די וועלט און אירע סודות

מקובל אלוקי · מאנטאג פעברואר 20, 2023 3:17 am

סא... ווי הייבט מען אן?

אקעי קודם וועל מיר פראבירן צו ברענגען מקורות,

די געוואלדיגע זאך צו ארויס האבן די פנימיות פון די גשמיות'דיגע וועלט,

איז צום אלעם ערשט וועל מיר דורך לערנען די הייליגע רמח"ל און זיין הקדמה צום אדיר במרום,

הידיעה הד' לדעת סוד העולם הזה. והוא מ"ש לאסתכלא בהאי עלמא דהוא בי' וכו'

והוא לדעת כל בריאת העוה"ז איך מתנהגים בסוד הספי' בסוד הפנימיות המתפשט בהם בסוד הטבעי שהוא כמנין אלקים ולא כמו שדימו וכו'

[image

: 20230220_031240.jpg (206.15 KiB) געזען 2443 מאל

][/image]

פרידן · מאנטאג פעברואר 20, 2023 3:24 am

3:17 באנאכט אין וויל וויסן די סודות פון די גשמיותדיגע וועלט
די ערשטע סוד א גוטע נאכט שלאף וועט נישט שאטן

מקובל אלוקי · מאנטאג פעברואר 20, 2023 3:36 am

פרידן האט געשריבן: ↑ מאנטאג פעברואר 20, 2023 3:24 am

3:17 באנאכט אין וויל וויסן די סודות פון די גשמיותדיגע וועלט
די ערשטע סוד א גוטע נאכט שלאף וועט נישט שאטן

אפשר איז טאקע גוט אביסל אנהייבן מיט וואס מיינט שלאף?

פארוואס איז די טאג צעטיילט האלב ליכטיג האלב טונקל?

וואס איז די לבנה מיט אירע כוחות?

וואס געשעט חצות? און ביי די עלות?

די געוואלדיגע כוח פון קרי"ש של המטה?

פרידן · מאנטאג פעברואר 20, 2023 3:41 am

מקובל אלוקי האט געשריבן: ↑ מאנטאג פעברואר 20, 2023 3:36 am

פרידן האט געשריבן: ↑ מאנטאג פעברואר 20, 2023 3:24 am

3:17 באנאכט אין וויל וויסן די סודות פון די גשמיותדיגע וועלט
די ערשטע סוד א גוטע נאכט שלאף וועט נישט שאטן

אפשר איז טאקע גוט אביסל אנהייבן מיט וואס מיינט שלאף?

פארוואס איז די טאג צעטיילט האלב ליכטיג האלב טונקל?

וואס איז די לבנה מיט אירע כוחות?

וואס געשעט חצות? און ביי די עלות?

די געוואלדיגע כוח פון קרי"ש של המטה?

ביים עלות לייג ער זעך ביי חצות שטייט ער אויף

מקובל אלוקי · מאנטאג פעברואר 20, 2023 4:06 am

איז קודם דארף מען לערנען גמ' מסכת ברכות פרק א' צו האבן א שטיקעלע הסבר אויף די זאכן,

אבער מיר וועלן פרובירן צו אריין גיין און די זאכן וואס שטייט מער און תורת הנסתר,

איז אזוי שלאף און תורת הנסתר האט און זיך 2 חלקים:
1) נפש והגוף התחתון 2) די נשמה החצובה מתחת כסא הכבוד

מצד די גוף ווערט שלאף אנגערופן און א בחינה וואס הייסט מיתה,
אחד משישים ווי די גמרא זאגט,

אבער מצד די נשמה הייסט עס א בחינה פון א עליות נשמה,
און די נשמה באקומט מער קדושה יעדע מאל מען שלאפט,

הרה"ק ר' פנחס מקאריץ זי"ע האט געזאגט אז שלאפן איז ממתיק די דינים,
קען מען פארשטיין ווייל אז די נשמה גייט ארויף איז עס ממתיק דינים,

די הייליגע אר"י הק' פלעגט יעדע מאל ביים שלאפן לערנען תורה בישיבה של מעלה,
און פלעגט זיך אויסוועלן צו וועלכע ישיבה מען זאל אים פירן,

און די גמרא איז דא א מחלוקה לא איבראי לילה אלא לגירסא או לשינתא,
לויט דעם אז מען קען לערנען אינמיטן שלאפן קומט אויס אז עס איז אלו ואלו דברי אלוקים חיים,

נאר די גמרא דערציילט ווי דוד המלך האט מקפיד געווען צו שלאפן זייער ווייניג,
ולכאורה איז א גרויס ענין צו שלאפן?

