מיין ברודער'ס בריוו צום 'מהפכה'.
געשריבן: מיטוואך מאי 10, 2023 10:35 pm
נעכטן נאכט ביים טשעקען מיינע אימעיל'ס הארט פארן אריינגיין אין בעט, זעה איך א אימעיל פון מיין עלטערע ברודער.
מיין ברודער? אימעיל? פארוואס קען ער מיך נישט רופן ווי א נאמאלע מענטש?
נאר נאך וואס כ'האב עס געפענט האב איך באקומען די תירוץ דערפאר, און מיט זיין רשות לייג איך עס דא ארויף:
כ'דארף נאך עפעס צולייגען...?
מיין ברודער? אימעיל? פארוואס קען ער מיך נישט רופן ווי א נאמאלע מענטש?
נאר נאך וואס כ'האב עס געפענט האב איך באקומען די תירוץ דערפאר, און מיט זיין רשות לייג איך עס דא ארויף:
לכבוד מיין חשובע ברודער ..... ני''ו
איך ווייס נישט צו די געדענקסט, אבער די האסט מיר שוין אמאל אויסגעזאגט וואס דיין ניק אויף אייוועלט איז, און איך האב מיטגעהאלטען ווי די זאגסט היינט צו דיין נתינה פאר אייוועלט'ס 'מהפיכה' קאמפיין.
איך ווייס אז 'איך' בין די סיבה פארוואס די ביסט אזוי ווארעם דערצו.
איך ווייס אז דיין הארץ גייט אויס פאר מיר, דיין ברודער וואס איז 'ניין יאר' עלטער פון דיר, און בשעת וואס די שפאצירסט מיט א געזינדעל קע''ה איז ביי מיר די שטוב נאך ליידער ליידיג.
האמת אגיד ברודער טייערע, איך האב קיינמאל נישט געוויסט צו די פארשטייסט מיר. אבער יעצט מיט זיין די ערשטע צו זאגן א גרעסערע סכום זעה איך דיין ברען און אז דיין הארץ פילט מיין צושמעטערטע הארץ....
די פאפיר איז א סבלן, און אז איך שרייב שוין וועלעך אויסגעבן א טראפעלע פון מיינע געפילן.(און אפשר וועט עס זיין צו פערזענליך, און איך וועל עס דיר בכלל נישט שיקען צום סוף.)
איך האב חתונה געהאט, געחולמ'ט פון די גליקלעכסטע לעבן, ס'גייט דורעך א יאר צוויי און ליידער גארנישט. מיין שווער און שוויגער זז''ג זענען געווארן אביסעלע אנגעצויגן, האבענדיג א פיצעלע עקספיריעס פון א קרוב וועם זיי האבן ארויסגעהאלפן האבן זיי מיר געהייסן איינעם קאנטאקטן וואס 'ער וועט בעז''ה העלפן'. מיר האבן יענעם גע'קאנטאקט, און יענער האט אונז געשיקט מאכן טעסטס און דערנאך א געוויסע טריטמענט.
הוי! טעסט'ס און טריטמענטס!די ווערטער וואס באגלייט אינז שוין זינט יענעם טאג. טעסטס און טריטמענטס!ווערטער וואס געבן יעדע מאל אריין א פיצעלע פיצעלע האפענונג אז אפשר... אפשר וועט איין טאג ביי מיר אויכעט די זון אויפשיינען. טעסטס און טריטמענטס!דאס מיינט א פרישע צירקעל פון א מיאנטאק מיט געלט, שעות ביים דאקטאר, עמער'ס פון בלוט, און וואנע'ס מיט טרערען. טעסטס און טריטמענטס!ווייסטו וואס ס'מיינט לויפן צווייע ביינאכט אריין אין שפיטאל און דערנאך זיין ניינע אין ארבעט כאילו לא היה? טעסטס און טריטמענטס!וויאזוי דארף איך אנקוקען מיין ווייב בשעת איך זאג איהר 'די דאקטאר האט געזאגט אז... סארי מעיב''י נעקס''ט טיי''ם...'?!
און דאס איז שוין א פאזעטיווע דאקטער, ווייל אנדערע האבן שוין קלאר ארויסגעזאגט די ווערטער אז 'מעי''ק יארסעל''ף קאמפטעבע''ל דיס וועי''י, ביקא''ז יו ווי''ל נעווע''ר הע''וו .....
חס ושלום!
איך גיי נישט אריינגיין אין אלע פונקטליכע דעטאלן, אבער ברודער טייערע! מיר האלטן יעצט איבער 13 יאר שפעטער, הונדערטע טעסט'ס, צענדליגע טריטמענ'טס, צוויי אפעראציע'ס (מיר און מיין ווייב), הונדרעטער טויזענטע דאלאר'ס אריינגעלייגט פון מיין 'אייגענע געלט' (חוץ וואס בוני עולם וכו' האט געגעעבן), ימ'ן פון יסורים, אקעאנ'ן פון בלוט.... און אינז האלטן ליידער ביי.... כ'וויל נישט צוענדיגען...
