5X3 איך ווייס נישט פארוואס ווען איך האב געזען דעם קעפל האב איך געטראכט אז דער ארטיקל וועט זיין אין דעם ריכטונג און בכלל דאס ארויסברענגען אזא פארווייטאגטע נושא אן קיין האס קומט צו א עקסטערע 5
געלעגער האט געשריבן:
דא ליגט אמת׳דיגע ווייטאג. האסט א טאלאנט אין די האנט צו נעמען דעם מלמד און מאכן אזוי פארפיינטעט אז אפילו די ליינער קען אים נישט פערזענליך וואלט ער אים אראפגעלאזט א סטאר 5 אויפן געזוכט ביים זעהן אויפן גאס. דאס דארף מען קענען! איך האף די מלמד ארבעט היינט אין א שלאכט הויז און שניידט פיפיקלעך און לעבער.
און אויך די קינץ אזוי אריין צו שלעפן די ליינער אין די כיתה און חדר ממש צו פילן ווי מען איז יעצט דארט און מען הערט די קלינגעדיגע פעטש לייוו, אויף אזוי ווייט אז מען פארגעסט גאר פון דעם נחום פון אנפאנג מעשה, 3 מאל 5!!!
וירא מנוחה כי טוב ויט שכמו לסבול ווען מען איז זיך סובל קען מען שפירן די ריכטיגע מנוחה
נעמט א ביישפיל די פאלגנדע שורה וואס האט מיך געמאכט פלאצן פאר געלעכטער: "איך האב אזוי שטארק אנגעכאפט די קוואדער אז אפילו די אדלער האט געקוויטשעט פאר יסורים..."
איך האב אויך געהאט עטליכע אזעלכע מלמדים, און נאך ערגער, אזא מנהל. זיי האבן מיר אויסגעטיילט ציפקע צרות, גייסטישע נאך ערגער ווי פיזישע, ווי צב"ש חוזק מאכן פון מיר קעגן הונדערטער קינדער כאילו איך וואלט געווען א חסר דעה רח"ל. און איר ווייסט וואס נאך? יעדעס איינציגע מאל פון וואס איך געדענק (און אסאך אזעלכע עפיזאדן זענען מיר איינגעקריצט אין זכרון), איז עס געווען על לא עוול בכפי - נישט אז די עוולה איז נישט געווען פראפארציאנעל צום שטראף נאר אז קיין עוולה איז בכלל נישט געווען. נישט אז איך בין אלעמאל געווען אזא ענדע-צדיק, נאר קוקט אויס אז מרשעים יצא רשע, און ווען עס האט באמת אויסגעפעלט האבן זיי נישט געהאט דעם זכות מיר מחנך צו זיין...
די קינדער יארן דארפן צו זיין די זיסטע, דער מענטש דארף זיך דאן בויען אויף ליבליכע יסודות. איינער וואס שפירט ביי זיך אז ער האט סיי וועלכע נטיה צו סאדיזם, מעג ער זיין דער שענסטער איד און בעסטער מחנך אין טעאריע, זאל רחמנות האבן אויף זיין אייגענע נשמה און זיך שוין אפזאגן פון חינוך. הגם איך האב שוין עטליכע מאל ארויסגעזאגט בפה מלא אז איך בין אים מוחל, גלייב איך שווער אז אלע זיינע מלחמה געליטענע האבן אים מוחל געווען. ובפרט אז ער ווייסט גאנץ גוט פון עטליכע וואס ער האט צוגרינד געלייגט און ער באמיט זיך נישט מתקן צו זיין.
צום ארטיקל, זייער גוט ארויסגעברענגט די אנעקדאטן און די יסורים, אבער לדעתי נעמט די קרעטשמערישע שפראך היבש אוועק פונעם מעסעדזש. (בכלל קוקט אויס אז די מנהלים פונעם פארמעסט זענען זייער גוטהארציגע - קאראנע איז געווען גע'אסר'ט אבער איין ארטיקל דרייט זיך ארום דעם און א צווייטע דערמאנט עס. קרעטשמעריש האט זיך אויך אריינגעכאפט מער ווי איין מאל טראץ דעם פארבאט). אויך די צאמשטעל מיט "נחום דער חכם", גאר זיס פאר זיך, איז אבער אין דעם פאל אביסל גורע. (אריינצוגיין אביסל מער, אז א שמועס פון שוטינג סטארס דערמאנט אים פון פראסקעס צען יאר פריער מיינט עס אז ער לעבט נאך אינעם ווייטאג, אבער די גאנצע שפראך און "קאנטרע" אטמאספארע צייגט לעבנסלוסט, דאס איז jarring און מאכט עס שפירן געקונצלט).
צ' כפופה וץ' פשוטה... היינו נאמן כפוף נאמן פשוט.וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא:(שבת קד.) בלאג - מיינע ארכיוון
נישטא די ווערטער ארויסצוברענגען דעם פייוו סטאר פון דעם ארטיקל!
דאס איז לכאורה געווען מיט א דריי פערטל יובל צוריק אויב נישט מער, בינעך גערעכט? כ'גלייב נישט אז שפעטער ווי דעם וואלט נאך אזאנס געקענט פארקומען מדי שנה בשנה אן ראיאטן פון די קינדער אויב נישט פון די עלטערן.
מיין פאטער זז"ג דערציילט מיר אויף איינס פון זיינע מלמדים וועמען א חשוב'ער ת"ח האט אריינגעלייגט אין די קאטעגאריע וואס ווערט געברענגט אין תניא - אזעלכע וואס זענען באמת יראי' ה' אבער האבן א תאות רציחה(!) און נעמען דעריבער אזעלכע סארט ארבעט ווי זיי קענען זיך דאס אויסגעבן. ווי עס זעט אויס פון דיינע ווערטער רעדט מען טאקע ממש גענוי פון אזא סארט פיגור.
בכ"א, א סקיי ראקינג שכח! סיי פאר די תוכן און סיי פאר די שפראך!
אימיטן די גאנצע דראמא איז די רבי'ס פרישטיג אומגערישט ארויפגעקומען אויף די אויבערפלאך... בשעת ווען איך שטיי אינטשעס אפגעריקט פונעם וואלקעאנישן ארויסשיס... די ריח רע וואס האט זיך פון דארט דערטראגן איז געווען איום ונורא, כ'האב געוויסט אז שניידן צוויבל קען מאכן רינען טרערן, יעצט בין איך געוואויר געווארן אז די גראך פון צוויבל קען אויך מאכן וויינען... מיין אינגע אימיון סיסטעם האט עס נישט געקענט פארטראגן... אינסינקטלי, האביך געגעבן א בעק צוריק...
וואס האט דאס געמיינט???!!! דינערט די באסיווע שטימע נאכן צוריקשיקן די אומגערופענע טונא נ'צוויבל... פארוואס האסטו צוריקגעטרעטן אהן רשות? שרייט דער בהמה מעלה גירה, כאולי איך בין דער וואס האט געטוהן אן עולה דא...
און איך שוטה האב געענפערט תמימות'דיג מיט א שטילע שטימע: גארנישט... ס'האצעך גענומען שטינקן דא...
[align=center][/align]
וואס האסטו געטוהן צו מיר....??
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
