צד השוההאט געשריבן:↑מיטוואך נאוועמבער 22, 2023 10:54 pm
אנגעהויבן ליינען, אבער איך זעה דאס דארף מען בעסער לערנען.
לאמיר האפן מען טרעפן דער צייט פארדעם. שכח!
אין בית המים. אזוי האט שמואל געזאגט.
נאר פון אנהייב קען מען. שפעטער ברענגסטו אסאך דברי תורה.
as of my info.
מפתח הנקודה והקו והשטח אינם במציאות, אבל הם מחוברים אל המציאות. כי השטח הוא קצה הגשם והקו הוא קצה השטח והנקודה הוא קצה הקו... (איל משולש להגר''א מווילנא)
איך האב עס אויסגערעכנט ווי פאלגנד: חמה איז במבטרביעיתצו שבתאי. מבט רביעית מיינט דאךכשני אנשים כל אחד מבקש שררה לעצמו. דאס מיינט אז ס'איז דא ווען דער מענטש וועט זיך נאר אומגיין מיט 'חמה', אדער נאר מיט 'שבתאי'. חמה איז די ביקוש מעלות גבוהות, די בינה ודעת יופי וגבורה פונעם מענטש. און שבתאי איז די "צאמגעצויגענע אויגן ברעמען" וואס קוקן שטרענג.
אבער דער מענטש וועט דאך נישט זיין צו שטארק שבתאי'דיג, אפילו פון צייט צו צייט, ווייל שבתאי איז במבטשלישיתמיט נוגה. נוגה געט דאך א ליבליכקייט פאר א מענטש. הגם נוגה איז אין די אכטע הויז, וואס די השפעה איז נישט פליסיג. "כאדם שנפלה עליואימה ופחד", אזא השפעה ווי פארפרוירן פון שרעק. אבער דאך עפעס געט עס. און שבתאי איז אין די צוועלפטע הויז, וואס די צוועלפטע הויז איז אויך די השפעה נישט פליסיג מחמת ס'איז ווי איינגעשפארט. כאדם בבית האסורים.
אבער חמה איז אין די צענטע הויז, כאדם בשלטנותו ובגדולתו ובאמנותו, אין די צענטע הויז קומט עס ארויס מיט'ן גאנצן השפעה. "איך האב עס אין די האנט", און יורנס זיצט ממש בשכינות מיט חמה. אזא מענטש האט ליב צו באקומען ברייטערע דעת מחמת דעם יורנס, און נאכדערצו ווען יורנס איז במבט שישית מיט פלוטו אזא מענטש זוכטשטארקדאס ענין פרייהייט און ער האט א שטארקע רצון דערצו. נאך דערצו ער איז א דלי. חמה דרוקט זיך נישט געהעריג אויס אין דלי. ס'איז בבית שנאתו.
יעצט, וויבאלד חמה איז במבט רביעית מיט שבתאי, איז דער מענטש צומאל מער פרייליך. ווייל חמה וויל נישט האבן אין זיך די השפעה פון שבתאי. אבער טאקע וועגן איז שבתאי אויך גובר. ס'איז דאך ווי צוויי הערשערס. יעדער וויל זיין די זאך.
יעצט, כוכב איז במבט שישית מיט צדק. כוכב איז אין די צענטע הויז, און צדק אין דיצוועלפטע הויז. עס פאדערט עבודה אראפצושלעפן די השפעה פון צדק. ווייל ס'איז אזוי ווי פארשלאסן. אבער עס איז דאך צדק. און כוכב איז במבט שישית מיט אים. מבט שישית איזכשני אנשים מבקשים אהבת זה את זה. די השפעה פון כוכב זוכט צו זיין אזוי ווי די השפעה פון צדק "רעדן שיין, און אויפריכטיג". און די השפעה פון צדק זוכט צו האבן חכמה אין זיך.
אין געפיל איז אויך דער מענטש גאנץ פרייליך ווייל לבנה איז במבט שלישית מיט צדק. הגם לבנה איז אין די אכטע הויז. און די השפעה קומט נישט אראפ לייכט און שמייכלדיג, נאר ווי פארפרוירן פון שרעק.
יעצט, מאדים איז "מתבודד". די פלאנעטן האלטן דאך אין איין לויפן. למשל אזא מענטש ווי דא, וואס זיין מאדים איז געווען בשעת זיין געבורט 22 מעלות אין דגים. יעצט יעדעס מאל ווען די לבנה וועט זיין 22 מעלות אין גדי, וועט עס האבן א מבט שישית השפעה אויף זיין מאדים ענערגיע. אין זיין ענערגיע פון וועלן טון זאכן שנעל, וועט ווערן אריינגעשפרענקלט לבנה ענערגיע. און עס וועט אים אויסלערנען צו לעבן מיט געפילן אויך.
און די זעלבע ווען חמה וועט זיין צום ביישפיהל 22 מעלות אין קשת. וועט דער מענטש פילן אז די שפע פון דעת איז אנדערש ווי זיין אנגייענדיגע מעשים.
ווען מ'רעדט צו אזא מענטש, וועט ער צוריקענטפערן פריינדליך. חוץ אויב ער איז אין די שפע פון שבתאי וואס וויל נישט אז חמה זאל האבן סיי וועלכע שררה. וועט ער אויך רעדן פריינדליך, אבער אביסל ווייניגער. ווייל ווי געשמועסט איז שבתאי במבט שלישית מיט נוגה.
לבנה איז 29 מעלות אין קשת. איך האב געמאכט אז מ'זאל עס נישט באמערקן, ווייל איך בין נישט זיכער צו ס'איז נישט קיין שאלה צו מאכן א לבנה אויף אזא אופן. לבנה אין קשת געט אויך אזא זיבענערישקייט. אש. זכר.
הארי פלאריהאט געשריבן:↑מאנטאג נאוועמבער 27, 2023 4:35 am
א גוטן הרב נשמה.
כ'האב געליינט אייערע ארטיקלען מיט אינטערעס.
איין זאך, איר האט געשריבן אז איך וועל נישט טרעפן קיין ניסן וואס איז נישט ציניש.
געס וואט.. כא געטראפן איינס אזאנס.
האלטסט יענער טריפט סתם ארום אויף מיר?
ב"ה
א ניסן מיינט איינער וואס איז געבוירן אין מזל טלה. קען זיין ער איז געבוירן שפעט אין חודש, נאך אפריל צוואנציג, איז ער איז א שור. די מזלות האט נישט מיט די גוי'אישע חדשים. עס האט מיט געוויסע תקופות וואס דעמאלטס זעט מען בחוש השכל אז ס'טוישט זיך מזל.
'מזרחי' שרייבט אז א טלה איז בטבע ציניש. יעצט וואס מיינט ער צוזאגן 'ציניש'? ס'מיינט לכאורה אז דער מענטש קען אזוי אוועקמאכן אז איינער "רעדט סתם שטותים". "עה, ווער יענער, איך קען אים גוט, ער ווייסט נישט וואס ער רעדט". אוועקגעמאכט. "זיי מיינען צו מאכן געלט, וואס מיינסטו..."
די ווארט 'ציניש' לייגט זיך גוט ארויף א טלה.
אבער, נישט אלע נאטורן וואס מ'זאגט אויף א טלה, מוז ארויסשטארן אז מ'זאל דאס באמערקן. ס'קען זיין ס'איז בכוח. ער קען דאס אויך גוט. די אלע זאכן וואס מ'זאגט אויף מזלות, ס'מוז נישט זיין אז ס'זאל זיך אזוי אנזעהן. ס'איז צומאל אזוי בכוח. איינע פון די קאלירן וואס איז אריינגעמישט אין די נאטור.
ווען דו מישט אריין די טבע פון 'ציניש', און עס מישט זיך אויס מיט די אנדערע גוטע נאטורן פון א טלה. ווי 'אוהב צדק'. זעט מען עס כמעט נישט.
און איך וויל דיר זאגן נאך, אז לאמיר זאגן אז זיין 'כוכב' איז אין מזל דגים. זיין לבנה איז אין מזל מאזנים. מזל הצומח איז אין סרטן. וכן הלאה. וואס דאס נעמט אסאך אוועק פון די 'צינישקייט'.
איך רעד פון קוקן אויף די טשארט און עס אליין אפלערנען, און עס געדענקען ווי א בילד. אזוי ווי מ'געדענקט אז מיר האבן געזען א ביהמ"ד, דארט איז געווען צוויי מענטשן וואס האבן געלערנט א שיעור צוזאמען בחברותא באהבה גמורה אויף איין מהלך ממש. כאטש זיי זענען צוויי מענטשן. און זיי האבן גערעדט מיט א דריטן צו איינעם וואס איז געזיצן א פאר בענק ארויפצי, וואס איז אויך מיטגעגאנגען מיט דעם מהלך. און מיט די אלע האבן זיך שטארק גע'טענה'ט צוויי חברה יעדער מיט א אנדערע טענה. דאס איז געווען איין שיעור.
חוץ מזה איז געווען נאך א פאר מענטשן אין א אנדערע ווינקל. וואס האבן פארגעלערנט א אנדערע שיעור.
יעדע טשארט ווייזט וויאזוי די חלקי הנפש קומען זיך אויס איינער מיט'ן אנדערן. עס פארענטפערט די פראגע:וואסאיז ביים מענטש אפגעטיילט אלץ באזונדערע קאמפעניס, און פון דעם ווייסט מען וואס דער מענטש דארף צאמברענגען. מ'רופט דאס 'כולל זיין די מידות איינס אינעם צווייטן'.
דא - ביי דעם טשארט וואס איך ברענג גאנץ אונטן - איז ווי פאלגנד: חמה מיט נוגה זענעןבדיבוק. איך גיי יעצט נישט אריין אין דעם וואס דער אבן עזרא ברענגט אז 'נוגה' איז תחת השריפה, ווייל ס'איז גאר נאנט צו חמה. איך וועל אפלערנען אז די בינה ודעת פונעם מענטש - וואס איז א תאומים - לויפט אויפ'ן נוגה'ישן דרך, וואס נוגה איז אויך אין תאומים. דהיינו: די דעת לויפט בדרך שחוק ושמחה אהבה תענוג ודיבור יפה. און די זעלבע די נוגה לויפט אויך נישט אוועק פונעם דעת פונעם מענטש, צוצוקומען דורך נוגה צו מעלות גבוהות. עס גייט קיינמאל נישט ארויס פונעם בינה ודעת. מער אזא זיבענערישע סארט דעת.
