מעיאר דע בלאזיא האט היינט מיטאג אפגעהאלטן א פרעס קאנפערענץ איבער די 'אלד וויליאמסבורג ניו דזשענערעשאן פארק' אין הארץ פון וויליאמסבורג אז די פלאן איז געווען אז דער געוועזנער גאווערנאר קאומא וועט באשליסן די צוקונפט פונעם פארק אבער יעצט גייט עס אריבער צום נייעם גאווערנאר האקול און זי וועט מעלדן איר באשלוס אין עטליכע וואכן.
= שומר ישראל שמור שארית ישראל = איך בין נישט קיין דעמאקראט, נישט קיין ריפובליקען און ניטאמאל קיין אינדיפעדענט, איך באנוץ זיך מיט מיין אייגענעם שכל... אבער אנטקעגן דעת תורה פון מיינע רבי'ס בטלה דעתי!
פארלאפענע וואך דינסטאג פ' חקת למס' July 5, ארום איינס אזייגער מיטאג זענען עטליכע פאליציי קארס אנגעקומען צום וויקנל פון מארסי קארנער מוירטל אין וויליאמסבורג, אן קיין שום מעדלדונג פון פריער האבן זיי אפגעשלאסן די מארסי גאס ביים ווינקל פון מוירטל, וואס באדייט אז גאנץ מארסי און די אומגעגענט פון ניי וויליאמסבורג זענען געווארן שווער אפעקטיר פון די אומערווארטעט טרעפיק.
מתפללים פון די חצות מנין פון די דערנעבנדיגע סאטמארער "בנין געלבשטיין – קעסקעיד" ביהמ"ד זענען געווען איבעראשט און שאקירט איבער דער אפשליסונג, עס האבן זיך אנגעהויבן פארזאמלען קופקעס, וואו דער עולם האט אויסגעשמועסט וואס דאס קען מעגליך באדייטן, דער "חצות געמיינדע" איז נישט אזוי גרויס אין די יעצצטיגע טעג, וויבאלד אסאך פון די "חצות אידן" געפינען זיך אין די מאונטענס.
עס האט אנגעהויבן ארומפארן וויירעל מעסעדזשעס אויף וואטסעפפ אז מארסי איז געווארן אפגעשפארט אומערווארטעט, די @WMSBG טוויטער אקאונט האט שנעל ארויסגעשיקט א מעסעדזש כדי צו זיין די ערשטע גרופע וואס באריכטעט דעם פאסירונג, פאלגענד איז געווען זייער טוויט "@WMSBG: @NYPDnews unexpectedly closed the street at Marcy x Myrtle Ave. causing a major traffic gridlock for the entire surrounding area. Use alternate route. DTF.”
נאך ארום צוואנציג מינוט האט זיך אנגעהויבן אויסקלארן די סומאטוכע ווען עטליכע שווארצע סובורסענס מיט בליטשקעדיגע לעמפלעך זענען אנגעקומען צו דער געגענט. צו אלעמענס וואונדער איז דער ניו יארק סיטי מעיאר עריק עדעמס איז ערשינען אין די געגענט אינאיינעם מיט זיין סוויטע. וואס א מינוט לענגער זענען ערשינען נאך פילע אידישע און נישט אידישע פאליטיקאנט און ערוויילטע באאמטע, צווישן זיי דער סיטי קאונסיל מעמבער לינקאלן רעסטלער און דער ניי-ערוויילטער דיסטריקט לידער פון בארא פארק, פיני רינגל. אלע קארן פון די פאליטישאנס און ערוויילטע באאמטע האבן געפארקט שיעף "ענגעל" פארקינג לענגאויס מארסי צווישן מוירטל און סטאקטאן.
די גבאים פון די קעסקעיד ביהמ"ד האבן ארויסגעברעגנט א הערליכע שטענדער, און געצויגן א מיקראפאן פונעם ביהמ"ד. דער מעיאר האט זיך גלייך געשטעלט אין צענטער, ווען פון זיין רעכטע זייט שטייען העסקן ר' נפתלי משה אינדיג און הרבני הנגיד ר' אברמי בראך, און פון זיין לינקע זייט שטייען העסקן ר' משה דוד ניעדערמאן, און העסקן ר' אברהם יעקב פריעדמאן.
