היסטארישע אידישע בילדער

מיללער · דאנערשטאג יוני 14, 2007 9:48 am

אין "די צייטונג" היי-וואך (יתרו ס"ח) איז ברייט געדעקט דעם פאקט אז דער לייברערי פונעם קאנגרעס בעיר הבירה וואשינגטאן ד.ס. האט פארעפנטליכט טייל פון אירע טויזענטער בילדער קאלעקציעס פאר'ן פאבליקום, דער "נייעס באריכט" (די צייטונג בלע"ז) האט גענומען די מיה צו ברענגען פאר אירע לייענערס עטליכע בילדער מיט אידישע אינטערעסע.

דער שרייבער פון די שורות האט געטראפען נאך עטליכע בילדער נאכ'ן נישטערן אין די ארכיוון וועלכע איך וועל גערן מיטיילן פאר אונזערע מיטגלידער און צו דער זעלבער צייט ווידמען דעם אשכול פאר סיי וועלכע היסטארישע בילדער מיט אידישע אינטערעסן.

1) א געוויסער רב שמועסענדיג מיט א וויין סוחר אין זיין געשעפט אין די איסט-זייט געגנט פון מאנהעטן.

(ווער עס דערקענט דעם רב זאל ביטע העלפן)

מיללער · דאנערשטאג יוני 14, 2007 9:48 am

3) אידישע קינדער אויף א טעראסע (וואו?)

דאנערשטאג יאנואר 24, 2008 6:12 pm

הערליכע אינטערעסאנטע בילדער, און א געוואלדיגע איידיע. יישר כח הרב מיללער.

מיללער · דאנערשטאג יוני 14, 2007 9:48 am

ייש"כ מאשקע פאר די דברי חיזוק, עס גיט מיר חיות ממשיך צו זיין.

4) א קינד דאווענט איינגעהילט אין א טלית אום ר"ה (באמערקט דעם טאוול מיט אידישע אויפשריפטן, קרעטשמע סטיל...)

דאנערשטאג יאנואר 24, 2008 6:23 pm

עס קוקט אויס ווי דאס בילד קומט פון דער איסט-סייד.

מיללער, א גרויסן יישר כח פאר די בילדער, עס באלאנגט טאקע אין די קרעטשמע אזעלכע בילדער.

ווי איך געדענק איז אמאל געווען אזא אפטיילונג אין דער "וויליאמסבורג בולעטין" (ווען עס איז נאך געווען א גרויסער צייטונג..) דארט פלעגט יעדע וואך זיין א גורל ווער עס האט אריינגעשיקט די נעמען פון די מענשטן.

אויף די בילדער איז געווען אינדערזייט ארויפגעפרינט "ברוקלין פובליק לייבערי" ד"ה אז עס קומט פון דארט, מעגליך אז אויף זייער וועב-זייטל איז דא צובאקימען דערפון,

מיללער, כה לחי!

מיללער · דאנערשטאג יוני 14, 2007 9:48 am

ייש"כ צייטליך, טאקע דארטן זענען אויך פארהאן היסטארישע בילדער, פון וואו מיר וועלן אויך ברענגען.
5) ביהמ"ד אגודת ישראל 616 בעדפארד עוו. (היינט ביקסאד)

לאקשען ברעט · דאנערשטאג יאנואר 24, 2008 6:57 pm

יישר כוח הרב מיללער
יוא אר גרעיטלי אפרישיעטעד

זונטאג יוני 25, 2006 12:34 pm

א שיינעם דאנק אב"ד סקרענטאן (פון דיין היימשטעטעלע מעגסטו אויך ברענגן..)

מיטוואך יוני 28, 2006 8:40 pm

מיללער יישר כח, עס איז זייער אינטערסאנטע בילדער, מיר קוקן ארויס אויף נאך.

לחיים ולברכה · דאנערשטאג יאנואר 24, 2008 8:48 pm

כ'האב שטארק הנאה, יישר כח. ברענג נאך און נאך, ס'איז מיר גאר אינטערסאנט.

אגב, דער טאוועל איז מורא'דיג, יענער קען א גוטן אידיש, דרעס מעקער? חלילה, מעקערין!

נאטורליך · דינסטאג יולי 04, 2006 3:15 pm

מיללער, דעם זיידענ'ס געשעפט האסטו פארזעהן?

שוועמל · מיטוואך יולי 19, 2006 8:40 pm

לחיים;
חחחחח אויף דיין אויפמערקונג.....

מיללער א שיינע זאך די בילדער. אגב די בילד פון אגודת ישראל אויף בעדפארד האט מיר ממש געוועקט נאסטאלגיע, איך האב געקענט גוט יענם שול (איך פלעג גיין נאך געלט אלס בחור..) און היינט שטייט דארט די פראכטיג הויז מיט גלאזירטע פענסטערס, אזא חילוק !

מיללער · דאנערשטאג יוני 14, 2007 9:48 am

א ווארימען יישר-כח פאר אלע דברי חיזוק. אן עקסטערע דאנק פאר נאטורליך פאר'ן בילד פונעם 'מיללער פלייש יאטקע', נהניתי!

