אידישע וועלט פארומס

יוסף בנימין האט געשריבן: ↑ מאנטאג מארטש 04, 2024 11:31 pm

על פי הלכה מעג די טענענט אראפ נעמען מזוזות, אבער למעשה איז עס א סכנה,

ער מעג נישט, כדנפסק בשו"ע יו"ד סי' רצ"א ס"ב.

יוסף בנימין האט געשריבן: ↑ מאנטאג מארטש 04, 2024 11:31 pm

די בעל הבית דארף נישט לייגן קיין נייע ווייל די סכנה איז נישט אויף אים,

אבער אלץ שמירה וועט ער זיכער ווילן לייגן...

אויב וואוינט ער נישט דארט, און ער האלט גארנישט דארט (וואס זאל איהם מחייב זיין מחשש בית האוצר), איז נישטא קיין סיבה צו לייגן.

שמירה איז גענוג וען ער לייגט ווי ער דארף, בבית מגוריו.

א יוד דינגט א הויז פון א יוד. ביז יעצט פלעגט דארט וואוינען גויים.
וואס טוט מען געווענדליך. ווער צאלט די מזוזות?
ער גייט נאר וואוינען דארט 3-4 יאר.

moishy56 האט געשריבן: ↑ דאנערשטאג מארטש 07, 2024 8:47 am

א יוד דינגט א הויז פון א יוד. ביז יעצט פלעגט דארט וואוינען גויים.
וואס טוט מען געווענדליך. ווער צאלט די מזוזות?
ער גייט נאר וואוינען דארט 3-4 יאר.

מזוזה איז חובת הדר - דער שוכר איז מחויב דאס צו באצלן.
אזוי אויך די גאנצע ארבעט ארום אויב מדארף עפעס א פועל זאל צוגרייטן גוט די פלאץ פאר די מזוזה אדער צו לייגן צום משקוף.
י"א אז ווען די שוכר לאזט אפ דארף די משכיר איהם באצלן פאר די מזוזות, אבער למעשה קען מען נישט מחייב זיין ע"פ ד"ת זאל באצלן.

להודות האט געשריבן: ↑ מיטוואך מאי 01, 2024 10:47 pm

וואס קען מען טון מיט א גלאזענע וואנט ארומגענומען מיט אן אייזערנע פרעים?
לכאורה האט דארט א שרויף נישט וואו זיך צו באפעסטיגן און טעיפּ טרוקענט זיך אויס פון די זון.
שטארקע קלעב (גלוא) וועט זיך אפשר האלטן אבער עס וועט זיין אוממעגליך אראפצונעמען פאר א בדיקה.

קלעיב מיט סיליקאן א העלצל, און צו דעם שרויף אריין די מזוזה.

וכדו' כפי המצב.

א יוד האט א וואקאציע דירה אין די מרחקים, וואס ער פארדינגט פאר יודן פאר קורצע וואקאציעס. מאקסימום א וואך צוויי.
ער ניצט עס נישט פאר זיך. ער האט עס אלס א short term rental ביזנעס.
דארף מען לייגען מזוזות? קיינער וואוינט נישט דארט 30 טעג.

דער ערוה"ש (יו"ד סי' רפ"ו סמ"ח) שרייבט אז באופן זה איז דער בעה"ב מחוייב, ווייל די סיבת הפטור ווייניגער ווי שלושים יום בחו"ל איז ווייל זיי הייסן ווי אורחים, מילא אויב איז עס מיוחד פאר דעם, הייסט עס ווי דעם בעה"ב'ס בית דירה אריינצונעמען אורחים.

איך האב א וואלק אין קלאזעט וואס איז גרויס 5x7 וואס מען גייט אריין פון א וועניטי דארף איך לייגן אויף די קלאזעט און אויף די וועניטי?