מיט וואספארא פנים דארף איך אהיימקומען טאג טעגליך צו א פארוויינטע ווייב? וואס דארף איך טוהן בשעת עס מבל'ט פון איהר קאכעדיגע טרערען ביי די -בלויז צוויי- שבת ליכט אז וזכינו לראות בנים....? ווי דארף איך פארשטעקן מיין פנים אז מ'זאל נישט זעהן מיינט טרערען ביים רעבינ'ס טיש ווען די קינדער זינגען, 'ואזכה לראות, לראות בנים, בנים ובני בנים'? ווייסטו ווי סאך מאל וואס כהאב שוין געטראכט אז האלוואי ס'ווען דא א ריסע''ט באטען ווי איך קען אנהייבן מיין לעבן פון פריש? וויאזוי דארף איך רעאגירן ווען מיין ב''ב זאגט מיר אזוינע סטעיטמענטס ווי 'געב מיך קינדער...' 'איך דארף א קינד....' (כ'האב קיינמאל נישט פארשטאנען דאס וואס רחל האט געבעטן פון יעקב 'הבה לי בנים', יעצט הער איך עס ליידער אזוי אפט...).
גיין צו שמחות, גיין צו טאטי און מאמי, מיין שווער און שוויגער, איז א עקסטערע גיהנום פאר אונז. מ'קען אנפולן טעפלעך פון די זידיגע טרערען וואס רינען נאך א שמחה און נאכן זיין אינאיינעם מיט די משפחה. (סארי כ'האב נישט די כוחות דיר עס צו זאגן אין פנים, אבער אויף פאפיר קען איך דיך עס זאגען... ''דיינע קינדערלעך זענען ב''ה עכט עכט בחנ'ט, קלוג און קיו''ט!'').
און דאס איז נאך אלעס פאר עס קומט צו געלט. ב''ה כ'האב א גוטע פרנסה, אבער די מיינסט אז דאס קאווערט אפי' האלב פון די טריטמענט'ס? א פייג! ב''ה אז ס'דא בוני עולם וכו' אבער זייער קאסע איז אויכעט נישט ענדלאז, און זיי האבן ליידער אסאך אסאך קעיסעס ווי זיי דארפן אריינלייגן זייער געלט און נישט אייביג קענען זיי צוהעלפן.
לכאורה האב איך געשריבן זייער צושאקעלט און צומישט, איך בין נישט געוואינט זיך צו אויסגעבן, און ווי פארשטענדליך איז דאס אלעס נאר א טיפה מן הים וואס אינז גיין דורך. אבער פארוואס איך האב זיך עס בכלל געזעצט שרייבן איז פאר די סיבה:
זייער אסאך מאל לויפט מיך ארום אזוינע מחשבות ווי 'די עולם פארשטייט אפילו וואס אזוינע פארפעלקער ווי אונז גיין דורך?' 'דער וואס האט געהאט זיין קינד נאך ניין חדשים, ווייסט אז ער דארף טאנצן ביזן הימל ארויף?' 'מענטשען טראכטען פון מיר אפילו...?' 'יא איך ווייס אז ווען מ'זעט מיך האט מען רחמנות אויף מיר (וואס די פילינג איז אגב, פון די ערגסטע וואס א מענטש קען פילן... ''זיין די שטאטס נעבעך...'') אבער טראכטען זיי פון מיר די וווען זיי זעהן מיר נישט?'
אויף דעם האבעך נעכטען באקומען מיין תשובה ברודער. ניין, האסט מיך טאקע נישט געגעבן קיין קינד, אבער האסט מיר געגעבן געזעלין צו גיין ווייטער. האסט מיך געוויזן סיי אז די אפרישיעיטס''ט דאס וואס די פארמאגסט ב''ה, און די דריקסט אויס דיין דאנק צו הקב''ה מיטן 'מיך' אינזינען האבן.... און אויפדעם דאנק איך דיר מיט מיין גאנצע\צובראכענע הארץ.
ס'איז שוין שפעט איך דארף ענדיגן דא.
אחיך, .....
נ.ב. איך האב נישט קיין נאמען אויף אייוועלט, איז אויב קענסטו @וויכטיג מאכער אדער די ווייסט וויאזוי איהם עפעס אריינצושיקען, שיק איהם עס אריין כדי ער זאל וויסן וואס ער טוט אלס אויף.
כ'דארף נאך עפעס צולייגען...?
