בנוגע דאנציג, דאס אז די נאציס האבן באקומען ווייניגער פון 60% פון די שטימען, ווי אויך אז זיי האבן באקומען 44 פון די 78 זיצן אין די סענעט, מיינט אז זיי קענען נישט זיך פאראייניגען מיט דייטשלאנד, ווייל כדי זוך צו פאראייניגען מיט דייטשלאנד, וואלטען די נאציס געדארפט צוויי דריטעל פון די סענעט (52 זיצן). באריכטען געבן איבער אז ראשושניג איז אנטלאפען פון דאנציג, צוליב מורא אז די נאציס וועלען עם באשולדיגען אין זייער פארלוסט, און זיי וועלן זיך נוקם זיין אין עם
אין די שטאט סטרעסע האט זיך יעצט געענדיגט א קאנפרענס, צעווישען ענגלאנד, פראנקרייך און איטאליע, די 3 מדינות האבן שטארק אראפגעריסן די דייטשע אויפבוי פון די מיליטער און לופטוואפע, פראנקרייך האט שוין געהאט אריינגעגעבען א פראטעסט צו די פעלקער ליגע, יעצט האבן די 3 מדינות אפגעשמועסט צו ארבייטען צוזאמען אין די ליגע איבער ווייטערדיגע שריט. די 3 מדינות האבן אויך איבער'גע'חזר'ט זייערע צוזאג צו עסטרייך אז זיי וועלען איהר באשיצן קעגן דייטשלאנד, אין פאל אז דייטשלאנד וועט זיי וועלען איבערנעמען.
זיי האבן אויך גערעדט איבער אראפנעמען די באגרעניציגען פון עסטרייך צו קענען בויען א מיליטער, אבער ס'איז געבליבן אז מען מוז קודם בעטן רשות פון די שכינות'דיג'ע מדינות ווי יוגעסלאוויע, רומעניע און אנדערע.
זיי האבן אויך איבערגעחזר'ט זייער פארשלאג צו דייטשלאנד, אז מען זאל באגרעניצען די מילטערען פון אלע מדינות און אייראפע, און אז דייטשלאנד'ס מיליטער וועט זיין אייניג (נישט קלענער) מיט אלע אנדערע מדינות.
נאך די סטרעסע קאנפרענס דארפ די פראצויזשע אויסערען מיניסטער פליען קיין רוסלאנד,כדי צו פארהאנדלען מיט די סאוויטישע רוסלאנד איבער אן אפמאך. דאס איז א ריזיגע חידוש אז פראנקרייך איז גרייט צו פארהאנדלען מיט די קאמיוניסעטן קעגן די נאציס. ווי עס קוקט מיר אויס, זענען די פראנצויזען היפש אנגעצויגען איבער דייטשלאנד, אבער ענגלאנד לאכט זיך אויס, און טוהט נישט גארנישט ביז פראנקרייך צווינגט איהר עפעס צו טוהן, די איטאליענער טוהן שוין מער קעגן דייטשלאנד פון וויפיל ענגלאנד טוהט.
פון אמעריקע הערט מען אפילו נישט גארנישט, זיי זענען צו פארנומען מיט די אייגענע צרות, ווייל ביי די אמעריקאנער איז גארנישט דא חוץ דער דאללער, און אז מען איז אין אן עקנאמישער קלעם, קען די גאנצע וועלט ברענען, און אמעריקע וועט שלאפען, חוץ מזה וואס פרעזידענט רוזוועלט איז צו א גרויסע שוואכלינג זיך צו שלאגען מיט די פאשיסטען און פאסיפיסטען אינערהאלב אמעריקע. (אויך איז רוזוועלט פארנומען זיך שלאגען מיט אידישע שוחטים אין געריכט, די שעכטער ברידער האלטען אינמיטען א קעיס וואס קען אונטערברענגען א גרויסען חלק פון רוזוועלט'ס ניו דיעל, די שעכטער ברידער האבן פארלעצט א חלק פון די נייע געזעצען פון די ניו דיעל, און מען האט זיי געקלאגט, די ברידער טענה'ן אבער אז די געזעץ איז נישט אויסגעהאלטען לויט די אמעריקאנער קאנסטוטציע, די קעיס איז שוין געהערט געווארען אין די אמעריקאנע סופרים קארט, און מען ווארט יעצט פאר די פסק, מען ערווארטעט אז די שעכטער ברידער זאלן געווינען די קעיס, נאך דעם וואס א טייל ריכטער האבן ליצנות געמאכט פון די געזעצען וואס די שעכטערס האבן פארלעצט)
ענדליך, אמעריקע האט זיך אויפגעוועקט! זיי האבן פארדאמט דייטשלאנד! די אמעריקאנער זענען בייז! די דייטשען ווילן אפצאלן זייערע חובות צו אמעריקע אין רייכסמארק, נישט דאללער! אזא חוצפה! יעדער ווייסט איז די רייכסמארק איז גארנישט ווערט כלפי דעם דאללער, אמעריקע פארלאנגט אז מען זאל צאלן די חובות אין דאללער, נישט רייכסמארק!