נאר מצד די גוף איז א גרויסע סכנה צו שלאפן ווייל עס ווערט א בחינה פון מיתה,
און שלעכטע כוחות קענען האבן א שליטה איבער די גוף,

און עס ווענט זיך לפי די מקומות און די זמנים,
וואס דעמאלסט קענען די שלעכטע כוחות נישט האבן א שליטה,

נ.ב. נאר געשריבן פאר הרב פרידן שליט"א
די ציל פון די אשכול איז מער און פארשטיין וואס קומט פאר אויף די מיסטעריעזע וועלט,
און זעהן וויאזוי און אונזערע ספרים שטייט שוין אלעס,

מקובל אלוקי · מאנטאג פעברואר 20, 2023 5:32 am

מיר וועלן פרובירן אריין גיין אביסל:
1) .U.F.O,
2) בירמודע טרייענגעל,
3) מקום גן עדן, וגיהנם,
4) מענטשליכע צעלן
ועוד ועוד....

הערשל הקטן · מאנטאג פעברואר 21, 2022 4:06 pm

ש'כוח מקובל!
קיפ איט אפ, מאכסט א שיינע דזשאב.
איך פערזענליך האב זייער הנאה געהאט פון דעם, כ'בין זיכער אז נאך אסאך יודן.
מיר ווארטן אויף נאך!

בניהו · פרייטאג אפריל 16, 2021 1:09 am

מיר האבן גרויס הנאה פון דיינע פילע ידיעות, ביטע גיי אן

קריספי חלה · מאנטאג פעברואר 20, 2023 9:17 am

בניהו האט געשריבן: ↑ מאנטאג פעברואר 20, 2023 8:40 am

מיר האבן גרויס הנאה פון דיינע פילע ידיעות, ביטע גיי אן

גא''ם

שמחהלע · מאנטאג פעברואר 20, 2023 9:59 am

שכוח! אויב ביניך אינטער די 40 קען איך ליינען דעם אשכול?

שלמה פתלתול · מאנטאג פעברואר 20, 2023 10:14 am

א תורת חכם אויף אייוועלט....?.?

פארדרייט · פרייטאג יאנואר 06, 2023 2:18 am

שלמה פתלתול האט געשריבן: ↑ מאנטאג פעברואר 20, 2023 10:14 am

א תורת חכם אויף אייוועלט....?.?

יער · מאנטאג פעברואר 20, 2023 12:38 pm

ווארט מיר אויפן מקובל אנצוהייבן.

געגאנגען!

מקובל אלוקי · מאנטאג פעברואר 20, 2023 2:36 pm

ס'דא א לאנגע דרוש און אר"י הק' שער מאמרי רז"ל וואס הייסט דרוש פסיעותיו של אברהם אבינו,
עס איז געבויט אויף די מדרש מ"ר בראשית פ' מ"ג ר' לוי בשם ר' יוסי בן זמרא אמר פסיעותיו של אברהם אבינו היו שלשה מילין וכו',
די מדרש דערציילט ווי אזוי אברהם אבינו איז געפלויגן מיט איין פסיעה (טריט) דריי מיל ווען ער איז געגאנגען ראטעווען לוט ביי די מלחמה פון די פינעף מלכי מדין,

און אויך בויט זיך דער דרוש אויף די גמרא ברכות דף ד: אמר ר' אלעזר בר אבינא גדול הנאמר במיכאל יותר ממה שנאמר בגבריאל וכו'
און די גמרא זאגט אז מיכאל קען מיט איין שפרינג פליען ווי ער דארף משא"כ גבריאל דארף טאנצן צוויי מאל,

איז פאר מען גייט אריין און דעם דרוש קען מען נישט אויסלאזן די געוואלדיגע חשיבות פון דעם דרוש,

ר' חיים וולאזינער ברענגט אז די גר"א האט געהאט א ספק צו ר' חיים וויטאל האט פארשטאנען די נמשל פון תורת אר"י,
דהיינו כידוע רעדט די אר"י הק' בדרך משל און די גאון האט געהאלטן אז אפשר האט ר' חיים וויטאל נישט ארויסגעהאט די נמשל,
זאגט ר' חיים וולאזינער אז נאכדעם וואס די גר"א האט געזען דעם דרוש אויף פסיעותיו של אברהם אבינו,
האט ער פארשטאנען אז ר' חיים וויטאל האט פארשטאנען די נמשל!!

איז בקיצור די גאנצע דרוש איז געבויט ווי אזוי מען קען פליען און רגעים איבער די גאנצע וועלט!
און עס איז צעטיילט און צוויי חלקים, בדרך הקליפה והטומאה, און להבדיל בדרך הקדושה,

farshlufen · מאנטאג פעברואר 20, 2023 3:43 pm

לענינינו

שטרענגע מענטש · מאנטאג פעברואר 20, 2023 3:59 pm

פארדרייט האט געשריבן: ↑ מאנטאג פעברואר 20, 2023 12:30 pm

שלמה פתלתול האט געשריבן: ↑ מאנטאג פעברואר 20, 2023 10:14 am

א תורת חכם אויף אייוועלט....?.?

