טילע טילע של ידיעות בכל מכמני העולם געפינט זיך דא וויפיל שעות אויף שעות פון די שענסטע שריפט איז שוין דא אריינגעלייגט געווארן יעדער איינער וואס האט צוגעלייגט א האנט זאל זיין געבענטשט פון אויבן מיט אלעם גוטס עס מוז אבער ארויסגעברענגט ווערן דאס נאבעלע ארבעט פון אונזער באלבאס ארענדאר טעצער געלט און טייכן שוויץ איז גארנישט קיין פראבלעם פאר אים
תקומתו מגן לנו, היא מאירת עינינו געלט און כח און טייערע צייט לאזט ער זיך קאסטן ווייל ער שאצט אפ דאס חשיבות פון אויפהאלטן דאס פלאץ בריך רחמנא דיהיב לן ולא לה"פ ובזכות זה יוושע ככל מילי דמיטב ובכל אשר תפנה תצליח בכל דרכיו ונאמר אמן
גם אני עם אנדי. ווי איר האט זיך שוין איבערצייגט אין אנדערע גראמען אשכולות אז איך בין גאנץ א קנאפער תלמוד חכם דעראון, אלזא וועלמיר זיך באגניגן מיט א פשוטער מזל טוב.
טרערן פון שמחה טוהט פון די אויגן רינען. ווען מ'געט זיך א דערמאן ווי אזוי ס'האט אויסגעקוקט ווען היימישע קרעטשמע איז ערשינען. יעדער וואס האט נאר אין דעם אנטייל גענומען. זכרונות האלטן אין איין ארויף שווימען. עט אייך וויסן צו זאגן אז פון אנפאנג האט כמעט יעדער דערפון געלאכט. נאר עטליכע מעמבער'ס וועלן זיך דא דרייען האבן אלע געטראכט. טעגליך האבן זיך אבער זאכן געטוישט און פון אונז אלע אינאיינעם איז די היינטיגע היימישע קרעטשמע געווארן געמאכט.
תירוצים צו קריכן ווי מ'דארף נישט איז דא ווייניג. געלויבט דער פון אויבן און איך מיין אז מיט דעם מיינונג זענען מיר אלע אייניג. ווען ס'קומט דא אריין סייווער און האט הנאה און הייבט זיך דא צו דרייען. בינעך זיכער אז מיר אלע האבן דערין א חלק א אידיש הארץ צו דערפרייען. וואויל איז פאר אונז צו פארברענגען בשבת אחים גם. תם ולא נשלם די געפילן וואס כ'האב געטראכט ארויס צו ברענגען ברום עם.
ס'איז דא עפעס א הויעכער געפיל וואס די מנהל אליינ'ס פארמאגט, ווי ס'שטייט ערגעץ אויף די אינטערנעט: נוצר תאנה יאכל פריו, ס'איז דא די ארבעט פון די סגני מנהלים, א געפיל וואס נאר "ארענדער" אליינס שפירט, אינו דומה זה לזה, א געפיל וואס אלע מעמבער'ס כאו"א בשמו הטוב יבורך וואס יעדער שפירט, מ'קען דאס נישט אראפמאלן מיט "איין ווארט" אז "דאס" איז דער שמחה פון 100,000 תגובות.
מיין חלק אלקי ממעל וואס איך האב באקומען פונעם קרעטשמע, וואס קרעטשמע האט מיר צוגעשטעלט, ס'קען און וועט מיר קיינער פארשטיין צו וואס איך בין אזוי גליקליך מיט אזא סייט.
דאס אז איך קען נאך שרייבן "וואס ס'פאלט מיר ביי" און מ'האט מיך נאכנישט אריינגעשיקט אין משוגעים הויז, אילו לא נברא הקרעטשמע אלא בשביל זה, דיינו. זינגט'ס אלע מיט: דיינו..
שווער געווען און מ'האט זיך נישט געגלויבט פון אנהייב צו וואס פאר א ברייט-פארצווייגטע אינטהאלטספולע פורום דאס וועט אויסוואקסן. ב"ה מ'זעהט היינט די פירות, ס'קוועלט פאר נחת, און ווי פון אסאך חברים הערט זיך דער אויסדרוק און ברכה: זה הקטן גדול יהי', להגדיל תורה ולהאדירה.
