אידישע וועלט פארומס

וועלכע ווארט איר ווייסט וואס האט אייך מעורר גוועהן אוידער א סיפור נישט קיין חילוק . וואס ווארעמט אהן די הארץ צו זאגען תהלים וואלט גוועהן א געוואלדיגע חיזוק .די וויכטיג קייט איז באקאנט אויבער יעדע גיטע זאך דארף חיזוק אין דאס איז איינע פון די ד' דברים הצריכים חיזוק אין סיי וואס ארים די הפלגות וואס צדיקי הדורות האבון געזאגט איבער די חשיבות אין ווי שטארק יעדער איינער ווייסט פון די עלסטע סגולה ביים כלל ישראל בכל עת ועידן אין די מנהגים קען מען אויך רעדין אסאך ווען אין אויף וועלכע אופן מ'האט עס געזאגט איינער מער איינער וויינגער אויבער הצד השוה יעדע צדיק וחצר האט זיך געפירט צו זאגען תהלים אין די הייליגע בעש"ט הקדוש זי"ע איינע פון די זאכען וואס ער האט גלערנט פאר זיינע תלמידים צו מחשיב זיין די פשוטע איד וואס מיט זייער אמירת תהלים טוהט אויף קען מען זיך בכלל נישט פארשטעלען ממילא אלעס איז מער ווי אפריעשטוט אין דאנק'באר אין די זכות וועט זיין פאר די כותב פאר מזכה זיין הרבים

איינמאהל האב איך געליינט אין מאמענט אין די קאלום פון אפנע שמועס אז א איד וואס מהאט אים אינטערוויאט אין ער דרייווט א קאר סערוויס האט בדרך אגב געזאגט אז ער ענדיגט יעדע טאג די יום לשבוע דאס האט געמאכט א מוראדיגע רושם אויף מיר דא א קאפיטל דארט א קאפיטל כאפט ער אריין צווישען איין טריפ אין די אנדרע אזוי ענדיגט ער גאנץ תהלים יעדע איינציגע וואך כידוע איז דא א סדר פון יום לחודש אויבער איך האב קיינמאהל נישט משים ללב גוועהן אז סאיז דא אידישע קינדער דאס וואס מ'רופט פשוטע איד וואס איז טרוד על המחיה ועל הכלכלה ענדיגט גאנץ תהלים וועכנטליך איך גדענק נישט ווען דאס איז גוועהן אויבער מסתם א ערך פון 2 יאהר צוריק אויב איך גדענק גוט אויב איינער האט עס נאך אין קען עס ארויף שטעלן וואלט גוועהן א געוואלדיגע זאך

די צמח צדק זי"ע האט געזאגט ווען איר וואלט געוויסט די כח פון תהלים אויבען אין הימל וואלט איר עס געזאגט בכל עת

האב איך געזעהן אין ספר החובות פון הגר"ח קייניבסקי שליט"א א ספר וואס רעדט זיך פון זיינע שיעורים ווי ער ענדיגט כל התורה כולה יעדע יאהר כידוע ער רופט זיין שיעורים זיין חובות במתק לשונו די סדר פון זיין תהלים וויפיל ער זאגט במעגל השנה שטייט אז ער זאגט יעדן טאג איין מזמור תהלים אין .אין ענדיגט בוז ט"ו באב ווי ער האלט אין הייבט אהן 10 קאפיטלך בוז ר"ח אלול ענדיגט ער גאנץ תהלים אין איז ממשיך 10 מזמורים יעדן טאג אין אלול מסיים 2 מאהל בוז ר"ה אין עשרת ימי תשובה זאגט ער" יעדע איינציגע טאג גאנץ תהלים "10 מאהל תהלים עשי"ת אין ממחרת יוהכ"פ הייבט מען אהן נאך א מאהל די סדר

פריילאך האט געשריבן: לעצטנס גענוצט די הערליכע תהלים אור החיים מיט יודיש טייטש

גאר שיין או געשמאק געזאגט.

גא"מ, א הערליכע ארבעט געמאכט.

