די נייע פלאן פאר דעם פארום
ווי יעדער זעהט ארבעטן מיר אויף עטליכע שינוים אין דעם עקזעסטירנדן פארום 'מידי שבת בשבתו' וועלכע איז אין די לעצטערע צייטן אביסל ארויס פון סדר, דער פארום איז בעצם צאמגעשטעלט פון צוויי סארט ענינים וועלכע האבן דערווייל משמש געווען בערבוביא און גורם געווען א צומושעניש ביי די באזוכער ווען עס איז געקומען אפירצוזוכען א געוויסע נושא אדער ענין.
פון איין זייט באשיינען אין דעם פארום די הערליכע אשכולות מידי שבת בשבתו ומועד במועדו ווי חברים היקרים ברענגען אראפ דברי תורה און ווערטלעך על פר' השבוע וכדו' ובראשם ידידינו וידיד כל בית הקרעטשמע כבוד ר' זיידל המכונה זיידעניו הי"ו וועלכע שטעלט צו וועכנטליך לקוטי בתר לקוטי מפי ספרים וסופרים.
פון די אנדערע זייט איז פארהאן אזעלכע וואס זוכען אויסצושמועסן און דן זיין בעניני הפרשה והמועד אויף א לענגערען אופן און ווילען הערן דעת החברים בהענין אן דעם וואס אינצווישן זאלען אריינפאלן טייערע פערל-ווערטער וואס פארשוועמען די תגובות אז ווען די אנדערע חברים קומען אריין זענען די דיונים שוין פארשווינדען און די קשיות בלייבן אן תירוצים.
לאור כל הנ"ל האט די הנהלה אויפגענומען דעם חשובען אחראי פונעם אוצר הספרים, איינער וועלכער איז שוין פקיע שמי' אלס א בר-אורין ובר-אבהן נוח לשמים ונח לבריות, כבוד הרה"ח ר' שמחה שליט"א וועלכע גיט אוועק פון זיין טייערע צייט מסדר צו זיין און אפצוטיילן די אשכולות וואס שטייען שוין, מחלק צו זיין בין הדבקים וליתן ריוח בין עדר לעדר, יעדע וואך און יעדער יו"ט וועט בסייעתא דשמיא פארמאגן (לכה"פ) צוויי באזונדערע אשכולות איינס וועט טראגן דעם נאמען 'לקוטים וענינים על פר'.....' און דאס אנדערע וועט הייסען 'דיונים ועיונים בפר'....' דאס איז אויסער די 'חומש רש"י אשכולות' וכדו'.
עס איז צום האפן אז דער ציבור הרחב וועט פארשטיין דעם תועלת און ארויסהאבן די ציהל פון די חלוקא דרבנן, און מיטהעלפן אנצוהאלטן דעם סדר מבלי מפריע, ובזכות כח של לימוד התורה נזכה כולנו לישועה בקרוב.
פון איין זייט באשיינען אין דעם פארום די הערליכע אשכולות מידי שבת בשבתו ומועד במועדו ווי חברים היקרים ברענגען אראפ דברי תורה און ווערטלעך על פר' השבוע וכדו' ובראשם ידידינו וידיד כל בית הקרעטשמע כבוד ר' זיידל המכונה זיידעניו הי"ו וועלכע שטעלט צו וועכנטליך לקוטי בתר לקוטי מפי ספרים וסופרים.
פון די אנדערע זייט איז פארהאן אזעלכע וואס זוכען אויסצושמועסן און דן זיין בעניני הפרשה והמועד אויף א לענגערען אופן און ווילען הערן דעת החברים בהענין אן דעם וואס אינצווישן זאלען אריינפאלן טייערע פערל-ווערטער וואס פארשוועמען די תגובות אז ווען די אנדערע חברים קומען אריין זענען די דיונים שוין פארשווינדען און די קשיות בלייבן אן תירוצים.
לאור כל הנ"ל האט די הנהלה אויפגענומען דעם חשובען אחראי פונעם אוצר הספרים, איינער וועלכער איז שוין פקיע שמי' אלס א בר-אורין ובר-אבהן נוח לשמים ונח לבריות, כבוד הרה"ח ר' שמחה שליט"א וועלכע גיט אוועק פון זיין טייערע צייט מסדר צו זיין און אפצוטיילן די אשכולות וואס שטייען שוין, מחלק צו זיין בין הדבקים וליתן ריוח בין עדר לעדר, יעדע וואך און יעדער יו"ט וועט בסייעתא דשמיא פארמאגן (לכה"פ) צוויי באזונדערע אשכולות איינס וועט טראגן דעם נאמען 'לקוטים וענינים על פר'.....' און דאס אנדערע וועט הייסען 'דיונים ועיונים בפר'....' דאס איז אויסער די 'חומש רש"י אשכולות' וכדו'.
עס איז צום האפן אז דער ציבור הרחב וועט פארשטיין דעם תועלת און ארויסהאבן די ציהל פון די חלוקא דרבנן, און מיטהעלפן אנצוהאלטן דעם סדר מבלי מפריע, ובזכות כח של לימוד התורה נזכה כולנו לישועה בקרוב.
