אשכול ראשי תיבות

זונטאג יוני 25, 2006 12:34 pm

אזוי ווי היינט איז פארגעקומען א גאנצע איבערקערעניש ביי איינע פון די דערנעבנדיגע טישלען צוליב דעם וואס איינער פון די קאלעגעס האט זיך אויסגעדרוקט מיט אן אומבאקאנטן ראשי תיבות [זז"ג], ווידמע איך דא א ספעציעלע אשכול פאר ראשי תיבות.

דער אשכול וועט דינען אלץ הילף פאר שווערע ראשי תיבות, ווי אויך אלץ שטופ ווינקל פאר די וואס גלייכן זיך ארומצושפילן און אויפעפענען ראשי תיבות אויף אנדערע וועגן (ודי).

איך הייב אן:

ווער ווייסט די ריכטיגע ערעפענונג פון אט דעם ראשי תיבות יכב"ץ

cano · מיטוואך יוני 28, 2006 5:25 pm

יו (you) כלב ביזט צירידערט

זונטאג יוני 25, 2006 12:34 pm

איך רעד פון אן ערנסטן ווארט וואס ווערט אסאך צוגעברענגט אין ספרים.

מיטוואך יוני 28, 2006 11:29 am

וויפיל ווערטער איז עס?

זארעכפעפער · דאנערשטאג אוגוסט 24, 2006 2:28 pm

יכ ון בצ דק:

עס ווערט געווענדליך גענוצט ביי די ספרדישע ספרים, נאך א נאמען פון א שטאט. למשל: פה אלג'יר יכב"ץ.

===
און ווער ווייסט די ראשי תיבות פון:

באותיות צו"ר ?

זונטאג יוני 25, 2006 12:34 pm

זארעכ איז גערעכט.

---

ביסטו זיכער אז די "צו"ר" איז א ראשי תיבות? אפשר האט דער ספר בלויז געוואלט מדגיש זיין דעם ווארט צור, און האט אריינגעלייגט שטרעכלעך כמנהג הספרים הישינים.

אדער מיינט דאס באותיות צ'דיק ור'יש.

זארעכפעפער · דאנערשטאג אוגוסט 24, 2006 2:28 pm

יא, איך בין זיכער אז דאס איז א ראשי תיבות!

והא ראי', איך ווייס דעם פיענוח דערפון...

זונטאג יוני 25, 2006 12:34 pm

דאס איז גאר א שווערע ר"ת וואס איך האב פילייכט נאכנישט באגעגענט.
אפשר געסטו מיר א רמז (הינט בלעז), צב"ש וואס שטייט איין ווארט שפעטער?

דינסטאג יולי 04, 2006 6:47 pm

מ'דארף בכלל מאכן כללים פאר די גאנצע אשכול, ס'קען קומען איינער, און נעמען א פסוק פונעם דאווענען און שרייבן די ראשי תיבות, און יעדער זאל זיך ברעכן קאפ, וואס דאס מיינט, ס'איז אביסל נאריש, ווען מ'געט אריין א ראשי תיבות דא, דארף מען אדער לייגן אפאר ווערטער פאר און אפאר ווערטער נאך, די געשטרעכלטע ווארט, אדער א פלאץ ווי מען קען טרעפן די אנגעגעבענע ווארט, אז מ'זאל האבן א שטיקל אהנונג פון וואס מ'רעדט דא, דאס איז מיין עפינדיען.

זארעכפעפער · דאנערשטאג אוגוסט 24, 2006 2:28 pm

אוקיי. קען זיין ס'איז אביסל צו א שווערע ר"ת, דעריבער וועל איך דיר נישט לאזן הינגערן.

"נדפס באותיות צו"ר":
דאס קען מאכן, אדער = באותיות "צאינה וראינה" (ד.מ. די אלטע אמאליגע דייטש-אידיש-זשארגאן אותיות).
(אדער = באותיות צורת רש"י? = ד.מ. רש"י אותיות).

דינסטאג יולי 04, 2006 6:47 pm

אויף א אינוויטעישן פון א געוויסע משפחה, שרייבן זיי אלץ אויף די רעכטע זייט אויבן יצעמלאי"ס און אויף די לינקע זייט שרייבן זיי יצאאב"ב, ווייסט איינער וואס דאס קען מיינען?

