אידישע וועלט פארומס

מכתב אדמו"ר הרה"ק רבי מנחם נחום טווערסקי מטריסק לבניו

0

dovidal האט געשריבן: ↑ זונטאג יולי 07, 2024 12:24 pm

מקובל בשם בנו הרב הקדוש רבי מרדכי, שב' תמוז הוא יום גדול לקבלת התפילות, והרמז: פעמיים 'תמוז', בגימטריה "שועתנו קבל ושמע צעקתנו".
ר"ת של שועתינו קבל ושמע צעקתינו יודע תעלומות ר"ת הוא השם הקדוש שקוצי"ת
איתא בספר "מאמר מרדכי" מהרה"ק רבי
מרדכי מקאזמיר זי"ע (בסוף הספר( וזל"ק:
ובפרט היום שהוא ב' תמוז, ומרמז על זה. ב'
פעמים תמו"ז בגימטריה כמנין השם הקדוש
שקוצי"ת )ש'ועתנו ק'בל ו'שמע צ'עקתנו
י'ודע ת'עלומות(, שהיום ישמע ד' את
שוועותינו ויקבל את תפילותינו וכו'. אגב דאס איז די לעצטע תורה שאמר הרה"ק מקאזמיר קודם הסתלקותו ימים ספורים ביום חי"ת תמוז
=====================
גם הפסוק קרוב ה לכל קוראיו לכל אשר יקראהו באמת באמ"ת ר"ת ב' ת'מוז א'ברהם ב'ן מ'רדכי אז קרוב השם
=================================================================
גם הפסוק קרוב ה לכל קוראיו לכל אשר יקר "אה"ו באמ"ת" גימטריה ב" תמו"ז

היינט נאכט דער הילולא קדישא פון דער הייליגע טריסקער מגיד זי"ע

יארצייט מאנטאג ב' תמוז.

הרה"ק רבי אברהם ב"ר מרדכי זי"ע, (טווערסקי), בעל מגן אברהם, המגיד מטריסק.

ער איז געבוירן אין שטאט וואהלין, בשנת תקס"ו,

צו זיין טאטן הרה"ק רבי מרדכי המגיד מטשארנאביל זי"ע,
בן הרה"ק רבי מנחם נחום בעל מאור עינים מטשערנאביל זי"ע, תלמיד מובהק מבעש"ט הקדוש זי"ע, און א תלמיד פון הרה"ק המגיד ממעזריטש זי"ע,
בן הגה"ק רבי צבי זי"ע,
בן הגה"ק רבי נחום גאון זי"ע,

און צו זיין מאמע הרבנית הצדקת מרת פייגא ע"ה,
בת הרה"ק רבי דוד לייקס זי"ע, מגדולי תלמידי הבעש"ט הקדוש זי"ע,

ער איז געווען א איש קדוש מאוד, און גאון הגאונים און געהאט א זכרון נפלא, ער איז געווען א בקי נפלא בתורת הנגלה והנסתר, ער האט זיך זיין גאנץ לעבן גאר אסאך מסגף געווען מיט געוואלדיגע סיגופים, ער האט די גאנצע וואך כמעט נישט געגעסן, און אפילו שבת קודש האט ער געגעסן ממש נאר לכבוד שבת, ער האט געהאט א מנהג אז פונעם פיש שבת קודש האט ער געגעסן נאר די אויגן, טויזנטער תלמידים זענען געקומען לערנען פון דעם גדול חכמת התורה און יראת שמים, ער איז געווען מפורסם אלס א בעל מופת עצום און א גרויסע פועל ישועות בקרב הארץ,

מען דערציילט אז ביי די 3 יאר איז ער געווען מיט זיין טאטן ביי א חתונה, און דארט איז געווען דער הייליגער בעל התניא זי"ע, און דער בעל התניא האט דארט געזאגט א גאר טיפע דרשה אויף חסידות, און יארן שפעטער האט דער טריסקער מגיד געקענט נאך זאגן ווארט ביי ווארט פון יענעם דרשה,

