אידישע וועלט פארומס

גליון משנתו פרשת ויצא

[align=center] מאַסיווער אויפבליצנדער
בלענק טשעק 1-2-3
ראַפעל ערוואַרטעט פאַרכאַפּט צו
ווערן דורך פלייץ פון קונים [/align]

[align=center] געווינער פון 20 דאלאר'דיגער "בלענק טשעק ראפעל" וועט באקומען אויסגעצאלט די הוצאות פון 1 חודש, מיט אפציעס צו העכערן פרייז אויף ביז געווינען 3 אויסגעצאלטע חדשים! – באזונדערע 'צווייטע הגרלה' אויף הערליכער מאיעסטעטישער וויין פלאש לכבוד שב"ק ויו"ט – גאנצע הכנסה איז מוקדש פאר די גרעסטע "פדיון שבויים" אפעראציע להצלת יהדות ארה"ק משמד הצבא הציוני "מרכז עזרה ויעוץ" [/align]


מיט גרויס ענטוזיאזם און ערווארטונג ווערט אויפגענומען די מעלדונג פון די הויפטקווארטירן פון הנהלת מרכז עזרה ויעוץ בארה"ב, אז זיי גרייטן זיך ארויסצוקומען מיט אן ערשטמאליגער גרויסארטיגער ראפעל, וועמענס הכנסה ווערט געווידמעט צו פאנדן דעם הייליגן מרכז.

נאך עטליכע חדשים צאלן דאס געהאלט צייטליך און דעקן חודש'ליך דעם בודזשעט, אדאנק די געוואלדיגע התלהבות'דיגע השתתפות פון תלמידי וחסידי סאטמאר ביים בארימטן "נפש אחת" קאמפיין בס"ד, איז מען אצינד אין ליכט פון די דראסטיש-געשטיגענע הוצאות שוין אנגעוויזן אויף פרישע פאנדן צו קענען פאראויסגיין אין די קומענדיגע חדשים – ביז צום יערליכן זומער קאמפיין – מיט די הייליגע ארבעט מיט הרחבת הדעת, אז געלט זאל חלילה נישט זיין קיין אפהאלט פון קענען אפראטעווען נפשות מישראל מצפרני הרשעים עוקרי הדת.
ס'איז שוין היינט א ברייט-באקאנטער מציאות אז דער גרעסטער ברייט-פארצווייגטער אפעראציע אין ארה"ק וועלכע איז עוסק אך ורק להצלתן של ישראל מיט מסירות נפש ממש, איז דער וועלט-בארימטער "מרכז עזרה ויעוץ שע"י העדה החרדית".

די קריטישע וויכטיגקייט און קאלאסאלע רעטונג וואס דער מרכז באדייט פאר יהדות ארה"ק איז שוין היינט פאר קיינעם נישט קיין ספק. עס איז שוין ברייט באקאנט די אויסטערלישע פעולות ההצלה וואס ווערט געטון דורך די מסירת נפש'דיגע מצילים, וועלכע ארבעטן פון אלע 6 ווינקלען 'רונדע די וועלט': ירושלים, בני ברק, בית שמש, צפת, פראנקרייך און אמעריקע, איבעראל איז מען פארנומען 'רונדע דעם זייגער' יום ולילה לא ישבותו למען הצלת בחורי ישראל.

טויזנטער בחורים ווערן געראטעוועט יערליך דורך די העראאישע מצילים אינערהאלב דעם מרכז, און יעדע ווענדונג פון א בחור אדער אינגערמאן פון סיי וועלכער קרייז און שטרעמונג וועלכער קומט בעטן הילף אויף זיך ארויסצוזען פון די הענט פונעם צבא הכפירה והשמד, ווערט באגלייט מיט גרויס געניטשאפט און געטריישאפט. ס'ווערט אריינגעלייגט די מאקסימום כוחות פאר יעדן באזונדער אים אדורכצופירן די שטורמישע וואסערן, און פארזיכערן זיין גענצליכער באפרייאונג בעזר שמו יתברך.

