אהא איי איייייי כי טוב השם ווייל דער אייבערשטער איז גוט, כי טוב השם ווייל דער אייבערשטער איז גוט..... חברה... ווי אר אן עי היי...... אוי גייט געיס אפקלינגען אין לאנד!!!!! איך קויף א VIP TICKET צום מעמד התלי-ה...... שיהיה בקרוב בימינו......
Benjamin Franklin: BEWARE OF LITTLE EXPENSES - A SMALL LEAK WILL SINK A GREAT SHIP
אהא איי איייייי כי טוב השם ווייל דער אייבערשטער איז גוט, כי טוב השם ווייל דער אייבערשטער איז גוט..... חברה... ווי אר אן עי היי...... אוי גייט געיס אפקלינגען אין לאנד!!!!! איך קויף א VIP TICKET צום מעמד התלי-ה...... שיהיה בקרוב בימינו......
יישר כח@הכל הבלאיך האב מיטגעהאלטן א גאנצע צייט מיט יעדע איינציגע באשרייבונג דו האסט א מעכטיגע פעדער אונז דארף מיר זיך טאקע פרייען אז מ'הארגעט א שונא ישראל אבער פשוט נישט צו פארגעסן פון וואספארא יודן מ'רעדט דא. ברענג איך דא אראפ רב מזרחי איבער די שיסעריי https://www.torahanytime.com/#/lectures?a=69791
אהא איי איייייי כי טוב השם ווייל דער אייבערשטער איז גוט, כי טוב השם ווייל דער אייבערשטער איז גוט..... חברה... ווי אר אן עי היי...... אוי גייט געיס אפקלינגען אין לאנד!!!!! איך קויף א VIP TICKET צום מעמד התלי-ה...... שיהיה בקרוב בימינו......
יישר כח @הכל הבל איך האב מיטגעהאלטן א גאנצע צייט מיט יעדע איינציגע באשרייבונג דו האסט א מעכטיגע פעדער אונז דארף מיר זיך טאקע פרייען אז מ'הארגעט א שונא ישראל אבער פשוט נישט צו פארגעסן פון וואספארא יודן מ'רעדט דא. ברענג איך דא אראפ רב מזרחי איבער די שיסעריי https://www.torahanytime.com/#/lectures?a=69791
נעכטן מיטוואך איז געווען די פאזע פון אורטייל ווען די דזשורי פון 5 מענער און 9 פרויען האט געמאלדן אז נאך 10 שטונדן פון פארהאנדלונגען צוטיילט אין צוויי טאג האבן זיי באוויזן זיך צו פארשטענדיגן אויף אן איינשטימיגע באשלוס
די דריי רייעס מיט בענק פון הונטער די פראקורארן זענען געווען באזעצט מיט פאמיליעס פון די אומגעקומענע וועלכע האבן שטארק אויסגעקוקט אויף דעם טאג
דער מערדער איז געזיצן שטיל ביים טישל צווישן די פובליק פארטיידיגער מייקל נאווארא און עליסא לאנג
דער ריכטער האט אויסגערעכנט די געפינסן פון די דזשורי וועלכע איז געווען איינשטימיג איבער אלע 5 קטרוג פאקטארן
די דזשורי האט איינגעשטימט אז באוערס מוטער איז געווען אומבאלומפערט צו קענען פירן א שטוב און אז באוערס האט געהאט א שווערע יוגנט
זיי האבן איינגעשטימט אז באוערס האט נישט געליטן פון קיין גייסטישע קרענק און זיי האבן זיך נישט געקענט פאראיינגין אויף די פראגע אויב ער די פאמיליע פון וועלכע באוערס שטאמט האט געליטן פון ברייטפארצווייגטע גייסטישע פראבעלמען ווען בלויז 9 פון די דזשורארס האבן געהאלטן אזוי
דאן איז געקומען די מאמענט ווען דער ריכטער האט ציטירט פון די דזשורי וועלכע שרייבט אז זיי טוען איינשטימיג אורטייל אז ראבערט באוערס זאל באקומען טויט שטראף