זארעכפעפער · דאנערשטאג אוגוסט 24, 2006 2:28 pm

ס'איז א שווערע ראשי תיבות וואס כ'האב נאך קיינמאל נישט געזען. לכאורה ווי עס קוקט אויס איז דאס:

יצעמלאי"ס = י' צ'באות ע'מנו מ'שגב ל'נו א'לקי י'עקב ס'לה

יצאאב"ב = י' צ'באות א'שרי א'דם ב'וטח ב'ך

א אידעלע · מיטוואך סעפטעמבער 13, 2006 12:27 pm

ווייסט איינער וואס איז די ראשי תיבות וואס שטייט אין שלחן ערוך אורח חיים, ביים מגן אברהם?

מגן אברהם נ"י

נרו יאיר קען עס נישט מיינען ווייל עס איז נישט געדרוקט געווארן בחייו!

זארעכפעפער · דאנערשטאג אוגוסט 24, 2006 2:28 pm

דער חיבור הייסט ארגינאל: נ'ר י'שראל

א אידעלע · מיטוואך סעפטעמבער 13, 2006 12:27 pm

פארוואס שטייט דעמאלטס נר ישראל אין ראשי תיבות, עס וואלט ווען געדארפט שטייט מגן אברהם אין ראשי תיבות?

איינס ווייל דעס איז דער ארגינעלע נאמען, און צווייטענס ווייל מג"א אין ראשי תיבות ווייסט יעדער וויאזוי עס מאכט?

זארעכפעפער · דאנערשטאג אוגוסט 24, 2006 2:28 pm

קוק אין סוף פון די הקדמה, פונעם מגן אברהם'ס זון, אנפאנג אורח חיים, דעם טעם.

זונטאג יוני 25, 2006 12:34 pm

איך האלט אז די דרוקערס האבן דאס אזוי געמאכט מיט א ספעציעלע כוונה, ווייל זיי האבן דאך אנגערופן די שלחן ערוך "מגיני ארץ" על שם די צוויי מגינים, מגן אברהם און מגן דוד, דערפאר האבן זיי ארויסגעשריבן "מגן אברהם" און "מגן דוד", משא"כ די אנדערע נעמען דערפון נר ישראל און טורי זהב, האבן זיי פארשלאסן אין ראשי תיבות (צו שפארן פלאץ).

דינסטאג יולי 04, 2006 6:47 pm

דא האט קנאי אויס געלאזט מיט עטליכע ראשי תיבות, איז דא איינער וואס קען עס עפענען.

זונטאג יוני 25, 2006 12:34 pm

בל"ה ובל"נ ובל"ח ובל"ק

די ערשטע איז מסתמא א טעות. די איבריגע: ובלי נדר, ובלי חרם, ובלי קונם.

זארעכפעפער · דאנערשטאג אוגוסט 24, 2006 2:28 pm

קרעמער האט געשריבן: איך האלט אז די דרוקערס האבן דאס אזוי געמאכט מיט א ספעציעלע כוונה, ווייל זיי האבן דאך אנגערופן די שלחן ערוך "מגיני ארץ" על שם די צוויי מגינים, מגן אברהם און מגן דוד, דערפאר האבן זיי ארויסגעשריבן "מגן אברהם" און "מגן דוד", משא"כ די אנדערע נעמען דערפון נר ישראל און טורי זהב, האבן זיי פארשלאסן אין ראשי תיבות (צו שפארן פלאץ).

קרעמער גאנץ א זיסע סברא, אבער טוה א קוק אין לשון קדשו פונעם בן המחבר, וואס איך האב שוין אויבן צוגעצייכנט, וועט דיר די זאך אביסל קלארער ווערן.

וזל"ק בהקדמת רבי חיים בן המגן אברהם, בהקדמתו לספר מגן אברהם:
...כי היא חיים ואורך ימים למחזיקים, למגינם עליהם עידנא דעסיק ביה ובעידנא דלא עסיק ביה, קראתיו בשם "מגן אברהם", כששמעתי מתלמידיו המופלגים שי', שפעם אחת שאלו את רבם, היאך ומה יקרא שם של הספר, והשיב להם באקראי בעלמא "נר ישראל", ר"ת נר י פה ש ל ר' א ברהם ה ל וי. בכן אחזתי ידי בתרין בתי אבות, שאברהם נכלל בישראל להיות לנו הנר למאירת עינים, וגם נ"ר ישרא"ל בגי' מגינ"י אר"ץ דוד אברהם הסג"ל ז"ל. עכל"ק.

