אידישע וועלט פארומס

לערען נ"ך. דארט איז דא אסאך מעשיות ווי אידן האבן זיך נישט אויפגעפירט ווי ס'דארף צו זיין און געזינדיגט. דאס קען אים גיבן חיזוק רז ישראל אע"פ שחטא ישראל הוא און אים העלפן צוריק קומען. די אלע ספרים וואס רעדן פון מדריגות און חסידות קען שאטן ווייל דאס וועט ערוועקן אין אים זיין יוגענט פון וואס ער איז אנטלאפן.

דער בני יששכר שרייבט אז פרשת האזינו איז מסוגל צו לערנען פאר פראבלעמען מיט אמונה.

יידישע קהילות האט געשריבן: א בחור פון בערך 25, וואס איז ל"ע אראפ פון דרך הישר רח"ל, מיט א גוט קעפל, איז מסכים צו קומען לערנען עטליכע מאל. דער ערשטער שיעורדארף שוין זיין היינט.
ער האט קיין אינטערעסע אין קיין שום ענין אדער נושא, אבער אויך נישט קיין קעגנערשאפט צו קיין שום לימוד.
וואס זאל מען לערנען מיט איהם.
ביטע העלפט מיט עצות און פארשלאגן וואס פריער, ווייל עס איז שוין נוגע!
כל המקיים נפש אחת וכו'...

וואס די זאלסט נישט לערענען מיט אים, האט דער תורה א כח אין זיך אז המאור שבה יחזירנה למוטב; אבער פארשטייט זיך אז עס מוז בלייבען א קביעות; איז דערפאר לערען מיט אים עפעס וואס ער זאל האבען אין דעם א געשמאק (אין אדם לומד אלא מה שלבו חפץ) און זאל וועלען נאכאמאל צוריק קומען.

היות היינט איז ערב השנה, מייניך אז עס איז כדאי אים מסביר זיין (מיט וויפיל מען קען) וואס מיינט דאס ראש השנה; און אז ער, נישט קיין נפקא מינה ווי ווייט איז שוין פארקראכען, אבער זייענדיג א בן אין דעם עם הנבחר בני אברהם יצחק ויעקב, האט דער ברירה און כח ביי זיך אויס צו פועלען פון דער טאטע אין הימעל א גוט יאר.

זאג אים אז מיר אלע; איך, די, און אונז אלע, האבען זיך אין משך פון יאר אוועק גערוקט פון דרך (נטה קו, אוועק פון שורה), און מיר קוקען ארויס אויף די הייליגע טעג, זיך צוריק צו קערען און זיך שטעלען אין שורה אין גיין ווידער אינעם גלייכען אידישען וועג.

זאל דיר דער אייבערשטער חונן דעת זיין, אז די זאלסט האבען די פאסיגע ווערטער, און עס זאל זיין דברים היוצאים מן הלב ונכנסים אל הלב. מיר האפען אז איר וועט צוריק קומען און אונז אנזאגען גוטע בשורות.
--
הרב מונאוויטש זאגט עפעס; זאגט ווי אלעמאל גוט.

יעדער זאגט דא עפעס. נעם ארויס וואס איז צוגעפאסט אין דיין פאל, אין זאל דיר דער אייבערשטער געבען הצלחה.

קאזאבלאנקא האט געשריבן: דרינגענד:

איינער מיט א טומאר אין קאפ קומט היינט אריין צו מיר פאר אן אפאראציע, עני איידיע וויאזוי דאס דורכצופירן?

ערנסט גערעדט, איך פארשטיי בכלל נישט די שאלה, ממ"נ וואס איז דער ציל, אויב איז דער ציל צו ארבעטן מיט אים, מיינט דאס אז דו פארשטייסט, איז פארוואס פרעגסטו וואס צו לערנען, און אויב דו פארשטייסט נישט וויאזוי צוצוגיין צו אזא האקעלע נושא, פליז לאז דאס פאר א צווייטן וואס פארשטייט
און אויב ס'איז סתם צו שטופן די צייט, וואס א חילוק וואס דו לערנסט?

הא לא דמיא אלא להא....
ער רעדט זיך איין אז ער איז קלוגער פון יעדעם, די טומאר באדערט אים בכלל נישט, אז איך וועל אים זאגן "גיי צו א ספעציאליסט זיך באהאנדלן" וועט ער מיר ענטפערן "איך האב דיר נישט געפרעגט", ווי אזוי הייב איך אן א שמועס מיט אים אז איך זאל אים קענען צוביסלעך אויפקלערן צו טוהן וואס איז ריכטיג?...

יענקעלע האט געשריבן:

קאזאבלאנקא האט געשריבן: דרינגענד:

איינער מיט א טומאר אין קאפ קומט היינט אריין צו מיר פאר אן אפאראציע, עני איידיע וויאזוי דאס דורכצופירן?