אז ס'איז נישט דא קיין שול

מקובל אלוקי · מאנטאג פעברואר 20, 2023 9:35 pm

גיי מיר ווייטער אביסל,

פליען און די קדושה איז אויך צעטיילט און צוויי בפנימיות די נשמה קען פליען און בחיצוניות די גוף התחתון,

און נאכדעם איז דא אזא זאך וואס הייסט חלוקא דרבנן דהיינו עס קוקט אויס ווי די גוף,
אבער עס איז א רוחניות'דיגע זאך וואס נאך די פטירה איז די נשמה זיך מתלבש און יענע גוף,
ס’דא כמה מעשיות פון תלמידי בעש”ט איבער דעם,

ס’איז דא מעשה אז ס’איז געקומען א פרוי צום היילגען ריבניצער זצוק"ל און רוסלאנד אז זי האט א קינד און מיליטער,
בשעת ער האט געליינט די קוויטל האט ער זיך אויפגעשטעלט און געמאכט מיט די הענט ווי איינער וואס שטופט ארויס איינעם פון צימער,
א שטיק צייט שפעטער איז איר קינד אהיימגעקומען און ער האט דערציילט,
אז איין טאג אינמיטן ארבעטען און א בנין איז צוגעקומען צו אים א איד מיט א בארד,
און אים געהייסן שוין ארויסגיין און פארלאזן דאס פלאץ און כ'האב אים נישט געהאלטן ביים פאלגען,
האט ער מיך אנגעכאפט אין ארויסגעשטופט פון בנין,
אין תיכף ומיד נאכדעם האט אויפגעריסן א באמבע אין נאר ער איז לעבען געבליבן,

אויך איז באקאנט אז די היילגע רבי ר’ אלימלך מליזענסק זצוק”ל אז מען האט אים געזען אין די זעלבע צייט אויף צוויי פלעצער,

אויך איז דא א מעשה מיטן רבין פון לובלין אז ער האט אויסגעגאסן די זופ,
און איינע פון די תלמידים האט זיך אנגערופן רבי מ’וועט אונז ארעסטירן,
ווייל ער האט געמיינט אז ער איז באמת אויף א אנדערע פלאץ וואס דארט האט ער אויסגעגאסן די טינט,

ערעב איד · מאנטאג אוגוסט 03, 2020 11:47 pm

זייער שיין! גיי אן

האסטו וועסטו · זונטאג יוני 27, 2021 8:43 pm

א וואוסענדע צוזאמווארפע

מקובל אלוקי · דינסטאג פעברואר 21, 2023 3:26 am

יעצט אז די נשמה זאל קענען פליען איז לכאורה די גרינגסטע,
ע"פ מ"ש הבעש”ט הק’ אז במקום מחשבתו של אדם שם הוא
און א מענטש קען טראכטן און זיך מצייר זיין כאילו ער איז און די עולמות עליונים
וועט זיין נשמה באמת דארט זיין

לשון הבעש"ט:
צריך שירגיש במחשבתו שהוא בעולם העשיה בתחלת התפלה ואח"כ ירגיש שהוא ביצירה עולם המלאכים והאופנים ואח"כ בעולם הבריאה עד שירגיש במחשבתו שפרח במחשבותיו גבוה מאד לעולם האצילות וכמו אדם שמטייל מחדר לחדר כן יטייל במחשבתו בעולמות עליונים. ויזהר שלא יפול ממחשבתו הגבוה מאד בעולמות העליונים רק יחזיק עצמו בכל כחו שישאר למעלה במחשבותיו במתג ורסן שעשה כמו גדר שלא ירד. וכשרוצה לעשות כן לצורך דביקות בלא שעת תפלה צריך שלא יהיה שום אדם באותו בית שאפילו צפצופי עופות יכולים לבטלו וכן מחשבה של אחר יכול לבטלו:

אבער אז די גוף זאל קענען פליען איז גאר א גרויסע זאך וואס און דעם איז דא כמה מיני אופנים,
קודם די פשוטע קפיצת הדרך וואס עס איז דא כמה מעשיות פון תלמידי בע”ש,

אבער נאכדעם איז דא ווי למשל א מעשה דאכצוך מיט ר’ אייזיקל קאלווער,
אז ער איז געפלויגן אויף צפת ערב שבת זיך טובלען מיט זיין גבאי און ער האט אים דארט געלאזט,
דהיינו ער איז באמת געפלויגן נאר אן א פליגער,
ס’איז אויך דא א מעשה פון הייליגען רוקח אז ער איז געפלויגן ערב פסח צום רמב”ן,
ממש כפשוטו און די לופט!