דער טאטע דער מגיד מטשערנאביל זי"ע האט כסדר מפליא געווען דאס גדלות בתורה און די געוואלדיגע קדושה פונעם זון, און האט אים אסאך מאל מיט גענומען אויף נסיעות, ווי דער טאטע האט אסאך אויף געטון אין תיקון נשמות,

ער האט חתונה געהאט מיט הרבנית הצדקת מרת ריקל ע"ה,
בת הרה"ק רבי יעקב ארי' לייב שפירא מקאוולא זי"ע,
בן הרה"ק רבי מרדכי מנעשכיז זי"ע,
וואס איז געווען דער זעקסטע דור פון הגה"ק בעל מגלה עמוקות זי"ע,
און די זיבעטע דור פון הגה"ק בעל חנוכת התורה מקראקא זי"ע,

ווי ערווענט האט דער צדיק כמעט נישט געגעסן, איין וואך שבת איז דער צדיק געווען בצלו פון הרה"ק רבי ארון מקראקא הנקרא דער הויכער ר' ארון זי"ע, און ווען ר' ארון האט געזען אז דער צדיק מטריסק עסט גארנישט, האט ער געפרעגט דעם צדיק פארוואס ער עסט גארנישט,

האט דער מגיד מטריסק געזאגט אז ער איז א אונס, ווייל ער קען נישט אריינלייגען קיין מאכל אין זיין מויל, האט דער צדיק ר' ארון אים געפרעגט פארוואס נישט, האט ער געזאגט ווייל ער קען נישט שלאפן און דערפאר קען ער נישט עסן אויך נישט, און דער צדיק מטריסק האט געזאגט איך וועל אייך דערציילן די מעשה,

דער טאטע המגיד מטשערנאביל זי"ע פלעגט אונז אסאך מיט נעמען אויף זיינע הייליגע נסיעות, ווען ער האט אפ געראכטען תיקון נשמות און עניינים נסתרים וגבוהים, און ער האט דאן מפרנס געווען די ל"ו צדיקים נסתרים, איינמאל האט ער אונז מיט גענומען אויף א נסיעה, מען איז אנגעקומען צו א קרעטשמע, און דארט איז געווען אסאך מענטשן וואס זענען געקומען טרינקען ביים קרעטשמע, דער טאטע האט געבעטן אז מען זאל מאכן א מחיצה ווי ער זאל זיך קענען דארט אויפהאלטן ווילאנג ער איז דארט, אז ער זאל קענען עוסק זיין אין זיין עבודה אימגעשטערט,

נאך א שטיק צייט איז אנגעקומען א וואגן ווי עס איז געזעצן א אלטער איד וואס איז געווען גאר קראנק און פיל מיט וואונדען, און דער אלטער איד האט געפרעגט אויב דער מגיד פון טשערנאביל איז דא, דער טאטע איז ארויס מיט א שמחה מקבל פנים זיין דעם איד, און מען האט דעם איד אריין געברענגט אין שטוב, און דער טאטע איז געזעצן מיט דעם איד, און פארברענגט אונטערן פירהאנג,

ווען דער איד האט זיך געגרייט אוועק צו גיין, האט דער טאטע אונז געבעטן אז מיר זאלן העלפן פאר דעם איד ארויס צו גיין, וויבאלד ער איז אזוי שוואך אין קראנק, ווען אונז האבן דעם איד געהאלפן ארויסגיין, האט דער איד גאר שטארק געקרעכצט, און עס האט אונז אלע געכאפט א שרעקליכע פחד, און ממש מיט ניסים האט מען באוויזן ארויס צו טראגן דעם איד און אריינלייגען אונעם וואגן, און ער איז אוועק געפארן,