ביידע 'חמה ונוגה' זענען במבט שלישית צו נפטון. דאס געט אזא דעת וואס האט אין זיך ביקוש השלום והדמיון. וואס זיי זאגן אלץ אויף נפטון. אזא ניינערישקייט. און מאדים איז במבטנוכחאון שלאגט זיך מיט נפטון. אזא אכטערישקייט וואס קומט צומאל אריין אינעם בילד. וואס דאס מאכט נאכנישט מאדים פאר א באזונדערע קאמפעני. ווייל ווי איך האב שוין געשריבן איז מבטנוכחנישט א אפגעטיילטע זאך אינעם מענטש. וווייל סוף סוף מוזן זיי זיך אויסקומען. און ווי אויך איז מאדים במבט שישית מיט חמה. אבער מאדים איז יא במבטרביעיתמיט לבנה וואס איז אגב א עקרב'דיגע לבנה. און לבנה באלאנגט צו די אנדערע שיעור ביים אנדערן עק ביהמ"ד וואס האט נאך אפאר חברים צו זיך ווי שפעטער דערמאנט זייערע נעמען, צדק און יורנס.
מאדים במבט רביעית מיט לבנה מייט אז צומאל וועט דער מענטש טון מאדימ'דיגע זאכן, און זיך רעכענען מיט שיחת הנפש פון לבנה. און די זעלבע פארקערט.
קומט אויס אז ווייל מאדים איז במבט רביעית מיט לבנה, און לבנה איז במבט שישית מיט צדק, און מיט יורנס. און חמה - ביי דעם מענטש - פארטראגט זיך מיט מאדים. אבער לבנה נישט. דאס שאפט צוויי באזונדערע שררות אינעם מענטש. ווען ער נוצט חמה, נוגה, און מאדים, און נפטון און פלוטו, און שבתאי, נוצט ער נישט די טבע פון לבנה, צדק או יורנס. ער קען זיך אויסלערנען צו אריינברענגען אין די אויבנדערמאנטע, דאס ענין פון געפיל. אבער דאס פאדערט עבודה.
לאמיר מער מרחיב זיין.
די ביידע 'חמה ונוגה' און די נפטון פלוטו שבתאי סוויטע איז איין קאמפעני אין דעם מענטש וואס וויל האבן די שררה. און נאכדעם איז דא די חלק טבע הלבנה און אירע אליאירטע נעמליך צדק ויורנס, וואס וויל אויך האבן די שררה און נישט ארייננעמען די 'חמה נוגה וכו' אין די נאטור זייערע. די חשבון איז ווייל לבנה איז במבט רביעית צו נפטון. און ווי שוין געשמועסט במבט רביעית צו מאדים. עס איז די געפילן, די תמימות ופחד הלב, ורוב מחשבת ושיחת הנפש, פלאס צדק און יורנס, וואס זענען אפגעטיילט פון די אנדערע חלקי הנפש.
ווייל דער זעלבער לבנה איז במבט שלישית מיט יורנס, און יורנס איז אויך במבט רביעית צו 'חמה ונוגה'. קומט אויס אז יורנס איז נאר גוט מיט די אנדערע קהילה. אבער באלאנגט נישט צו די 'חמה ונוגה וכו' שררה.
יעצט לאמיר מער אויסשמועסן דעם פלוטו מיט שבתאי, וויאזוי זיי באלאנגען צו די דעת פונעם מענטש. חמה ונוגה זענען במבט נוכח מיט פלוטו. און פלוטו איז במבט שלישית מיט שבתאי. דאס געט א געוויסע נאטור צו א מענטש. דאס מיינט אז דער מענטש קען האבן א אינערליכע קריג צווישן די אויבנגעשמועסטע דעת, און צווישן דשאסט טון וואס ער וויל, יכולת. אבער פלוטו אלץ מבט נוכח מיינט נאכנישט אז זיי געהערן פאר די אנדערע שררה. נאר זיי זענען וואס טיילן דיעות אינערהאלב די חמה-נוגה רעגירונג.
קומט אויס אז ס'ווערט קלארער אז דער מענטש האט אין זיך צוויי חלקי הנפש פון איין זייט איז דא די חמה ונוגה, וואס זענען בדיבוק גמור באהבה גמורה און שיידן זיך נישט. און זיי האבן אין זיך די נאטורן פון נפטון. און אפילו אויב פלוטו - וואס איז גאנץ צוריקגעהאלטן, ווייל עס האט אין זיך די נאטורן פון שבתאי - קומט פארפירן אקייגן דעם נוגה'דיגן דעת, און דאס מאכט דעם מענטש צו וועלן טון פון מאל צו מאל אן זיך רעכענען מיט 'דעת', אבער מיט דעם אלעם, קען מען דאס נאך באלאנסירן.
און די זעלבע איז מאדים, וואס שלאגט זיך פון א אנדערע עק מיט דעם נוגה'דיגן דעת, ווייל עס שלאגט זיך מיט איינע פון זייערע פארבינדעטע. צו וועלן זיך רעגן, אן טראכטן וואס דער סארט דעת האט צוזאגן, אדער אפילו וואס פלוטו-שבתאי האט צוזאגן, קען מען דאס נאך אלץ באלאנסירן, ווייל א מלחמה אינעם מענטש איז נאך דער מענטש אין בארירונג מיט די כוחות. און מאדים איז אויך במבט שישית מיט חמה.
אזא קינד ציהט האר אן זיך רעכענען מיט דעת, אבער מ'לערנט עס אויס. אזא בחור שלאגט פלוצלינג צאם א אנדערע בחור, אבער מ'לערנט עס אויס וויאזוי צו באלאנסירן די אינערליכע מלחמה זה כנגד זה.
אבער לבנה, ושותפו יורנס, וצדק, דער קאמפעני, די שלאגן זיך ווער עס זאל האבן די שררה. און דאס מאכט שוין יא א טיילונג. מער ווי א מבט נוכח.
קומט אויס פון דעם אז דער מענטש האט אין זיך צוויי הערשאפטן. איינס איז אזא זיבענערישע סארט דעת, און אין דעם איז אויך אריינגערעכנט די קעגנער. וואס דאס איז איין אפטיילונג. און נאכדעם איז דא די לבנה, צדק ויורנס, וואס דאס איז די אנדערע רבי.
אזא מענטש פון איין זייט וויל ער זיין ערליך און בשלום מצד צדק, און פון די זעלבע זייט איז ער אזוי לבנה'דיג, דהיינו געפיליש. און דאס גייט מיט'ן גאנצן יורנס. און פון די אנדערע זייט רעכנט ער זיך נישט מיט צדק, און נישט מיט לבנה. נאר וויל גיין מיט דעת-נוגה און נישט גיין לויט צדק.
מיר האבן נאכנישט בארירטכוכב.
כוכבוואס איז אין תאומים איז יא גאנץ פאר זיך. און במבט שלישית צו מזל הצומח, וואס דאס געט פאר'ן מענטש צו טראכטן וואס ער טוט. ווייל די מזל הצומח איז היבש דאס גאנצע צוגאנג פונעם מענטש צו די אלץ און אלעמאל. נישט ממש. פארשטייט זיך. דא איז דא אנדערע פלאנעטן אויך.
וואס וועט אזא מענטש זיין אין די אניאגראם? פארשטייט זיך - טעארעטיש - א זיבענער. חמה, נוגה, אין כוכב אין תאומים. א זיבענער וואס האט ליב צו פילאזאפירן. ווייל חמה כוכב אין נוגה זענען אין ניינטע הויז. און דאס געט אזא פינעווערישקייט צו די גאנצע פיקטשער, און יעדע זיבענער האט אין זיך אויך פינף. אויף די ניינטע הויז שרייבט דער אבן עזרא אז ס'ווייזט אויף 'אמונה ולעבוד את ה'. און די מאזנים מזל הצומח געט נאך אזא פאליש צו די גאנצע זיבענערישקייט. זיך אויסצוקומען מיט מענטשן.
אזא זיבענער קען אויך צומאל אפלאזן די זיבענערישע דעת און גיין צו צדק-לבנה. די איינזערישקייט. און האט אויך אין זיך אכטערישקייט מצד די פלוטו-שבתאי, און די מאדים.
שבתאי אין מאדים זענען אין די עלעפטע הויז. די עלפטע הויז איז די שייכות פונעם מענטש צו מענטשן וואס העלפן אים. מאדים איז אין מזלארי', אש. זכר, וואס געט נאר צו צו די זיבערישקייט. צדק איז אין די פערטע הויז וואס ווארפט אזא זעקסערישקייט. ווייל די פערטע הויז איז מער אזא זוכונג פאר זיכערקייט. נישט ווייל דער מענטש זוכט זיכערקייט, נאר ווייל דער מענטש באנוצט זיך מיט זיכערע טעריטאריע.
איינמאל מ'האט פאר זיך אזא בילד. און סך גרינגער צו דילן מיט די מענטש. ווייל מ'האט פאר זיך אלע כוחות. בעזרת השי"ת. ס'איז נישט שווער זיך פארצושטעלן וואס עס וואלט געדרוקט פאר אזא סארט מענטש. יעדער מענטש קען זיך אויסארבעטן. אבער מער ווייניגער דארף אזא מענטש אויסלערנען זיין זיבענערישע בינה ודעת, אז ס'איז דא אזא זאך ווי געפילן, ווי לבנה, און ס'איז דא אזא זאך ווי צדק. ארייננעמען אין די בינה ודעת די ענין פון צדק. והכל על מקומו יבוא בשלום. מ'דארף כולל זיין איינס אינעם צווייטן. און אויך אין די געפילן, אין די רוב מחשבת ושיחת הנפש, דארף מען אריינלייגן דעת. צדק אן דעת? אם יש דעת, יש הבדלה. צדק איז הבדלה פון רע און בוחר זיין בטוב. אבער מ'דארף האבן דערצו דעת.
לאמיר דא שרייבן נאך א נאטאל טשארט. און מיר דארפן געדענקען 'תמים תהי' וכו', נישט צו חקר'נען עתידות. און ווי אויך זאגן חז"ל אז מ'זאל נישט קוקן די מזל, כלומר: וועלכע מזל ס'וועט זיין א גוטע מזל אז אין יענע מינוט וועט מען מצליח זיין. נאר מיר דארפן בעטן השי"ת. דאס אלעס. אזוי ווי מיר האלטן אין איין בעטן צום ביישפיהל: סימן טוב ומזל טוב יהא לנו! דאס אלעס. מיר זענען מאמינים בני מאמינים. און יודן זענען העכער די מזל. ווי דער אבן עזרא הייבט אן זיין ספר ראשית חכמה: ראשית חכמה יראת ה', כי היא המוסד, כי כאשר לא יתור אדם אחר עיניו ולבו למלאות תאוותו, אז תנוח החכמה בקרבו, ועוד, שיראת ה' תשמרנו מחקות שמים ומשטרים כל ימי חייו, ובהפרד נשמתו מגויתו, תנחילנו יש וחי לעולם. אז יראת ה' וועט אפהיטן מחקות השמים כל ימי חייו.
