אידישע וועלט פארומס

איך דאנק דיך באשעפער פאר די מח ארבעט.

געפילען ווערן פראדעצירט ביי די מח אונז צו ראטעווען פון א סכנה ח"ו. די באשעפער האט באשאפען אונעם מח א ריפלאץ וואס העלפט שנעל און סעקונדעס ממש אויב ח"ו מען איז אין א סכנה.

למשל ווען איינער ח"ו רירט אן א פייער און ער פילט נישט גלייך וואס עס וואלט ח"ו געקענט געשעהן מיט דעם מענטש.

אדער ווען איינער כאפט אן א זייער הייסע זאך און ער פילט נישט גלייך צו אוועקנעמען די האנט. אדער ח"ו איינער שטעלט זיך ארויף אויף עפעס הייס אדער שארף און די מח זאגט אים גלייך אראפצוגיין.

אדער ווען עפעס קומט אריין אין די אויגן און מען פארמאכט די אויגן גלייך וואס דאס ראטעוועט אונז יעדע סעקונדע פון אונזער לעבן אז אונז זאלן בלייבן געזונט.

איך דאנק דיך באשעפער פאר די געוואלדיגע מתנה פון זיך קענען אפהיטן פון א סכנה אדער ווייטאג.

איל בין אביסל אנטוישט אז דאס איז אריין אין אז נדברו וואס דאס מיינט פשטות אסאך א קלענערע פארקער.. ווייל בעצם האט די אשכול גאנץ א קנאפע געטרייע ליינער באזע, נאר אונזער גאול איז אז ווי מער מענטשן זאלן אנקומען צו ליינען די הייליגע מעסעדזשעס!!! אבער אויב ס'גייט אנקומען צו ווייניגער מענטשן איז דאס א פראבלעם!..
נישט אזוי ?

איך דאנק דיר באשעפער פאר די טאג כ"א כסלו.

ווי אלע צדיקים נאך די מלחמה האבן געזאגט אז ווען נישט די רבי זי"ע ווערט געראטעוועט וואלט קיינמאל נישט געקענט ווערן אויפגעשטעלט אידישקייט אין די וויסטע אמעריקע (עם ריקא.) און הודו לשם אז די רבי זי"ע איז געראטעוועט געווארן דורך א נס פון א חלום און אזוי איז ב"ה די אידישקייט אין אמעריקע לשם ולתפארת..

אסאך אידן וואס זענען ניצל געווארן פון די ביטערע צווייטע וועלט מלחמה פלעגן פראווענען זייער אייגענע נס הצלה אין די טאג פון כ"א כסלו צוזאמען מיטן רבין און אלע אנדערע אידן.

דאנקן מיר דעם אויבערשטן אויף די חסדים אז אונזערע עלטערן און זיידעס און באבעס זענען געראטעוועט געווארן און זוכה געווען אויפצושטעלן שיינע דורות..

יישר כח באשעפער פאר די גרויסע טאג כ"א כסלו.

איך דאנק דיך באשעפער פאר שניי.

שניי ברענגט א פרישקייט אין די ליפט. עס העלפט פלענטס וואקסן. און לייגט צו א אייגענארטיגער שיינקייט צו די ווינטער סעזאָן.

שניי גיבט אונז די ווילן זיך צו שטארקן איבער די וועטער צו הנאה האבן פונעם ווינטער וואס קומט נאר איינמאל א יאר, שניי באל קריגן, גליטשן אין די שניי, בויען שניי הייזער כאפן שניי אויפן צינג אדער מאכן די ערשטע פוסטריט אויף פריש געפאלע שניי.

שטיין ביים פענסטער אין באטראכטן די הערליכע פאנאראמע בשעת די שניי פאלט, שניי נאך א שניי, די גאסן ווערן איינגעוויקלט אין א ווייסע איבערדעקן, ברענגט א ראויעגקייט פאר די מענטשן.

#וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

#וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

https://drive.google.com/file/d/16n--nn ... ceS_u/view

#וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

איך דאנק דיך באשעפער פאר א פלאם.

א פלאם איז א רוחניותדיג'ע ביישפיל אין א גשמיות'דיגע וועלט. א וועג צו באלייכטן די נאכט.