ווען מיר זענען צוריק אריין צום טאטן און דערציילט, אז עס האט אונז אלע אנגעכאפט א גרויסע פחד בשעת מען האט זיך מטפל געווען מיט דעם איד, און צוזעענדיג די גרויסע יסורים פון דעם זקן, האט דער טאטע געפרעגט, ווייסט עטץ ווער דער זקן איז געווען, דאס איז משיח צדקנו וואס אויף משיח שטייט, וְהוּא מְחֹלָל מִפְּשָׁעֵנוּ מְדֻכָּא מֵעֲו‍ֹנֹתֵינוּ, און ביז עס איז נאכנישט געקומען די גאולה שלימה, ליידט משיח צדקינו יסורים נוראים וועגן די עוונות פון כלל ישראל און וועגן די צער השכינה, האט דער טריסקער מגיד צוגעענדיגט פאר רבי ארון זי"ע, פון די מעשה ווען איך האב געזען די צער און ווייטאג פון משיח צדקנו, קען איך מער נישט שלאפן אדער עסן.

דער זון הרה"ק רבי מרדכי מקוזמיר זי"ע האט דערציילט, אז איינמאל בעפאר די ימים נוראים האט זיך זייער פארשפרייט רח"ל די מחלה פון "חולירע" אינעם געגענט פון טריסק, איז מען אריין צום טאטן דער הייליגער מגיד מטריסק זי"ע, און מען האט אים געזאגט, אז מען וויל לאזן וויסן פאר די חסידים, אז קיינער זאל נישט קומען אויף די ימים טובים קיין טריסק, וויבאלד ווען מענטשן שטיפען זיך, קען מען ח"ו דורך דעם פארשפרייטן די מחלה,

האט דער הייליגער טריסקער מגיד זי"ע געזאגט, מען ברויך דאס נישט טון, ווייל ער האט שוין מיט זיינע תפילות געפויעלט, אז קיין איינער זאל ח"ו נישט ווערן אן געשטעקט פון די מחלה, טאקע יענעם יום טוב זענען געקומען א גרויסע עולם חסידים צום הייליגען טריסקער מגיד זי"ע, און טאקע אזוי ווי דער צדיק האט פאר געזאגט, איז קיינער טאקע נישט געווארן אן געשטעקט פונעם מחלה,

אבער הושענא רבה בעשת דער צדיק דער טריסקער מגיד זי"ע האט אפ געראכטן זיין הייליגע עבודה ביי די נענועים, איז איינע פון די חסידים קראנק געווארן מיט די מחלה פון "חולירע", מען האט גלייך געוואלט מזכיר זיין דעם איד ביים מגיד, אבער דער איד האט נישט געלאזט שטערן דעם צדיק אינמיטן זיין הייליגע עבודה, און ביז דער צדיק האט געענדיגט זיין עבודה איז דער איד ליידער רח"ל נפטר געווארן,

שפעטער ווען דער צדיק האט געענדיגט זיין עבודה, האט מען דערציילט פארן טריסקער מגיד, אז דער איד האט נישט געלאזט שטערן דעם רבין פון די עבודה, האט דער צדיק געזאגט מיט א ווייטאג, ווען מען וואלט ווען מזכיר געווען דעם איד, וואלט איך געקענט פויעלען א ישועה פאר אים, און איך וואלט געקענט מבטל זיין די גזירה פון אויף אים,

שפעטער ביי די לוי' פון יענעם איד, איז דער מגיד אויך ארויס צום לוי', און דער צדיק האט געלייגט 4 גראשן אויפן מיטה, און געזאגט פאר דעם נפטר, אז ער זאל גיין בעולם העליון צו זיין טאטן דער מגיד מטשערנאביל זי"ע און די זיידע דער הייליגער מאור עיניים זי"ע, און ער זאל פאר גארנישט מורא האבן, ווייל זיי וועלן זיין א שמירה פאר אים,

