אידישע וועלט פארומס

El Rushbo האט געשריבן: אזוי ווי איך נוץ די מקוה פון איין קהילה א גאנצע וואך, און שבת נוץ איך די מקוה פון אן אנדערע קהילה, האב איך אלץ געקלערט אז איך בין פטור פון צו צאלן מקוה געלט פאר די שבתדיגע מקוה וויבאלד זיי טארן דאך נישט רעכענען פאר שבת, און ערב שבת גיי איך נישט דארט אז זיי זאלן קענען רעכענען דאפלט, האב איך לעצטענס באמערקט א צעטל אין איינע פון די שולן וואס דער מקוה איד האט אויפגעהאנגן אז עפ"י הלכה איז מען מחוייב צו באצאלן מקוה געלט פאר שבת.

ווייסט איינער אויב דאס איז ריכטיג ?

דריידל האט געשריבן: איך ווייס נישט וואס די הלכה איז לגבי בעטן געלט פאר ניצן די מקוה שבת, אבער ניצן א מקוה אומבאצאלט איז זיכער נישט ריכטיג. טאמער קענסטי נישט גיבן די פאר טאלער א יאר פאר א ביהמ"ד וואס ביסט נהנה דערפון, זאלסטי נישט גיין דארט.
כ'שטעל מיך פאר אז די צעטל איז נישט געגאנגן געווארן בלויז פאר דיר;ס'זענען מסתמה דא נאך אזעלכע ווי דיר וואס קומען און צאלן נישט און דאס שטערט פאר די וואס צאלן יא. און דאס איז זיכער אז א מ'מוז נישט לאזן א צווייטן זיך באניצן מיט דיין חפץ אומבאצאלט, אפילו שבת.

לכאורה האט געשריבן: גם אני בחלומי... איך נוץ צומאל שבת און יום טוב א נאנטערע מקוה ווי דאס וואס איך נוץ א גאנצע וואך, און איך פלעג האבן א 'דעזיגנעיטעד מקוה-גייער', א צווייטער אינגערמאן וואס גייט א גאנצע וואך אין מיין שבת'דיגע מקוה און שבת גייט ער אין מיין וואכנדיגע, און מיר גלייכן זיך אויס שוה בשוה...

לאנדאן שטופער האט געשריבן: אין נודע ביהודה איז שוין דא א תשובה וועגען דעם, למעשה בלייבט ער אז ס'איז מותר ווייל אויף די הוצאות האנטוך, הייצונג וכדו' איז פשוט אז מען מעג און די איבעריגע איז שכר שבת בהבלעה וואס איז מותר אדער לצורך מצוה איז מותר

El Rushbo האט געשריבן: Hi class.
לויט דיר קומט אויס אז 2 מענטשען טארן נישט מאכן קיין שותפות אין א מקוה מעמבערשיפ ? איך גיי 15 טעג דא און די דארט, און נאכדעם איז ונוהפוך ?
אפשר איז פשט אז זיי געבן א פעקעדזש פון עקס אמאונט פון מקוות פאר 24 דאלאר א חודש ?


לגבי דיין צווייטע טענה, ער האט דאך געגנבט פון קהילות אבג און ער גיבט זיין נדבה פאר די זעלבע קהילה. וואטס די פראבלעם ?
די מקוה איז נישט דעם מקוה איד'ס פריוואטע אייגענטום !

צו געזונט האט געשריבן: סאטמאר רב האט נישט געלאזט אפזאגען פון נוצען די מקוה. אבער מען האט נישט קיין רעכט צו נוצען סיי וואס אויסער דעם בור. נישט קיין האנטוך, שאוער ETC

דריידל האט געשריבן: די כולל פרייז איז א באזינדערע שקאנדאל. ממ"נ טאמער דעקט זיך די מקוה קאסטן מיט ווייניגער פון די געהעריגע חודש פרייז, פארוואס רייסטי געלט פון אידן וואס ארבעטן צו פארדינען א כשר דאלער. טאמער דעקט זיך עס נישט, פארוואס זאל מען גיבן א הנחה פאר א כולל יונגערמאן? יעדער כולל יונגערמאן גיט עפעס צדקה, פארוואס זאל עס נישט גיין פאר די שול וואס ער ניצט?

hi class האט געשריבן:

צו געזונט האט געשריבן: סאטמאר רב האט נישט געלאזט אפזאגען פון נוצען די מקוה. אבער מען האט נישט קיין רעכט צו נוצען סיי וואס אויסער דעם בור. נישט קיין האנטוך, שאוער ETC

דיינע ווערטער האט נישט קיין דעקונג לפי ידיעתי, עס איז געווארן אויסגעטראפן דורך כיטרע אידן וואס האבן געוואלט געניסן פון אמזונסטיגע פארגעניגן...

אמת סאטמאר רב האט אריינגעלייגט גרויסע כוחות מרבה צו זיין טהרה בישראל, און איינגעארבעט א וועלט אז אין אמעריקע זאל אין יעדן דאווענען צענטער זיין א מקוה, נישט וואו אינדערהיים - ארץ ישראל ווי עס געפינט זיך א זעלבסשטענדיגע מקוה, כדי אז יעדע איד זאל אנהייבן דעם טאג מיט א מקוה, וואו עס איז באוואוסט זיין ווארט אז היינט צוטאגס ווען דו גאס איז אזוי שמוציג וואלט יעדער איד געדארפט האבן א מקוה אין טאש...

אבער פרעג די קורות הדורות וועסטו געוואר ווערן אז דער רבי האט זיך געלאזט קאסטן עפרות זהב פאר א מקוה נישט נאר בלויז 2$ וואס אגב די פרייז האט זיך נאך נישט געטוישט זייט די כ-ל יארן

יא דער רבי האט שטענדיג אנגעזאגט די מקוה איד נישט אומבאקוועם צו מאכן א איד ווען ער דארף גיין אין מקוה צוליב געלט. אבער דער רבי אליין האט געזאגט אז "א מקוה אן קיין געלט איז קיין מקוה נישט"

El Rushbo האט געשריבן: Hi class.
האסט נישט גענטפערט אויף מיין ערשטע טענה, אז זיי פארקויפן א געוויסע סכום מקוה'ס פאר א ספעציפישן סכום, און דער בייער מעג עס לכאורה געבן פאר וועם ער וויל, .