ווען מיר קוקן אויף א נאטאל טשארט, ווילן מיר וויסן וועלכע כוחות עס ווירקט ביים מענטש, און די 'שררות'. 'שררות' מיינט אמבט רביעית. שררות מיינט וועלכע כוחות ווילן אז אנדערע כוחות זאל נישט האבן קיין שררה ביים מענטש. וועלכע כוחות שלאגן זיך צווישן זיך אויף די שררה. און וויאזוי אלע כוחות פארטראגן זיך איינער מיטן צווייטן. זענען זיין אין גוטן? ווי גוט? זענען זיי אין קאנפליקט? קאנפליקט מיינט א מבט נוכח.
לאמיר קודם קוקן אויף חמה וואס איז אין די צענטע הויז.
און יעדע פלאנעט וואס איז אין די צענטע הויז, מיינט אז דער מענטש קען זיך זייער גוט באנוצן דערמיט. די לשון פון די אבן עזרא אויף די צענטע הויז איז:כאדם בשולטנתו, ובגדולתו, ובאמנותו. ווי א מענטש וואס קען גאר גוט דרייווען, זיצט ביים רעדל. דא ביים דעם נאטאל טשארט איז חמה, און נוגה, און פלוטו, אין די צענטע הויז. דאס מיינט אז די נאטורן פון חמה, און די נאטורן פון נוגה, פילן זיך ביים מענטשווי זיין רעכטע האנט.
דא איז חמהבביתו. ווייל די בית פון חמה איז מזל ארי'. און דא איז חמה בדיבוק מיט די קו חצי השמים. מעלת הרום. דאס מיינט אז דער מענטש וויל מצליח זיין.
מיר האבן נאר געליינט יעצט צוויי דריי פלאנעטן, מיר דארפן אויך קוקן צי דער מענטש האט אנדערע שררות וואס שלאגן זיך אויף די שררה מיט אט די פלאנעטן, אדער אנדערע פלאנעטן וואס מישן אריין זייער נאטור אין די פלאנעטן. און דא ביי דעם טשארט זעען מיר אז 'נפטון' (וואס איך געדענק, וויפיל איך האב אויפגעכאפט, איז מער ווייניגער די ענין פון זיין צופרידן מיט דמיון, אזעלכע מחשבת דמיון. פון דעם קומט קריעטיוויטעט.) איז במבט רביעית מיט חמה. דאס מיינט אז ס'קען זיך מאכן אז אנשטאטס דער מענטש זאל וועלן אנקומען צו בינה ודעת און צו מעלות גבוהות און צו עשירות. זאל ער אריינפאלן אין 'נפטון'. ווייל נפטון וויל האבן שררה און ווילנישטאז חמה זאל האבן שררה. דאס איז אזא דרייער'ישקייט וואס דער דרייער קען אריינפאלן צום ניינער. אדער א ניינער וואס דארף זיך שטארקן צו "דרייערן". ווייל ער וויל אריינפאלן אין ענדערש ליגן אין דמיון, ווי איידער טון צום זאך. און נפטן איז במבט נוכח מיט מזל הצומח. דאס קען אויך מאכן אז דער מענטש זאל ענדערש וועלן זיין רואיג און בשלום, ווי איידער טון צום זאך.
מ'זעט אויך אז דער 'נפטון' איז במבטשלישיתמיט פלוטו. וואס דאס מיינט אז דער מענטש וויל נישט אזוי שטארק אז ס'זאל גיין זיין וועג. מצד פלוטו. ער וויל מער אז ס'זאל זיין שלום. ווייל פלוטו [רצון] איז במבט שלישית מיט נפטון [שלום, ניינערישקייט]. און פלוטו איז במבט שישית מיט מזל הצומח. דאס מיינט אז דער מענטש גייט זיך אום אין לעבן מיט אזא פלוטו וואס איז אזא נפטונ'דיגע פלוטו. אבער מצד חמה וויל ער מצליח זיין. אזא דרייערישקייט וואס קען אריינפאלן אינעם ניינער.
דאס מיינט אז די נפטון-פלוטו אפטיילונג אינעם מענטש, איז ביז די "אפיס" וואו לבנה רעגירט. (לבנה איז 23 מעלות אין שור) דארט וואו לבנה קומט אריין אינעם מענטש, דהיינו ווען ס'קומט צו געפילן, צו רוב מחשבות און שיחת הנפש, רוב פחד און תמימות הלב, דארט וויל נישט הערשן דאס גאנצע השפעה פון נפטון-פלוטו. ווען עס קומט צו געפילן, וועט דער מענטש נישט אזוי קוקן אויף זוכן שלום, אדער אפילו אויף שטארקע רצונות. און די זעלבע פארקערט, ווען עס קומט צו מאכן שלום, וועט דער מענטש נישט קוקן אויף געפילן. א ניינער?
יעצט, דער פריערדיגער לבנה וואס איז במבט רביעית צו די נפטון-פלוטו מאשינערי. דער לבנה איז אויך במבט רביעית צו נוגה. דאס מיינט אז ווען עס קומט צו נוגה'דיגע ענינים, ווי צו ביישפיהל רעדן שיין צו מענטשן, מאכן חוזק פון מענטשן און פון זאכן, געבן פון זיך, טרינקען וויין, ווען ס'קומט צו די זאכן, וועט דער מענטש אויספלאגן די ענערגיע פון לבנה. אז לבנה זאל דא קיין שררה נישט האבן, נישט האבן קיין ווארט אריינצורעדן. מ'רעכנט זיך נישט מיט געפיל, ווען עס קומט צו רעדן שיין צו א מענטש. אזא דרייערישקייט. אדער ניינערישקייט.
מ'רעכנט זיך נישט מיט געפיל ווען עס קומט צו מאכן א ווערטל. און ווען עס קומט צו אהבה, ליב צו האבן איינעם, רעכנט מען זיך נישט מיט געפיל.
און די זעלבע פארקערט, ווען עס קומט צו געפיל, רעכנט מען זיך נישט מיט נוגה'דיגע ענינים. מ'זאגט יענעם וואס מ'האט צו זאגן, אפילו אויב עס נישט שיין גערעדט. יעצט ווען פון די צוויי שררות געווינט? ווענד זיך ווער ס'איז יעצט שטערקער.
אבער ווען איינער פון די צוויי געווינט, איז אדער אדער. ווי מער געפיל, אלץ מער ארויס פון נוגה'דיגע ענינים. אבער מעגליך אז דא וויבאלד נוגה איז אין די צענטע הויז, און לבנה איז נאר אין די זיבעטע הויז, קען זיין אז ביי דעם מענטש איז נוגה שטערקער.
ס'קומט אויס פון דעם, אז ווען ס'קומט צו געפיל, צו רוב מחשבת ושיחת הנפש, רוב פחד ותמימות הלב, רעדט מען מיט א אנדערע סארט מענטש ווי א נוגה'דיגע מענטש. זאגט וואס ער האט צו זאגן.
ווי שטארק איז די כוח פון נוגה ביי דעם מענטש? מיר זעען אז שבתאי איז במבטשלישיתמיט נוגה. דאס מיינט אז דער מענטש איז שוין נישט אזוי נוגה'דיג, ווי נוגה וואלט ווען געווען אן טיילן נאטור מיט שבתאי. קומט אויס אז נוגה ביים דעם מענטש, איז חוץ פון דעם וואס לבנה וויל זיך נישט רעכענען מיט זיינע נוגה'דיג איידיעס, זענען די נאטורן פון שבתאי אריינגעמישט אין נוגה, און דאס מאכט שוין אז דער מענטש זאל נישט זיין אזא 'גוטער'. אזא 'בעל תאווה'. כאטש ער איז א ארי', וואס א ארי' האט אין זיך תאווה.
חוץ פון די פלאנעטן, האט דער מענטש דריי "חברה" וואס זענען זיך מדבק באהבה גמורה איינער מיט'ן צווייטן, און ארבעטן ממש אינאיינעם ביי יעדע געלעגנהייט וואו זיי פעלן אויס. די זענען: יורנס, צדק, און מאדים. וואס פארא טבע שאפט אזא צאמגיסונג? אזא 'ממסך'?
איז מאדים ביי דעם מענטש, א 'מאדים'? איז צדק, א 'צדק'? מ'קען גרינג פארשטיין אז ווי שלעכט קען שוין א מענטש זיין ווען זיין גאנצע אכזריות, זיין גאנצע רצון זיך צו קריגן, זיין גאנצע רצון צו רויבן, שעלטן, איז צאמגעגאסן מיט צדק. איז צאמגעגאסן מיט די נאטורן וויאהבת הטוב ושנאת הרע. איז צאמגעגאסן מיט שלום. אזא מענטש איז נישט אזוי שלעכט. א ניינער? אדער אפשר א דרייער וואס האט אויך אין זיך ניינערישקייט?
און מיט די צוויי פלאנעטן, מאדים און צדק, איז צאמגעגאסן די טבע פון יורנס. יורנס געט די כוח פון אוועקריקען יעדע זאך וואס לאזט נישט דער צאמלעבעניש מצליח זיין. אבער מיט יורנס אינאיינעם, איז דא א שבתאי וואס וויל האבן דעם ברעטל. וויל האבן דאס ווארט אויפן נפש. און ווילנישטאז צדק-מאדים-יורנס, זאל האבן שררה. און די זעלבע פארקערט. צדק-מאדים-יורנס, וויל נישט אז שבתאי זאל האבן שררה.
אז מצד שבתאי זאל דער מענטש ענדערש ווי טון צום זאך, זאל ער ענדערש מאכן התבודדות אין א הייל, און דאגה'ן, און פחד'נען, און לעבן אליין פאר זיך. אבער שבתאי איז דא נישט ממש א שבתאי מיט'ן גאנצן שטארקייט, ווייל עס איז אריינגעגאסן אין אים נוגה. אבער נאך אלץ לאזט עס נישט די 'צדק מאדים יורנס' סגול, צו טון וואס עס זייער וואונטש צו טון. דער מענטש וועט נישט זיין צו א שטארקע שבתאי, ווייל די שבתאי ביי דעם מענטש איז נוגה'דיג.
מאדים געט דאך די טון, די מהירות, אבער דא וויל שבתאי אזא ווערטל צוויי, און שוין. עכ"פ נישט די טון פון צדק ומאדים.
ווער געווינט? ווענד זיך ווער ס'איז שטערקער.
