מאכלי חודש תשרי: רינדעכיגע/ראזינקע חלות, געקעסטלטע לאקשן, כריין, קיטן, און נאך

מיטוואך יוני 28, 2006 11:29 am

ווען דארף מען עסן רינדעכיגע חלות, און ווען קען מען עסן די לינגלעכיגע חלות?

וואס איז די טעם פון אריין לייגן ראדזשינקעס אין די חלות?

וואס איז די טעם פון עסן באקסעדיגע לאקשן, און ביז ווען עסט מען עס?

ביז ווען טינקט מען איין די חלה אין די האניג?

זונטאג יוני 25, 2006 12:34 pm

עס זענען מסתמא פארהאן פארשידענע מנהגים אין יעדע זאך.

ביי אונז אין די קרעמער פאמיליע (ולמעלה בקודש.. פונעם אלטן קרעמער אנגעהויבן) פירט מען זיך צו טינקן די חלה אין האניג פון ראש השנה ביז נאך שבת בראשית (אויך אינדערוואכן!), אזוי אויך עסט מען ביי די אלע סעודות רינדעכיגע חלות מיט פירקאנטיגע לאקשן.

ראזשינקעס לייגט מען אריין אין די חלה בלויז שמחת תורה זעלבסט (מען זאגט אז דאס קומט צייגן אז אין די תורה איז באהאלטן גוטע זאכן).

בנוגע א טעם אויף רינדעכיגע חלות: יש אומרים אז די גוטס זאל נישט האבן קיין עק.

יגרסהדותא · מאנטאג יולי 03, 2006 10:14 am

ביי אונז אין די סהדותא-פאמיליע ווייסט מען, אז דער מנהג פון חלה מיט האניג ביז נאך שבת בראשית שטאמט פון בעלז

אויך ווייסט יעדער פון אונז, אז מ'דארף נישט שרייבן פון ווען מ'טינקט, ווייל אזוי פירן זיך "אלע קרייזן" אז ס'איז פון ראש השנה.

ביי מיין טאטען און זיידן וואס לעבן לאורך ימים ושנים טובות, פירט מען זיך אז מ'טינקט ביז נאך שמחת תורה, דאכטזיכמיר (אזוי שרייבט מען דא אין קרעטשמע? איך בין שוין לאנג נישטא געווען) אז אזוי שטייט אויך אין מחזור דברי יואל.

רינדכיגע חלות, קרעמער יישר כח פאר דיין טעם, ושמעתי או קריתי, א' אזוי ווי א קרוין, וואס דעם חודש ובפרט אום ר"ה שרייעט מען כסדר אויס "מלכיות". ב' אז דער באשעפער איז איין איינציג.

מיטוואך יוני 28, 2006 8:40 pm

טעם ב' צריך עיון, מה ענין עגול אצל אחד?

יגרסהדותא · מאנטאג יולי 03, 2006 10:14 am

גוט געפרעגט, יאנאש, ס'דערקענט זיך אז מיר האבן יום הקדוש געדאווענט אין איין שול, עפעס האט זיך אין דיר אנגעקלעבט אז די קענסט שוין פרעגן כענין.

תשובה: ביים יום טוב פסח, ברענגן כמה מפרשים דעם טעם פון באקן דייקא רינדיגע מצות, ווייל ביי די אומה"ע איז געווען א מנהג אז זיי פלעגן מאכן זייערע טייג, קוקיס און אנדערע מאכלים, מיט אזויפיל שפיצן וויפיל געטשקעס זיי האבן פארמאגט, לדוגמא איינער וואס האט געהאט דריי אפגעטער האט אלעמאל געבאקן זיינע קיכלעך, מיט דריי שפיצן. והיינו טעמא אז פסח מאכן מיר א רינדיגע מצה, צו ווייזן אז מיר האבן איין איינציגן טאטן אין הימעל.

דאס האב איך געזעהן אויף פסח, והיינו טעמא דמצה היינו טעמא דרינדיגע חלות.

שוועמל · מיטוואך יולי 19, 2006 8:40 pm

ביי אונז, ביי די שוועמלעך האט מען זיך געפירט אז יא , מען עסט טאקע חלה מיט האניג פון ראש השנה ביז נאך שמחת תורה, אבער אנדערש ווי די קרעמער פאמיליע פירן מיר זיך נאר צו טינקן די חלה אין האניג אין די שבתים און אין ימים טובים - דייקא נישט אינדערוואכן.