זונטאג יוני 25, 2006 12:34 pm

הייסט דאס אז דער זוהן פונעם מגן אברהם האט שוין געזען דעם חיבור השולחן ערוך מיטן פירוש פון טורי זהב און מגן אברהם?

זארעכפעפער · דאנערשטאג אוגוסט 24, 2006 2:28 pm

איך פארשטיי נישט וואס דו פרעגסט קרעמער.

די זאך איז אזוי: דעם חיבור "מגן אברהם" האט דער מחבר קיינמאל נישט געדרוקט בחייו, ווען דער זוהן האט דאס געדרוקט, לאחר פטירתו, האט ער דאס א נאמען געגעבן: "מגן אברהם", און ווי ער שרייבט אליין אין די הקדמה האט זיין טאטע גערופן דעם חיבור בשם: "נר ישראל"

איי איז די פראגע, פארוואס האט ער געטוישט?
צו פארשטיין דעם תי', פעלט אויס צו וויסן א שטיקל ידיעה אינעם ענין.

דער מחדש פונעם נאמען "מגיני ארץ", אויפן שולחן אורח חיים, איז טאקע נישט קיין אנדערער ווי דער מג"א'ס זוהן. און טאקע ביי די אויסגאבע, ווי ער האט צום ערשטן מאל געדרוקט דעם חיבור מג"א, האט ער גענומען דעם שולחן ערוך אורח חיים און דאס א נאמען געגעבן "מגיני ארץ", און דערביי געטוישט דעם נאמען פונעם ספר "טורי זהב" אויף "מגן דוד" און דעם נאמען פון זיין טאטענס חיבור האט ער קובע געווען אויף "מגן אברהם".

אצינד ליין נאכאמאל איבער די ווערטער פונעם מג"א זוהן, אין די הקדמה, ויובן:
"בכן אחזתי ידי בתרין בתי אבות, שאברהם נכלל בישראל להיות לנו הנר למאירת עינים, וגם נ"ר ישרא"ל בגי' מגינ"י אר"ץ דוד אברהם הסג"ל ז"ל". עכל"ק.

זונטאג יוני 25, 2006 12:34 pm

זארעכ;

יעצט רעדסטו! יישר כח פאר די שיינע ערקלערונג.

למעשה איז עס טאקע אזוי ווי איך האב געזאגט (כמעט), אז דער "דרוקער" (אין אונזער פאל: דער זוהן פונעם מגן אברהם) האט באשלאסן א נאמען צו געבן דעם חיבור הכולל "מגיני ארץ", און טאקע דערפאר האט מען ביים מג"א ארויסגעשריבן "מגן אברהם" (און געלאזט דעם אנדערן/עיקר נאמען אין ראשי תיבות), ווידעראום דעם טורי זהב האט מען ארויסגעשריבן "מגן דוד" (וואס לויט ווי דו שרייבסט איז דער נאמען באשאפן געווארן טאקע דורכן זוהן פונעם מגן אברהם), און געלאזט דעם אנדערן/עיקר נאמען אין ראשי תיבות!

והכל על מקומו יבא בשלום.

-----

ואיידי דאתינן להכי, ווער האט קובע געווען די נאמען "אשלי רברבי" פארן שלחן ערוך יורה דעה, און "אפי רברבי" אויפן אבן העזר ? (א זאך וואס איך בין נעכטן געוואויר געווארן, ווען איינער האט מיר דאס צוגעוויזן אין שוהל נאכן הערן איבער די "מגיני ארץ" שערוריה דא אין קרעטשמע).

דינסטאג יולי 04, 2006 6:47 pm

cano האט געשריבן: וו"ב יגר איך האף ער וועט אריינפאלען לכל הפחות 10 מאל א וואך

וואס קען מיינען די ערשטע ווארט אין ראשי תיבות?

זונטאג יוני 25, 2006 12:34 pm

קוק אויפן קעפל פון יענעם אשכול