ס'איז זייער שווער ברבים אנצוכאפן איינעם ביים קארג און אים עקסטער פערזענדליך באגריסן, דערפאר מוז איך קודם זיך באדאנקן פאר יעדעם'ס ארבעט, וואס איך האב באמת זייער געקוואלן, (יא, איך נעם די קרעטשמע זייער פערזענדליך, חייב אדם לומר בשבילי נברא העולם (סנהדרין לז.).. אבער דער ארבעט און כח וואס "מיללער" האט אהערגעשטעלט מיטן אוצר הספרים איז "עפעס נישט נארמאל" (מיללער כאפ מיך שטארק אן מ'גייט אונז ביידע אריינפירן אין משוגעים הויז..), מיללער, איך האב מיך שוין באדאנקט ברבים און אין אישית, און כ'האב דיר דעמאלטס געשריבן אז ס'קוקט אויס פאני זיך צו באדאנקן יעדעס מאל מ'טרעט אריין אין דעם היכל, איך מוז דיר זאגן, אנדערש ווי אין א ביהמ"ד ווי מ'דארף יעדן טאג עקסטער זוכן יעדן ספר האסטו אזוי שיין אלעס צולייגט אויף קליינע טעלערלעך, א נחת צו בליקן דערין.
איף שפיר פארוויכטיג ארויסצוברענגען אז מט'ן פייערן די 100,000 תגובות קומט אוטאמאטיש א הילכיגען דאנק פאר איך הער וואס איז פאראנטווארטליך פאר גאנצע 10 פראצענט (!) דערפון, אפי' מיר האבן שוין אלע געשריבען דערוועגן בשעת זיין פערזענליכע מייל-שטיין 10,000 תגובה פייערונג, מוז מען עס דא דאפלען.
בכלל, די קרעטשמע פאר מיר איז א פלאץ ווי איך פארברענג, לייען, לערן און האב הנאה, אזוי ווי רוב מיטגלידער דא, איינער איז מגיב מער איינער ווייניגער, הצד השווה שבינינו איז אז מיר זענען דא אינאיינעם ווי איינער דעם צווייטן איז זיך מחשיב און חלילה נישט פארקערט, אויב א מענטש איז באשערט צו שפענדען צייט אויף די נעט אוודאי איז בעסער אויב קען מען עס עוואודען בכלל, אבער היינט צוטאגס ווען מ'איז ביי דער ארבעט און דער יצר הנעט איז בוער בקרבנו, ברויך מען האבן א מקום מקלט ווי מ'קען זאגן פאר'ן מלך זקן "די כסיל איינער, האסט מיך טאקע פארשלעפט אהער, אבער קוק וואס איך לייען און שרייב, דברי תורה, סיפורי צדיקים, איש את רעהו יעזורו, כל ישראל חבירים, אין א היימישע אטמאספערע, האסט דיך שיין דערלעבט מר. הרע!"
ולא דברה מיללער אלא כנגד יצה"ר, נישט נאר דאס נאר אפי' דער יצר טוב, די מליצי יושר, די פרקליטין, היינט אין אזא דור שפל וואס דער רבי פלעגט שטענדיג זאגן אז די עקספעקטעישאנס פון אונז אויבן אין הימל זענען שוין לאנג געלאוערט געווארן, וואס פארלאנגט מען דען פון אונז, דער עיקר איז נישט מקלקל צו זיין, דא קומט היימישע קרעטשמע ווי א מלאך המושיע, און אירע מנהלים וסגנים ווי די שליחי המלך, אונז ארויסצוהעלפן מיט די מישען.