וואס האט עטץ געמיינט, אז ענדליך אמעריקע פארדאמט שוין יא דייטשלאנד זאל דאס זיין וועגען זייער ווידערבאוועפנונג? נע, איך האב שוין געזאגט אז אמעריקע דינט בלויז געלט, יעצט אז דייטשלאנד וויל זיי שאדן מאכן אביסל געלט, ויבוא, ער איז דא.
די לעצטע פאר טעג, קלאגט איטאליע אז די לאנד אביסיניע בעפאלט זייערע אפריקאנער קאליניעס. אביסיניע פון זייער זייט, שרייט אז זיי האבן גארנישט געטוהן, און אז איטאליע פעלטשט די אנפאלען, אביסיניע האט אנגעפאנגען בויען א מיליטער, אלץ מורא פון די באדייט פון די פאלטשע אנפאלן פון איטאליע. איטאליע זאגט אבער אז דאס איז א ראי' אז אביסיניע זוכט צו מאכן צרות.
באריכטען אין ענגלאנד ווייסן צו פארציילען אז דייטשלאנד בויעט אונטערוואסער שיפן, דאס איז די דריטע גרויסע פערלעצונג וואס דיישטלאנד מאכן קעגן די פאקט פון ווערסעי, זיי בויען א לופטוואפע, זיי האבן אנגעפאנגען אויסצוברייטען זייער מיליטער צו 580 טויזענט סאלדאטען (אנשטאט די 100 טויזענט וואס ווערסעי לאזט), און יעצט בויען זיי אונטערוואסער שיפן, עפעס וואס איז פראבאטען אונטער די שלום פון ווערסעי. ביזדערוויל, חוץ א פארדאמונג פון די פעלקער ליגע, האט מען נאך גארנישט געטוהן צו דייטשלאנד.
רוסלאנד און פראנקרייך האבן היינט געמאכט אן אפמאך, אין פאל וואס דייטשלאנד באפאלעט איינער פון זיי, וועט די צווייטע ארויסגיין אין מלחמה קעגן דייטשלאנד. טשעכייסלוואקיע ארבייט אויך אריינצוקומען אין דעם אפמאך
די לעצטע פאר טעג, קלאגט איטאליע אז די לאנד אביסיניע בעפאלט זייערע אפריקאנער קאליניעס. אביסיניע פון זייער זייט, שרייט אז זיי האבן גארנישט געטוהן, און אז איטאליע פעלטשט די אנפאלען, אביסיניע האט אנגעפאנגען בויען א מיליטער, אלץ מורא פון די באדייט פון די פאלטשע אנפאלן פון איטאליע. איטאליע זאגט אבער אז דאס איז א ראי' אז אביסיניע זוכט צו מאכן צרות.
מאי 7 1935
איטאליע בלייבט נישט שולדיג, איטאליע טענה׳ט אז אביסיניע בויעט א מיליטער, און האט אנגעפאנגען באשטעלטען כל מיני וואפן פון די גאנצע וועלט, אלץ אנטווארט זאגט איטאליע, אז זיי גייען זיך נעמען בויען זייער אייגענע מיליטער. זיי וועלען צולייגען צוויי נייע דוויזיעס צו זייער מילטער.
ברוך השם גינסטיגע נייעס פון די איטאליע אביסיניע פראנט, איטאליע האט געשטעלט 2 פארהאנדלערס צו פארהאנדלען א שלום אפמאך מיט אן אביסיניע, די שלום רעדעס גייען זיין אונטער די אויפזיכט פון די פעלקער ליגע. האפענטליך וועלען די רעדעס פירן צו א פרידליכע שליכטונג צו די יעצטיגע אנגעצויגענע מצב אין אפריקע.
בלויז נעכטען איז געקומען די גינסטיגע נייעס אז איטאליע איז גרייט צו פארהאנדלען מיט אביסיניע, אונטער די אויפזיכט פון די פעלקער ליגע, און שוין היינט קומט שלעכטע נייעס, איטאליע גרייט זיך צו שיקן 3000 סאלדאטען צו זייערע אפריקאנע קאליניעס, אין א שריט וואס וועט נאך מער אנציען די אנגעצויגענע מצב דארט, אויך האט מוסיליני געלאזט הערן, אז כאטש ער איז גרייט צו פארהאנדלען מיט אביסיניע אונטער די אויפזיכט פון די פעלקער ליגע, ווארענט ער אן ענגלאנד און פראנקרייך, אז זיי זאלן זיך נישט אריינמישן, און אז ער וועט זיך נישט צוהערען צו וואס זיי האבן צו זאגן.