מאדים, און צדק, און יורנס, זענען אין די ניינטע הויז, לויט ווי איך געדענק ווייזט דאס אויף לעבן אין פילאזאפיע. זוכן עבודת השם. וואס שבתאי וויל נישט אז זיי זאלן האבן שררה, נאר וויל אז ס'זאל ענדערש גיין אויף זיין וועג. שבתאי זוכט אויך עבודת השם. אבער אויף אזא "התבודדות" צאמגעצויגענע וועג.
כוכב איז אין מזל סרטן, דאס מיינט אז דער [אויפגעטראכטער] מענטש דא, זיינע מחשבות איז געפיליש. לבנה'דיג. די מזל סרטן איז לבנה'דיג. און דער מענטש איז נאך ארי' א סרטן. ווייל חמה און נוגה זענען אין ארי' וואס איז מער אש ווי געפיל, אבער מאדים און צדק זענען שוין אין א געפילישע מזל. די לבנה איז אין שור. דאס געט אזא סובסטאנץ פאר'ן מענטש. שור איז עפר.
יעצט, ווען איך וואלט ווען געזען אזא מענטש, וואלט איך פארשטאנען אז דו ווילסט מצליח זיין, אבער די רצון צו דמיון, און שלום שטייט דיך אין וועג. געדענקט איר? נפטון איז במבט רביעית צו חמה.
און ווען עס קומט צו דיינע געפילן, דיין לבנה, ווילסטו נישט נוצן די טבע פון נוגה. רעדן שיין, אהבה. סאו, מ'זאגט דיך אז דו זאלסט זיין געפיליש, אבער אויב ביי דיר מיינט געפילן, לבנה, דאן לאזטו דיך אפ פון 'נוגה'.
אפצוליינען דעם טשארט, דארף מען נעמען חמה, און זען אז ס'איז בדיבוק מיט כוכב. און יעצט ווייסן מיר אז יעדעס מאל דער מענטש נוצט זיין 'כוכב', וואטעווער די נאטורן פון 'כוכב' זענען. איז יעדעס מאל ווען ער נוצט עס, מוז ער נוצן אויך חמה. ווייל זיי זענען בדיבוק.'הכוכבים הדבקים כשני אנשים מתחברים'! און אויך דארף מען ארייננעמען אין קאפ אז ווען ער נוצט כוכב, איז עס אויף א אופן פון די ערשטע הויז! דאס איז די וועג וויאזוי ער נוצט 'כוכב', און אויך די וועג וויאזוי ער נוצט חמה, ווייל חמה איז אויך אין די ערשטע הויז. הכוכב במזל הצומח, כמו הנולד שיצא מבטן אמו, און הדבר ההוא בשעתו. די ערשטע הויז מיינט אז דער מענטש נוצט דאס מיט א פרישקייט אגאנצן צייט. דאס איז די וועג וויאזוי ער גייט צו צו יעדע זאך.
און 'כוכב' איז במבט שישית מיט 'צדק'.
דאס מיינט אז יעדעס מאל וואס דער מענטש נוצט 'חמה', ער נוצט זיין דעת, די אלע נאטורן וואס 'חמה' מיינט אלץ, נוצט ער די נאטורן פון 'צדק'. און צדק איז אין די פערטע הויז. דאס מיינט אז דער אופן וויאזוי דער מענטש פילט זיינע צדק'דיגע נאטורן איז 'הכוכב בבית הרביעי כאדם בבית אבותיו או בקרקעו, פעסט געשטעלט, פארזיכערט, דארט פילט ער זיך פארזיכערט. וויאזוי ער פילט עס? כאדם בבית אבותיו או בקרקעו.
און ווייל כוכב און חמה איז במבט שישית צו נפטון, וועט דער מענטש, יעדעס מאל ער נוצט 'כוכב' אדער 'חמה' אדער 'צדק', וועט ער אויך נוצן 'נפטון'. די שלום מאכן. די 'ס'איז גוט אזוי ווי ס'איז'. וואס זיי זאלן נאר זאגן אויף 'נפטון'
אבער 'נפטון' פילט זיך נישט אזוי שטארק ביי אים. ווייל ס'איז אין די צוועלפטע הויז. הכוכב בבית שנים עשר, כאדם בבית האסורים. ער פילט כאילו ס'איז עפעס העכער פון אים, און זיך נאכנישט געעפנט.
יעצט, כוכב און חמה זענען במבט שלישית צו פלוטו. פלוטו מיינט אסאך זאכן. בערך מיינט עס אז דער מענטש וויל שטארק, power force. שליטה, ר' שרגא פליישמאנס יכולת! איז 'פלוטו'. דאס מיינט אז אזא מענטש וועט שטארק וועלן די ענינים פון 'חמה און כוכב' און זייערע מיטגייער. גאנץ א powerful דעת. פלוטו איז אין די צענטע הויז
יעצט, מיר דארפן אויך געדענקען אז חמה און כוכב זענען אין מזל שור. אלעס וואס 'שור' מיינט. פעסט-אראפגעשטעלט, זוכט תענוג. איז גאנץ צוריקגעצויגן. און מיר דארפן ווייטער האלטן קאפ אויף די אליאירטע.
יעצט, לייגן מיר אוועק דעם קבוצה, און מיר גייען צו לבנה. אבער איין מינוט, דער קבוצה איז נאכנישט גאנץ, מיר דארפן ארייננעמען אין קאפ, אז פלוטו איז במבט נוכח צו צדק. דאס מיינט אז הגם פלוטו איז במבט שלישית צו כוכב און חמה, און חמה כוכב זענען במבט שישית צו צדק, וואלסטו געקענט מיינען אז אויב אזוי איז פלוטו גוט מיט צדק, ניין זאג איך דיר. ס'איז אבער דאך דא א געשלעג צווישן פלוטו און צדק. דאס מיינט אז דער מענטש וועט אגאנצן צייט האבן א אינערליכע געשלעג צווישן אויספירן וואס ער וויל, אפילו אויב ס'גייט אביסל ארויסקאלירן פון 'צדק', אדער ענדערש זאל ער מער נוצן 'צדק' און זיך אפלאזן פון 'פלוטו'.
ס'איז אזוי ווי ראובן איז גאר נאנט צו שמעון מיט יעדע זאך, שמעון זוכט זיך אויסצוקומען מיט לוי, און דערפאר וועט ראובן זיך אויך אויסקומען מיט לוי. ראובן און שמעון טיילן די זעלבע נאטורן ווי יהודא, אבער לוי קריגט זיך שוין מיט יהודא.
יעצט לאמיר דאס אוועקלייגן, און גיין צו לבנה. לבנה איז 13 מעלות אין טלה. איך האב אויסגעמעקט די 'לבנה', מ'זעט נאר די דעגרי.
לבנה, וואס איז אין מזל טלה. זיי האבן אזא סארט צוריקשפרינג. ווער ס'האט עס שוין געזען לייוו, ווייסט וואס איך מיין. לבנה אין מזל טלה, געט אזא סארט זיסע חוצפה. און דא איז לבנה אין די ערשטע הויז. דאס מיינט אז דאס איז די וועג וויאזוי דער מענטש גייט זיך אום אין לעבן. וכו', די אלע זאכן וואס די ערשטע הויז מיינט אלץ.
יעצט, אט דער לבנה'לע איז בהתדבקות מיט יורנס.
וואס דאס טוט איז, דאסקען אפשרשאפן קאפ וויי פאר די מחנכים און פאר'ן מענטש אליין. ווייל אזא מענטש, רוב פון זיינע מחשבות ושיחת הנפש, ווילן נישט פילן קיין באגרעניצונגען. יעדעס מאל יענע עריע פילט א באגרעניצונג, בום! איך וויל ארויסקומען און שטער מיך נישט! מ'דארף עס מחנך זיין אז ס'זאל לויפן על פי התורה הק'. זיך אויסצולערנען וואס דאס מיינט עכטע פרייהייט פון אויסדרוק.
אבער מ'דארף געדענקען אז מאדים איז דא איןבית שנאתו. ווייל 'מאזנים' האט "פיינט" מאדים. און מאדים האט "פיינט" מאזנים. "פיינט" מיינט אז מאזנים איז די פארקערטע ענערגיע ווי מאדים. די מזל מאזנים איז גוט, וויל באלאנסירן, קוקט ארויס פאר שלום. און הכוכב בבית שנאתו כאדם המתקוטט עם עצמו. ער וויל נישט עכט. ער שלאגט זיך מיט זיך אליין. דא איז ווען מ'זאגט פאר א מענטש: דו שלאגסטעך מיט דיך אליין, ווייל דאס איז וואס ער פילט.
אבער מיט דעם אלעם, איז מאדים אקייגן די מזל הצומח, און ס'איז דא א קאנפליקט צווישן מאדים און לבנה. הכוכבים בהיותם על מבט נוכח, כשני אנשים נלחמים זה עם זה בחזקה.
פיין, האב מיר ארויס וויאזוי די מאדים, די כוח פון שנעלקייט, און לבנה שלאגן זיך. אבער מ'דארף געדענקען, אז לבנה איז אין מזל טלה. די בעל הבית פון מזל טלה איז מאדים. איז דער מענטש האט אזא אינערליכע מלחמה. צי ער זאל גיין מיט געפיל, צי ער זאל גיין מיט כוח וביד חזקה.
מאדים איז אין די זיבעטע הויז, דאס מיינט אז דער מענטש איז גרייט דאס צו נוצן.הכוכב בבית השביעי, כאדם מוכן למלחמה. דאס איז די וועג וויאזוי ער פילט זיין מאדים. ער פילט זיין מאדים ענערגיע, ווי איינער וואס איז גרייט צו פירן קריג. מ'קען עס באמערקן אויף מענטשן. נאך סך פאר ער האט מיט וועם זיך צו קריגן, איז ער שוין אנגעפאנצערט. דאס איז וויאזוי ער פילט עס, און אזוי נוצט ער עס.
לאמיר אפיר נעמען די פריערדיגע 'כוכב חמה צדק נפטון פלוטו' קבוצה, מיט וואס מ'האמיר אנגעהויבן אונזער אנאליז. און לאמיר יעצט אריינעמען אין קאפ אז 'צדק' איז במבט רביעית מיט מאדים. הכוכבים בהיותם על מבט רביעית, כשני אנשים המבקשים כל אחד שררה לעצמו.
דיכוכב חמה נפטון צדק פלוטוקבוצה, איז אזא גאנץ כמעשה'דיג 'שלומ'דיגע' סארט. אבער דער מענטש האט מאדים וואס וויל נישט אז צדק זאל האבן די שררה. און וויל נישט אז 'פלוטו' וואס איז איינע פון די חברים מיט די חברים פון צדק. זאל האבן שררה.