אונזערע תגובות גייען ארויף יעדע נאכט מעיד צו זיין "רבוש"ע האסט אראפגעשיקט דעם יעקב דוב קיין סקרענטאן, בלי משען ומשענה, ער מוז ליידער זיין צוגעבינדן צו די טריפה'נע אינטער-חטא, קוק מיט וואספארא אייזערנע קייטן ער האלט זיך איין נישט צו זיין רועה בשדות אחרים שאין רוח חכמים נוחה בהם, ווען ער האט א ליידיגע מינוט פרובירט ער ארויסצוהעלפן אידישע קינדער, ער פרובירט קונה צו זיין עפעס בדרכי השם ובתורתו הקדושה, ער נוצט אויס די כלי המשחית לזכות את הרבים, בבחינת ומלאך רע בע"כ יענה אמן"
דאס ברויכן מיר טאקע האלטן פאר די אויגן, מיר זענען דא פאר א ציל, אויסצונוצען די צייט בדרך הכשרה ולהנצל מכל פח ויקוש, א דאנק אייך הרב קרעמער, א דאנק אייך מנהלים, מעימקא דליבאי.
הק' יעקב דוב מיללער חו"פ סקרענטאן, פא. ארה"ב קהל עדת ישראל יצ"ו
מילים אין בפי וואס פארא איידיע איך האב נאך געטראכט האט מיר שוין איינער דא אויסגעכאפט צו מיט די ר"ת תיבות צו מיט גראמען צו מיט סופי תיבות אבער שטיל בלייבן איז א פארברעך א משבר וואס טאר נישט נישט פארקומען צילוב דעם וואס איך אליינס האב אזויפיל הנאה דערפון אין איך פלאן נאך ווייטער הנאה צו האבן איז דאך יעצט נישט פון די זמנים וואס שתיקה יפה להם ובכן האב יעצט אנגעהויבן שרייבן ויהי ה' עם ידינו
איך וועל ארויסהייבן דעם סדר פון דעם היים בלאט און די רייע
ברוכים הבאים וואס דארף מען מער ווי א ווארימע קבלת פנים אבי נישט א שטויס און מיט פולע אינסטראקציעס וואס יא\נישט צו טוען
די סמעטענע איך בין אינגאנצען נישט דער אוממענשט דאס צו באדאנקען אבער שלא בפניו (ער איז דאך שוין איבער דרייסיג טעג אין א קאוימע) מעג מען א ביסעלע ער איז ליידער אסאך שולדיג אין מיין אריינסיינען דא די שענסטע און בעסטע פון דעם פעדערמויזעכסט פון דעם ציבור דא אפילו איך בין אביסל ברגז אויף דעם סארט פארשלאפנקייט וואס הערשט דארט און די שטרענגע סעלעקציע וואס מען מאכט דארט אבער דאך ווען איך קוק נאר דארט אן די קעפלעך קומט מיט שוין ארויס מיינע שמייכלעך ממש גילו שניים
היימישע קרעטשמע דאס איז דא שמו כשם רבו וואס שמא קא גרים אז דארט טרינקט יעדער פון אלע סארט קוואליטעטן וואס סיי וועלכע שרייבער האט דארט אויסגעבראכן און דארט קומען פאר ס'מערסטע סחורה וואס די טאלאנפולע און פיפיגע שרייבערס גיבן אויס זייער כעס גרוםצארן און שמחה און הרגשים און בפררט אין א יום המעונן זעהט מען א גרויסע שינו לטובה ביי די הומאר הציבורי אבער למעלה מכל וועט זיך אייביג אנזעהן די געטרייקייט פון די ליינערס וואס געבן די פול פארלאנגטע אטענשן פאר דער וואס האט סיי וואס פאברעצירט נישט קיין חילוק צו עס איז לפי גוסטתו או לא אבער א יישר כח און לענגערס אדער און קורצען וועט נאכפאלגן פאר יעדן פון כמעט יעדן
היימישע פארברעגן אפיציעל איז דאס נישט מער ווי גריסן אין שמועסן דהיינו אז סאכדעס זאל דארט זאגן HI און צייטליך זאל ענטפערן ביי וכו אבער דערווייל האט זיך עס ארויסגעשטלעט גאר א צווייטע משעה א יעדע נארמאלע און אומנארמאלע שמועס קומט דארט פאר צו איז דאס אין גארמן פון פארשלאפן אדער ווען מען דריקט זיך צו טענה'ן און יעדע איינציגסטע אשכול דארטן איז ווערט א קוש צו געבן אפילו די וואס זענען געמאכט געווארן רק להגדיל התגובות ולהדירה כגון האלבע און געצע ווערטער אשכולות וכו' אבער איין סוד וואס איך בין געוואר געווארן איז אז עס געפונען זיך טאקע דא אין די פארברענגען לאגער גאר גוטע און געשמאקע ארטיקליך וואס משום איזה סיבה שאינו ידוע איז עס פארטריבן געווארן פון שטעטל אבער דא קען מען עס אסאך מאל טרעפן און מען קען זיך ראטשעווען פאר געלעכטער דערפון
