עס איז מיר איינגעפאלן א שטיקל קשיא די וואך, אפשר איז דאס אינגאנצן קיין קשיא, דאן לאזט מיך וויסן,
און אז יא, ביטע ענטפערט מיר, געווען בין איך און די גרויסע דעפארטמענט סטאר'ס און געזעהן די ביר אויסגעלייגט, האב איך באמערקט אז פאר 12 גלאזענע באטלעך צאלט מען ס"ה $2 דאלער ביליגער, ווי פאר30 קענס, האב איך געקלערט, אפשר קומט ווייניגער און די קענס? אבער ניין, ביידע האט 12 אונסעס,
סאו האב איך געטראכט, פארוואס קויפט נישט דער שמש ביהמ"ד די קענס? עס איז גרינגער צו עפענען? מען וועט אים נישט צוהאקן די טישן וכו' יעצט קלער איך אפשר האט עס אן הלכה'דיגע שאלה? איינער ווייסט עפעס צו זאגן דערוועגן?
למעשה האב איך געקויפט די קענס.(פאר ווער עס וויל וויסן)
מיללער האט געשריבן:
הלכה'דיגע שאלה פון עפענען קענס איז די באקאנטע שבת אישו פון מאכן א כלי אא"וו, ביי קענס איז דער ענין גרינגער ווייל מ'ווארפט דאס אוועק.
הרב מיללער, איך האב געהערט פון ר' מנחם מאיר וויייסמאנדל שליט"א, אז סאדע קענס איז א שטארקע חשש דאורייתא, ווייל עס איז סיי להכניס, דעם שטרוי, און סיי להוציא, די סאדע, די זעלבע שאלה איז אויך דא אויף באקס דרינקס, משא"כ טונא קענס וכדומה אז מ'ליידיגט עס אויס גלייך דארף מען אויך נישט מאכן קיין לאך פון אונטן.
איך האב עס בארירט אויפן שפיץ גאפעל, אונזערע רבנים הגאונים דא און אונזער תורה וועלטל, זענען מכובד מרחיב צו זיין את הדיבור.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
איך האב לעצטענס אביסל עוסק געווען אין די שאלה פון סאדע פלעשער, נישט קענ'ס, און די מסקנות פון מיינע זוכענישן וועל איך מיטטיילן מיט די חשובע למדנים די באתרא קדישא הדין.
דער פראבלעם איז לכאורה, אז עס איז א תיקון כלי, וואס געהער צום מלאכה פון 'מכה בפטיש' און אנדערע זאגן אז 'בונה'. עס געשעהט אט דאס: ווען מען דרייט אויף דעם דעקל פון פלאש, טיילט זיך אפ די דעקל פונעם רינגל אונטער אים, ווערט דאך די דעקל א 'כלי', דעריבער זענען פארהאן מערערע פוסקים וועלכע אסר'ן אויפצומאכן די פלעשער אום שב"ק.
דער מנחת יצחק האט גע'אסרט אלע סארט דעקלעך. (אנדערע זאגן אז די אופן פונעם דעקל פראדוקציע איז געווען אנדערש אין זיינע צייטן)
לויט רש"ז אויערבאך, הרב פישער - ראב"ד עדה החרדית און נאך פוסקים, איז דא א נפקה מינה צווישן דעקלעך פון פלאסטיק פלעשער, און די פון אייזן\אלומיניום – למשל געוויסע גרעיפ דזשוס פלעשער וכדו'. די סיבה איז, ווייל עס ווערט אנדערש פראדוצירט.
וויבאלד די פלעסטיק דעקלעך ווערן ארויפגעטוהן אויף די פלאש אלס פערטיגע דעקל, ממילא איז עס שוין בתורת כלי נאך איידער'ן צומאכן די פלאש. נאכדעם וואס די פלאש ווערט אנגעפילט מיט די פליסיגקייט און צוגעדעקט מיט'ן דעקל, דאן קלעבט די מאשין נאר ארויף די רינגל אונטער'ן דעקל, אלס צייכן אז די פלאש איז נאכנישט אויפגעעפנט געווארן. דעריבער ווערט די רינגל גערעכנט אלס א באזונדערע זאך, אזוי ווי אמאליגע צייטן די וואקס אדער צעמענט מיט וועלכע מען האט פארזיגלט די פעסער.