ביי די הקפות שמיני עצרת ווען דער מגיד מטריסק זי"ע האט זיך אפאר געזעצט אינמיטן די הקפות, האט ער צו געריפן זיין זון און געזאגט, קוק ווי ווייט דער איד איז שוין אנגעקומען בעולם העליון, ווייל ער איז שוין אן געקומען צום טאטן און אויך צום זיידן דער מאור עיניים זי"ע, און יעצט איז ער דא צוזאמען מיט די צוויי צדיקים געקומען מיט האלטן די הקפות,
--
דער הייליגער טריסקער מגיד זי"ע האט אמאל אום פורים גערעדט כלפי שמיא, און ממליץ געווען אויף די אידישע קינדער, בעטנדיג אז דער אייבישטער זאל שוין שיקען דער גאולה, און ער האט געזאגט בזה"ל, "רבונו של עולם, אִם הַחֲרֵשׁ תַּחֲרִישִׁי בָּעֵת הַזֹּאת, אויב וועסטו נישט יעצט צואיילן דער גאולה, דעמאלטס רֶוַח וְהַצָּלָה יַעֲמוֹד לַיְּהוּדִים מִמָּקוֹם אַחֵר, די אידן וועלן ח"ו זיך זוכן פרנסות פון דער סטרא אחרא, זיי וועלן לערנען זייערע קינדער צו זיין דאקטורים, אדוואקאטן אד"ג, און זיי וועלן פארן אויף אמעריקא, און זיך אפלאזן פון די תורה'דיגע וועגן און בגשמיות וועט עס טאקע זיין א רוח והצלה",

"אבער וְאַ"תְּ, דער תורה הקדושה, וואס אירע אותיות הייבן זיך אהן מיט אן א' און ענדיגן זיך מיט ת'. וּבֵית אָבִיךְ, די תפילות וואס די אבות הק' האבן מתקן געווען, תֹּאבֵדוּ, וועט פארגעסן ווערן, וּמִי יוֹדֵעַ אִם לְעֵת כָּזֹאת הִגַּעַתְּ לַמַּלְכוּת, אויב וועסטו כביכול צו ווארטן נאך אביסל, ביז זיי וועלן מקבל זיין עול מלכות שמים, ס'איז דאך אין מלך בלא עם, ווער ווייסט צו עס וועט נאך זיין וואס צו ווארטן, דערפאר בעט איך דיר רבוש"ע, אייל שוין צו דער גאולה השלימה",
--
צום הייליגען טריסקער מגיד זי"ע איז אמאל געקומען א חסיד און זאגט פאר'ן רבי'ן, אז ער געדענקט נאך ווען די רבי איז אלט געווען 3 יאר און ער האט אים דעמאלטס געזען, האט דער טריסקער מגיד געענטפערט, אוודאי געדענק איך אייך פון דעמאלט, כִּי אֵין שִׁכְחָה לִפְנֵי כִסֵּא כְבודֶךָ,

דער חסיד האט געקוקט אזוי מיט א וואונדער, ווי קען אים דער רבי געדענקען פון דעמאלטס, האט זיך אנגערופן דער מגיד, נישט נאר דאס געדענק איך, נאר פון א האלבער יאר פריער ווען מיין ברודער ר' יעקב ישראל פון טשערקאס האט חתונה געהאט, איז די משפחה געפארן קיין ליאזני אויפן חתונה, און דארט האט דער רב געזאגט א טיפער דרוש אין חסידות, און איך קען אייך יעצט איבער זאגן די גאנצע דרוש.
--
לערן א משנה און צינד אן ליכט לעילו נשמת:
הרה"ק רבי אברהם ב"ר מרדכי זי"ע.
די זכות פונעם צדיק וועט זיכער מיגן זיין.