מען האט נישט דורכגעפירט קיין רענטגען אונטערזוכונג צו פעסטשטעלן אויב עס איז אריבערגעלאפן א סקרוך אין די ביינער ביי די אנוועזנדע פאמיליע מיטגלידער פון די אומגעקומענע און דעריבער איז די דעטאל פארבליבן אומבאקאנט
טייל פון זיי האבן זיך אנגעכאפט די הענט און אנדערע האבן נאכאנאנד געווישט מיט אפוויש טיכלעך טרערן פליסנדע אויגן אבער מען האט נישט געהערט קיין קלאטשערייען אדער טריאומפירנדע יובלערייען
אנדערש ווי ביי די פריערדיגע פאזעס ווען די דזשורארס האבן אפן ארויסגעוויזן עמאציעס האבן זיי דאסמאל פארזיגלט זייערע געזיכטער און נישט ארויסגעוויזן סיי וועלכע געפילן
דער ריכטער האט פארגעזעצט צו באדאנקן די דזשורי פאר זייער סערוויס און עס באצייכנט אלס א געוואלדיגע פאראנטווארטליכקייט און אנערקענעט אז זיי וועלן אויף אייביג טראגן די לאסט און געוויכט פון די אורטייל אויף זייערע אקסלען
דער שטימע פונעם ריכטער האט זיך לייכט געבראכן ווען ער האט געזאגט פאר די דזשורי אז ער האט שוין געגעבן די זעלבע רעדע הונדערטער מאהל אבער קיינמאל נישט מיט די זעלבע ערנסטקייט און באדייט ווי דאסמאהל
נאך וואס די פאמיליעס האבן פארלאזט די צימער איז בלויז פרוי בלעק פארבליבן און די לעצטע פראצעס עדות מומע פיין איז צוגעגאנגען און זיי האבן געכאפט א קורצע שמועס וואס האט אויסגעקוקט צו זיין גאנץ רואיג און די צוויי האבן זיך דאן באגריסט און צושיידט
טראץ וואס די דזשורי האט שוין געזאגט דאס זייעריגע און די אורטייל איז געווען אראפגעשריבן איז פארבליבן די לעצטע שטאפל ווען דער ריכטער באשטעטיגט און דערלאנגט זיין שטעמפל פארן אורטייל
יעדע מאהל וואס ער ליינט א באריכט איבער די שיסעריי מעקט ער אויס די נאמען פונעם שיסער (ער שטייט ווארשיינליך אונטער די פארמערטע געמעקעכטסאויף אייוועלט ..אבי מען באשולדיגט די מנהלים..)
ער וואלט פארלאנגט אויסצומעקן די נאמען פונעם מערדער און נישט געוואלט מען זאל דערמאנען זיין נאמען אויף די אינטערענט אדער סיי אין וועלכע דזשורנאליזם פארמאט
מען האט געהערט פון דניאל ליגער וועלכע האט אדרעסירט דעם מערדער דירעקט זאגנדיג אז ער וויל אז ער זאל קוקן אין געזיכט און אין די אויגן פון די איד וועם ער האט פרובירט אומסוסקסעספול אומצוברענגן
עס האט געפירט צו שולד געפילן פון מענטשן וואס האבן אנטוויקלט א פיינטשאפט צו זיך זעלבסט פארן נישט טוהן גענוג אפצושטעלן די בלוט באד אבער אין די זעלבע צייט האט עס געברענגט א נייע גייסט פון בונד און פריינדשאפט ביי אנדערע
ליגער: מיינסטנס פון אונז האבן באוויזן זיך צו ערהוילן און צו פארגעבן האפנדיג אז סאלידאריטעט עפנט כאטש די הארץ פונעם מענטש און ער האט ציטירט פון ראבינאוויטש אז עס איז ענדערש צו זיין אנשטענדיג און נאבעל ווי איידער צו זיין גערעכט