שפראך איך האב נישט די ריכטיגע שפראך דערפאר ווייל איך האב עס נאכנישט געענדיגט זיך אויסלערנען צו פארשטיין וואס דארט שטייט אבער דאס איז זיכער אז עס איז גאר א געוואלדיגע און מעכטיגע ארבעט דארט
טשום בודקע איך בין דארט ליידער שטום
בית יאנאש למה נקרא שמו יאנאש שנושאים שם בהלכתא דיומא יעדע טאג ווערט דארט פארגעלערענט צוויי הלכות און אויב איינער האט א קשיא קען מען פרעגן נאכן שיעור אין די בית שני דערפון מה טוב ומה נעים שיש חלק כזה אצלינו
מידי שבת בשבתו דא בין איך אויכעט א קליינע מחוטענעסטע ווי איך גיס אויס מיינע וועכענטליכע דברי תורה אויף דעם אפטיילונג ווי מען זעהט די תוכן פון אונזערע חבירים דאהי די ידיעות פון די קשיות און תרוצים עס איז ממש צו באוואנדערען און אויך ווי שיין און מסודר עס איז יעדע וואך און יומא דפגרא הכל על מקומו ממש א ברכה צו מאכן
על הצדיקים באמת דער אפטיילונג איז ווערד א ריזיגע און שיינע באשרייבונג וואס דאס האט שוין אלץ אויפגעטוהן און אויפגעדעקט און מיט וויפיל שיינע און רייכע ידיעות יעדער איז בארייכערט געווארן מיט דעם קליינעם ניי געבוירנעם פורם אבער בפרט יעצט ווועם מען זעהעט אז אין אזא קורצע תקופה האלט עס שוין קרוב צו דריי טויזענט תגובות דאס מיינט אז אזויפיל ידעות פון גדולי ישראל וואס וואשט אויס די קאפ פון הבלי עולם התחתון דרייט זיך בינינו איך געדענק ווען אמאל איז א אינגערמאן מיט א אייזענע קאפ געגאנגען ארבעטן האט מען אים באוויינט אז זיינע כשרונות וועלן נישט ארוויסקומען אין די תורה וועלט און דאס איז איינע פון די רעוועלוציעס וואס דער קרעטשמע האט צוגעשטעלט אז אפילו ווען מען האט ארבעט ביז די אויגן ברעמען קען מען נאך הנאה האבן פון די תורה און יעדיות און ספורי צדיקים וואס ברענג אריין טרעקטאר טרעילערס פון יראת שמים און די שווארצע אונטערנעט ואי"כ מ"ל
ידיעות התורה אויב האט איר געמיינט אז מען האט דא מיט סתם קטלי קניהס גוט נאר א קוק און דעם אפטיילונג ווי עס ווערט באהאנדעלט די אינטרעסאנטסטע ידיעות און האקעלסטע טעמעס ווערן אזוי שיין און קלאר אויסגעשמועס וואס מיט הונגער און דארשט קען מען נישט גענוג זאט ווערן ווען מען ליינט דאס
אוצר הספרים האט איר שוין אמאל געזעהן א שול אן א ספרים שאנק און א קרעטשמע אן א באטל שנאפס דאס איז דאך נישט מעגליך ובכן האט מען אינז צוגעשטעלט ביידע א שיינע און קלארע לייברערי וואס וועכע ספר מען קען האבן אויף די אינטערוועלט איז דא דא א לינק אהין
מיין קרעטשמע מיין קרעטשמע, איך האב דיר נישט וואס צו זאגן, ס'איז געקומען די צייט, דו זאלסט אנהויבן טאגן. ווער האט דען געגלייבט אין די אמאליגע צייט, אז דו וועסט דערגרייכן אזוי ווייט, ארויף אזוי הויך, מיט אזויפיל כוח, ווער האט זיך דאס געקענט פארשטעלן.