אויב עס איז נישטא קיין אפענע פלאש וויין, איז די עצה צו מאכן א לאך אויבן אינעם דעקל, און אזוי וועט די דעקל נישט הייסן קיין כלי אויך נאכ'ן אויפמאכן.
לויט הרב פאדווה און נאך פוסקים, איז אלעמאל מותר אויפצומאכן א פלאש אפגעזעהן פון די סארט דעקל, אויפ'ן סמך פון די משנה: "שובר אדם את החבית לאכול ממנה גרוגרות, ובלבד שלא יתכוון לעשות כלי".
די פוסקים ברענגען מערערע סיבות מתיר צו זיין:
א. אז די דעקל איז געמאכט געווארן כדי צו עפענען, און אויב א כלי, איז עס דאך שוין געווען אזאנס נאך איידער'ן אויפמאכן. ב. וויבאלד דער וואס מאכט עס אויף איז נישט אינטערסירט אינעם דעקל, און ביי מכה בפטיש נישטא קיין איסור נאר אויב מען וויל עפעס פארריכטן – מאכן א כלי. ג. אז די דעקל הייסט גארנישט קיין כלי, וויבאלד עס איז דאך נישט דער סדר זיך צו באנוצן דערמיט.
די אויבענדערמאנטע איז נישט געשריבן געווארן להלכה, נאר אלס משא ומתן לחידודי בעלמא. איך האב אויך נישט געזען אינעווייניג אלע מראה מקומות, נאר זיך דורכגערעדט מיט עטליכע מורי הוראה און ארויסגענומען דעם תמצית הדברים. יעדער זאל זיך אבער פירן אזוי ווי זיין רב פסקנ'ט אים. (און איך בין נישט קיינעם'ס רב...)
ב''ה עיין בספרו של הרה''ג אב''ד דעברעצין זצ''ל באר משה אריכות בדבר להיתר . ועיין בספרו של הרה''ג ר' אברהם חיים שליט''א שפיצער שו''ת חיי אברהם ח''ב שמברר כדרכו בקודש ממקור הדברים ש''ס וראשונים להיתר .ומדבר גם מהחזון-איש כמובן .ותמצא נחת .
אין שו"ת מאזני צדק פון הגאון הגדול ר' מנחם זכרי' זילבער שליט"א אב"ד פריימאן וראב"ד התאחדות הרבנים ח"ג חלק או"ח סימנים כ"ט- ל"ב ווערט ארויסגעברענגט באריכות גדול לאיסור פון עפענען א באטל אין שבת סיי די אלטע (וואס פלעגט זיין אייזענע דעקלעך) סיי די נייע (פלעסטיק). אבער דער מאזני צדק שליט"א איז מתיר אז א קטן זאל עס עפענען (סוף סי' ל'). אין צו הרבנים "לאקשן" - "פויער" ס'איז שוין דא פוסקים וואס זענען מתיר פאר א קטן ועוד.
אויך איז כדאי צו דערמאנען אז די תשובות זענען געשריבען צו הרה"ג ר' אהרן יוסף ראזנבוים נכד האדמו"ר מזוטשקע אין איידעם פון הגאון ר' שמעי' גרינבוים שליט"א, איך געדענק ווער מיר האבן געלערנט אין די ישיבה אין קרית יואל פלעגט הרב ר' אהרן יוסף שליט"א אויפענען אלע מילך באטלעך פאר שבת כדי מ'זאל ח"ו נישט נכשל ווערן אין א נדנוד איסור...(כ'קען זאגן אז ער האט מקיים געווען שלא יבוש מפני המעליגים...)