מקובל אלוקי · דינסטאג פעברואר 21, 2023 3:51 am

: 20230221_034105.jpg (196.39 KiB) געזען 1681 מאל

נאדיר די מעשה פון היילגען רוקח

מקובל אלוקי · פרייטאג פעברואר 24, 2023 2:42 am

א אינטרעסאנטע מעשה וואס הרב הק’ ר’ נחמן מברסלב זצוק"ל האט דערציילט וואס ברענגט שטארק ארויס די מושג פון חלוקא דרבנן

: 20230224_022522.jpg (95.96 KiB) געזען 1589 מאל

: 20230224_023923.jpg (250.3 KiB) געזען 1589 מאל

מקובל אלוקי · פרייטאג פעברואר 24, 2023 3:25 am

און יעצט וועלן מיר מאכן א שטיקל סה"כ,

1) יעדעמס נשמה גייט ארויס בשעת מען שלאפט און עס פליט,
ווי ס’פליט ווענט זיך ווי ערליך מ’האט געליינט קרי"ש,

2) א צדיק קען זיך משתמש זיין מיט זיין חלוקא דרבנן,
עס קוקט אויס פונקט ווי א גוף כביכול אבער עס קען פליען פונקט ווי א נשמה,

3) די גוף זאל קענען פליען,
וואס און דעם איז אויך דא וועגן וואס קומט נישט פון די קדושה,

שדים קענען פליען ווייל זיי זענען נישט באשאפן געווארן מיט די גשמיות'דיגע גוף,
און זיי זענען באשאפן געווארן פונעם זעלבן חומר ווי א חלוקא דרבנן,

אדם יסודו מעפר וסופו לעפר אונזערע גופים זענען באשאפן געווארן,
פון די עפר התחתון פון דער וועלט, עפר אתה ואל עפר תשיב,

די נקודה פון דעם איז,
אז א גשמיות'דיגע זאך ווי נענטער ער וועט זיין צו דעם עולם וועט עס אים די כח המשיכה אראפ שלעפן,
משא"כ רוחניות'דיגע זאכן נישט, נאר פארקערט גאר, זיי וועלן ציען אויף ארויף און ווילען ארויפגיין,

פונקט ווי ס’דא גרעווטי אויף דער וועלט,
איז דא די זעלבע זאך פארקערט אויף יענער וועלט אלע רוחניות'דיגע זאכן ציען דארטן אויף ארויף,
אלע נבראים האבן און זיך ביידע, סיי רוחניות'דיגע און סיי גשמיות'דיגע,

השמים שמים לשם והארץ נתן לבני אדם,
די חילוק איז נאר וויפיל ער איז געמאכט פון שמים און וויפיל ער איז געמאכט פון ארץ,

און א חלוקא דרבנן קען נאר גיין ביז און גן עדן התחתון,
ווייל ער איז געמאכט פון אזא מין חומר, וואס די גן עדן התחתון אליין, איז אויך געמאכט געווארן,
דהיינו עס איז תופס מקום, און מען קען עס זעהן מיט די פליישיגע אויגן, אבער אן קיין טראפ גשם חומרי פון דער וועלט,
המשך יבוא...

האסטו וועסטו · זונטאג יוני 27, 2021 8:43 pm

שטארק הנאה

מקובל אלוקי · פרייטאג מארטש 03, 2023 3:09 am

יעצט וועלן מיר פראבירן צו מסביר זיין וואס איז א .U.F.O,

יא, יענע חברה וואס זענען באשאפן געווארן ערב שבת פארן זמן,
קענען פליען און מ’קען זיי זעהן מיט די פליישגע אויגן,
און ווי די גמרא פארציילט און גיטין אז שלמה המלך האט געקעניגט אויף זיי,
און ווי אזוי ער האט פארכאפט זייער קעניג,

און די חז”ל איז דא כל מיני זאכן וואס מ’טוט,
אלס חשש אז אפשר איז די מענטש מיט וועם מ’איז, איז פון זיי!!

יעצט ווי אזוי פליען זיי?
איז זיי אליין קענען פליען ווייל זיי האבן און זיך די זעלבע כח ווי מלאכים,
אין ווי מ’האט שוין מסביר געווען האט די כח המשיכה פון די ערד קוגל האט נישט קיין כח אויף זיי,

היות אבער מ’קען זיי זעהן, און רעדן צו זיי,
קען מען זיך משתמש זיין מיט זיי,
און פליען מיט זיי,

יעצט סדא צוויי וועגן וויאזוי זיך משתמש זיין מיט זיי,
אדער נאר בדיבור ובהשבעות,
אדער דורך פארשידענע מעשים וואס מ’דארף טאן,

המשך יבוא...

אידישע וועלט פארומס

די וועלט און אירע סודות

די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות

Re: די וועלט און אירע סודות