הַנּוֹטֵעַ שְׁתֵּי שׁוּרוֹת שֶׁל קִשּׁוּאִין, שְׁתֵּי שׁוּרוֹת שֶׁל דְּלוּעִים, שְׁתֵּי שׁוּרוֹת שֶׁל פּוֹל הַמִּצְרִי, מֻתָּר.
שׁוּרָה שֶׁל קִשּׁוּאִים, שׁוּרָה שֶׁל דְּלוּעִים, שׁוּרָה שֶׁל פּוֹל הַמִּצְרִי, אָסוּר.
שׁוּרָה שֶׁל קִשּׁוּאִים, שׁוּרָה שֶׁל דְּלוּעִים, שׁוּרָה שֶׁל פּוֹל הַמִּצְרִי,
וְשׁוּרָה שֶׁל קִשּׁוּאִים, רַבִּי אֱלִיעֶזֶר מַתִּיר, וַחֲכָמִים אוֹסְרִין:

המגיד מטריסק

יארצייטן ב' תמוז

ייחוס זוכער האט געשריבן: ↑ מאנטאג יולי 08, 2024 1:36 pm

איז דער ציון פון טריסקער מגיד אריגינעל? פון די בילד זעהט אויס אז נישט, ווער און ווען האט מען דאס אויפגעשטעלט?
און ווי ליגט זיין זוהן הה"ק ר' יעקב לייב?

ער איז אוועק אין הורבישוב

איז דא היינט עפעס דארט א ציון?

ייחוס זוכער האט געשריבן: ↑ מאנטאג יולי 08, 2024 1:36 pm

איז דער ציון פון טריסקער מגיד אריגינעל? פון די בילד זעהט אויס אז נישט, ווער און ווען האט מען דאס אויפגעשטעלט?
און ווי ליגט זיין זוהן הה"ק ר' יעקב לייב?

די ציון קדשו איז זיכער נישט די ארגינעלע, די ביה"ח איז כמעט אינגאנצן חרוב געווארן ביי די מלחמה, אבער לויט וויפיל מען ווייסט איז דאס די מקום ווי דער הייליגער טריסקער מגיד זי"ע איז באערדיגט געווארן,

לגבי זיין זון הרה"ק רבי יעקב לייב זי"ע, ער איז געווען דער ממלא מקום פונעם טאטן אין שטאט טריסק, בשנת תרס"ז איז ער אריבער מיט די חצר הקדוש קיין קובל וואס איז נעבן דעם שטאט וואהלין אין אוקרינה, ביים ערשטע וועלט מלחמה האט ער זיך אריבער געצויגען קיין ראוונא וואס איז אין אוקרינה, אבער דאן האט זיך דער צדיק סוף ימיו אריבער געצויגען קיין הוריבישויב וואס איז אין פולין נישט ווייט פון לובלין, און דארט איז דער צדיק נסתלק געווארן און געקומען לקבורה אויפן ביה"ח אין הוריבישויב,

וויפיל איך האב געזען איז ליידער די גאנצע ביה"ח אין שטאט הוריבישויב חרוב געווארן ביים צווייטע וועלט מלחמה,

דאנקער האט געשריבן: ↑ מאנטאג יולי 08, 2024 3:39 pm

ייחוס זוכער האט געשריבן: ↑ מאנטאג יולי 08, 2024 1:36 pm

איז דער ציון פון טריסקער מגיד אריגינעל? פון די בילד זעהט אויס אז נישט, ווער און ווען האט מען דאס אויפגעשטעלט?
און ווי ליגט זיין זוהן הה"ק ר' יעקב לייב?

