נייעס און קרישקעלעך פון חברה הצלה
טשאדעלע באדעלע האט געשריבן: חברה הצלה פון גרעיטער ניו יארק גאלאפירן פאראויס, מיט די גרינדונג פון א אפציעלע ״אוויאציע איינהייט״, אריינברענגענדיג ״א פליגער אמבאלאנס״ צו שטיין גרייט על כל צרה שלא תבא, אין פאל מ׳ברויך נויטיג צוקומען צו לופט טראנספארט.
די קאנצעפט איז צושטאנד קומען דורך די הילף פונעם געטרייען הצלה וואלאנטיר און פראמעדיק ר׳ אלי׳ ראו [Ely Rowe] פון קווינס [Q8]. ער זעלבס איז א פילאט און האט אין זיין אייגענטום עטליכע קלענערע פליגער.
ר׳ אלי׳ האט נארוואס דעזעגנירט איין פליגער אינטער חברה הצלה פון ניו יארק, עס אויסשטאפירט מיט די נויטיגע עקוויפמענט און לייסענס, אפציעל צו קענען טראנספארירן פאציענטן אדער אנדערע מעדעצינישע געברויכן פון איין פלאץ צום צווייטן, ס׳זאל זיך נישט אויספעלן.
ר׳ אלי׳ האט שוין אינעם פארגאנגענהייט אדורכגעפירט מערערע קריטישע מעדיקאל טראנספארטן מיט זיינע פליגער, אריינגערעכנט א פאל עטליכע יאר צוריק ווי ער האט געמאכט א גרויסע קידוש ה׳ ווען א שווער פארוואנדערטער פאליציי אפעציר פון א ווייטן סטעיט האט זיך גענויטיגט טראנספארירט צו ווערן צו א צווייטע געגענט ער זאל קענען באקומען זיין ריכטיגע באהאנדלונג, דער אפעציר׳ס אינשורענס האט זיך אבער אנטזאגט צו דעקן די טרענספער קאסטן. ר׳ אלי’ וואס האט זיך דערוויסט פון די האט זיך גלייך צוגעכאפט צו די מצווה, זיך געוואנדן אהין און אדורכגעפירט דעם טרענספער גענצליך בחנם, און אזוי געהאלפן ראטעווען יענעמס לעבן.
אזוי אויך ביי די פארלאפענע פארפלייצונגען אין יוסטן טעקסעס האט ר׳ אלי׳ איינגעשפאנט א גרופע הצלה וואלאנטירן און צוזאמען אהין אראפגעפארן ארויסהעלפן מיט קרישטע מעדיקאל טראנספארט. און אין נאך מערערע פעלער..
עכ״פ, ווי געזאגט האט ער יעצט באשטומט איין פליגער צו דינען די ניו יארקער H בעיס, מ׳האט דאס שיין איבערגעפארבט און אויסשטאפירט, ס׳האט אפציעל באקומען א אנערקענטע קאוד נאמבער ביי הצלה, און שטייט גרייט 24 שעה א טאג רונדע דעם זייגער על כל צרה שלא תבא.
א קליפ פונעם נייעם הצלה פליגער.
דראפבאקס — גוגל דרייוו
ר׳ אלי׳ [רעכטס. לינקס איז זיין זוהן, אויך א הצלה וואלאנטיר ]. שטייענדיג צופיסענס פון די נייע הצלה פליגער.
- אטעטשמענטס
-
- D80010BF-51DD-4BE2-98B4-07106037C4D6.jpeg (133.49 KiB) געזען 37142 מאל
