אידישע וועלט פארומס

ברוכים הבאים!

די קאמיטע האט סובפינעט הני תרי צנתרי דדהבא אלעקס דזשאונס און ראדזשער סטאון

קאמיטע פארזיצער טאמפסאן זאגט אז די בענאן אנקלאגע העלפט ארויס אז אנדערע עדות קאאפערירן צו ערשיינען אבער דאן סקאווינא און מארק מעדאוס זעצן יא פאר מיט זייער עקשנות

הכל הבל האט געשריבן: אלעקס דזשאונס פלאנט צו פליעדן די פיפטע ניש צו דארפן ענטפערן פראגן פון קאמיטע אויספארשער
ער זאגט אז זיי וועלן אים זוכן צו כאפן ביי א ליגן און אים שפעטער אנקלאגן דעריבער וועט ער אויסנוצן זיין רעכט צו שווייגן

א חידוש אז אלע ביז אהער טוען נישט די זעלבע.

אויך ראבערט פעטריק לואיס

טראמפ וועט ערלויבן בערנארד קעריק אויפצוטרעטן און צושטעלן דאקומענטן

הכל הבל האט געשריבן: טראמפ וועט ערלויבן בערנארד קעריק אויפצוטרעטן און צושטעלן דאקומענטן

די קאמיטע באשולדיגט אים אין זייער סובפינע אין אנטייל נעמען אין א מיטינג אין ווילארד האטעל אין וואשינגטאן די סי אום יונואר 5 למספרם אינאיינעם מיט דזשוליאני, בענאן, איסטמאן און אנדערע וואו מען האט באהאנדלט פלענער געדנאקן איבערצודרייען די וואל רעזולטאטן אריינגערעכנט אויסאיבן דרוק אויף פענס נישטצו באשטעטיגן די רעזולטאטן

די פראבלעם איז אז לויט טאל בודקע רעקארדס שטעלט זיך ארויס אז אין יענע צייט איז קעריק געווען אין ניו יארק

טראמפ איז מער ווי גרייט אז קעריק זאל ערשיינען און איבערצייגן אז די באשולדיגונג שטימט נישט

די קאמיטע האט געשריבן אין זייער סובפינע אז זיי פארמאגן קראנטע אינפארמאציע וועלכע צייגן אז ער איז געווען אנוועזנד ביי די מיטינג

זיי ציטירן צווישן אנדערן צוויי וואשינגטאן פאוסט ארטיקלען וועלכע דערמאנען טאקע זיין נאמען אז ער איז געווען אין די האטעל "ארום די צייט" פון יונואר 6 למספרם
זיי ציטירן אויך פון באב וואודווארד'ס בוך אבער יענע בוך דערמאנט ניטאמאל קעריק'ס נאמען

נאך די אויפדעקונג פון די טאל רעקארדס האט די קאמיטע צוריקגעצויגן פון זייער באהויפטונג אז קעריק איז געווען אנוועזנד אבער ווידערהאלט זייער סובפינע אנגעבנדיג אז קעריק קען מעגליך זיצן אויף אינפארמאציע איבער די פארזוך איבערצודרייען די רעזולטאטן און קען זיין בייהילפיג די אויספארשונג

באזונדער באשולדיגן זיי אז ער האט באצאהלט די האטעל קאסטן פון צימערן וואו די פלענער איבערצודרייען די רעזוטלטאטן זענען געוועבט געווארן

קעריק ווי געזאגט איז גרייט צו ערשיינען אבער וויל אביסל מער צייט זיך צו גרייטן און פארלאנגט אויך אן אפיציעלע אנטשולדיגוגנ אויף די פאלשע באשולדיגונג

קאנגרעסמאן עדעם שיף זאגט אז די יונואר 6 למספרם קאמיטע פלאנט צו פאסן א באשלוס אויב צו שיקן א קרימינאלע ריפוירל איבער מארק מעדאוס צו די יוסטיץ דעפארטמענט פארן נישט קאאפערירן מיט א סוביפנע צו ערשיינען פאר א פארהער

מארגן דינסטאג וועט א פאנעל אויפן די סי סירקוט אויסהערן די קעיס פון טראמפ אקעגן די יונואר 6 למספרם קאמיטע וועלכע וויל לייגן א האנט אויף קאמיוניקאציע צווישן דעם געוועזענעם פרעזידענט און זיינע געהילפן אין די טעג ארום די קעפיטאל איבערפאל

יונואר 6 קאמיטע פלאנט צו שטימען מיטוואך איבער שיקן א קרימינאלע ריפוירל איבער זשעפרי קלארק -געוועזענע איינגעשטעלטע אין די זשוסטיס דעפארטמענט- צו די יוסטיץ דעפארטמענט פארן נישט קאאפערירן מיט א סוביפנע צו ערשיינען פאר א פארהער

מארק מעדאוס איינגעגאנגען צו ערשיינען פארנט פון די קאמיטע און האט שוין איבערגעגעבן רעקארדס

קאנסערוואטיווע אקטיוויסט דאסטין סטאקטאן וועט קאאפערירן מיט דיסעלעקט קאמיטע און ערשיינען צו א פארהער

הכל הבל האט געשריבן: מארגן דינסטאג וועט א פאנעל אויפן די סי סירקוט אויסהערן די קעיס פון טראמפ אקעגן די יונואר 6 למספרם קאמיטע וועלכע וויל לייגן א האנט אויף קאמיוניקאציע צווישן דעם געוועזענעם פרעזידענט און זיינע געהילפן אין די טעג ארום די קעפיטאל איבערפאל

