אזוי אויך, א ניגון איז געשטעלט אויף אלטע געפילן און תנועות, מען דרייט דאס רעכטס און לינקס צומאל איז איז מען בלא יודעים משנה שינוי השם (די ווערטער) און שינוי מעשה (מען מאכט פון שטייט שנעל און פון שנעל שטייט) און דער ניגון קען אויסקומען זייער שיין.
אויך קען טאקע זיין ביי ר' יו"ט ערליך, אז ווען ער וויל פארציילען א אידישע מעשה פון א רוסישער גענעראל וועט ער נוצן תנועות פון די רוסישע מיליטער א שטייגער ווי דער צוציק ניגון. דאס איז נישט קיין חסרון, אבער ניגונים וואס זענען געמאכט געווארן לשם פריצות, און דער היימישער שומע נעבעך האט הנאה געהאט ווייל זיין געפיל איז ליידער דארט קאנפטעבל , (ה' יערה עליו רוח טהרה ממרום, וינקום לעינינו נקמת דם היוגנט השפוך) איז דאך א געפערליכער פארברעך אין פולן זין פון ווארט דאס אריבער צו ברענגען צו אונז.
א גוטער ניגון איז א מתנה פון הימל, אזוי ווי ר' משה גאלדמאן האט דערמיט געלעבט, מען קען נישט נעמען סתם אבי צו מאכן טעיפ'ס, איי ער מאכט געלט? עס איז נישט מקושר יש עושר שמור לבעליו לרעתו.
אונזערע רבנים האבן א סייעתא דשמיא, ערגעץ וואו וועלן שוין די חברה דורכפאלן אז די רבנים זאלן קענען אנווייזן אז ווער עס האט נאר מטהר געווען ניגוני חגבים _שרצים בק"ן טעמים האט שלעכט אפגעשניטן.
למעשה זאל זיך יעדער שטארקן, ווער עס האט א געפיל אין נגינה זאל מחדש זיין ניגונים, און נאר די גוטע זאל ער ארויסגעבן,
והוא פלאי האט געשריבן:
אין צאנז איז דא א ניגון וואס ר' מאיר אביש בראנסדורפער ז"ל דער צאנזער רב'ס בעל מנגן האט געהערט אין די קאזארמע אין צאנז, עס גייט מיט א גאנצע מעשה. למעשה זינגט מען דאס אין באבוב אויף אין כאלקינו ביי שלש סעודות, (דער וואס גייט ווי א מארש)
די מעשה גייט אז ווען ר' מאיר אביש האט עס געזינגען פארן דברי חיים האט ער תיכף דערשפירט אז עפעס טויג נישט מיטן ניגון, און ער האט אים געפרעגט פון וואנעט עס שטאמט? האט ר' מאיר אביש אויסגעזאגט דעם אמת אז ער האט עס געהערט אין די קאזארמע. האט אים דער דברי חיים עס געהייסן איבערזינגען, און ווען ער האט געענדיגט האט דער דברי חיים געזאגט: מקודש!
איך האב געהערט פון א איד אין וומ"ס אז הרב פאדווא זצ"ל פון לאנדאן האט זיך אמאל אונטער געזינגען די ניגון מקימי פון שלמה'לע. האט אים דער זון ר' יושע העשיל געפרעגט עס איז דאך קארלבאך'ס א ניגון? האט ער דערציילט די אויבענדערמאנטע מעשה פון צאנזער רב, און תיכף דערנאך האט ער זיך נאכאמאל גענומען זינגען מקימי.