דער עול פון די אסטראנאמישע קאסטן וואס די פעולות ציען אריין, ווערט געטראגן דורך די געטרייע איבערגעגעבענע הנהלת המרכז בארה"ב, ווען מדי חודש בחדשו ווערט דורך זיי צוגעשטעלט די פולע קאסטן וואס פארלאנגט זיך פארן אויפהאלטונג פונעם מרכז, און די הנהלה מוטשעט זיך אויסטערליש צו קענען נאכקומען די אומגעהויערע קאסטן וועלכע שטייגן כסדר, צוליב די ריבוי הפעולות וואס ווערט אריינגעלייגט דורך די איבערגעגעבענע מצילים.

ספעציעל זענען לעצטנס גאר שטארק נתרבה געווארן פעלער פון ספרד’ישע בחורים וועלכע קומען אן צו די אפיסעס צו באקומען באצייטנס די ריכטיגע הילף ב”ה, צוליב די עפענונג פונעם נייעם פיליאלע אין ’פראנקרייך’ אונטער די פירערשאפט פון א חשוב’ן ארטיגער עסקן, דערווייל א וואלונטיר, וואס דאס האט פון איין זייט געברענגט א געוואלדיגע דערלייכטערונג פאר די בחורים וועלכע רייזן צווישן פראנקרייך און ארץ ישראל, און ווערן זייער אפט פארפלאנטערט מיט די חוקי סדום פון די טמא’נע ציוני’סטישע מיליטער, אבער פון די צווייטע זייט האט דאס פילפאכיג פארמערט די ארבעט שעה'ן אין די אפיסעס און די לויער-קאסטן פיל מער ווי ביז היינט.

צוליב דעם אלעם, האבן די חשוב'ע חברי הנהלה מחליט געווען ארויסצוקומען צום ציבור מיט'ן מעכטיגן 'ראפעל קאמפיין', וואו פאר בלויז קליינע נדבות אנגעהויבן פון 20 דאלאר ווערט פארגעלייגט דער גאר רייכער געווינס פון א "בלענק טשעק"! דער גליקליכער געווינער וועט באקומען אויסגעצאלט גענצליך זיינע חודש'ליכע הוצאות פון איינס, צוויי, אדער דריי חדשים, געוואנדן לויט'ן סכום פונעם השתתפות.

דערצו ווערט אויך צוגעשטעלט די צווייטע הגרלה אויף א גאר הערליכע פראכטפולע זילבערנע וויין פלאש פון די בארימטע 'העריטעדזש סילווער', וואס וועט צוגעבן פראכט און גלאנץ פאר'ן שבת טיש אויף א גאר מאיעסטעטישער פארנעם, לכבוד שבת מלכתא.

דער מאסיווער "ראפעל קאמפיין" אנטשפרעכט צו ברענגען א שטארקע אינטערעסע ביים ברייטן ציבור, און די איבערגעגעבענע חברי הנהלה אינאיינעם מיט די געטרייע מצילי כלל ישראל אינערהאלב דעם הייליגן מרכז קוקן ארויס אויפ'ן השתתפות פון טויזנטער שלומי אמוני ישראל, צו קענען ממשיך זיין מיט די עבודת הקדוש ביתר שאת ויתר עוז, שטייענדיג אויפן פראנט קעגן די רשעי ישראל וועלכע לאקערן אויף יעדן בחור וואס ווערט פארפלאנטערט מיט סיי וועלכע מינדערוויכטיגע רעגולאציע, און זיי זוכן ח"ו אפצורייסן די אידישע בחורים מחיק אביהם שבשמים שלא יזכר שם ישראל עוד, חס מלהזכיר.