איך דאנק דיך באשעפער פאר חנוכה אין די ווינטער, ווען די נאכט איז לאנג און טונקל. און דורך די פלאמען פון די מנורה ברענגען מיר אריין ליכטיגקייט אין אונזער הויז, פאר זיך און פאר די וועלט.

עס איז וואונדערליך אז איין פלאם קען אנצינדן אזוי פול לעכט אן עס זאל פארלירן עפעס פון זיך. אזוי אויך, קענען מיר באיינפלוסן אן א צאל מענטשן צו דאנקן די הייליגע באשעפער, בשעת אונזער הכרות הטוב ווערט נאר שטערקער.

איך דאנק דיך באשעפער פאר א פלאם וואס איז א פארם פון ליכטיקייט, הייצונג, ווארעמקייט און א חלק פון רוחניות.

#וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

איך דאנק דיך באשעפער אז מען קען אונז נישט מנצח זיין.

אין יעדע דור שטייען אויף שונאים וואס ווילן אונטערברענגן די אידישע פאלק, סיי פיזיש אין סיי גייסטיש. נאך אלץ עקזעסטירן מיר די לענגסטע, מיט א שטארקע קשר צו אונזער אפשטאם.

איך דאנק דיך באשעפער פאר פאראייביגן די דעטאלן פון אלע פעלקער וואס האבן אונז געוואלט אויסמעקן כדי אונז צו דערמאנען אז נישט קיין חילוק וואו שווער די מצב זעט אויס, טוסטו אונז אייביג ראטעווען.

איך דאנק דיך באשעפער פארן אונז ראטעווען פון די שווערסטע מצבים.

#וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

איך דאנק דיך באשעפער פאר צייטן וואס פארעמען גוטע זכרונות.

חנוכה פארברענען מיר מיט משפּחה און פריינד. מען שפילט צוזאמען, מען עסט געשמאַקע עסן און פאראייביגן גוטע זכרונות.


איך דאנק דיך באשעפער די הנאה פון צו קוקן וואו אזוי די קינדער פארברענען אזוי איינגענעם. פאר בילדער וואס פאראייביגן עס, אזוי אז מען יארן שפעטער צוריק קוקן צו די גוטע צייטן.

איך דאנק דיך באשעפער פאר די פאזיטיווע צייטן וואס מיר פארברענגען אינאיינעם. אסאך מאל מיט נאנטע וואס מען זייט נישט אפט.

#וְקָבְעוּ שְׁמוֹנַת יְמֵי חַנוּכָּה אֵלוּ לְהוֹדוֹת וּלְהַלֵל לְשִׁמְךָ הַגָדוֹל

צום שלוס פון חנוכה זעהט די העריכע קליפ פון יענקי דאנסקאל / בענצי קלעקין און נאך איבער דאס דאנקן !!
https://drive.google.com/file/d/1w3LGUe ... sp=sharing

איך דאנק דיך באשעפער פאר קאר לעקטערס.

עס איז וואונדערליך ווי אזוי אזא קלייניקייט ווי לעקטערס קענען מאכן אזא חילוק אין די באקוועמליכקייט און זיכערהייַט פון א קאר.

ווען א קאר וויל טוישן לעינס, צינד מען אן א ספעציעלע לעקטער אין די בעק פון די קאר, וואס ווייזט פאר די קארס אונטער זיך פונקטליך וואו מען וויל טוישן לעינס, אזוי פארמיידט עס איין קאר זאל אריינקראכן אינעם צווייטן קאר.

לעקטערס אין פארנט פונעם קאר - העד-לייטס - מאכט ליכטיג פארן דרייווער צו קענען זעען וואו ער פארט ווען עס איז טונקל וואו אויך העלפט עס מענטשן באמערקן א קאר קומען אין די טונקל.

איך דאנק דיך באשעפער פאר יעדע לעקטער וואס העלפט א קאר פארן פארזיכטיג אויפ'ן ראוד.

איך דאנק דיך באשעפער פאר אונז אויסלערנען אז מען דארף זיין סענסעטיוו צו אנדערע מענטשן'ס געפילן.

אין די וואכעדיגע סדרה האט יוסף הצדיק אויסגעליידיגט די צימער פאר ער האט זיך אנדעקט צו זיינע ברודערס.