דאנציגער האט געשריבן:
ס'דא לעצטענס א ריזן 'פאפ זינגער' א יונגאטש 'דזאסטן ביבער', זיין בעסטע ניגון דערווייל איז 'בעבי', איך האב עס פונקט געוואלט הערן, און שבת איז מיר אויפגעקומען די תנועה, און איך האב עס געזונגען אויפן חסידישן שטייגער אן די ווערטער, זאגט מיר איינער ס'קוקט אויס א געשמאקע ניגון, וואס איז דאס חב''ד ברעסלאוו אפשר ספרדיש, ס'הערט זיך גראדע הארציג און נישט ווילד, און ווי איך זאג עהם ס'איז א גויאישע ניגון, קוקט ער מיר אן פון לבנה. זאג איך עהם, זינג מיר נאר דעם ניגון פון מיכאל 'סימן טוב ס'איז א גוטע שידוך, און זאג מיר צו ס'הערט זיך נישט ווי א היינטיגע גויאישע ניגון, אלא מאי, יש ויש ס'דא גויאישע וואס הערן זיך היימיש און יודישע וואס... חחחח וואס?
דאנצי דערמאנטס מיך ווען איך בין געווען א בחור, און מיין ראש ישיבה פלעגט האקן אויף די טריפה'נע ניגונים, מען האט נאך דעמאלטס נישט געוואוסט פון שמעלצער, דעמאלטס זענען די סטארס געווען מרדכי בן דוד און אברהם פריעד, און מיין ראש ישיבה האט אמאל בתוך הדברים געזאגט "א ניגון פון נישט א אויסגעהאלטענעם מחבר דערקענט מען אויף די מינוט" א וואך שפעטער איז פארגעקומען א מסיבת כ"א כסלו, און די בחורים האבן געוואלט פרובירן דעם שמעק פונעם ראש ישיבה, און מען האט געזינגען דעם ניגון "ואנחנו כורעים ומשתחוים ומודים לפני ממ"ה הקב"ה" איך האף דער עולם כאפט פון וועלכע ניגון איך רעד, ס'איז אדער מרדכי'ס אדער אברהם'ס, ס'גייט אזוי אביסל שטייט-שנעל, און די בחורים הראבן עס געזינגען אזוי מער שטייטער, און אונזער ראש ישיבה האט זיך אריינגעשאקלט מיטן גאנצן התלהבות, און מיר האבן זיך געהאלטן ביי די זייטן פון זיין חוש הריח. ס'איז ווי דאנצי זאגט, ס'ווענדט זיך ווי אזוי ס'ווערט סערווירט
איתא בספר דגל מחנה אפרים בשם הבעש"ט ז"ל שכל הניגונים מאומות העולם צריכים ישראל ליקח. וגם אאז"ל היה אומר תמיד שכל החכמה וכל הידיעה מאומות העולם צריכים ישראל ליקח לעצמם. גם שמעתי שהמגיד מקוז'ניץ ז"ל היה מנגן אחד מי יודע בלשון האומות". [אמרי אמת ליקוטים]
איך ווייס נישט צו ער האט מקדש געווען זיינע ניגונים, אבער זיי זענען אלע ריינע ניגונים, אמאל זענען די גוים געווען אביסל איידעלער ווי היינט, און אפי' היינט מיין איך, אז ערגעץ וואו איז נאך פארהאנען גוי'אישע נגינה, וואס איז נארמאל, און אקצעפטירבאר
איך בין אמאל אריין אין בית רחל חתונה זאל נאך אלס בחור, פאר די קבלת פנים ווען ס'געזעסן דארט א רוסישן גיטאר שפילער, אזוי שמוסען דיג מיט עם האט ער זיך אינער געשפילט די כל נדרי ניגון פון ר' יו"ט ערליך, און איך פרעג עם וויזוי קענסטו דעם ניגון, קוקט ער מיך אן, וויזוי "קענסטו" דעם ניגון? זאגט ער אז סיז אן אלטן רוסישן ניגון, און זייטס נישט סופרייזט אז ווען כהאב אונגעהויבן צו זינגען יאקאב ניגון, האט ער עס שיין צו גענדיגט ווי א זקן ורגיל, אויך א רוסישן ניגון זאגט ער מיר,
נו זעהט מען שוין, אבער ווי מהאט שוין געשריבן אז די גוים זענען געווען נארמאלער און די תנועות זענען נישט ציווילדעוועטע תנועות