אזא מענטש, ווען עס קומט צו מאדים, קוקט נישט צו שטארק אז ער זאל נוצן force אז ס'זאל גיין די וועג וויאזוי ער וויל אז ס'זאל גיין. אויב מאדים איז במבט שישית אדער שלישית אדער גאר התדבקות מיט פלוטו, דאן האט דער מענטש א מאדיםאיינס און אזאנס. שווער צו בייקומען. אבער דא פארווייניגערט עס די ענערגיע שליטה. נישט צו שטארק. ווייל דער מענטש וועט טאקע נוצן power force, אבער וועט נישט אריינעמען מאדים אלץ א צוהעלפער. און ווען ער נוצט מאדים, וועט ער נישט נוצן זיין פלוטו.
אזא קינד, קען צומאל ווערן נאר 'לבנה אדער מאדים'. און ארויסגיין פון 'צדק' וכו'. מ'דארף אים דערמאנען אז ער האט אויך צדק אין זיך. די יצר טוב. דער אבן עזרא שרייבט אויף צדק, יורה על יצר טוב. מ'דארף אלע כוחות נוצן, בכל לבביך, בשני יצריך.
באשעפער ביסט אזוי זיס. אינטערעסאנט, דו טוסט, און דו באשאפסט, און שוין. מה רבו מעשיך... כי אראה שמיך, מעשה אצבעותיך...
וואס וואלט אזא איינער געווען אינעם אניאגראם? א זעקסער? פארוואס? ווייל ער איז טשאלענדשינג? ווארשיינליך א אכטער מיט א ניינער פליגער. וואס דארף גיין צו צוויי. נישט צו צוויי, צו צדק וואס וויל נישט אז לבנה זאל האבן שררה.
קומט אויס פון דעם אז ס'איז דא צוויי קבוצות אינעם מענטש. נוגה און שבתאי האט נישטקיינערוואס זאל זיך שלאגן מיט זיי, און נישט וועלן אז זיי זאלן האבן די שררה. אבער די אנדערע האבן יא.
אזא קינד קומט אקעגן געפיליש. מ'קען באמערקן אז ער האט אין זיך אזא urge זיך צו שלאגן פאר זיינע רעכטן. ער האט זייער שטארק ליב פרייהייט פון ווארט, פרייהייט פון שיחת הנפש. איז גאנץ 'נפטון'דיג'. גאנץ צוריקגעהאלטן ווען עס קומט צו נוגה'דיגע ענינים. דארף זיך דערמאנען אז ביי געפיל אדער מאדים דארף ער אויך נוצן צדק. די מזל פון אברהם אבינו לויט די מהרש"א. דארף זיך אויסלערנען צו טראנספארמירן יכולת.
אזא מענטש ערשיינט גאנץ לעבעדיג (מזל הצומח אין מזל קשת) און רעוואלוציאנעריש. (א דלי). שלאגט זיך מיט זיין אייגענע דעת. (יעדע דלי שלאגט זיך מיט זיין אייגענעם בינה ודעת, חמה בדלי איזבבית שנאתו) אבער דאך גאנץ צוריקגעהאלטן פאר זיך (שבתאי בדיבוק עם מזל הצומח, ובבית ראשון). איז א גוטער מענטש. זוכט צו זיין גוט, זוכט צו זיין ערליך. (צדק בבית העשירי, וגם במבט שישית עם מזל הצומח) האט גאר שטארקע גיסטע טוישונגען (פלוטו דיבוק עם לבנה). רעדט שטארק (כוכב דיבוק עם פלוטו) און גאנץ ליבליך און געשמאק, (לבנה במבט שישית עם נוגה) (אמאל מער אמאל ווייניגער. אמאל שבתאי, און אמאל נוגה, ווייל נוגה איז במבט רביעית עם שבתאי) זאגט שטארק זיינע מיינונגען. (כוכב בדיבוק עם פלוטו) האט א גוטן באלאנסירן קאפ. (כוכב בדיבוק עם לבנה, ובמבט שישית עם נפטון) טראכט טיף (שבתאי בדיבוק עם נקודת הצומח), און האט ליב צו טראכטן. פארשטייט צום נפש פון א מענטש (כוכב דיבוק עם לבנה). האט ליב צו מאכן געלט. (חמה איז אין די צווייטע הויז...) האט ליב צו לערנען און זאגן עצות פאר מענטשן. (מאדים, נוגה, נפטון בבית השלישי) האט נישט צו שטארק ליב ווען מ'בלאקירט אים זיין פרייהייט, (יורנס במבט שלישית עם מזל הצומח) אבער מיט א באלאנץ. האט ליב צו קאנטראלירן (פלוטו בבית הראשון)
חמה - וואס איז א דלי - איז דא, פאר זיך. חמה איז מתבודד. חמה האט נישט וואס מישן זיך אריין אין איר. חמה איז פריי. אמנם אז ס'האט צו זיך miner aspects, אבער ס'האט נישט צו זיך די געהעריגע major aspects. עס ווענד זיך ווי שטארק דער מענטש וועט נוצן חמה.
חמה איז דא 6 מעלות אין מזל דלי. יעצט, יעדעס מאל די לבנה קומט אן 6 אין מאזנים שאפט עס א מבט שלישית. און יעדעס מאל לבנה קומט אן 6 אין עקרב שאפט עס א מבט רביעית. אבער יעדעס מאל. און קיינער שטערט נישט די השפעה.
דאס הייסט אז די בינה ודעת וביקוש מעלות גבוהות, די יופי והדר וגבורה, די אלע נאטורן פון חמה, שפילן זיך אויס אינגאנצן. ווען נוגה וואלט געווען א "נאנטער" פריינד וואס האלזט ארום חמה, אדיבוקמיט חמה, וואלט חמה זיך נישט אזוי אויסגעדרוקט. אבער דא, אזא מענטש, האט מער א ריינערע חמה נאטור.
און יעדע מאל נוגה שאפט א געוויסע מבט מיט חמה, נוגה האלט דאך אין איין ארומלויפן, איז יעדעס מאל עס שאפט א מבט מיט חמה, איז עס א שטערקערער ריינערער אויסדרוק, ווייל ס'האט נאר דעם השפעה. אבער מ'דארף געדענקען אז עס ווענד זיך וויפיל דער מענטש נוצט בכלל חמה. דא איז חמה איינס פאר די לעצטע.
יעצט, וואס וועט געשען ווען פלוטו וועט דערגרייכן חמה? דהיינו: ווען פלוטו וועט דערגרייכן 6 מעלות אין דלי? וועט חמה זיך גאר שטארק אויסדרוקן. און קיינער פון די ארומיגע פלאנטען וועלן עס שטערן. השי"ת זאל העלפן אז אלעס זאל אייביג דורכגיין בשלום.
דאס געט הסבר צו פארשידענע ערשיינונגען אין נפש.
חמה איז דא במבט שלישית צו אמצע השמים. דאס מיינט אז דער מענטש וועט זוכן צו דערגרייכן.
לאמיר גיין צו לבנה. לבנה דא איז 17 מעלות אין מזלגדי. לבנה אין מזל גדי, איז בביתשנאתו. דאס מיינט אז די נאטורן פון לבנה ביי דעם מענטש וויל נישט עכט עקזיסטירן. דער מענטש וויל נישט האבן געפילן און די אלע אנדערע נאטורן פון לבנה. ער וויל זיך ארויסנעמען פון עקזיסטענץ.כאדם המתקוטט עם עצמו. אזא מענטש לערנט אויס אנדערע "מ'דארף אקצעפטירן געפילן..."
לבנה איז בדיבוק מיטפלוטו. וואס מיינט עס? יעדעס מאל עס קומט אריין א שיחת הנפש, א מחשבת הנפש, וואס האט אין זיך חסרון הדעת, ארבעט עסשטערקער. סאו, די גיסטע טוישט זיך שנעלער און שטערקער. עס ווערט שטערקער ארויסגעברענגט. פחדים ווערן ארויסגעברענגט שטערקער. מיט מער force. שמחה און ניצוח ווערט ארויסגעברענגט שטערקער. די אלע נאטורן פון פלוטו. וואס זיי האבן בדרך נסיון פארשטאנען אז פלוטו האט אין זיך. אזוי ווי זיי האבן פארשטאנען בדרך נסיון וויאזוי די גוף ארבעט געזונט. וויבאלד געפילן האלטן זיך אין איין טוישן, איז דא דא שטארקע גיסטע טוישונגען.
די עצה איז אויסצולערנען וויאזוי צו לאזן די געפילן קומען און גיין, און נישט דוקא טון וואס ס'זאגט. עפעס אזוי. וויאזוי צו דילן מיט געפילן. #DBT.
לבנה איז דא אין די ערשטע הויז. (אבער כוכב און שבתאי און פלוטו אויך) דאס מיינט אז דער עיקר וויאזוי דער מענטש אינטעראקט מיט די וועלט איז דורך די נאטורן. אלעס פון די וועלט ווערט באנומען דורך די נאטורן. די ערשטע הויז ווייזט "אשר יש במחשבת האדם". עס ווייזט וואס דער מענטש טראכט, וואו זיין קאפ ליגט אלץ.
דער לבנה איז אויך בדיבוק מיטכוכב.א גדי'אישע כוכב. דאס מיינט אז די נאטורן פון כוכב לויפט לויט די נאטורן פון לבנה. און דאס זעלבע די נאטורן פון לבנה לויפט דורך די נאטורן פון כוכב. וויפיל געפיליש אזא מענטש איז, וויפיל לבנה ער ערלויבט זיך, וועט די נאטורן פון זיין כוכב לויפן לויט דעם. ער וועטרעדןמיט געפיל. און זיין הארץ וועט נישט אוועקלויפן אינגאנצן פון חכמה, פון לאגיק. און עס קומט נאך צו אז אט דער כוכב איז במבט שישית מיט נפטון. וואס דאס געט א פיינעם דמיון צום גאנצן זאך.
מיט די חכמה פון כוכבים ומזלות קענען מיר קלערן געוויסע ערקלערונגען אין געוויסע ערשיינונגען וואס קומען פאר.
לאמיר אביסל רעדן פון Synastry charts. איך רעד פון פרובירן עס צו אפלערנען לויט'ן אבן עזרא. איך רעד נישט פון ליינען וואס זיי האבן צו זאגן, וואס דאס איז א באזונדערע שמועס פאר זיך. איך גיי נישט דא אריין אין דעם.
סינעסטרי מיינט וויאזוי די אופן וויאזוי מיינע מזלות זענען געשטאנען, איז ביחס צו וויאזוי יענעמ'ס מזלות זענען געשטאנען. צום ביישפיהל ווען מיין לבנה איז פופצן מעלות אין מזל סרטן, און זיין לבנה איז פופצן אין מזל גדי, איז מיין לבנה במבט נוכח צו זיין לבנה. און ס'פילט זיך טאקע אזוי שטייענדיג נעבן יענעם. ווען מיין חמה איז במבט שישית צו יענעמ'ס נוגה האט מיך יענער ליב און איך ווייס נישט פארוואס. למה זה מצאתי חן בעיניך? השי"ת האט געוואלט אז ער זאל מיך ליב האבן.
