Re: שנת תתפ''ב לפ''ק: ערשטמאליגע היסטארישע אינטערוויו
היכי תמצא האט געשריבן: אוי ווי איר טויגט!
דער קאנטראסט צווישן ווי אזוי דער היינטיגער (אינטערוויוער) און דער אלטער רעדן איז מייסטערהאפטיג, עס גיבט די ארטיקל אן אמת'ע געזיכט וואס מאכט ממש שפירן ווי מ'ליינט אן אמת'ע אינטערוויו.
די זאפט וואס ליגט דערין, די אלע שורות געפלאכטן מיט הומאר בתוך הומאר, אבער אלס מיט אן ערנסטקייט, איז א קונסט.
א שטארקע אויספיר מיט א גאר שטארקע פונקט וואס ענדערט פון אנדערע ענליכע פונקטן צוליב וואס עס ברענגט ארויס צו ניצן די צייט צום זאך בכלליות, אבער נאכאלץ מתיר זיין צייט פאר אביסל גשמיות (ס'שטימט וואס איך זאג?).
איבער אלעם שכ'ח פאר'ן מהנה זיין, האסט גענומען מיין מוח אויף אן אויספלוג.
שרייב נאך! דיין פעדער וועט דיר דאנקען..
יישר כח פאר די קאמפלימענטן.
גראדע איך האב עס בכלל נישט געשריבן אלס הומאר, איך בין גאנץ ערנסט מיט יעדע איינציגסטע שורה! לאמיר זען...
די פרייזן פאר דירות און אלע אנדערע פראדוקטן איז א אומפארמיידליכע מציאות וואס אונז האלט מיר ליידער מיט.
די מעשה מיטן איד וואס איז געלאפן פאר קאנגרעס איז אויך דא לעבעדיגע עדות החיים אתנו.
די רעפובליקאנער פארטיי לויט ווי ס'גייט יעצט וועט עס ביז עטליכע צענדליגע יארן זיין א פארגאנגענהייט סיי מיט די מאסן אימיגראנטן, דעמאקראטישע דיעפ סטעיט, און קראנקע רעפובליקאנער מהלך.
די נאציאנאלע חוב וועט בדרך הטבע אנקומען פיל העכער פון פינף הונדערט קוואנטיליאן דאלער.
גלאבאל קאלינג איז שוין עקשעלי א קאנספיראציע פון די ניינציגער יארן.
די ווייסע וועלן לויט אלע ווארשיינלעכקייט ביז עטליכע יאר זיין די מינאריטעט אין אמעריקע.
ביידען'ס אקסיזשען טענק לייגט זיך מער אויפן שכל ווי טובי' מאיר'ס ציון, און אז איראן זאל עס העקן איז שוין א קאצן שפרינג.
טראט פלאטפארמע האט שטארקע מעגליכקייטן צו איבערנעמען טוויטער נעמענדיג אין באטראכט וויפיל מאל טראמפ איז שוין געווען די וויץ פון יאר אן קיין שאנסן.
ביטקוין איז נענטער ווי ווייטער צו ווערן אנערקענט אלס די אפיציעלע קארענסי.
ג' אייר ווערט מער און מער אפיציעל, און אז די רבנים וועלן אנהייבן צו אנטייל נעמען אין די לחיים'ס וועט מען דאך אוודאי אפשרייבן די תורה וואס סיי וועלן זאגן ביים לחיים טיש, וואס וועט שענקען פארן עולם התורה רייכע חיבורים ספעציעל פאר ג' אייר.
טובי' מאיר ניימאן אליין האט שוין כמה פעמים מעורר געווען אז נאך זיין פטירה וועט מען זיך הערשט כאפן וואס מ'האט געהאט והודאת בעל דין כמאה עדים.
סאדיגורא רבי וועט ביי די הונדערט און פיפצן יאר זיין לכאורה די לענגסט דינענדע רבי.
די רבי'ס וועלן לכאורה זיך דארפן געבן די קהילה נעמען נאך גאסן נעמענדיג אין באטראכט אז עס וואוינען היינט אויף איין גאס מער מענטשן ווי רוב שטעטלעך אין אייראפע.
די האנטוכער סומאטוכע איז שוין היינט עפעס וואס לייגט זיך נישט אויפן שכל...
אונטערשטע שורה די מציאות איז ליידער אין א שווערן מצב און די איינציגסטע וועג זיך צו האלטן שטארק און נישט ווערן דערשראקן, איז טאקע צו לאכן פונעם מצב...
