לויט'ן הויפט ארגאניזירער פונעם שאו, מו"ה אלימלך וועבער הי"ו, צייגט די "פידבעק" פון פאראיאריגע ווענדארס ווי שטארק מען דארף האבן אזא קאנפערענץ, און ווי דראמאטיש די רעזולטאטן קענען זיין אין געביט פון "וחי אחיך עמך" אויפ'ן גרעסטן פארנעם.
א יאר צוריק, זאגט ר' אלימלך פאר "דער בית," האט מען אלעס אראנדזשירט אין ווייניגער ווי 2 וואכן, און יעדער איז געווען העכסט צופרידן. עס איז געווען א רייכע אויסשטעל, א ברייטע אויסוואל פון ווענדארס און מענעדזשערס, פארשטייער פון צענדליגער אינדוסטריעס, און א תכלית'דיגע "פענעל" פון ערפארענע סוחרים וואס האבן אויסגעשמועסט וויכטיגע טעמעס אויפ'ן סדר היום.
איצט האט מען שוין אהערגעשטעלט די פלענער פון לאנגע חדשים. "די היימישע מענעדשערס און סוחרים קענען קוים ווארטן צו קומען, נעטווארקן, און ערלעדיגן איין דיעל נאכ'ן אנדערן," זאגט ער, צולייגנדיג אז די גרעסטע בענעפיטן פונעם קאנסטראקשען טרעיד שאו זענען פאר קאנטראקטערס און סובס וואס סערווירן די געגנטער אין אפסטעיט ראיאן, ווי אויך פאר גרויסע קאסטומערס וואס נוצן די מערסטע קאנסטראקשען און ארומיגע סוב-ביזנעסער, ווי קעמפ דירעקטאר, און מענעדזשערס פון בילדינגס און קאנסטראקשאן סייטס.
דער "קעטסקיל קאנסטראקשאן טרעיד שאו" איז באשטימט אויף דינסטאג פרשת קדושים, למספרם מאי דער 10 'טער. עס וועט פארקומען אין די "ראלי האטעל" אין סאוט פאלסבורג, ניו יארק. לויט'ן פלאן, וועט זיין א "פענעל" צו רעדן וועגן די וויכטיגסטע טעמעס אויפ'ן האריזאנט פון קאנסטראקשאן אין די קעטסקילס, וואס די געגנט נעמט שוין היינט אריין כמעט דעם גאנצן ראיאן פון מאנסי ארויף צו קרית יואל און ארויף ביז די 90 'ער עקזיטן אויפ'ן 17.
אין צוגאב צו די ביזנעס אויפטוען פונעם קאנפערענץ, וועט אויך סערווירט ווערן א געשמאקע ווארימע נאכטמאל, אהיימצוגיין זאט און צופרידן פון די געשלאסענע ביזנעס און די פיינע ווארימע סעודה. עס וועלן זיין אויך זיין מנינים מנחה.
נאך א געלונגענע זאך ביי אזא סארט ביזנעס אוישטעלונג, זאגן ווענדארס, איז דער פאקט אז אלע באזוכער זענען 100 פראצענט לויטער קאסטומערס - יעצט אדער אין צוקונפט. געווענליך וועט מען נישט אויסגעבן איבעריג צייט אין א פארנומענע דינסטאג נאכמיטאג צו גיין באזוכן א "קאנסטראקשאן טרעיד שאו" אין סאוט פאלסבורג, אלס א פאלנער טוריסט, סיידן מען ווייסט קלאר אז פריער אדער שפעטער וועט מען באשליסן צו נעמען פון די סארט פראדוקטן אדער סערוויסעס וואס ווערן דארט ארויסגעשטעלט. אין קורצן, עס איז נישט סתם פאר באזוכער ווי טוריסטן, נאר יעדער באזוכער איז אדער קען ווערן א קאסטומער, יעצט אדער אין צוקונפט.
און דאס איז נישט פארבינדן דוקא מיט די קעטסקיל ראיאן, אדער מיט די איצטיגע פאר וואכן און חדשים נאר קען אויפבויען א ביזנעס מיט גוטע קאנטאקטן אויך וואו אימער און ווען אימער. "איינמאל דיין ביזנעס איז אויף יענעמ'ס ראדאר," זאגט ער, "קענסטו נישט גענוג אפשאצן די ווערד פון נאך מעגליכע ביזנעס אויף פאראויס."
ביים "OJBA" שאו פאראיאר זענען געווען ביזנעסער וואס טוען אין קאנסטראקשען, פרעימינג, יוטיליטיס, אונינגס, בלו-פרינטס, גלאז, לאמבער, צעמענט, פעינטינג, בוקקיפינג, אינשורענס, עקספעדייטינג, און נאך.
די צוזאמשטעל פון די ווענדארס, ביזנעסער און באזוכער איז ווי א הערליכע "פאזעל" וואו די שטיקלעך גייען גוט צוזאמען, און אויך דא שאפן זיך גוטע ביזנעס קאנטאקטן איינער מיט'ן אנדערן. "מיר האבן דאס אנגעהויבן לשם מצוה צו העלפן די אינדוסטריע, היימישע סוחרים," זאגט ר' אלימלך, "און די מעגליכקייטן צו וואקסן אין ביזנעס דורך דעם קאנפערענץ זענען אין לשער."
היי-יאר זענען ערווארטעט היבש מער עקזיביטארס ווי פאראיאר, ווי אויך איז פילפאכיג העכער די קוואליטי פון פראדוקטן און פרעזענטאציעס וואס ווענדארס ברענגען צום שאו. מען דארף זיך רעגיסטרירן ווי פריער צו באקומען א גוטע פלאץ, "ויפה שעה אחת קודם," זאגט דער סוחר.
צו איינשרייבן אייער ביזנעס ביים OJBA טרעיד שאו, שיקט אן אימעיל צו[email protected]
אדער רופט אויפ'ן טעלעפאן נומער 347-410-8418.
די ספאנסארס פון די יערליכע קאנסטראקשען טרעיד שאו זענען די "ראלי האטעל" און "פאלסבורג לאמבער." פאר מער געלעגנהייטן צו ספאנסארן די שאו, פארבינדט אייך מיט די דערמאנטע אימעיל אדער טעלעפאן נומער.
If your line of business is in the vicinity of Monsey, Monroe or North Jersey’s construction space then you should be there. On November 29, 2017 you will get a chance to meet with industry professionals and associated vendors.
חלות האט געשריבן:
If your line of business is in the vicinity of Monsey, Monroe or North Jersey’s construction space then you should be there. On November 29, 2017 you will get a chance to meet with industry professionals and associated vendors.
גייט קאסטן געלט אריינצוגיין? און וויפיל קאסט צו האבן א booth?
מיר דוכט זיך אז די שאו איז אביסל אנדערש פין אלגעמיינע שאוס, ס'איז אביסל מער די איידיע פין נעטווארקינג, און ווייזן פאר מענטשן אז דו עקזיסטירסט, און וואס דו אפפערסט צו די מארקעט, ווי פאקטיש ארויסשטעלן א פראדוקט וכדו'.