ס'איז דא אסאך מאל ווען דעם טאטנס כוכב איז פונקט אקעגן איבער דעם קינדס חמה. און דאס קען אפשר מאכן אז דער טאטע זאל זיך אלעמאל קריגן מיט דאס בינה ודעת יופי וגבורה וביקוש מעלות גבוהות פונעם קינד און דאס קריטיקירן. אפילו אויב ער זאגט עס נישט ארויס, איז אבער זיין אדיטוד דאס. ווייל אפילו אויב דאס קינד טוט גארנישט, סתם אזוי קומט די כוכב פונעם טאט'ן און זאגט "קריטיקיר". כשני אדם נלחמים זה עם זהבחזקה. און דאס קינד? דאס קינד וועט אויך וועלן קריטיקירן זיין טאטע.
האט וועגן דעם השי"ת געהייסן: כבד את אביך ואת אמיך? ווייל ער האט געוואוסט די שוועריגקייטן פון זיך פארטראגן? האט וועגן דעם שלמה המלך געזאגט אין משלי: חנוך לנער על פי דרכו? וועגן די טבעיים וואס קענען זיין אזוי שווער צו צאמשטעלן.
מפתח הנקודה והקו והשטח אינם במציאות, אבל הם מחוברים אל המציאות. כי השטח הוא קצה הגשם והקו הוא קצה השטח והנקודה הוא קצה הקו... (איל משולש להגר''א מווילנא)
מיין ביישפיהל איז פון צוויי מענטשן וואס שמועסן זיך צונויף, און נישט פון מאן און ווייב.
אין יעדע יחס קען זיך מאכן א געפיל פון מבט רביעית, ווען ביידע פילן "מיין וועג איז ענדערש די וועג צו גיין". און א געפיל פון מבט נוכח, ווען ביידע פילן "איך שלאג מיך דירעקט מיט די וועג וויאזוי דו גייסט, איך וויל עס טוישן" און א געפיל פון מבט שלישית, "די וועג וויאזוי איך וויל גיין, איז די זעלבע וועג וויאזוי דו ווילסט גיין". און פון מבט שישית, "איך וויל מיך פארטראגן מיט די וועג וויאזוי דו גייסט". און פון התדבקות "מיר גייען ממש אינאיינעם".
אין א יחס האלט אין איין ארויפקומען געוויסע אנדערע כוחות. סיי ביים אויבערשטן, דער וועם זיינע פלאנעטן זענען אויסגעשטעלט אויבן, וועם מיר וועלן רופן 'אברהם', און סיי ביים זייטיגן וואס מיר וועלן רופן 'זונדל'.
לאמיר זאגן אז א שמועס הייבט זיך אן ווען זונדל, דער 'זייטיגער', ברענגט ארויף לבנה'אישע געשפרעכן. "רוב מחשבת ושיחת הנפש עם חסרון הדעת. רוב פחד ותמימות הלב".
יעצט, נישט אלעס אין אברהם, דער 'אויבערשטער', איז אינגאנצן מסכים צו די סארט דיעות. ווייל סיי זיין 'חמה' און סיי זיין 'מאדים' און ווי אויך זיין 'מזל הצומח' פילט אז ס'איז ענדערש צו אדער מער נוצן בינה ודעת, אדער מער טון צום זאך. ווי איידער אזעלכע סארט לבנה'אישע דיעות. סאו ווען זונדל שמועסט מיט אברהם אזעלכע סארט שמועסן, קען ער פילן ביי זיך אז אברהם וויל ענדערש לויפן ווי הערן: "ביסט ברוגז אויף וואס איך זאג?"
אבער נישט אלעס אין אים איזנישטמסכים דערצו. ווייל זיין צדק פילטיאגוט דערמיט. מצד זיין 'צדק' פילט ער אז ממש דאס איז ער.
קומט אויס פון דעם אז ווען אברהם רעדט פון טון, איז די בעסטע ווען ער אפעלירט צו זונדל'ס כוכב, און צו זיין מזל הצומח. קען זיין אז אברהם האט זיך 'אינטואיטיוו' אויסגעלערנט אז ווען איך רעד אזוי און אזוי מאך איך אים טון צום זאך.
דער אבן עזרא שרייבט "מבט רביעית כשני אנשים כל אחד מבקש שררה לעצמו". קומט אויס אז יעדעס מאל ווען דער מענטש עקספיריענסד 'לבנה', ער עקספיריענס זיין 'נפש',געפילן, שיחת הנפש, וואס איז דא אין ' מזל עקרב'. וועט ער נישט פארגעסן די כוח פון 'שבתאי'.
למשל
ער וועט שמועסן מיט איינעם א נפשיות'דיגער שמועס, אבער ער וועט פילן אין זיך אז ער קען זיך אינמיטן שמועס אפהאקן און אפזונדערן פון די מענטשהייט ארום און ארום. (ביי אונזער פאל, וועט ער זיך, נישט צו ווייט אפזונדערן, ווייל שבתאי איז במבטשלישיתמיט צדק. צדק איז א פריינטליכער פלאנעט.)
ווען לבנה איז במבטשלישיתמיט שבתאי, וועט דער עצם אופן פון אזא שמועס, פון גילוי הלב, לויפן שבתאי'דיג. ס'וועט האבן אין זיך די שבתאי'דיגער נאטור. אזא סארט צוריקגעהאלטנקייט וואס איז אריינגעמיש.
אבער אזא פאל ווי דא, וועט זיין לבנהנישטהאבן אין זיך שבתאי'דיגע נאטורן. אבער דער מענטש וועט יא כאילו האלטן קאפ אז "איך האב שבתאיעוועליבל, און איך וועל עס נוצן ווען עס וועט מיר אויספעלן". צום ביישפיהל: ער פילט אז אינמיטן די שמועס פעלט שוין אויס אריבערצוסוויטשן צו שבתאי. און ער וועט געבן אזא ציה צוריק. אריינגעזינקען אין זיינע מחשבות, אפגעלאזט די שמועס.
דאס וועטנישטגעשען ביי איינעם וואס זיין לבנה איז במבט שלישית או שישית או דיבוק מיט שבתאי.
דער אבן עזרא שרייבט אין זיין ספר 'ראשית חכמה' אויף דעם חכמה. אז עס ווענד זיך צי א פלאנעט איז אין זיין הויז,ביתו, וואס דאן האט עס אנדערע "דינים ומשפטים". אדער בית שנאתו, וואס דאן פילט דער השפעה אז ס'וויל נישט עקזעסטירן כמו שהוא. און עס איז ווייניגער מזיק. אדער בבית כבודו. אדער בית קלונו.
שבתאי: ביתו גדי ודלי. בית שנאתו סרטן ואריה. כבודו מאזנים. קלונו טלה.
צדק: ביתו קשת ודגים. בית שנאתו תאומים ובתולה. כבודו סרטן. קלונו גדי.
מאדים: ביתו טלה ועקרב. בית שנאתו שור ומאזנים. כבודו גדי. קלונו סרטן.
חמה: ביתו אריה. בית שנאתו דלי. כבודו טלה. קלונו מאזנים.
נוגה: ביתו שור ומאזנים. בית שנאתו טלה ועקרב. כבודו דגים. קלונו בתולה.
כוכב חמה: ביתו תאומים ובתולה. בית שנאתו קשת ודגים. כבודו בתולה. קלונו דגים.
לבנה: ביתו סרטן. בית שנאתו גדי. כבודו שור. קלונו עקרב.
איינער ווייסט אויב ס'איז די ערגעץ ברייטערע שיעורים איבער די נושא? נשמה טוט גאר א גוטע ארבעט אבער ס'פעלט מיך נאך אסאך אינפארמעישאן צו קענען פארשטיין אלעס וואס ער זאגט, איך דארף קענען די יסודות פון די מזלות
סוף דבר הכל נשמע אלקים ירא ואת מצותיו שמור "כי זה כל האדם"
בס"ד לאמיר דא אביסל שרייבן וועגן חודש ניסן. טלה. יסוד האש.
די זאך איז אז איך קען כמעט נישט מענטשן וואס איך ווייס אז זיי זענען דעם חודש. אפשר נאר איינער, צי אפשר אפילו צוויי. אדער גאר דריי. און כדי צו באשרייבן א זאך, האב איך ליב, און איך האלט אז איך דארף, וויסן וואו און וויאזוי צו שרייבן די ריכטיגסטע נקודה אז מ'זאל זיך נישט טועה זיין.
איינער האט שוין דא געשריבן אז כדי צו וויסן "חדשים", דארף מען קענען מענטשן, און וויסן זייער חודש, און נאכדעם אבסטראקטן די צד השווה שבהן. עכ"פ, לאמיר פרובירן וואס מ'דארף זעהן אויף א מענטש אויב ער איז א חודש ניסן.לויט דעם ספרכמובן.
איך גלייב אז דו וועסט נישט טרעפן א ניסן זאל זיך אוועקזעצן אויף א שיפל און אפלאזן זיינע פלענער. ער האלט אין איין גיין פון נקודה צו נקודה. אלעמאל האלט ער ערגעץ ביי א געוויסע נקודה. און בכלל האט ער ליב צו טון א זאךשנעל און שוין.
אויב גייסטו מיר טרעפן א ניסן וואס מ'רופט 'פעניאק' אדער 'שטאטער מענטש', קען זיין אז ער איז דורך אין זיינע יונגע יארן זאכן וואס האבן אים געמאכט שטאט. צום סוף דארפסטו זעהן א געוויסע אינערליכער שטרעבונגצו א ציהל. אין אנדערע בעסערע ווערטער: דו דארפסט זען אויף איםניסן.
אפילו אויב דו וועסט זעהן א רואיגקייט אויף א ניסן, איז עס נאר יעצט, און נאר פון אויבן אויף, עס דאכט זיך דיר אז ער רוהט זיך אפ. אבער נעם צוזאם אלע זיינע צייטן, און עס וועט אויסקומען א בילד וואו ער מישט זיך אריין אין צענטער פון זאכן. מ'זאל זעהן אז ער איז דא. זיי האלטן אז מ'קען זיך נישט באגיין אן זיי. "איך פעהל אויס". און אפשר איז געזונט פאר א ניסן אז ער זאל אזוי פילן.
אסיוןזעהט זיך אן אין צענטער, אניסןשפירט אז אן אים איז נישטא קיין צענטער. ס'איז מער די אינערליכער שטופ פונעם ניסן צו זיין אינוואלד. און נישט אזוי ווייט די פאקטישער זיין אין צענטער.
