דער שאך שפיל און איר היסטאריע

scy4851 · דאנערשטאג מאי 08, 2008 11:04 am

געטראפען א שיר פונעם אבן עזרא אויפען שאך שפיל
זייער אינטערעסאנט וויא ער איז מסביר אלע שפיל שטיקלעך און וויא זיי קענען גיין.

דאנערשטאג מאי 08, 2008 11:16 am

WOW

די אידישע חכמים האבן פארמאגט אלע חכמות אין זיך.

זונטאג יוני 25, 2006 12:34 pm

עפעס רעדט ער פון עלעפאנטן, מה זאת?

scy4851 · דאנערשטאג מאי 08, 2008 12:01 pm

דאכט זיר מיר אז דאס איז די KNIGHT

מיטוואך יוני 28, 2006 8:40 pm

עס קוקט אויס זייער אינטערסאנט, גיימער עס דורך לערנען.

שמערי בערי · מאנטאג אפריל 28, 2008 4:40 pm

"רגלי" איז די פאנדעלע
"פיל" איז די לויפער (אזוי פארשטיי איך, אפשר ווייס איינער בעסער)
"רוק" איז די טארים

יישר כח, עס איז זייער שיין

שמערי בערי · מאנטאג אפריל 28, 2008 4:40 pm

אויף ענגליש רופט מען עס א פויער'ל

.

scy4851 · דאנערשטאג מאי 08, 2008 12:37 pm

שמערי בערי האט געשריבן: "רגלי" איז די פאנדעלע
"פיל" איז די לויפער (אזוי פארשטיי איך, אפשר ווייס איינער בעסער)
"רוק" איז די טארים

יישר כח, עס איז זייער שיין

פאנדעלע מיינט pawn ?

שמערי בערי · מאנטאג אפריל 28, 2008 4:40 pm

אני האט געשריבן: אויף ענגליש רופט מען עס א פויער'ל

מיטוואך יוני 28, 2006 8:40 pm

דער 'פיל' איז דער לויפער אזוי האט עס געהייסן אויפן אריגינאלן שאך שפיל וואס האט געהייסן Chaturanga שאטוראנגא.

געוויסע רולס זענען אויך אנדערש אין יענעם שפיל, און ווי עס קוקט אויס פונעם אבן עזרא שרייבט ער דעם פיוט לויט יענע געזעצן.

שמערי בערי · מאנטאג אפריל 28, 2008 4:40 pm

וואס למשל איז אנדערש?

מיטוואך יוני 28, 2006 8:40 pm

אז דער לויפער איז בעסער פונעם קעניגן מיט דעם אז דער קעניגן קען נאר גיין איין טריט אויפאמאל משא"כ דער פיל קען גייט דריי.

אזוי פארשטיי איך פונעם אבן עזרא, מיין פראגע איז נאר וועלכע טריט איז דער פרז (קעניגן) אנדערש פונעם קעניג?

מיטוואך יוני 28, 2006 8:40 pm

איצט אפליינענדיג דעם שאטוראנגע געים רולס קוקט מיר אויס ווי דער אבן עזרא רעדט ממש פון יענע געים.

דער קעניגן קען גיין נאר איין טריט אויפאמאל ווי אויך קען עס נאר גיין שיף, און לכאורה מיינט דאס 'ומסעיו לארבעת רבעיו' דאס מיינט צו די פיר 'שפיצן'.

דער 'פיל' לויפער קען גיין דריי טריט שיף.

און דער קעניג קען גיין אזוי ווי אונזער שאך קעניג, איין טריט צו יעדן זייט.

scy4851 · דאנערשטאג מאי 08, 2008 2:46 pm

יאנאש, ווען האט זיך געענדערט די רולס צי די וואס מען שפילט היינט?

דרך אגב,
איך האב געליינט אז דער שיר איז דאס ערשטע מאל געווען געדריקט און שנת ה"תנא דורך א נוצרי'שער היסטאריען

מיטוואך יוני 28, 2006 8:40 pm

דער ריינער אמת איז אז עס איז נאך דא היינט ערטער וואו מען שפילט נאך אויפן אלטן שטייגער Shatranj איז נאך א געים וואס איז זייער ענליך צו שאך, און נאך מער ענליך צו דעם אויבן דערמאנטן Chaturanga, מאך א וויקי זוך וועט איר טרעפן ביידע דערפון ווי אויך נאך אנדערע.

ביי Shatranj גייט דער לויפער שיף איין טריט וועלכע וועג מוויל, אבער עס מוז איבערשפרינגן איין קעסטל און קען זיין אז דאס מיינט דער אבן עזרא מיט די 'לזה יתרון, למה שהאו משלש, עס איז שווער מסביר צו זיין אבער דארט איז דא בילדער.

די שאך געזעצן זענען געטוישט געווארן עטליכע מאל איבער די לעצטע טויזענט יאר, די לעצטע מאל מיינעך נאכן צווייטן קריג.

scy4851 · דאנערשטאג מאי 08, 2008 2:59 pm

ישר כוח יאנאש.

scy4851 · דאנערשטאג מאי 08, 2008 3:10 pm

כידוע איז דער אבן עזרא געווען אן עני ואביון.
די וועלט זאגט, אז דער אבן עזרא האט געזאגט, ווען ער וואלט געהאנדעלט מיט תכריכין, וואלטען מענטשען נישט געשטארבען.