און בערן שווייץ האט זיך היינט געענדיגט א געריכט ווי די צוויי אידישע ארגאניזאציעס, "די שווייצע פעדעראציע אף אידישע קאמיוניטיס" און די "בערן אידישע קאמיוניטי" האבן געקלאגט די פרא נאצישע פארטיי "די נאציאנאלע פראנט" אויפן ארומשיקן די טרויריג בארימטע אנטיסעמיטישע פראפאגאנדע " די זקני ציון פראטאקאלן" ביי א פארטיי מיטינג צוריק און 1933,
קודם די היסטארי, ביי א מיטינג צוריק און יוני 1933 דורך די "נאציאנאלע פראנט" און א קאסינאו און בערן האט די פארטיי ארומגעשיקט פאמפלעטן פון די זקני ציון פראטאקאלן, וואס איז געעדיט געווארן דורך דיר דייטשער אנטיסעמיטישער שרייבער "טעאדאר פריטש". די אויבנדערמאנטע צוויי אידישע ארגאניזאציעס האבן געקלאגט "סילוויאו שנעל" ( זיין ארבעט איז ארומצושיקן די אויסגאבעס פון די נאציאנאלע פראנט) פארן פארקויפן די פאמפלעטן ביי די מיטינג, און טעאדאר פישער אלס דער שרייבער, פארן פאבלאציהרן א שאנדפולע אנטיסעמיטישער ארטיקל אויף די זעלבע שטייגער פון יוליס שטרייכער(דער טרויריג בארימטער אנטיסעמיטישע נאצי שרייבער) גאנץ שנעל איז די אנקלאגע פארוואנדעלט געווארן און צוויי הויפט קלאגעס,
פלעדזשוריזם. דאס מיינט איבערשרייבן פון איינעם אן רשות,
און פארדזשערי. דאס מיינט איבער זאגן שטיקלעך פון איינעמס רעדע,
ביי די געריכט האבן די אידישע ארגאניזאציעס געברענגט עטליכע עדות וואס זענען געווען ביי די ערשטע ציוניסטישע קאנגרעס און באזעל, אזוי אויך עטליכע רוסישע און גלות, וואס האבן עדות געזאגט אז די גאנצע זקני ציון פראטאקאלן איז געווארן צוזאמגעשטעלט דורך די צארישע פאליציי אנצוהייצן אנטיסעמיטיזם ערב די רוסישע פראגראמען, ביי די הויפט געריכט סעסיע, האבן אטיילגענומען דריי הויפט עקספערטן, "לוסלי בערן באמפלייס" מצד די ריכטער, "ארטור באומגארטן" מצד די קלעגער, "אולריך פליישהאוער" מצד די אנגעקלאגטע, זיי האבן געדארפט ענטפערן פיהר הויפט שאלות 1) איז די פאמפלעטן א פארדזשערי, דאס הייסט גענומען שטיקלעך פון א רעדע, 2) איז עס פלעדזשוריזם, איבערגעשריבען פון א צווייטן, 3) אויב איז עס איינע פון די צוויי אויבנדערמאנטע, וואס איז די ארגינעלע ווערסיע פון די פראטאקאלן, 4) אויב איז עס מיסט ליטעראטור, בשעת "באמפלייס" און " באומגארטן" האבן געטענה'ט אז דאס איז פארדזשערי, האט "פליישהאוער" גאזאגט אז דאס איז עכט, אבער נישט פון א זיכערע מחבר, מעגליך פון א שרייבער באקאנט אונטער די פען נאמען "אחד העם" וואס ער האט עס איבערגעגעבן ביי א געהיימע זיצונג פון די ארגאניזאציע "בני ברית" די געריכט האט למעשה געפונען שולדיג צוויי און די אנדערע פריי געשפראכן, און ביידע האבן באקומען א סימבאלישע קנס פון 50 פראנק פאר "פישער" און 20 פראנק פאר "שנעל" און זיי דארפן אויך באצאהלן די געריכט קאסטן, דער ריכטער "וואלטער מאיער" האט אויך געזאגט, אז לויט זיין אפשאצונג איז די פראטאקאלן פאלש שאנדפול און קען אנברענגן פראבלעמן פאר א מינאריטעט גרופע (דאס הייסט פאר אידן) די צוויי האבן אפעלירט די אורטייל צום העכערע געריכט
איטאליע זאגט אז זיי האבן א מיליאן סאלדאטען גרייט, אין פאל עס וועט קומען צו א מלחמה מיט אביסיניע, די ענגלישע אמבאסעדער קיין איטאליע, איז אהיימגעפארן צו ענגלאנד כדי זיך שואל עצה צו זיין וויאזוי צו באהאנדלען די סיטאטציע.
עסטרייך האט געמאלדען אז זיי גייען אויך בויען א לופט כח פאר זייערע מיליטער, דאס איז נאך א קלאפ פאר ווערסעי. עסטרייך ווארט צו זיין וויאזוי די ״קליינע ענטאנט״ (טשעכייסלאווקיי, יוגעסלאוויע, און רומעניע) גייט אויפנעמען די נייעס.
די "(נייע) ציריכער צייטונג" מעלדט אז ווי זיי האבן געהערט פון א באגלייבטען בערלין מקור, אז אין די הויעכע נאצישע פענסטער ווירבעלען זיך פלענער אויסצוהרגענען אלע דייטשע אידן מענר ועד זקן היל"ת, צום ווייניגסטען גייען זיי פארטרייבען אלע אידן פון דייטשלאנד, היל"ת