זיי האבן א גוט אויג.זיי האבן נישט קיין קנאה צו קיין שום זאך אויף קיין שום אופן. (די נקודה האב איך נישט געוואוסט, ס'האט מיר אויסגעזעהן אנדערש. עלעך עס נאכקוקען)
ער זאגט אז א ניסן האט נישט ליב דעפרעסיע. אדער מיינט ער צו זאגן אז ס'איז זייער נישט גוט פאר אים.
זיי רעגן זיך שנעל אויף, און ווען זיי זענען גערעגט האבן זיי נישט קיין רחמנות. אבער זיי האבן חרטה און עס טוט זיי באנק, אזוי ווייט אז ער שפירט אז עס דרוקט אים פיזיש אין קאפ. עס קען זיי קאסטן א נאכט שלאף, פון חרטה פארוואס זיי זענען געווען אזוי גערעגט.
האבן א הויעכע אינטעליגעץ, און האבן א שארפן שכל.
האבן ענדערש ליב צו גיין מיט לאגיק, ווי מיט געפיל.
פון איין זייט האבן זיי א גוטן זכרון, און פון די אנדערע זייט נישט ווייניג שכחה.
האבן ליב זיך צו לערנען וויאזוי אנצוגיין אין לעבן.
ווילן זיך אנטוויקלן, ארבעטן אויף די מידות וכו', און קענען דערגרייכן גרויסע מדריגות אין חכמה.
אסאך פון ניסנ'ס זענען מנהיגים. (דער שרייבער איז זייער פארנומען ווער ס'האט אין זיך מנהיגות, אדער האט ליב מנהיגים.)
האבן ליב צו מאכן זאכן פונקטליך. יעצט, אויב דו גייסט מיר טרעפן א ניסן וואס איז צעווארפן, גייסטו מיר זאגן אז ס'שטומט נישט? ער מיינט דען צו זאגן אז אלעס וואס ער טוט איז פונקטליך, ער מיינט צו זאגן אז אין געוויסע זאך קומט ארויס דאס פונקטליכקייט.
זענען נישט צו שטארקע אפטימיסטן.
ער זאגט אז א ניסן זאל געדענקען און טון די פאלגנדע דריי זאכן.
א) די אינערליכע מצב רוחניות זאל שטומען מיט די אינערליכע מצב גשמיות
ב) זיך צו קאנצענטרירן אויף וואס מ'טוט, און די אטענשאן זאל נישט זיין צעווארפן.
ס'דא א בוך פון ר' שמעון גרין 'זיך דורכקומען מיט יעדן'. דארט לייגט ער אראפ אז ער צעטיילט כאראקטערס פון מענטשן אויף פיר הויפט סארטן פערסאנאליטיס. די געל, רויט, בלוי, און נאך א כאראקטער וואס ער רופט יו ווי.
איך וואלט נישט געקענט זאגן אז איך קען פונקטליך אנצייכענען וועלכע מזל-פלאנעט עס מאכט וועלכע נאטור. הגם איך וויל יא זאגן (לויט וויאזוי עס וויל זיך מיר יעצט זאגן) אז חמה, און אפשר צוגעלייגט מאדים, איז רויט. ווייל חמה איז די אמביציע צו מצליח זיין. חמה איז די 'ביקוש מעלות גבוהות' און 'אהבת העושר'. צוגעלייגט אביסל מאדים וואס געט די מהירות וכו', וועט עס שאפן די רויטע קאליר. עס ווענד זיך ווארשיינליך אין נאך זאכן.
די געל וואלט איך געזאגט איז מער נוגה, צוגעלייגט אפשר אביסל צדק. נוגה איז די אהבה, לעג, שחוק, שמחה, רקוד, לשחוק בקוביא. אהבת השכרות. דאס שטומט אויף געל. אביסל אריינגעמישט צדק
די בלוי, וואלט איך געזאגט איז צדק. צדק איז די 'לעמוד בברית'. אבער עס קומט אויס אז בלוי האבן אין זיך די כאראקטער שטריך פון וועלן זיין גערעכט. טאקע נישט ווי א יו ווי, אבער דאך "ווילן זיין גערעכט". עכ"פ, בלוי איז מער צדק.
יעצט, יו ווי. און איך שטעל מיך פאר אז דאס איז דער עיקר אויף וואס מ'ערווארטעט צו זען א אנאליז.
איך קלער ביי מיר אז איך בין א געל - יו ווי. די רגע איך האב געזען די וועג וויאזוי ער באשרייבט דעם יו ווי, האט עס מיך געכאפט. ווייל איך האב געזען א באשרייבונג וואס באשרייבט גאנץ עכט וויאזוי עס לויפט א "יו ווי נפש". און די עצות וואס ער געט דארט איז אויך הפלא ופלא און זייער זייער וויכטיג. און איך וואלט געזאגט אז ס'האט מיט געוויסע מזלות-פלאנעטן וואס מאכן עס אזוי.
שבתאי איז לכאורה דער עיקר יו ווי שטריך. (האסט געטראכט אנדערש?)
שבתאי איז וואס מאכט אז מ'זאל זיין צוריקגעצויגן, ווייניג רעדן, אסאך טראכטן, וועלן קלאר וויסן זאכן, פערפעקשאניזם, עקשנות. לעמוד על דיבורו. לפתות בני אדם = קאנטראל. פחד, דאגה. אוודאי איז עס נישט נאר שבתאי, און מקען זאגן אז ס'איז אויך אביסל צדק. ווייל צדק האט זיך די ביקוש צו 'חופש הנפש'. די ביקוש צו בלייבן גערעכט. אדער אפילו פלוטו. אבער א שטארקע שפיץ איז שבתאי.
מאדים אליין שאפט נאכנישט א יו ווי. כך נראה לי. מאדים אליין איז א מענטש וואס איז סתם א פליקער.
אינצווישן די עצות געט ער דארט א מהלך וויאזוי צו אכטונג געבן נישט צו טשעפענען. און וויאזוי צו אכטונג געבן נישט צו קאנטראלירן. און איך קלער אז יורנס אדער צדק אדער ביידע צוזאמען, און לייג צו פלוטו, ווען א מענטש האט א נאטאל טשארט וואס האט א פראמינענטער יורנס, אדער פלוטו, אדער גאר אזא צדק יורנס פלוטו, אזא מענטש, אזא קינד, וויל האבן אייגענע אטאנאמיע.
און ווי מער מ'טיילט איין פאר אזא קינד, אלץ שווערער קען עס חלילה ווערן. און מ'דארף אכטונג געבן.עיין שם וויאזוי צו באהאנדלן די זאך. ווייל די גאנצע זאך וואס אזא קינד זוכט איז 'פרייהייט' און אייגענעם קאנטראל. און ווען עס קומט צו פאלגן די תורה הקדושה איז דאס נישט די זעלבע זאך אינעם נפש! ווייל יעדערווילפאלגן. אבער "פוץ דיין שיך", דאס איז נאכנישט 'תורה'. "קויף דעם און דעם תפילין בייטל" איז נאכנישט 'תורה'. מ'דארף אכטונג געבן.
דאס מיינט אז נישט ווייל "ס'פאסט אים נישט" דערפאר וויל ער דוקא נישט ארויסטראגן די גאביטש ווען מ'האט אים געזאגט "טראג ארויס די גאביטש" נאר ווייל די רגע ער הערט צום ביישפיהל "מאך דיין פיאות" דארף ער זיך אפלאזן פון זיין וועג וויאזוי ער גייט אום אין די וועלט, און ער פארלירטבאמתטרעק. כך נראה ליה השתא בעת כתבי השורות הזאת
פאלגן איז זייער א גוטע זאך. אבער פאלגן קען אוועקנעמען א מענטש פון זיין אייגענעם חיות. פאלגן השי"ת און פאלגן די תורה הק', אדער פאלגן וואס ערליכע גוטע יודן הייסן טון, דאס ווערט נישט אויפגעכאפט אלץ א שטער צו פרייהייט. פארוואס? ווייל אזא סארט פאלגן, גייט יא צוזאמען מיט 'חופש הנפש'. פארוואס? ווייל די נפש וויל ארויסקומען, און עס קומט ארויס ווען מ'פאלגט נאך די אייגענע געזעצן. יעדער איז דאך א חלק אלוק ממעל.
אין לך בן חורין יותר ממי שעוסק בתורה. קבלת התורה איז קיינמאל נישט צוואנג, והא ראי' אז אין מרדכי ואסתר'ס צייטן האט מען דאס מקבל געווען באהבה. ווייל תורה איז דעזיגנירט צו מקבל זיין פון רצון חפשי. ווייל רצון חפשי איז איינס מיט פאלגן די תורה.
אבער פאלגן סתם אזוי, דאס איז נאכנישט חופש הנפש. עיין שם. ועיין בר' שרגא פליישמאן נ"י.
וויפיל איך ווייס איז אז דאס האט צו טון מיט די שטאטע פלאנעטן וואס האבן א השפעה אויף די נאטורן פון מענטשן. וויבאלד עס לויפט דורך מער צייט און מענטשן ווערן געבוירן אין איין סארט פלאנעט-מזל. צום ביישפיהל די אלע קינדער וואס ווערן געבוירן פון יעצט ביז א יאר ארום, זייער פלוטו (די פלאנעט פלוטו) גייט זיין אין מזל דלי, זייער נפטון אין מזל דגים, און זייער יורנס אין מזל שור. און זייער שבתאי איז אויך אין מזל דגים. האבן זיי געוויסע די זעלבע נאטורן.
מ'זעט דאס בחוש, אז יעדע דור איז א אנדערע דור. אין א געוויסן זין, אנדערע סארט מענטשן. יעדע צייט אפשניט ווערן געבוירן - אין א געוויסע צד - אנדערע סארט מענטשן.
ווען מ'ווייסט פון מזלות, אז א מענטש ווערן געבוירן מיט געוויסע שטריכן לויט די מזל אין וועלכע ער ווערט געבוירן. קען מען מער קלערן אז די סיבה פון נפשיות'דיגע שוועריגקייטן קומען נישט אלץ רעזולטאט פון קעמיקאלן אין מוח, נאר עס קומט פון די געוויסע טבע אינעם מענטש.
צום ביישפיהל OCD קומט פון די נאטור פונעם מענטש. א געוויסע טבעיות, געוויסע כאראקטער שטריכן, מיט וואס דער מענטש ווערט געבוירן, וואס מאכט אז דער מענטש זאל עווענטואל אנטוויקלן OCD. צום ביישפיהל א טבע וואס מאכט אז דער מענטש זאל זיך מער זארגן, און נישט פילן גוט מיט זיך אליין. 'צדק' מאכט אז דער מענטש זאל פילן גוט מיט זיך אליין. עס ווענד זיך וואו צדק איז, אין וועלכע מזל, און אין וועלכע הויז.
