 'אין לנו על מי להישען אלא על אבינו שבשמים' קומענדיגע וואך שפאצירט מיין זון אריין אין שטוב מיט א ריזיגן פישל פון קרוב צו 10 פונט! ווען מיר האבן אים געפרעגט וואס איז די מעשה, זאגט ער: אויף'ן וועג אהיים פון חדר ווען איך בין אריבער נעבן די געשעפט, שטייט דארט דער אייגענטומער און שרייט צו מיר: צעטעלע! צעטעלע! קום אהער, איך האב דעם וואך באקומען א ריזיגן פיש'ל וואס פאסט פונקט פאר אייך....

א צווייטן מאל, האט מען שוין מיטוואך און דאנערשטאג עטליכע מאל פרובירט ניצן די קרעדיט קארטל אבער ס'שוין געווען מעקס"ד או"ט - פרייטאג בין איך ארויס איינקויפן, ארויף געלייגט דאם קארטל, געזאגט לכבוד שבת קודש און ס'איז אריבער! האט מיר געכאפט די זאך בין איך שוין געלאפן קויפן הערינג אויך, געזאגט לכבוד שבת קודש און ס'איז אריבער! בין איך געלאפן קויפן א נייעם טלית קטן, געזאגט לכבוד שבת קודש און ס'איז אריבער! (ניין ס'נישט פונקט געווען די דעיט וואס ס'קלערט.... ס'איז פשוט געווען סייעתא לכש"ק!)

ועוד הרבה כהנה וכהנה!

דערציילנדיג די אויבן דערמאנטע פאר מיין חבר שרוליק, זאגט ער מיר: הער, איך מוז דיר דערציילן, איך בין איין פרייטאג געשטאנען ביי די עי.טי.עם. מאשין, פאר מיר זענען געשטאנען עטליכע אידן אין רייע, און איין איד - גראדע א באקאנטער מיינער - האט פרובירט ארויס צו שלעפן געלט, אבער דער מאשין האט אים נישט געוואלט געבן... האט זיך דער שוטה וואס איז געשטאנען אונטער אים אנגערופן: נו, אז ס'נישטא איז נישטא.... (המקום ירחם עליו בתוך שאר... ישראל), האט דער באטראפענער אים געענטפערט: ניין! אז ס'נישטא וועט דער רבוש"ע שיקן!

ביי קבלת שבת אין שול, קומט דער באטראפענער צו צו מיר מיט א שטריילנדער פנים: שרוליק! דער באשעפער האט געשיקט! אפאר מינוט שפעטער קומט צו צו מיר א איד, און זאגט מיר, הייסט איר אפשר משה משהפאוויטש? 'יא' ענטפער איך אים, איר האט אפשר א קרידעריזעק געשעפט אויף די טויקעצירעל גאס? 'איך פלעג אמאל' ענטפער איך אים, ס'האט זיך ליידער פארמאכט פאר בערך אכט יאר צוריק... אההה!!! ברוך השם! איך זוך אייך שוין בערך צען יאר! איך בין אייך שולדיג 900 שקל (קרוב צו $300). עד כאן מפי שרוליק.

און אז מ'רעדט שוין פון שבת קודש, קען מען צו לייגן, אז אין די וויין געשעפט האט מיר אויך איין וואך דער ארבעטער געזאגט אז די חוב איז שוין צו גרויס און מ'קען מער נישט אויף שרייבן, קלינג איך אריין דעם אייגענטומער און איך זאג אים אז ער איז נישט מחוייב מיר צו פארבארגן, און אויב ס'איז אים שווער איז ער פטור, אבער אויב האט ער פשוט מורא קען ער זיין רואיג, ווייל דער רבוש"ע אליין איז ערב, 'לוו עליי ואני פורע' ער האט מיר ניטאמאל געלאזט אויס רעדן, נאר גלייך געזאגט אז איך קען רואיג אויף שרייבן, ווייל ער ווייסט אז איך קויף לכש"ק.

