Re: לאכן ביים סדר
דריידל האט געשריבן: ↑ דינסטאג מארטש 28, 2023 8:58 amדרייען זיך דא ערוואקסענע אויך אדער נאר קינדער מיט בחורים? איך קען נישט גלייבן וואס איך ליין דא. מילא קינדער צעלאכן זיך, מאכט זיך. ס'נישט באטעמט ספעציעל ווען די טאטע וואלט געוואלט פירן אן ערנסטע סדר (נישט אנגעצויגן) ווייל ער האט געזעהן אין א ספר אדער געהערט ביים שבת הגדול דרשה אז פסח ביינאכט קען מען אריינגעבן אמונה, און בכלל מחנך זיין די קינדער, ס'איז א סדר אויף אגאנץ יאר, און די אלע זאכן וואס מ'איז געוואינט צו הערן. און די טאטע גרייט זיך נעבעך, פארגעקיקט אפאר תורות נאכצוזאגן, ובפרט טאמער האט ער אן איידעם דארט. ער האט זיך שוין אויסגע'משל'ט וויאזוי די סדר וועט אויסקוקן ווען ער וועט זאגן וועלכע תורה, און ווי יעדער וועט אים אויסהערן, און דא טראך, ס'פלאצט אויס א געלעכטער.
איך אליין פארשטיי נישט צו די אלע זאכן; די אטמאספער ביים סדר איז מער ווייניגער ווי יעדע יום טוב סעודה. יעדע שבת/יום טוב איז א בחינה פון וגילו ברעדה. מ'איז גוט אויפגעלייגט אבער ערענסט. און טאמער א קינד מאכט זיך נער'יש ווייסט מען צו איגנארירן. די טאטע קען שטעלן דעם טאן ווען ער איז רעאליסטיש און מיינט עס ערענסט. זייער וויכטיג איז נישט צו פעניען, נאר זעהן אז זאכן זאלן פארן. די זאגן לאנגע תורות הרג'ט אלעס אוועק.
טוט זיך א בין הזמנים שטימונג דא...
(און אויפן גאנצן וועלטעל)