בנוגע רונדיגע חלות, דאכזיכמיר אין מחזור דברי יואל שטייט אז שבת שובה האט מען נישט געגעסן רונדיגע חלות . הגם ביי די שוועמלעך האט מען יא געגעסן.

און צום לעצט די ראזשינקעס, אין העלטה פוד סטאר איז דא צו באקומען ספעלט ברויט מיט ראזשינקעס. איך האב עס איינמאל געגעסן איך ראט עס נישט פאר שמחת תורה.

יאנאש;
אויב דו ווייסט פארוואס א קאפ פון א מענטש איז רונדיג וועסטו דאס אויך פארשטיין

דינסטאג יולי 04, 2006 6:47 pm

ביי אונז עסט מען רונדעכיגע חלות ביז נאך שמחת תורה, האניג ביז נאך שבת בראשית,
אויף די קשיא פארוואס מ'עסט באקסעדיגע לאקשן, האט נאך דערווייל קיינער נישט געענטפערט.

זונטאג יוני 25, 2006 12:34 pm

איך_הער;

אז מען ווייסט נישט, ענטפערט מען נישט. די פיר קאנטיגע לאקשן מנהג איז א שטיקל מיסטעריע וואס איר טעם איז קיינמאל געהעריג אנטפלעקט געווארן פאר אונזער דור.

בנוגע די רינדיגע חלות שבת שובה; טייל פירן זיך טאקע נישט צו עסן רינדיגע חלות אין שבת שובה, אנדערש ווי די קרעמער'ישע מנהג.

בנוגע איינטונקן די חלה/ברויט אין האניג אינדערוואכן; עס קען זיין אז ביי די קרעמער'ס איז פשוט א גאנצע וואך בבחינת שבת...

מיטוואך יוני 28, 2006 8:40 pm

איך מיין אז איך האב געזעהן א טעם אויף די לאקשן אינעם אידישן ספר פון הרה"ג דוד דוב מייזליש שליט"א, איך געדענק שוין נישט וואס די טעם איז, אבער אז עס דריקט אזוי פאר'ן עולם וועל איך טרייען עס צו טרעפן.

טאגליכט · מאנטאג יולי 03, 2006 5:27 pm

די טעם פארוואס מעסט באקסעדיגע לאקשן איז אזוי, אזוי ווי א גאנץ יאר עסט מען דינע לאקשן, מלשון דין, ממילה פירט מען זיך נישט צו עסן דינע לאקשן, איי פארוואס דוקא באקסעדיגע, זעהט אויס אז די סטאר פארקויפט נישט דריי עקיגע.

זונטאג יוני 25, 2006 12:34 pm

טאגליכט האט געשריבן: די טעם פארוואס מעסט באקסעדיגע לאקשן איז אזוי, אזוי ווי א גאנץ יאר עסט מען דינע לאקשן, מלשון דין, ממילה פירט מען זיך נישט צו עסן דינע לאקשן, איי פארוואס דוקא באקסעדיגע, זעהט אויס אז די סטאר פארקויפט נישט דריי עקיגע.

אם קבלה הוא נקבל, ואם ל'דין' יש תשובה.

איך גלייך זייער נישט צו פרעגן קיין קשיות אויף מנהגי ישראל, אבער דער דאזיגער טעם קוקט מיר אויס אביסל 'דחוק' (דין).

טאגליכט · מאנטאג יולי 03, 2006 5:27 pm

אזוי האט מיר מיין מאמע זאל זיין געזונט געזאגט

זונטאג יוני 25, 2006 12:34 pm

אל תטוש תורת אמך.

דינסטאג יוני 27, 2006 2:15 pm

ביין דאיען איז מען נישט מקפיד, וואס די רביצין גרייט צו דאס עסט מען.

shtilerheit · מיטוואך אקטאבער 04, 2006 4:35 pm

איך זעה אז קיינער חוץ קרעמער ווייסט נישט פון קיין ראזינקעס אין די חלות, איך האב דאס טאקע אויך נישט געוואוסט ווייל ביי מיינע עלטערען האט מען זיך נישט אזוי געפירט אבער נאך מיין חתונה בין איך געוואר געווארען דערפון.

דינסטאג יוני 27, 2006 2:15 pm

ביי אונז נוצט מען ראזינקע חלות נאר אום שמחת תורה, אויף א לענגעלעכיגע חלה.