ווען איך האב אים שפעטער באגעגענט זאגט ער מיר, אז ער וויל מיר דערציילן עפעס: די ערשטע פאר יאר וואס איך האב געהאט די געשעפט האב איך פארדינט יעדן וואך א געוויסע סכום, אפאר דאלער ארויף אפאר דאלער אראפ, אבער בערך די זעלבע, איין וואך ביים זיך אהיים יאגן פון געשעפט נאנט צום זמן, האב איך געקלערט צו זיך, ס'פאסט דען אזוי? אנקומען די לעצטע רגע צום הייליגן שבת??? אומר ועושה, איך האב אויף'ן פלאץ געמאכט א קבלה אז פון קומענדיגן וואך און ווייטער מאך איך בלי נדר אלע הכנות דאנערשטאג נאכט, איך גיי נישט שלאפן פאר איך האב געטון אלעס וואס איך דארף טון אין שטוב לכבוד שבת קודש! שפעטער קען איך זיין אין געשעפט ביז שפעט (סך הכל שטייט אז איינער וואס נעמט אריין געסט און בעט געלט אויף דעם האט אויך די מצוה פון הכנסת אורחים - סך הכל טייל איך וויין פאר אידן לכבוד שבת קודש!).

וואס זאל איך דיר זאגן צעטעלע, פון יענע וואך און ווייטער - נישט א חודש און נישט א האלב יאר. נאר ממש יענע וואך! - האבן זיך די סעיל'ס געדאפעלט!! איך קען דיר ווייזן דעם עקסעל! יענע וואך איז 'פונקט' אריין געקומען איינער וואס מאכט א שמחה און געקויפט א ריזן קוואנטום, אבער פון יענע וואך און ווייטער איז עס סטעדי דאפלט מיט נארמאלע סעילס!!!....

ווער ס'פארשטייט, דאפלט סעילס, איז אסאך מער ווי דאפלט אינקאם, ווייל די רענט, לעקטער, פראפערטי טעקס, ארבייטער וכו' וכו' וכו' איז שוין געדעקט, די סעילס איז כמעט ריינע אינקאם נאך טעקס....

און ער איז ממשיך צו דערציילן אז ער האט א קאסטומער א סוחר וואס קויפט און פארקויפט אסאך סארט סחורות האללסעי"ל, וואס פלעגט אריין קומען יעדן פרייטאג, איין וואך מאנטאג קומט ער אריין צום געשעפט, פרעגט ער אים: מה יום מיומיים? איר מאכט א שמחה? ענטפערט דער קונה: ניין, איך האב מיר פשוט לעצטנס געמאכט אזא מנהג יעדן טאג צו טון כאטש איין פעולה לכבוד שבת קודש, און היינט בין איך געקומען קויפן די וויין, און ער לייגט צו, אז הגם ער האט נישט קיין קלארע עקסעל צו ווייזן דערויף, אבער זינט ער האט אנגעהויבן טון דעם מנהג, זעט ער א געוואלדיגע סייעתא דשמיא אין זיינע געשעפטן, דא באקומט ער 'פונקט' עפעס אויף ביליג, דא פארקויפט ער 'פונקט' עפעס אויף טייער וכו' וכו'....

אידן! לוו עליי ואני פורע! אז מ'וויל באמת וועט זיין גענוג און נאך! אויף, שבת קודש, אויף גמילות חסדים און אויף אלע מצוות! מ'דארף נאר וועלן...

בס"ד

אן אמת'ע פאון קאלל וואס איך האב געהאט מיט מיין טאטען זז"ג א תקופה צוריק:

טאטע זז"ג: צעטעלע טייערער, איך וויל זאלסט גיין אויף א געשמאקען וואקאציע.
צעטעלע: איך אויך!
טאטע זז"ג: האסט נישט פארשטאנען, איך וויל דיר עס אויסצאלן! זוך אפיר א שיינעם ערליכן פלאץ און באשטעל די בעסטע אויף צוויי וואכן אויף מיין קאסטן! פייוו סטאר!
צעטעלע: אםםםם... איך ווייס נישט וואס צו זאגן... עההה... איך עפרישיעיט עס ממש, אבער טאטע טייערער, ס'איז ממש נישט שייך, וואס וועל איך טון מיט די קינדער?
טאטע זז"ג: באשטעל בעיבי-סיטערס וכו' און שיק מיר א בילל!
צעטעלע: טראנספארטאציע איז אויך נישט ביליג טאטע.
טאטע זז"ג: צעטעלע! האסט נאך אלץ נישט פארשטאנען? באשטעל רייזע-בילעטן, באקוועמע קארס וכו' און שיק מיר א בילל.
צעטעלע: וואוו! איך דאנק דיר ממש טאטע, אבער איך קען זיך נישט ערלויבן צו נעמען אורלויב פון די ארבייט אויף צוויי וואכן, איך דארף די געלט צו דעקן מינימאלע שטוב-הוצאות...
טאטע זז"ג: צעטעלע! וויפול באקומסטו א שעה ביי די ארבייט? מאך א חשבון פון אלע שעות פון די צוויי וואכן, פון די רגע וואס די פאנגסט אן מאכן טעלעפאון קאללס צו באשטעלן דעם פלאץ, ביז 8 אזייגער אינדערפרי די טאג נאך וואס דו קערסט זיך אום פון די וואקאציע - יא! אויך די שעות וואס דו שלאפסט דארט! - און שיק מיר א בילל, איך גיי דיר באצאלן דאפלט וואס דו פארדינסט נארמאל א שעה!
צעטעלע: איך איך איך ווייס נישט וואס צו זאגן.....
טאטע זז"ג: דארפסט גארנישט זאגן, איך וויל נאר זאלסט מיר צוריק רופן אז אלעס איז ערלעדיגט!
צעטעלע: טאטע, פארוואס טוסטו דאס?
טאטע זז"ג: ווייל איך וויל דו זאלסט וויסן ווי שטארק איך האב דיר ליב!
צעטעלע געשטיקט אין טרערן: ..........(ווערטער-לאז)..............

