אקעי, איך ווייס אז דא רעדט זיך פון ווער עס האט נישט קיין קאמפיוטער, אבער איך האלט ערגעץ אינדערמיט, נעמליך, איך האב געקויפט דעם קאמפיוטער און זיך אויסגענומען אז איך קען עס צוריקגעבן אויב איך בין נישט צופרידן דערמיט.
איי, ווייס איך דען אויב איז עס א גוטער כלי צי נישט? צוליב דעם בין איך דא מגיב.
לאמיר אנהייבן מיט א רואיגקייט.
איך האב שוין צום גוטן א שלעפטאפ א צאל יארן. איך האב עס נאך געקויפט אין די פריערדיגע צייטן ווען מר. דעלל האט נאך פארקויפט גוטע סחורה, נאך פאר ער האט אנגעהויבן גיין בארג אראפ. אקיצור, עס האט מיר געדינט ניש'קשה.
מיט די צייט איז ער געווארן עלטער און שוואכער און ער האט נאכגעלאזט אין אלעמען, זיך נישט צו שטארק איבערגעשטרענגט ביז איך האב שוין געקלערט פון אים פטור צו ווערן, אבער צוליב דעם וואס איך האב דערפאר געצאלט גאנץ א שיינער פרייז (נישט אז עס איז טאקע אוזי פיל ווערד געווען, נאר בימים ההם ווען א קרעטשמע האט נאכנישט עקזיסטירט און איך האב נישט געהאט וועם צו פרעגן איז דער סוחר מיינס געווען דער "פארשטייער" און צו געלט האט ער גאר גוט פארשטאנען...) האב איך נישט געהאט דאס הארץ אים ארויסצושליידערן אויף די גאס, איז ער מיר אפגעליגן ערגעץ דארט ווי מען שטעלט די זאכן וואס מען קוקט איבער ערב פסח אויב מען זאל עס לאזן אין שטוב אדער פארברענען מיטן חמץ.
אזוי לויפט דורך די צייט און איך האב זיך נישט אזוי געברויכט באנוצן מיטן קאמפיוטער, ביז עס איז מיר אונטערגעקומען א נייע ביזנעס וואס דארט האט מיר גאר שטארק אויסגעפעלט דעם כלי און איך האב זיך גענומען אומקוקן. צוערשט בין איך געגאנגען צום אלטן מוכר און ער האט מיר אנגעטראגן א פעטן פרייז אבער דא האב איך שוין ארומגעפרעגט אידן וואס קענען זיך בעסער אויס אין די מעלות וואס מען ברויך צו קוקן ווען מען קויפט איין די טייערן כלי און מען האט מיר געזאגט אז ער בעט צו א טייערן פרייז.
לאמיר נישט דא שלעפן אזויפיל און קומען צום פונקט.
ביני לביני האט מיר א איד אנגעטראגן אז ער האנדלט מיט אזעלכע כלים און ער האט מיר א מציאה רבה, איינזעענדיג אז דער פרייז איז א גוטער האב איך עס פון אים גענומען בתנאי אז איך קען עס נוצן און זען ווי אזוי עס ארבעט.
איך נוץ עס יעצט און עס איז נישט שלעכט. זיכער בעסער פון דאס וואס איך האב געהאט ביז איצט, אבער עפעס טיף אין הארץ טראכט איך פארוואס האב איך נישט צוגעצאלט אביסל מער און געהאט א גאר גוטער און שנעלער קאמפיוטער. נישט אז ער איז אזוי שטייט אבער.. עפעס קוועטשט מיר עס אז איך קען האבן שנעלערס..
איז דא ערגעץ ווי איך קען אריינקריכן און זען וויפיל רעם אדער איך ווייס וואס נאך איך דארף בודק זיין? יענער האט מיר עס געגעבן אן די צוגעהערן, סטיישט אן די פאפירן איך זאל עס קענען נאכגיין.
יא, איין זאך זע איך דא אז ס'איז א לעפטאפ, וואס האט א אינטעל קאר2 דוא.
וואס נאך דארף איך וויסן אז איך מיין געוויסן זאל זיין רואיג און פרייליך?
HP הייסט טאקע שטערקער אבער די סערוויס און די וואראנטי און פרייז וואס דעל גיט גיט נישט HP
דעל אפערט שוין היינט ביז דריי יאר וואראנטי פאר דעסקטאפס און פאר לעפטאפס און זיי קומען אראפ צי דיר ביי HP דארפסטו עס אריינשיקען צי זיי
בדידי הוה עבדא
א בליץ האט געהרגעט מיין קאמפיוטער און דעל האט אראפ געשיקט א טעקנישען צוויי מאל צי מיר אין אפיס און ער האט געטוישט די CPU שפעטער איז ער צוריקגעקומען און אויך געטוישט די מוטער בארד
און ביי HP האב איך שוין אויך געהאט עקספיריענס מיט מיין פאקעט פיסי און מיט די וואראנטי מיט אלעם מיטן אריינשיקען בין איך אין ערגעץ נישט אנגעקומען מיט זיי ביי דעל וואלט איך שוין לאנג געהאט א נייע
עס לוינט זיך אלעמאל צי נעמען די גרעסטע און לענגעסטע וואראנטי און ביי דעל
און גלייבטס מיר איך ארבעט נישט פאר דעל און אויך נישט פאר HP