OCD האט צו טון מיט געוויסע שטריכן וואס האבן מער די זארג, דאס זיכער מאכן, דאס זוכן פאר זיכערקייט, פחד. אבער האט נישט די געוויסע שטריכן וואס מאכן גוט פילן. די געוויסע שטריכן וואס מאכן אז דער מענטש זאל גיין ווייטער און נישט צוריקקוקען. OCD קען קומען ווייל דער מענטש האט מער צדק, און דערפאר זוכט ער צו זיין מער אויסגעהאלטן.
אמת טאקע אז די טבע האט השפעה אויף די קעמיקאלן אינעם מוח. אבער די קעמיקאלן פונעם מוח קענען נישט אליין אפמאכן וויאזוי זיך אויפצופירן, זיי זענען אונטער די השפעה פון די טבעיות פונעם מענטש.
אמת טאקע אז די געוויסע טבעיות מאכט אז ס'זאל זיין ווייניגער פון א געוויסע קעמיקאל. צום ביישפיהל, ווען חמה איז אין די אכטע הויז, קען זיין אז ס'זאל זיין ווייניגער סערעטאונען. קען זיין. ווייל די אכטע הויז ווייזט אויף פחד.
און אמת טאקע אז ווען דער גוטער קעמיקאל וואלט אויף עפעס א אופן זיך אליין געקענט פארמערן, וואלט דער מענטש נישט געהאט OCD. אבער די קעמיקאלן זענען געבינדן צו די טבע פונעם מענטש. די קעמיקאלן האבן נישט קיין שום אייגענעם כוח. און ווען מ'נעמט א פיל, מאכט מען אז די קעמיקאלן זאלן זיך טוישן און די OCD גייט אוועק ווייל ס'טוישט מאמענטאל די טבע.
קיינער ווערט נישט געבוירן מיט OCD.
א מענטש וואס האט נישט OCD, זיין טבע, מאכט אז ער זאל נישט האבן OCD. און זיין טבע מאכט אז ער זאל אויך האבן מער פון די גוטע קעמיקאלן. איך קלער אז א מענטש וואס האט מער מאדים אין זיך, האט ווייניגער פאטענציאל צו אנטוויקלן OCD.
וואס עס קומט אויס פון מיינע ווערטער איז, אז די געוויסע מענטשן וואס קענען יא אראפגיין פון מעדיקעשאן, קומט ווייל זיי האבן ארומגעארבעט מיט זייער טבע, אזוי אז די OCD און ענגזייעטי זאל זיך בארואיגן, גענוג, אז זיי זאלן קענען אראפגיין פון די מעדיקעשאן.
די זעלבע מיט ADHD. ווען מ'נעמט אן מזלות, קען מען מער קלערן אז די סיבה פאר ADHD האט מיט די טבע פונעם מענטש. אמת טאקע אז אט די געוויסע טבע מאכט אז דער מענטש זאל האבן ווייניגער אדער מער פון א געוויסע קעמיקאל. אבער נישט דערפאר האט ער ADHD, נאר ער האט עס ווייל דאס איז זיין טבע
און דער אייבערשטער העלפט, און זאל העלפן אז ס'זאל נישט ארויסקומען חלילה א מכשול פון אונזערע הענט.
און די זעלבע ווען דער מענטש פילט אז ער וויל זיך מתבודד זיין פון מענטשן, ער וויל טראכטן, ער וויל זיך זארגן, ער וויל פחד'נען, וועט עס אבער לויפן אין איינקלאנג מיט די נאטורן פון צדק. ער וועט קיינמאל נישט זיין א אנגעבלאזענע גערעגטע מענטש. ער וועט זיין א באלאנסירטער צווישן צדק און שבתאי. קיינמאל נישט צופיל שבתאי, און קיינמאל נישט אויסטערליש צדק. ביידע וועלן טיילן די זעלבע נאטורן.
אויסטערליש צדק מיינט, ווען א מענטש האט נדבת הלב אן עפעס א גרעניץ. אדער ער שמייכלט אן א זעלבסט-קאנטראל, אדער ער האט פיינט רע, אן זען אז מ'קען עס אויך נוצן ערגעץ. עפעס אזוי.
יעצט, א מענטש וואס האט א מבט רביעית צווישן צדק און שבתאי, מיינט דאס אז פון ווען דער מענטש איז געבוירן פילט ער אין זיך אז מ'קען גיין אויף צוויי מהלכים. איך קען אדער זיין זייער צוריקגעצויגן פון מענטשן, זיך זייער שטארק זארגן עד הסוף, גארנישט רעדן צו קיינעם, זיך שטארקן אקעגן יעדעם. טראכטן טאג און נאכט, נוצן מחשבה טאג און נאכט עד הסוף. און אזוי אויך אלע נישט גוטע נאטורן פון שבתאי. ווייל שבתאי וויל ארויסקומען מיט די גאנצע שררה. זיין קאלט און טרוקן עד הסוף
אבער אין די זעלבע צייט, פילט דער מענטש אין זיך אז איך קען אויך, ממש יעצט, קען איך זיין זייער בשלום מיט יעדעם, עד הסוף, זיין זייער וואויל עד הסוף, האבן גאר שטארקע נדבת הלב. גאר שטארקע חופש הנפש. טראכטן אגאנצן טאג וויאזוי צו מאכן געלט. און אזוי ווייטער.
אזא מענטש האט א אינערליכע קאנפליקט. אינערליכע קאנפליקטן קומען פון אט די מבטי שנאה, די מבטי רביעית או נוכח.
וואס טוט דער מענטש? וועלכע וועג קלויבט ער זיך?
לכאורה צעטיילט ער זיין לעבן אויף צוויי. איין חלק אין זיין לעבן וועט ער נוצן נאר צדק, אבער ממש אין די זעלבע צייט וועט ער אויך נוצן שבתאי אויף עפעס א אנדערע חלק אין זיין לעבן. ער וועט זיך זארגן אין די בעקראונד אויף עפעס, און טראכטן דערפון.
די חילוק אויף למעשה צווישן די ביידע סארט מענטשן איז, אז דער וואס האט א מבט שלישית צווישן צדק און שבתאי, וויל קיינמאל נישט נוצן איינע פון די צוויי אינגאנצן עד הסוף. איבעראל נוצט ער די ביידע. ער איז קיינמאל נישט א עכטע טרויעריגע מענטש. א שבתאי מענטש. און ער איז אויך קיינמאל נישט גאר צעלאזט, מיט א חופש הנפש, אדער גאר פאזיטיוו. אדער גאר פילאזאפיש.
אבער דער וואס האט מבט רביעית, בשעת ער צדק'ט ארום, קען ער אין די זעלבע צייט אויך נוצן די כוח המחשבה זיינע סך שטערקער. סך מער שבתאי'דיג. ער קען שמייכלן צו א מענטש, און אויך זיין גאר שטארק אויפגערעגט אויף דעם זעלבן מענטש וועגן עפעס אנדערש. דאס מיינט א קאנפליקט.
ער קען זיין בשלום מיט געוויסע מענטשן, אבער אין די זעלבע צייט האלטן קאפ צו זיין גאר שטארק אפגעזונדערט פון געוויסע אנדערע מענטשן. אזוי שטארק ווי נאר שבתאי קען באווייזן.
א מענטש מיט א מבט שלישית צווישן צדק און שבתאי וויל דאס נישט. חוץ אויב ער פארשטייט אז ס'איז נישט צדק צו זיין א חבר.
די פאוער פון א נאטאל טשארט, איז די פאוער פון קאנפליקט אדער נישט קאנפליקט.
והשם הטוב עוזר ויעזור שלא יצא ח"ו שום מכשול מתחת ידינו. אז מ'זאל נישט אריינפאלן דארט ווי אין רוח חכמים נוחה הימנו. מ'זאל בלייבן אמת'ע ערליכע יודן, זיך צו האלטן צו ערליכע יודן
לעצטנס האב איך געזען אראפגעברענגט די געבורטס שיין פון הרה"ק פון שינאווא זצ"ל, דער הייליגער דברי יחזקאל. אז ער איז געבוירן כב שבט תקע"ו, בשעה דרייצן, איך נעם דא אן אז ס'איז פאקטיש. (מעגליך אז ער איז געבוירן א צען מינוט פאר איינזע, דאס שטומט מער. אבער דאס איז שוין מיין השערה) דאס זעט מען זיכער אז ס'איז דעמאלטס געווען א אינטערעסאנטע מזל אז דער וואס זאל דעמאלטס געבוירן ווערן, זאל זיין עפעס גאר חשוב.
חמה און כוכב איז אין מזל דגים. דגים זענען זייער געפיליש, און רחמנות'דיג. בכלל זעט מען דא גאר שטארקע יסוד המים, מער ווי אש רוח און עפר.
דער הייליגער דברי חיים שרייבט אויף אים: ובענין הציצית אין דרכי לפלפל בדבר שלא ראו עיני טבעי ואופן המאשין ואולם בני הרב כו האבד"ק שינאווישלדעתי אינו משנה הדיבור אפילו יהבו ליה כל חללי דעלמא, איז אינטערעסאנט צו זען א מבט שלישית צווישן כוכב און צדק. ווען צדק איז מזרחי פון חמה, וואס דאס ווייזט אויף די תוקף הכוח פון צדק. כוכב איז דאך דיבור, און צדק שרייבט דער הייליגער אבן עזרא אז דאס ווייזט אויך אויף דיבור אמת. אהבת הטוב, ושנאת הרע. אמונה. לעמוד בברית.
ווי אויך איז א מבט שלישית צווישן צדק און די מזל הצומח. דאס ווייזט אז די צוגאנג צום לעבן איז געווען מיט צדק.
מ'זעט אויך א מבט שישית צווישן לבנה וואס איז אין מזל קשת, און שבתאי וואס איז בביתו אין מזל דלי. דאס ווייזט אויף זעלבסט-קאנטראל. אויף מחשבה. דורכגעטראכט.
מ'זעט אויך א מבט שלישית צווישן מאדים און נוגה. וואס דער הייליגער אבן עזרא שרייבט: אז נוגה איז מבטל די שלעכטע מעשים פון מאדים. נוגה יסיר נזק מאדים.
חמה איז בבית התשיעי. וואס דאס ווייזט אויף עבודת השם.
והשם הטוב עוזר ויעזור אז ס'זאל נישט ארויסקומען א מכשול מתחת ידינו ח"ו און אז מ'זאל נישט אריינפאלן אין זאכן וואס איז נישט נוחה פאר אמת'ע ערליכע יודן.