אין לקוטי עצות ברענגט ער אז אין שיחות הר"ן שטייט אן עצה צו חשק ורצון פאר תהלים קומט פון מבשר זיין בשורות טובות דהיינו אז מ'איז משתדל צו זאגען גיטע בשורות באקומט מען א חשק ורצון

הרב אברהם מרדכי מלאך שליט"א פארציילט אז א עלטערע בחור האט אים געלאזט א מעסדיזש נאך א שיעור אז וויבאלד ס'איז אים נישט געגאנגען קיין שידוך האט ער פערבירט כל מיני אינטערסאנטע סגולות אויבער איז נאך אלס נישט קיין חתן געווארען . האט ער אויפגעהערט מיט די סגולות אין האט פשוט זיך גענומען זאגען תהלים .ביז א פאר וואכען איז ער א חתן געווארען

איך האב געהערט א מאהל בשם כבוד קדושת אדמו"ר מתולדות אהרן זצוק"ל אז ער האט מדמה גוועהן תהלים למשל הדבר דומה צו א באנק אקאונט ווי מ'לייגט אריין געלד כסדר אין ווען מדארף געלד נעמט מען ארויס וויפול מ'דארף אזוי זאגט ער אז א מענטש זאגט יעדע טאג תהלים יעדער לפי זיין באשטומטע סכום אין ווען מ'פסקנט אים עפעס ווי מ'דארף זכותים קוקט מען דורך אויב האט ער מקדים גוועהן תפלות תהלים איז ער געדעקט שפארט ער זיך איין צרות אין עגמנ"פ ח"ו וואס בזכות די תהלים וואס צושניידט אלע שלעכטע גזירות

אפשר קען מען דא ארויפלייגן די סדר תהלים פון ביהמ"ד מזאל עס קענען דאונלאודן און פרינטן

ס'איז פארהאנען א מאמר העולם טיי אין תהלים שאדט קיינמאהל נישט נאר ס'דארף זיין ווארעם

כ'געדענק צו האבן געהערט/געליינט בשם די רבי ז"ל (גאב"ד ירושלים פון בערך תש"י ביז ל"ט) אז א יוד האט געפרעגט וויפיל קאפיטלעך צו זאגן טעגליך, האט דער רבי גע'ענטפערט אז א יוד דארף זאגן לפחות פופצן מינוט.

אכט האט געשריבן: כ'געדענק צו האבן געהערט/געליינט בשם די רבי ז"ל (גאב"ד ירושלים פון בערך תש"י ביז ל"ט) אז א יוד האט געפרעגט וויפיל קאפיטלעך צו זאגן טעגליך, האט דער רבי גע'ענטפערט אז א יוד דארף זאגן לפחות פופצן מינוט.

אה, די ירושלימע שארפקייט...

א מורא'דיגע מעשה שטייט אין תהלים דברי יואל שרייבט רבי יוסל אשכנזי איין מאהל איז א איד אריין צו סאטמאר רבי זצוק"ל אין האט זיך אויסגרעדט זיין הארץ אז זיין זוהן איז נישט מצליח אין חדר אין די מלמד איז לכאורה נישט גוט פאר זיין קינד אין ער בעט די רבי זאל רעדין צום מנהל אז מזאל אריין שטעלן זיין קינד צו א צווייטע מלמד היות ער האט שוין געבהטין די מנהל אין ער איז נישט מסכים די רבי האט מסכים גוועהן אין ער האט געזאגט איך וועל רעדין צום מנהל אין זיך גאר נישט מתווכח גוועהן.דורך אפאר חדשים די איד קומט צוריק צום רבי'ן אין זאגט די מצב טויג נישט ביים צווייטען מלמד אויך נישט אין ער בעט א עצה .זאגט די רבי איך האב באלד פארשטאנען ווען די ביזט דא גוועהן דאס ערשטע מאהל אז טוישען צו א צווייטע מלמד וועט נישט העלפון גלייב מיר איין קאפיטל תהלים מיט די ריכטיגע כוונה העלפט מער ווי אלע השתדלות