צווישן די אנדערע עסקנים און כלל טוער האט זיך אנגעזען די באטייליגונג פון די עסקנים ר' יואל אייזדארפער, אן אסיסטענט צום מעיאר ר' שמואל מרדכי שטערן און ר' יואל פריעדמאן. אזוי אויך האט זיך אנגעזען די באטייליגונג פון מערערע 'שומרים' מיטגלידער, בראש פון ר' לעמל מארקאוויטש.
צוערשט האט אויפגעטרעטן ר' נפתלי משה אינדיג, וואס האט ארויסגעברעגנט אז אין די פריע שטאפלען ביי די פריימעריס האט ער איינגעזען די גוטסקייט און גוט הארץ פון מעיאר עדעמס, דעריבער האט ער גלייך פארשטאנען אז די אידישע געמיינדע דארף זיך פאראייניגן צו שטימען פאר'ן מעיאר, און אזוי איז טאקע געווען שפעטער ביי די דזשענעראל עלעקשאנס. ר' נפתלי משה האט אויפגערופן דעם מעיאר צו הילכיגע אפלאדיסמענטן פון אלע פארזאמלטע וועלכע האבן געקלאטשט פארן מעיאר פאר עטליכע לאנגע מינוטן, ביז דער מעיאר האט ענדליך געקענט קומען צום ווארט.
דאן איז דער מעיאר אריבער מעלדן אן היסטארישער פראיעקט לטובת די טויזנטער אידישע איינוואוינער פון ניי-וויליאסבורג. דער מעיאר האט געזאגט אז גענוי ווי זיין פארגייער מר. דעבלאזיא וואס האט מיט א יאר צוריק געגרינדעט די "Old Williamsburg New Generation" פארק, וואס איז געווען גאר שטארק בייהילפיג פאר די אידישע געמיינדע. טוט ער מיט איבעראשונג מעלדן אז אויך אין ניי וויליאמסבורג גייט ווערן אהערגעשטעלט אזא סארט פארק מיט גראז, ביימער, הערליכע בלומען און וואסערפאלן, מיט נאך פילע אינטערעסאנטע אינטערהאלטונגען, א שטייגער ווי גליטשערס, שווינגס, און סיסאוס.
דער מעיאר האט געמאלדן אז דער פארק גייט געבויעט ווערן אויף די "סטאקטאן" גאס, דארט וואו די קעסקעיד דעוועלאפמענט געפינט זיך. דער מעיאר האט ארויסגעברענגט אז ער ווייסט עס איז דא א גרויסע לאקאלע פארק, אבער יענץ איז נאר פאסיג פאר די לאקאלע נישט אידישע איינוואוינער, דעריבער ווערט אהערגעשטעלט דער נייער פארק מיט'ן נאמען "The Cascade Youth Park", ספעציעל לטובת די לאקאלע אידישע געמיינדע.
דער מעיאר האט נאכ'ן מעלדן די היסטארישע פראיעקט זיך אויסגעדרייט צו ר' לעמל מארקאוויטש פון שומרים, וואס איז געשטאנען אינעם צווייטן רייע און אים אנגעוואונשן "Congratulations Mr. Markowitz upon the Wedding of your beloved child, may they live together their entire life with happiness".
דערנאך האט דער מעיאר זיך אויסגעדרייט צו ר' אברהם יעקב פריעדמאן און אים באדאנקט פאר זיין שטארקע שטיצע וואס ער האט אים געגעבן במשך די לעצטע צענדליגער יארן, און נאר אדאנק אים איז ער אנגעקומען צו ווערן דער מעיאר פון ניו יארק סיטי. דער מעיאר האט פארגעזעצט “It was truly an honor for me to be able to attend one of the parties following your child's wedding. I love being surrounded by Jews”.
ווען דער מעיאר האט געענדיגט זיינע ווערטער האט ר' אברהם בראך גענומען דאס ווארט, ער האט זיך שטארק באדאנק פאר'ן מעיאר פאר זיינע פילע לייסטונגען לטובת די אידישע געמיינדע, און ער האט שטענדיג אן אפענער אויער פאר אלעס וואס עס פעלט זיך אויס לטובת די אידן. ר' אברהם האט דערביי געגעבן א זאג פאר'ן מעיאר " איך בין געווען פון די דעוועלאפערס פון די מעכטיגע קעסקעיד דעוועלאפמענט, אונז האמיר דא געבויעט הונדערטער דירות, דאס א צייכן אויף די גוטע חינוך וואס מיר באקומען אין די אידישע מוסדות, אן אפילו איינער אן קיין שום דעגרי אין קאלעדזש האט דאס געקענט באווייזן", ער האט געבעטן דעם מעיאר צו שתדל'ן פאר די הייליגע חינוך פון אונזערע קינדער.