די דריי ריכטער פאנעל האט נעכטן אויסגעהערט די מונדליכע ארגומענטן אין לויף פון צוויי פעטע שטונדן און די ריכטער האט נישט אויסגעקוקט סימפאטיש צו די שטעלונג פון די טראמפ אדוואקאט

די קעיס איז געווארן אויסגעהערט דורך ריכטערין מילעט נאמינירט דורך פרעזידענט אבאמא און ריכטערין קאטאנזשי בראון דזשעקסאן נאמינירט דורך פרעזידענט ביידען און ריכטער ראבערט ווילקינס נאמינירט דורך פרעזידענט אבאמא

דזשעקסאן וועלכע ווערט באטראכט ווי די פראנט ראנער פאר א סופרים קאורט זיץ אויב זאל עס ליידיג ווערן האט קלארגעשטעלט אז די פראגע קומט אראפ איבער ווער עס באשליסט ווען אן אמטירנדע פרעזידענט באשליסט אראפצונעמען די עקזעקוטיווע פריווילעגיע שלאס אין די צייט ווען א געוועזענע פרעזידענט וויל דוקא יא פארזיגלען די דאקומענטן יד מי על העליונה

דזשעקסאן האט אבער אנגעדייטעט אז זי לערנט נישט אפ די 1977 למספרם סופרים קאורט אורטייל אין די ניקסאן קעיס אקעגן די דזשענעראל סערוויסעס אדמיניסטראציע אלץ טיהר וועלכע גיבט רעכט פאר טראמפ צו קלעימען עקזעקוטיווע פריווילעגיע

דער אדוואקאט האט קלארגעשטעלט אז ער האט נישט קין פראבלעם אז קאנגרעס באקומט צוטריט צו מיינסטנס דאקומענטן אבער פארלאנגט יא אז זיין קליענט צו קענען בלאקירן און פארזיגלען א האנדפול פון דאוקמענטן

מילעט האט געזאגט אז אפילו א געריכט זאל זוכן איבערצוגיין טראמפ'ס קלעים אויף א דאקומענט ביי דאקומענט באזיס און באשליסן אז זיי געניסן טאקע אין פרינציפ פון עקזעקוטיווע פריווילעגיע איז עס נאכנישט גענוג צו האלטן די דאקומענטן פארזיגלט ווייל די אלגעמיינע אנערקענונג אז א דאקומענט געניסט פון די פריווילעגיע נעמט נאכנישט אריין די געוויכט און ווארט וועלכע די איצטיגע אקופאנט אין ווייסן הויז האט אויפן פראצעדור
און אויב איז זיין ווארט שטארקער איז עס פונקט אזוי ווי א דאקומענט וועלכע געניסט פון די פריווילעגיע אבער קלעימט נישט די רעכט דערפאר

די ריכטער האבן אויסגעפרעגט דעם אדוואקאט אויב די געריכט האט בכלל יוריסדיקציע אריינצורעדן אין אזא שטרייט און יענער האט ארגומענטירט אז אלע דריי צווייגן פון די רעגירונג האבן שוין אנערקענט אין די פארגאנגנהייט אז געוועזענע פרעזידענטן קענען מאכן עקזעקוטיווע פריווילעגיע קלעימס און פרובירן צו בלאקירן די דעזיגנאציע וועלכע באפרייט ווייסע הויז רעקארדס פאר קאנגרעסיאנאלע איבערזיכט

די דריי נעכטן פאנעל איז געווארן באשטימט דורך א גורל און ווערט געזעהן ווי א גורל וועלכע איז שלעכט געגאנגען פאר טראמפ אבער אפגעזעהן וועלכע וועג די פאנעל וועט אורטיילן איז ערווארטעט אז פון דארט גייט עס גראד צום סופרים קאורט

זשארזשיע סעקראטערי אוו סטעיט ברעד ראפסענבערגער איז נעכטן ערשינען פארנט פון די קאמיטע טראץ וואס ער האט נישט ערהאלטן א סובפינע דערויף

אלעקסיי דער דריטער האט געשריבן: יונואר 6 קאמיטע פלאנט צו שטימען מיטוואך איבער שיקן א קרימינאלע ריפוירל איבער זשעפרי קלארק -געוועזענע איינגעשטעלטע אין די זשוסטיס דעפארטמענט- צו די יוסטיץ דעפארטמענט פארן נישט קאאפערירן מיט א סוביפנע צו ערשיינען פאר א פארהער

קאמיטע געשטימט איינשטימיג פאראויסצוגיין דערמיט

ווערט יעצט געברענגט פאר א פולע הויז אפשטימונג

מאיאריטעט פירער סטעני האיער זאגט אז א אפשטימונג קען געברענגט ווערן פאר די פולע קאנגרעס נאך די וואך

קאמיטע באשטימט א פרישע פארהער מיט קלארק אויף ענדע וואך נאך וואס דער לעצטע האט אין די לעצטע מינוט געמאלדן אז ער איז גרייט צו קומען אויפטרעטן פארנט פון די קאמיטע און אויסנוצן זיין רעכט צו שווייגן

אלעקסיי דער דריטער האט געשריבן: קאמיטע באשטימט א פרישע פארהער מיט קלארק אויף ענדע וואך נאך וואס דער לעצטע האט אין די לעצטע מינוט געמאלדן אז ער איז גרייט צו קומען אויפטרעטן פארנט פון די קאמיטע און אויסנוצן זיין רעכט צו שווייגן

פארהער געווארן אפגעלייגט אויף דעצעמבער 16 נאך וואס קלארק האט היינט נישט געקענט ערשיינען צוליב מעדיצינישע אורזאכן

מעדאוס רייסט איבער זיינע פארבינדונגען מיט די קאמיטע און וועט מער נישט קאאפערירן מיט זיי