דינסטאג יולי 04, 2006 6:47 pm

ביי מיינע עלטערן האט מען יא געגעסן ראזשינקע חלות, ( איך מיין אז נאר שמחת תורה, איך בין נישט זיכער )אבער איך האב עס קיינמאל נישט איינגעפירט ביי מיר, ווייל איך האב זייער ליב חלות און איך האב אויך זייער ליב ראזשינקעס, אבער עקסטער.

זונטאג יוני 25, 2006 12:34 pm

shtilerheit האט געשריבן: איך זעה אז קיינער חוץ קרעמער ווייסט נישט פון קיין ראזינקעס אין די חלות, איך האב דאס טאקע אויך נישט געוואוסט ווייל ביי מיינע עלטערען זראלג"ע האט מען זיך נישט אזוי געפירט אבער נאך מיין חתונה בין איך געוואר געווארען דערפון.

זאלן רוען אין לעכטיגן גן עדן?

השם ישמרנו, ביידע עלטערן היטן שוין אויף דיר פון אויבן? (איך האף אז עס איז נאר א וויץ, אזוי ווי "שמילי").

פענסטער · מיטוואך אקטאבער 04, 2006 7:32 pm

קרעמער האט געשריבן:

shtilerheit האט געשריבן: איך זעה אז קיינער חוץ קרעמער ווייסט נישט פון קיין ראזינקעס אין די חלות, איך האב דאס טאקע אויך נישט געוואוסט ווייל ביי מיינע עלטערען זראלג"ע האט מען זיך נישט אזוי געפירט אבער נאך מיין חתונה בין איך געוואר געווארען דערפון.

זאלן רוען אין לעכטיגן גן עדן?

השם ישמרנו, ביידע עלטערן היטן שוין אויף דיר פון אויבן? (איך האף אז עס איז נאר א וויץ, אזוי ווי "שמילי").

וואו עס קוקט אויס איז דאס געווען א פאטאלע טעות פון שמילי'ס זייט, ער האט שוין עורך געווען זיין הודעה.

cano · מיטוואך יוני 28, 2006 5:25 pm

טאגליכט האט געשריבן: די טעם פארוואס מעסט באקסעדיגע לאקשן איז אזוי, אזוי ווי א גאנץ יאר עסט מען דינע לאקשן, מלשון דין, ממילה פירט מען זיך נישט צו עסן דינע לאקשן, איי פארוואס דוקא באקסעדיגע, זעהט אויס אז די סטאר פארקויפט נישט דריי עקיגע.

טאגליך האסט נישט געהעריג אויסגעפירט משא"כ די פיר עקעדיגע איז דיק און נישט דין ? יא דאס האסטי געוואלט ארויסברענגען

שוועמל · מיטוואך יולי 19, 2006 8:40 pm

ניין ניין, דאנט געט הים ראנג.

זיין פאוינט איז אז 'נישט דינע' ווייל ס'יז מרמז אויף דין, נאר סיי וואס. און וויבאלד ס'יז נאר דא באקסעדיגע עסט מען דאס, אז ס'וואלט געווען דריי עקיגע וואלט מען ווען דאס געגעסן

cano · מיטוואך יוני 28, 2006 5:25 pm

אבער עס איז נאך אלץ דינע לאקשען????????? כמו דין

דינסטאג יולי 04, 2006 6:47 pm

איך טראכט אן אייגענם טעם, אז ס'איז א רמז, אז די השפעות וואס מ'בעט זיך אויס זאלן קומען פון אלע פיר זייטן, לאקשן, איז נוטריקון לא קשין, אז ס'זאל מער נישט זיין קיין שוועריגקייטן ביי קיינעם, ממילא אין די צייט וואס מ'עסט אסאך זאכן אלץ רמזים, איז אפשר אויך דאס דער רמז, ווי געשריבן אין אנפאנג.

shtilerheit · דאנערשטאג אוגוסט 31, 2006 4:52 pm

כ'ער זייער שיין א הערליכען פשט שכויח

מיללער · דאנערשטאג יוני 14, 2007 9:48 am

למאנסע, פארוואס עסט מען פיר-קאנטיגע לאקשען?

די קשיא איז מיר אלץ שווער, דא ביי די חלות מאכט מען דייקא רינדעכיג און ווידער ביי די לאקשן איז פיר-עקיג, האלאו דבר הוא? ולית נגר ובר-נגר דיפריקינה