איך פארנעם די מינימום פלאץ - מה דעלך סני, לחברך לא תעביד. פארקינג!
א גוטן מיינע טייערע פריינד.
איך וויל זיך דא אויסשמועסן, הלוואי ווערט א שטארקע אויפוואכונג אין דעם.
(די עצה פון אוועקמופן, ווייס איך אויך)
די 20 יאר וואס איך דרייוו, האלט איך מיט, ווי יעדער איינער די פראבלעם פון פארקינג אין די שטאטישע גאסן פון ניו יארק. די מצב ווערט נאר ערגער און ערגער.
ווער עס דרייווט אין שטאט, איז אין די זעלבע פעקל. אבער נישט יעדער רעכנט זוך מיט יענעם (און מיט זיך אליינס).
מיין אויסרוף דא איז פאר א קאמפיין; מיין קאר פארנעמט די מינימום פלאץ.
וואס מיין איך צו זאגן?
ניין איך האב נישט קיין שום מהלך צו עלימינירן דעם פראבלעם. אבער גרינגער מאכן עטוואס, אויף א קליינע פראצענט. פראביר, נישט צו פארנעמען מער פלאץ, ווי די ווייניגסטע וואס עס פעלט זיך אויס פאר דיר צו פארקן.
ביים עק גאס, מאך זיכער צו פארקן ביים עק, דאס מיינט ביים קראס-וואק. נישט א פוס אוועק (איך פיר זיך אזוי שוין לאנגע יארן, נאך קיינמאל באקומען א טיקעט פארן זיך פארקן ביזן קראס-וואק). פארשטייט זיך, אויב די סטאפ ליין גייט נישט ביזן קורב.
ווען ס'איז דא פלאץ פאר 2 קארס, ציווישן א קראס-וואק און א פאמפ. זיי מוחל פארק ביים עק. לאז נאך א איד זיך לייגן א האלבע שעה פריער.
בקיצור די ליסט איז גרויס. לייג אליין צו קאפ נישט צו מצער זיין א איד. די צער פון זען א קאר פארנוצן פלאץ וואס איך וואלט געקענט אריינפיטן, איז זייער גרויס, און פארשווענדט אסאך צייט און געלט.
יישר כח.