העמיר שפאצירן קיין בעדפארד ראדני, וואו דער היסטארישער בנין שטייט נאך היינט צוטאגס אלס א לענדמארק, דארט האט דער צעהלימ'ער רב זצ"ל איינגעזייעט די קערנדלעך פאר'ן צוקונפטיגן חסידישען ווילאמסבורג.

6) צעהלימער ביהמ"ד אין וומ"ס, בעדפארד עוו. קארנער ראדני סט. (1965), באמערקט די אלטע סקול-באסעס, און קינדער ארום.

מיללער · דאנערשטאג יוני 14, 2007 9:48 am

7) ביהמ"ד און אפיס פון מוסדות קארלין-סטולין אויף ראדני סט. (היינט ביהמ"ד נייטרא, וביהמ"ד לאנצוט), פאר סאטמארע חסידים איז באקאנט אז דער רבי זי"ע האט געפראוועט די ערשטע ימים נוראים על אדמת אמעריקא (תש"ז) אין דעם ביהמ"ד.

א געניטער אויג קען באמערקן דעם אויפשריפט העכער דעם אריינגאנג "בית יעקב לכו ונלכה" (איך וואלט עס נישט באמערקט, ווען איך ווייס נישט דערפון).

יגרסהדותא · מאנטאג יולי 03, 2006 10:14 am

מיללער; הערליך שיין, זכרונות זכרונות.

באטראכט די אמאליגע טירן, אמאליגע פענסטער'ס, מיטן גאנצן ארעמקייט און אזוי האט זיך אידישקייט געבויעט!

abimlaibt · פרייטאג יאנואר 25, 2008 9:53 am

מילער איך האב פשוט נישט די ווערטער דיך צו באדאנקען פאר די מוראדיקע ארבעט און איידיע אהער צו ברענגען אזא נושא.
ע"כ העל איך אויך אריין ווארפען מיינע פאר צענט צום בילד.
די ביהמ"ד אגודת ישראל געדענקען מיר גוט. ווי אויך ווען מען האט דאס צושטערט,
און די ביהמ"ד קארלין-סטאלין, איך ווייס נישט אויב נאך היינט צו טאגס אויך, אבער ביז נישט לאנג צוריק איז געווען אריינגעקריצט מגן דוד'ס אויבן
אויפ'ן וואנט אין די ווייסע צעמענט העכער די פענסטערס.
שכח נאכאמאל און ברענג נאך, מיר לעכצען.

farshlufen · פרייטאג יאנואר 25, 2008 10:44 am

פאפא רב מיט רב ...... ווייס

מיללער · דאנערשטאג יוני 14, 2007 9:48 am

8) "ישיבה ומתיבתא תורה ויראה דסאטמאר" (וועלכע בנין איז דאס? דאכציך אז דאס איז אויף בעדפארד עוו. ביי קליימער)

מיללער · דאנערשטאג יוני 14, 2007 9:48 am

פארשלאפן,

א דאנק פאר דיינע בילדער.

(ווי פונקטליך איז די ווייסע שול? לתועלת הקוראים)

מיללער · דאנערשטאג יוני 14, 2007 9:48 am

9) מ'טאנצט אויף א חתונה (עפארדעבל?)

מיללער · דאנערשטאג יוני 14, 2007 9:48 am

"תלמוד תורה דווילאמסבורג" 349 קיעפ סט. (וואס איז היינט דארט? פילייכט דער בי. קיו. אי.)

מיללער · דאנערשטאג יוני 14, 2007 9:48 am

א בעסערע בילד פון דער נאנט פונעם סטאלינער שטיבל אויף ראדני סט.

מיללער · דאנערשטאג יוני 14, 2007 9:48 am

דער "וויי" אויף בעדפארד עוו. קארנער קיעפ סט. (היינט בנין ספינקא)

פרייטאג יאנואר 25, 2008 11:35 am

א ריזן יישר כח פאר "פארשלאפן" וכן ל"מיללער"

עטליכע הערות,

די ווינער תלמוד תורה שטייט נאך היינט אזויווי אויפן בילד, עס איז ביי בעדפארד קארנער ווילסאן.

דער "תלמוד תורה ד'וויליאמסבורג" אדער ווי עס רופט זיך אין ענגליש Hebrew School Of Willamsburg איז מיר זייער אינטערסאנט, אזא תלמוד תורה וואלט לכאורה שוין נישט געקענט לעבן היינט אין וויליאמסבורג..

דער פאפא ישיבה 636-638 בעדפארד, איז שוין היינט היפש ארימגעטוישט, עס שטייט אויף בעדפארד קארנער פען, עס זענען היינט דא דארט די "מנוחה ושמחה" זאלן און די פאפא מוסדות אפיסעס.

דער בנין אויף 575 בעדפארד (קארנער קיעפ) ווי עס איז געווען דער Y איז שוין היינט דער ספינקער ביהמ"ד, ווי געזאגט, עס שטייט נאך מיטן זעלבן אויסזעהן, איך מיין אז אויך א Y וואלט שוין היינטיגע צייטן נישט געווען בנמצא אין וויליאמסבורג..

ברענגט נאך, עס איז א פארגעניגן פאר אלע דא, יישר כוחכם.

מיללער · דאנערשטאג יוני 14, 2007 9:48 am

ביהמ"ד צאנז קלויזענבורג, ליע עוו. צווישן הופער און הויז סט.