די ציון קדשו איז זיכער נישט די ארגינעלע, די ביה"ח איז כמעט אינגאנצן חרוב געווארן ביי די מלחמה, אבער לויט וויפיל מען ווייסט איז דאס די מקום ווי דער הייליגער טריסקער מגיד זי"ע איז באערדיגט געווארן,

לגבי זיין זון הרה"ק רבי יעקב לייב זי"ע, ער איז געווען דער ממלא מקום פונעם טאטן אין שטאט טריסק, בשנת תרס"ז איז ער אריבער מיט די חצר הקדוש קיין קובל וואס איז נעבן דעם שטאט וואהלין אין אוקרינה, ביים ערשטע וועלט מלחמה האט ער זיך אריבער געצויגען קיין ראוונא וואס איז אין אוקרינה, אבער דאן האט זיך דער צדיק סוף ימיו אריבער געצויגען קיין הוריבישויב וואס איז אין פולין נישט ווייט פון לובלין, און דארט איז דער צדיק נסתלק געווארן און געקומען לקבורה אויפן ביה"ח אין הוריבישויב,

וויפיל איך האב געזען איז ליידער די גאנצע ביה"ח אין שטאט הוריבישויב חרוב געווארן ביים צווייטע וועלט מלחמה,

ער איז אוועק אין הורבישוב אינטערוועגענס... נישט אז ער האט דארט געוואוינט

נחום וואהלינער האט געשריבן: ↑ מאנטאג יולי 08, 2024 5:17 pm

דאנקער האט געשריבן: ↑ מאנטאג יולי 08, 2024 3:39 pm

ייחוס זוכער האט געשריבן: ↑ מאנטאג יולי 08, 2024 1:36 pm

איז דער ציון פון טריסקער מגיד אריגינעל? פון די בילד זעהט אויס אז נישט, ווער און ווען האט מען דאס אויפגעשטעלט?
און ווי ליגט זיין זוהן הה"ק ר' יעקב לייב?

די ציון קדשו איז זיכער נישט די ארגינעלע, די ביה"ח איז כמעט אינגאנצן חרוב געווארן ביי די מלחמה, אבער לויט וויפיל מען ווייסט איז דאס די מקום ווי דער הייליגער טריסקער מגיד זי"ע איז באערדיגט געווארן,

לגבי זיין זון הרה"ק רבי יעקב לייב זי"ע, ער איז געווען דער ממלא מקום פונעם טאטן אין שטאט טריסק, בשנת תרס"ז איז ער אריבער מיט די חצר הקדוש קיין קובל וואס איז נעבן דעם שטאט וואהלין אין אוקרינה, ביים ערשטע וועלט מלחמה האט ער זיך אריבער געצויגען קיין ראוונא וואס איז אין אוקרינה, אבער דאן האט זיך דער צדיק סוף ימיו אריבער געצויגען קיין הוריבישויב וואס איז אין פולין נישט ווייט פון לובלין, און דארט איז דער צדיק נסתלק געווארן און געקומען לקבורה אויפן ביה"ח אין הוריבישויב,

וויפיל איך האב געזען איז ליידער די גאנצע ביה"ח אין שטאט הוריבישויב חרוב געווארן ביים צווייטע וועלט מלחמה,

ער איז אוועק אין הורבישוב אינטערוועגענס... נישט אז ער האט דארט געוואוינט

על הדרך ליתן חליצה לאשת אחיו

איז געווען דארטן עפעס מענטשן היי יאר?

dovidal האט געשריבן: ↑ דינסטאג יולי 09, 2024 12:29 am

על הדרך ליתן חליצה לאשת אחיו

דאס איז געווען מיין 3 פינטלעך
והמבין יבין

אבליגה האט געשריבן: ↑ דינסטאג יולי 09, 2024 11:40 am

איז געווען דארטן עפעס מענטשן היי יאר?

ברוך השם געווען א שיינער עולם פון ניו יורק לאנדאן ארה"ק און יושבי אוקריינא
מנחה תהלים סעודת הלילוא בעיר טוריסק
זי"ע ועכי"א
האטס געפועלט אלעס גוטס

כ"ק האדמו"ר מסקווירא שליט"א ביים מתפלל זיין אינעם ירושה סידור פון הרה"ק המגיד מטוריסק זי"ע וואס ליגט באוצרו פון ר' אברהם ברויער הי"ו, היינט מאנטאג ב' תמוז, יומדה"ק פונעם טוריסקער מגיד זי"ע.