זי האט אויך אדרעסירט די פארטיידיגונג זאגנדיג אז זי פארשטייט אז זיי האבן געדארפט טוהן זייער ארבעט אבער דאס ארויסגיין פון זייער וועג און דאס נישט ארויסצייגן די מינדעסטע פארשטענדעניש און מיטגעפיהל צו די פאמילייעס פון אומגעקומענע איז געווען אומריכטיג און אוממענטשליך
זי באשולדיגט אז די סניגור האבן קיינאל נישט געוואלט קוקן אין ריכטונג פון די פאמיליעס און זי פרובירט איין לעצטע מאהל קוקנדיג גראד אין געזיכט פון באוערס און פארלאנגט אז ער זאל איר קוקן אין די אויגן (באוערס איז אבער -צו זיין קרעדיט- בייגעשטאנען די שמירת עינים נסיון)
ראזנטאהל: דו האסט נישט באקעמפט פראפעסיאנאלן וועלכע האבן געהאט די מעגליכקייט צוריקצושיסן, דו ביזט א בלויזע פחדן און איך בין נייגעריג וואס דאן זיידע האט איצט צו זאגן איבער זיין אייניקל
מיר זענען אלע אימיגראנטן אין די לאנד און קיינמאל נישט געהאלטן קיין שטארקע שטעלונגען איבער אימיגראציע פאליסי איין וועג אדער די אנדערע
דאס האט זיך געטוישט אינעם טאג פון די שיסעריי און אין יעדע יארטאג פון די גרויליכע מאסן מארד טוט אונזער פאמיליע ביישטייערן געלט פאר הייאס אין דיין נאמען און אין דיין אנדענק
דאן איז געקומען די צייט פאר די קורצע און לעצטע קאפיטל אין די פראצעס און ווען די סצענע האט זיך געעפנט האט דער ריכטער וועלכע טוט געווענליך אדרעסירן קרימינאל שולדיגע און רעדן צו זיי האט דאסמאהל געזאגט פאר באוערס אז ער האט נישט עפעס ספעציפיש אים צו זאגן
דער ריכטער האט געזאגט אז עס איז געווען א יושר'דיגע פראצעס אזוי ווי פארשפראכן ביים ערשטן פארהער און אויסגערימט די סניגור פאר זייער ענערגישע ארבעט
די גראטעס אויף די טורמע צעהל אין טערע האוטע אינדיאנא וועלן באלד געעפנט ווערן און די ארטיגע באפעלעקערונג פון 43 ארעסטאנטן וועלן ווארטן אויס זייער הינריכטונג וועלן אנטפאנגען זייער נייע גאסט
די טויערן וועלן זיך דאן פארמאכן און איינשלונגען אונטער איר דעם פארשוין וועלכע האט געפירט צו די פארגיסונג פון אזויפהל אומשולדיג טינט אין די אשכול און צו רויטע טינט פון זיין טורמע טראגע אריין זיינע קערפער
קוקנדיג אויף צוריק איז די ערפארונג געווען אינטערסאנט און טייל האבן מעגליך ערווארטעט אז ביים אויספיהר זאל מען ציען א שטריך צו די פארכטיגע בעפארשטייענדע טעג אין וועלכע מיר טרעטן אט אריין
איך זוך נישט אנצוטהון די מגיד היטל און מאכן די איינדרוק אז די לאנגע שטונדן פארברענגן אין די אשכול איז געווען מיטן ריינעם ציהל עס צו נוצן פאר אן אויפוואכונג צו התעוררות אויפצואוועקן אונזערע הערצער לתשובה
מען וועט ענדערש זיין אויפריכטיג און געדענקן אז די ריכטיגע הכנה איז מיטן לערנען ספרי מוסר און מיט מצוות ומעשים טובים און אויסנוצן יעדע מינוט מיט ערנסטע זאכן
אבער אז מען האט שוין יא פארשווענדעט אזויפיהל צייט און עס האט עימיצן א שאקל געטוהן און עטוואס בעסער געגעבן צו פארשטיין די גאנג פון א פראצעס און די געוויכט פון יעדע קליינע גרייז אדער גוטע טאהט און מען נוצט עס אויס צום גוטן איז עס האפנטליך א גוטע פועל יוצא