ערנסט גערעדט, איך פארשטיי בכלל נישט די שאלה, ממ"נ וואס איז דער ציל, אויב איז דער ציל צו ארבעטן מיט אים, מיינט דאס אז דו פארשטייסט, איז פארוואס פרעגסטו וואס צו לערנען, און אויב דו פארשטייסט נישט וויאזוי צוצוגיין צו אזא האקעלע נושא, פליז לאז דאס פאר א צווייטן וואס פארשטייט
און אויב ס'איז סתם צו שטופן די צייט, וואס א חילוק וואס דו לערנסט?

הא לא דמיא אלא להא....
ער רעדט זיך איין אז ער איז קלוגער פון יעדעם, די טומאר באדערט אים בכלל נישט, אז איך וועל אים זאגן "גיי צו א ספעציאליסט זיך באהאנדלן" וועט ער מיר ענטפערן "איך האב דיר נישט געפרעגט", ווי אזוי הייב איך אן א שמועס מיט אים אז איך זאל אים קענען צוביסלעך אויפקלערן צו טוהן וואס איז ריכטיג?...

עס ווענד זיך זייער שטארק פון וועם דו רעדסט אבער רוב דראפ אוטס האבן נישט קיין פראבלעם מיט אמונה.
עס איז דא א צווייטע זאך וואס באדערט זיי.
מיין עקספערינס... טריי נישט צו לערנען צו סאך מיט אים נאר די עיקר שמיעסן [אויך לערנען כדי עס זאל קענען האבן א קיום]
ער וויל נישט זיך זעצן לערנען ער וויל טשאסט פארברענגען מיט דיר.
אז ער וועט דיר ארויף קוקן און באקומען א קשר צו דיר וועסטו זעהן די נעקסטע סטעפ. [וואס געשעט אליין צוביסלעך]

לענ"ד: חומש רש"י... גיי צו וזאת הברכה...

יידישע קהילות האט געשריבן: ייש"כ פאר אלע עצות דא און אין אישי.
קאזאבלאנקא: ביסט נישט גערעכט, איך רעד זיך נישט איין אז איך בין א מומחה, איך בין נישט קיין עקספערט אבער נאכן שמועסן מיט איהם און איהם פרעגן "ווילסט לערנען אביסל?" האט ער *מיר* ג'ענטפערט "יא". דארף איך וויסן וואס צו טוהן דעם נעקסטן סטעפ. וואל זאל איך טוהן איך זאל איהם שיקן צו א עקספערט? וועט ער דען גיין? אוודאי נישט!!
ער טוט מיר א גאנצע טובה, ווייל ער ווייסט אז איך וויל. איהם גייט עס נישט אן, און האט נישט פונקט עפעס בעסערס וואס צו טוהן.
שמועסן און רעדן השקפה וחיזוק וועט פארשטייט זיך מיטקומען, אבער מיר מוזן האבן א שיעור אין 'עפעס'.
איך האב נאכנישט מחליט געווען. דער עולם איז נאך געבעטן אויפצוקומען מיט נאך הצעות. אפילו אויב פאר מיר וועט עס נישט נוגע זיין, איז אלעמאל כדאי צו וויסן וואס פאר א מעגליכקייטן עס זענען דא פאר אנדערע פעלער.

וויל ער דען לערנען? זיכער נישט
ער וויל זאלסט אים אויסהערן
עפן עני ספר... און הער אים אויס...
לייג נישט קיין פרעשור אויף דיר, ווייל דו גייסט אים נישט צוריק ברענגען אזוי שנעל

#פון א מומחה

נחוניא האט געשריבן: מקובל מצדיקים שלימוד בספר אור החיים הקדוש מסוגל מאוד.
לא צריכים לברר איזה קטע, רק פשוט ללמוד מפרשת השבוע.
ויה"ר שיערה עלינו רוח ממרום לעורר את לבבינו לתשובה שלימה.

מונאוויטש האט געשריבן: ער איז מסכים צו לערנען מיט דיר, און דאס איז א געוואלדיגע דערגרייכונג! אבער איך צווייפל אז ער איז איצט אויפן מאמענט אינטערעסירט אין לערנען א נושא וואס מאנט תיקון המעשים אדער אמונה. אביסל פרעשער און ער קאן ח"ו אנטלויפן אויף שטענדיג!

איך ראט אז דו זאלסט אים געבן צו שפירן א טעם אין תורה הקדושה שמגנא ומצלא. הויב אן מיט שנים אוחזין מיט תוספות. די סגיות רעדן זיך פון מציאה, מקח וממכר והמסתעף; אבער איינמאל א אידישע נשמה איז טועם דעם געוואלדיגן מתיקת התורה, פארט מען שוין פון זיך אליין אויף די ריכטיגע שינעס בעזהשי"ת.

הצלחה!

אט אזוי

יעצט איז נישט די צייט פאר ספרי מוסר.. גמרא מיט רשי בלאט נאך א בלאט וועט אים צוביסלעך צוריק שלעפן צום בורא

דאס ברענגט סיפור און עס ארבעט ווען א מאגנעט

מסכת בבא קמא.

פירוש אויף חובת הלבבות פון ר אביגדר מילער..