דערנאך האט ר' אברהם דערציילט אז בשעת די פאהאנדלונגען איבער די נייע פארק האט דער מעיאר געוואלט גענצליך פארשליסן פון היינט און ווייטער די סטאקטאן גאס פאר סיי וועלכע קארס, אלעס וועט זיין בלויז גראז און ביימער פאר די הונדערטער משפחות פון די גאנצע אומגעגנט, למעשה האב מיר אונז גע'טענה'ט אז מ'קען בויען דעם פארק אויף די גאנצע לענג פון די גאס (וואס איז גאר א לאנגע גאס), און נאך אלץ בלייבט איבער גענוג פלאץ פאר איין לעין וואו די קארס פון די איינוואוינער וועלן קענען אריינפארן אין די גאס, ר' אברהם האט געזאגט אז דער מעיאר האט ווי שטענדיג תיכף צוגעשטימט צום פלאן.
מעיאר עדעמס האט זיך שטארק צעשמייכלט און געגעבן א קלאפ אין פלייצע פאר אברמי און אים געזאגט "I am sure you're going to build more developments in the near future, so we will be accommodating your requests as you did with allowing to build the new park in front of your development". (אין אידישע איבערזעצונג: איך בין זיכער אז דו גייסט בקרוב בויען נאך פראיעקטן דא אין שטאט, מיר וועלן זיך דאן אפרעכענען אויף די גוטע זאך וואס דו האסט געטון מיטן ערלויבן צו בויען א פארק אויף סטאקטאן, הארט נעבן דיין דעוועלאפמענט.)
דערנאך האט ר' משה דוד ניעדערמאן גענומען דאס ווארט און האט גאר שטארק באדאנקט דעם מעיאר פאר'ן שטענדיג זיין גרייט צו העלפן די אידן, ר' משה דוד האט זיך אויסגעדרייט צו זיין געהילף ר' שמואל מרדכי שטערן און געזאגט אז ער איז עדות אז יעדעס מאל עס מאכט זיך ח"ו אן איבערפאל אויף א איד, פון די פריע פארטאגס שעה'ן ביז אין די שפעטע נאכט שעה'ן, שטייט דער מעיאר שטענדיג גרייט צו העלפן מיט וואס עס פעלט זיך נאר אויס. ר' משה דוד האט אנגעוואונטשן פאר'ן מעיאר אז ער זאל מצליח זיין מיט זיין ארבעט אלס מעיאר.
טראצדעם וואס עס איז נישט געווען געפלאנט בעפאר האט ר' לעמל מארקאוויטש גענומען דאס ווארט און האט זיך באדאנקט פאר'ן מעיאר פאר'ן אראפקומען קיין וויליאמסבורג, ר' לעמל האט ארויסגעברענגט פארן מעיאר אז שומרים ארבעט זייער שווער צו באשיצן די אישיע געמיינדע אין וויליאמסבורג, ר' לעמל האט דערביי ציניש געזאגט פאר'ן מעיאר אז היות די ניו יארק סיטי פאליציי זענען היפש געבינדן מיט דורכפירן ארסעטן, צוליב דעם טוט שומרים ארויסשיקן יעדן שבת פילע קארס צו באוואכן די גאנצע אומגעגענט, ער האט אפעלירט צום מעיאר אז זייענדיג א געוועזענע פאליציי אפיציר ווייסט ער וואס עס מיינט צו באקעמפן פארברעכנס, און דער מעיאר זאל ארבעטן שווערער צו פאררעכטן די פראבלעמען אין די בעיל רעפארם געזעץ.
דער מעיאר איז קענטיג געווען שטארק בארירט פון דעם הערליכן אויפנאמע, ער האט געזאגט אז בעצם האט ער געפלאנט צו מעלדן נאך א גרויסע פראיעקט אין וויליאמסבורג, אבער היות עס האט זיך פארלענגערט שפעטער ווי ערווארטעט וועט ער עס מעלדן אין א צווייטע געלעגנהייט.
