נאציאנאלע זיכערהייט ראטגעבער דזשעק סאליוואן האט פון די ערשטע מינוט זיך מער וויינייגער אפגעשאקלט פון אימיגראציע אנגעלעגנהייטן און דעזיגנירט פרוי שערוואד זיך צו באפאסן דערמיט און טראץ וואס זי ווערט שטארק געגליכן דורך אירע קאלעגן (זי הייסט גראדע פון די מער שטרענגע אויף אימיגראציע) גלויבן פילע אז זי פארמאגט נישט די נויטיגע ערפארונג אויף די אישו און איז געווארן צוגעטיילט די אומריכטיגע ראלע
צוריק צום פרעזידענט האט ער געזעצט אויפן טיש און שטרענג פארלאנגט א רייע אימיגראציע דאטא פונקטן אבער די געהילפן האבן עס נישט געהאט צו די האנט און דער פרעזידענט איז געווארן זייער אויפגעברויזט און לויט קוועלער האבן די אנוועזנדע שפעטער זיך באקלאגט אז די פרעזידענט'ס טוישנדע אויפמערקזאמקייט איבער אישוס און זיין נעגאטיווע שטימונג מאכט עס בלויז מער קאמפליצירט צו גרייכן באשלוסן איבער די גרעניץ
די ווייסע הויז שלאגט אפ די באהויפטונג און ווארטזאגער ענדרו בעיטס זאגט אז די שטימונג ביי די מיטינג איז געווען פראדוקטיוו און די געפשרעך איז געווען איבער א קאמפליצירטע אנגעלעגנהייט
פילע שטאב באאמטע זאגן אז אימיגראציע איז געווארן די הייסטע קארטאפל אינעם טעלער פון וועלכע קיינער וויל זיך נישט אפבריען און יעדער פרובירט זיך אפצושאקלען פון איבערנעמען די לייצעס און טראגן פאראנטווארטליכקייט אויף די פראבלעם
איינע פון זיי זאגט: אויב ביזטו די פערזאן וועלכע דארף רעפערירן דעם פרעזידענט איז דיין אויפגאבע אים צו פארטושן און אנטוישן אויף א טעגליכע פארנעם און קאבינעט שטאפל זיצונגען צו דיסקוטירן די גרעניץ ווערט אפט באשיינט דורך געהילף סעקרעטארן ווי איידער דורך די סעקרעטארן און אגענטור הויפטן זעלבסט וועלכע זוכן עס אויסצומיידן
וויצע פרעזידענט העריס און איר אפיס האבן קלאר געמאכט צו אנדערע אדמיניסטראציע באאמטע אז אירע פאראנטווארטליכקייטן הויבן זיך אן און ענדיגן זיך מיט באהאנדלען די פאקטאראן וועלכע שטופן אימיגראנטן צו עימגרירן פון גוואטאמאלא, האנדוראס און על סאלוואדאר
דאס אדרעסירן די אישו ווערט אויך געפלאגט פון קעגנזייטיגע מיינונגען ווען געוויסע באאמטע שטופן פאר שטייפערע פאליסיס אבער אנדערע מיט די הילף פון פון דרויסנדיג פרא אימיגראציע אדוואקאטן זוכן א מער ווייכע צוגאנג און די באשלוסן וואס קומען ארויס פון ווייסן הויז רעפלעקטירן די אינערליכע קאמף צווישן די צוויי זייטן
איינע פון די ביישפילן זענען דאס אפשטעלן די פארבלייב אין מעקסיקא טראמפ פאליסי אבער די אדמיניסטראציע האט אין די זעלבע צייט פארגעזעצט צו נוצן די עפידעמיע טייטל 42 רעכט צוריקצושיקן קיין מעקסיקא פלטים וועלכע זוכן אזיל רעכט
די אדמיניסטראציע האט פארלענגערט צייטווייליגע שוץ פאר ווענעזועלא פלטים און וואכן שפעטער געמאלדן אז זיי ווערן צוריקגעשיקט צום ערשטן מאהל אין עטליכע יאר
א דריטע פאל וועלכע שפיגלט אפ די קעגנגעזעצטע שטעלונגען האט מען געזעהן ווען די רעגירונג האט געברענגט צו אן אפשטעל דאס האלטן אומלעגאלע אימיגראנטן פאמיליעס אין אימיגראציע צענטערן
די אדמיניסטראציע האט מיט דעם געטוישט א פאליסי וואס איז געווען אקטיוו אונטער פרעזידענטן בוש, אבאמא און טראמפ אבער ווען די צושטאנד איז געווארן בלויז ערגער האבן די אנטי אימיגראציע שטימעס אין ווייסן הויז געפירט צו באטראכטן דאס צוריק איינשטעלן די פריערדיגע פאליסי
איינע פון די וועלכע ווערן יא באצייכנט צו האבן גענומען א מער אקטיווע ראלע איבער אימיגראציע איז געווען דאמעסטישע פאליסי ראטגעבער סוזען רייס און אפילו די אינערהאלב די ווייסע הויז וועלכע זענען אומאיינשטימיג מיט איר איבער פאליסי אויסקוקן אנערקענען אז זי איז כאטש געווען אקטיוו פארמישט און גרייט צו נעמען פאראנטווארטליכקייט
קירבי האט געזאגט פריוואט אז ער וואלט זייער געוואלט ווערן פרעסע סעקרעטאר אבער די איצטיגע פרעסע סעקרעטארשע האט קלארגעשטעלט אז זי פלאנט נישט צו גיין אין ערגעץ בעפאר די וואלן
עס ווערט באריכטעט אז דער פרעזידענט האט געהאט געזאגט פארן פרעסע סעקרעטארשע אז זי גייט באקומען אן אדמיראל וועלכע וועט שטיין העכער אירע אקסלען און טראץ וואס ביידען האט עס אנגעבליך געמיינט אלס מוטיגונג האט עס אבער געקלונגען ווי א דערנידערונג פאר איר פאזיציע און ווי א מעסעדזש אז זי דארף האבן איבערזיכט פון עימיצן גרעסער פון איר (א ווייסע הויז ווארטזאגער לייקנט די עפיזאד)
די פראבלעם פארן פרעע סעקרעטארשע איז אז די פרעסע לייט זעלבסט אפערירן אין א וועג וואס איז זייער בולט אז זיי בעפארצוגן אים איבער איר און עס איז געקומען צום אויסדרוק ביי א לעצטיגע פרעסע קאנפרענץ אויף עיר פאורס 1 ווען קירבי האט געענדיגט זיין טייל און האט אנגעהויבן גיין צוריק צום פרעזידענט'ס קאבינע אבער א רעפארטער האט אנגעהויבן פארפירן: ער גייט שוין? ער גייט שוין? און די פרעסע סעקרעטארשע האט אים געדאפרט צוריקרופן און אויב האט מען געמיינט אז דער רעפארטער האט א פראגע וועלכע איז דיזגינירט צו אים צוליב איר מיליטערישע נאטור האט יענער בלויז געוולאט אז קירבי זאל קאמענטירן איבער א באריכט אז אילאן מאסק נוצט דראגס