ער איז געווען אליין צווישן 10 ברודער, זיי וואלטן אויך געקענט הרג'ענען. אבער ער האט אויסגעקליבן ענדערש צו איינשטעלן זיין לעבן ווי איידער צו פארשעמען זיינע ברודערס.

איך דאנק דיך באשעפער פאר אלע לעקציעס וויאזוי זיך אומצוגיין מיט מענטשן וואס לערנט אונז וויאזוי צו אפהיטן די געפילן פון אנדערע.

איך דאנק דיך באשעפער פאר די זונען שטראלן.

די שנייהאט זיך אויפגעלאזט און די ווינטער זוןאיז ארויסגעקומען.

אפילו ווינטער איז נאכנישט אריבער, ברענגט אונז השי"ת אביסל פון זיין ווארעמקייט און ליבשאפט דורך אונז געבן ווארעמע וועטערס און א ווארעמע זון אזוי אז עס איינגענעם צו פארברענגן אין גאס.

איך דאנק דיך באשעפער פאר די ווינטער זון, טרוקענע קילע וועטערס און פאר אונז שיקן ווארעמע טעג.

ש'כח עלער פאר דעם וואס דו דערמאנסט אונז צו דאנקן אונזער ליבער בורא ברוך הוא. סתם אזוי טייטש מען הראינו ה' חסדיך, ווייז, דהיינו: טו מיט אונז חסד. היינט האב איך געטראכט: הראינו ה' חסדך, עפן אונזערע אויגן און ווייז אונז באשעפער וואו דו טוסט מיט אונז חסד, וישעך תתן לנו, ווייל מיר דארפן א ישועה דורכ'ן דאנקען. קומה עזרתה לנו ופדינו למען חסדיך, לייז אונז אויס פון דארפן זען דיינע חסדים דורך דעם ווען ס'גייט שווער.

א גיטען טאג פאר גאנץ כלל ישראל, עס איז געווען די יו״ט חנוכה משפחות זענען זיך ציזאמען געקימען מען האט פארברענגט מיט די קינדער אייניקליך איר אייניקליך אין א חלק אפילו מיט די איר איר אייניקליך בע״ה איבערן יאר נאכאמאל געזינטערהייט,, לאמיר געבען א בליק צירוק ווי שטארק מיר האבען הנאה געהאט (1)אז מען האט זיך בכלל געקענט ציזאמען קימען (2) מיט די עלטערן ציזאמען (3) אלע קינדער אינאיינעם (4) עס איז געווען אנגענעים געשמאק (5)די עסן איז געשמאק געווען אין נאך אין נאך לאמיר זיין מיט אויגען אפען א גאנץ יאר צי דאנקען אין לויבען דעים אייבישטער אפילו ווען מיר זעין נישט די ניסום אין חסדים מיר זענען נישט אין אזא גיטע mood לאמיר נישט ווערען אוועג געשלעפ מיר האבען *יא* 1000 זאכען וואס עס איז זייער גיט/גיט לאמיר זאגען דעים הלל והודאה אין נשמת מיט א שמחה של אהבת הבורא וועלען מיר דעמאלטס אייביג נאר זעין גיטס אין אפילו ח״ו אין די שווערסטע זמנים וואס א מענטש גייט אדוירך וועט עס נישט זיין אזוי שווער ווייל ביים סוף ווייסען מיר אז עס איז * נאר גיטס * אזוי מיר זאגען ואילו פינו מלא שירה כים וכו׳ אין אנו מתפיקים להודות וכו׳ אויף די קלענסטע זאך לאמיר זיך מחזק אפילו עס איז א בחינה פין בלילות דאך איז טוב להודות לה׳ ווייל עס קימט פין די מקור הברכות להודות ולהלל א גאנץ לעבען צים אין סוף ברוך הוא

wow ש'כח עלער פארן דערמאנען אז מ'דארף דאנקען אונזער גוטער באשעפער.

יאפס ישר כח אייבערשטער אויף אלעם

ממש מ'דארף מיר האלטן אין איין לויבן השי"ת ווי ס'שטייט יושב תהלות ישראל. האט זיך מיר געטראכט תהלת ה' ידבר פי, אז מ'לויבט השי"ת, ויברך כל בשר שם קדשו, איז מען זוכה צו שמירת הברי"ק.