דא איז א שיר וואס דער אבן עזרא האט אליינס געשריבען דערוועגען.

farshlufen · דאנערשטאג מאי 08, 2008 3:12 pm

ר' שמחה די לעצטע האב איך שוין געזען ערגעץ.

scy4851 · דאנערשטאג מאי 08, 2008 3:16 pm

דא און קרעטשמע?

זארעכפעפער · דאנערשטאג מאי 08, 2008 3:44 pm

פשיהא, א ידיעה שטרם ידעתי ושמעתי.

יישר כח ר' שמחה פאר די ידיעה'לע פונעם אבן עזרא'ס שיר אויפן שפיל. איך קען אייך זאגן איין זאך, אז אזא גוטע און אינטערסאנטע ידיעה האב איך שוין לאנג, לאנג, נישט איינגעהאנדעלט. פון וולעכען ספר האט איר דאס ארויס גענומען? וואו איז דער שיר געדרוקט?

און יא, יאנאש איז הונדערט פראצענט גערעכט. קוקט דא אין וויקי , וועט איר זען אז אפי' די נעמען מיט וואס דער אבן עזרא באצייכנט די כלי מלחמה, פרז פיל סוס וכו', זענען די זעלביגע.
**

בשייכות צו דעם צווייטן שטיקל פון אבן עזרא וואס איר האט אריינגעסקענט, האב איך אמאל געהערט נאכזאגן א הוספה צו דעם, בשם ר' יענקעלע מפשעווארסק זצוק"ל:
"און די וועלט זאגט, אז דער אבן עזרא האט טאקע געהאנדלט מיט תכרוכים, און אין די תקופה וואס ער האט געהאנדלט דערמיט זענען טאקע קיין מענטשן נישט געשטארבן..."

scy4851 · דאנערשטאג מאי 08, 2008 4:06 pm

זארעכפעפער האט געשריבן: פשיהא, א ידיעה שטרם ידעתי ושמעתי.

יישר כח ר' שמחה פאר די ידיעה'לע פונעם אבן עזרא'ס שיר אויפן שפיל. איך קען אייך זאגן איין זאך, אז אזא גוטע און אינטערסאנטע ידיעה האב איך שוין לאנג, לאנג, נישט איינגעהאנדעלט. פון וולעכען ספר האט איר דאס ארויס גענומען? וואו איז דער שיר געדרוקט?

אויף seforimonline.org איז דא א ספר וואס הייסט 'קובץ חכמת ר' אברהם אבן עזרא'
אויף דעם סייט איז עס אויף page 4 . עס נעמט לאנג צי עפענען ספרים דארט ווייל זייער server איז זייער שטאט. איך האב עס שוין לאנג אויף מיין PC

דרך אגב, כמעט אלע ספרים אויף יענעם סייט פון ר' יחיאל מיכל טוקצינסקי, און עטליכע ספרים פונעם בעל תורה תמימה, און פונעם בעל ערוך השלחן, זענען געקומען פון מיין פערזענליכען אוצר.

scy4851 · דאנערשטאג מאי 08, 2008 5:09 pm

אויב מעהאט שוין געמאכט א בזינדערען אשכול עלאיך ארויף שטלען נאך.

דער אבן עזרא האט געשריבען 3 שירים איבער דעם שאך שפיל.
דאס שיר וואס איך האב פריער ארויפגעלייגט איז געווען דער # 2 .

דא איז שיר # 3

שיר # 1 קומט בל"נ מארגען עס איז די לענגסטע פון די 3.

אלץ-ווייסער · דאנערשטאג מאי 08, 2008 11:54 pm

א גרויסן דאנק פאר דעם שיינעם שיר.
אייגענטליך האב איך דעם שיר געהאט אין מיין קאלעקשאן מיט בערך 25 יאר צוריק
דעמאלטס האב איך אויך געזען געוויסע מערערים, וועלכע האבן אנגעוויזן אז ס'איז נישט פונעם אבן עזרא.

דא איז די העברעישע אינציקלאפעדיע:
http://www.daat.ac.il/daat/kitveyet/sde_chem/biladi.htm

אלץ-ווייסער · פרייטאג מאי 09, 2008 12:16 am

איך דערמאן זיך איצט אז אינעם שיר אשורר שיר, זענען די בתים די אותיות "אברם", נישט אברהם.
פון דעם האט מען ארויסגעלערנט אז ס'איז ער, און זיי זאגן אז ער האט זיך קיינמאל נישט גערופן אברם.

scy4851 · פרייטאג מאי 09, 2008 10:07 am

אלץ-ווייסער האט געשריבן: איך דערמאן זיך איצט אז אינעם שיר אשורר שיר, זענען די בתים די אותיות "אברם", נישט אברהם.
פון דעם האט מען ארויסגעלערנט אז ס'איז ער, און זיי זאגן אז ער האט זיך קיינמאל נישט גערופן אברם.

איך האב דאס געטראפען וועגען די מעוררים אז דער אבן עזרא האט קיינמאל נישט געניצט 'אברם'
די באמערקונג זענען בנוגע דעם ערשטען שיר וואס איך האב געשטעלט. מיר וועלען עס ריפען שיר # 2

ער זאגט נאר א פאקט, ער ברענגט נישט קיין ראיות.