און בסייעתא דשמיא, אדאנק די געטרייע שלוחי כלל ישראל וועלכע שלאגן זיך מיטן שונא פנים אל פנים אז זיי זאלן נישט קענען ח"ו מוציא זיין זממם הרע מכח אל הפועל, ווערן די בחורי ישראל אפגעראטעוועט פון אריינפאלן אין זייער נעץ גלייך ווען זיי ווענדן זיך צו די מצילים, ואשרי חלקם פון די וועלכע נעמען א חלק אין די הייליגע פעולות, זיך איינהאנדלנדיג דערמיט דעם געוואלדיגן זכות פון הצלת נפשות מישראל.

כל המציל נפש אחת מישראל כאילו קיים עולם מלא!

מעלדונג פאר בעלי מסחר:
איר וועט קענען קויפן די ראפעל אין דעם אימעיל
דורך אריינלייגן אייער קרעדיט קארד גלייך צו די
"פידעליטי" פראסעסינג פירמע
פאלגט נאך!

ווער איז די געווינער?

אדיר איום האט געשריבן: ווער איז די געווינער?

אויף קול מבשר מעלד מען אז דער גורל וועט הערשט פארקומען היינט נאכט

פורים

איינער ווייסט אפשר פון וואס מ'רעדט?
איינער קען אפשר ברענגען די נייע גיוס פארשלאג באזירט אויף חוק ליבערמאן?
איך זיך מיט לעכט עפעס אינפארמאציע...

דערווייל האב איך נאר געזען אז זיי האבן אראפגענומען די גיל הפטור, וואס האט נישט קיין דירעקטע שייכות מיט א נייע גיוס געזעץ, און אז א נייע גיוס געזעץ גייט ווערן אויסגעארבעט דורך א פרישע קאמיטע און די פארשלאג פארן געזעץ וועט זיין אין א יאר מיט דריי חדשים ארום?

זילבערווערק האט געשריבן: איינער ווייסט אפשר פון וואס מ'רעדט?
איינער קען אפשר ברענגען די נייע גיוס פארשלאג באזירט אויף חוק ליבערמאן?
איך זיך מיט לעכט עפעס אינפארמאציע...

דערווייל האב איך נאר געזען אז זיי האבן אראפגענומען די גיל הפטור, וואס האט נישט קיין דירעקטע שייכות מיט א נייע גיוס געזעץ, און אז א נייע גיוס געזעץ גייט ווערן אויסגעארבעט דורך א פרישע קאמיטע און די פארשלאג פארן געזעץ וועט זיין אין א יאר מיט דריי חדשים ארום?

טרעף איך דא א מקור צו מיינע אויבנדערמאנטע ווערטער, אז דער גיוס געזעץ איז נאכנישט קיין טעמע יעצט, און ס'איז נאכנישטא קיין פארשלאג פאר די נייע געזעץ.
טאמער ווייסט ווייסט א מקור צו דער 'משנתו', ביטע ארויפלייגן דא אויפן וועלטל
ס'איז מיר גאנץ וויכטיג
ישר כח פון פאראויס!

המחנה פאריגע וואך, איך ווייס נישט צו עס איז א מקור און איך פארשטיי נישט פונקטליך וואס דא שטייט אויפן טמא'נע שפראך, אבער עס קוקט אויס גאנץ ענליך צו וואס שטייט אין משנתו

סגל האט געשריבן: המחנה פאריגע וואך, איך ווייס נישט צו עס איז א מקור און איך פארשטיי נישט פונקטליך וואס דא שטייט אויפן טמא'נע שפראך, אבער עס קוקט אויס גאנץ ענליך צו וואס שטייט אין משנתו

טאמער דאס איז די מקור איז זייער טעות פארשטענדליך.
די מחנה החרדי פון פרשת כי תצא איז ערשינען 3/4 טעג בעפאר די רעגירונג האט אויפגעשטעלט א קאמיטע וואס דארף ארבעטן אויף א נייע גיוס געזעץ, און זיי וועלן געבן זייערע המלצות אין נאוועמבער 2022
למעשה לויט דער מצב יעצט, איז נישטא קיין סברא צו זאגן אז זיי זאלן גיין צו די ליבערמאן געזעץ