איך האב נישט געקענט רעדן פאר אפאר מינוט! איך בין באמת געווען אין שאק! און איך האב זיך אנגעפאנגן מתבונן זיין:
דער גרויסער טאטע באגיסט דאך אונז מיט גוטס יעדן רגע, על כל נשימה ונשימה תהלל קה! ר' אביגדור מיללער האט אמאל געוויזן איינעם א האלב-פולן-גלאז, און געפרעגט: וואס זעט איר דא? יענער האט מיט א זיכערקייט גע'ענטפערט: א האלב 'פולן' גלאז...
האט אים ר' אביגדור גע'ענטפערט: איר האט א טעות! אויב זעט איר א 'האלב' פולן גלאז, מיינט עס אז איר אנערקענט אז ס'דא נאך א האלב וואס איז פארט ליידיג, אבער דאס איז א גרויסער טעות!
נעם א רגע א גרויסן טאפ און פול עס אן מיט וואסער, יעצט שטעק אריין דיין קאפ אין דעם פאר פינוף מינוט.
נאך בערך א מינוט האט יענער ארויס געשטעקט זיין קאפ זיך כאפענדיג דעם אטעם, רבי ס'נישט שייך! איך דארף לופט! - זאגט אים ר' אביגדור: איר זעט? די צוויטע האלב גלאז איז געווען פול מיט עפעס אסאך וויכטיגער ווי וואסער - לופט!

דער רמב"ם רופט די תרי"ג מצוות = תרי"ג עצות, ווייל דער גרויסער גוטער טאטע האט אונז פשוט געגעבן 613 עצות ווי אזוי זוכה זיין צו א גוטן לעבן בזה ובבא, אבער ס'איז אים נישט גענוג, ער וויל אונז ווייזן ווי שטארק ער האט אונז ליב , שטעלט ער אונז נאך צו אלע צוגעהערן ארום און ארום, און גיבט אונז נאך שכר פארן טון די מצוות אויך! ס'איז דאך אומדערהערט!!!!!

לאמיר נעמען מצוות תשובה פאר א דוגמא:
א מענטש האט זיך אריינגעבראכן ביים קעניג אין פאלאץ און בא'גנב'עט פון דארט די שענסטע כלים, מיט די כלים איז ער געגאנגען אונטערקויפן און איבער-רעדן אנדערע צו ווידערשפעניגן אינעם קעניג, (א איד דרייט זיך מיט די הייליגע אברים וואס דער ממ"ה אליינס האט אים געשאנקען, און קוקט/רעדט/טוט חלילה נגד רצונו יתברך), און דער קעניג גיבט אים די מעגליכקייט אים איבער צו בעטן, און נישט נאר דאס! נאר אויב וועט ער מאכן א סעודה, און זיך מודה זיין מיט א שיינעם ניגון פרייליכערהייט, איז נישט נאר דאס וואס דער מלך איז אים מוחל אלעס, נאר ער גייט אים נאך צו געבן כהנה וכהנה אויף דעם וואס ער איז זיך מודה, און נאך אסאך אסאך מער אויב טוט ער עס מיט שמחה, (מצוות תשובה איז אויך איינס פון די תרי"ג מצוות! און א מצווה בשמחה איז פילפאכיג מער...) - ס'איז דאך אומדערהערט! נאר וואס? ווען איך בין דיר מגלה אז דער גנב-ווידערשפעניגער איז דער פרינץ - דעם קעניגס איינציג באליבט קינד - פארשטייסטו אז דער קענייג האט אים אזוי שטארק ליב, אז אלעס שטומט שוין!

וואה מורא'דיג

דו ביסט גיט!!!