ק.נ.א. וועטער ביורא
יאנאש האט געשריבן: [align=center] מורי ורבותי,
עס איז דערהערט געווארן דער ווייגעשריי פונעם טרייען ליינער באזע אז עס איז א שאד נישט צו האבן אן ארט וואו מען קען זעהן פשוטע וועטער באריכטן אן ברויכן אדורכליינען מערערע תגובות.
מיר האבן באשלאסן אז לתועלת הענין וועט ווערן איינגעפירט א שטיקל ’זערא טאלעראנץ’ פאלעסי אין דעם אשכול. דהיינו, דא וועט מען נאר לייגן טריקענע וועטער פארקעסטן און מאדעלן וזהו.
מעלדונגן ווי ’עס שנייט שוין פעסט אין האליבורטן’ אדער פראגעס א שטייגער ווי ’גייט מען קענען פארן פון דא ביז דארט’ וועלן מוזן געשריבן ווערן ערגעץ אנדערש.
די טויש איז ערווארטעט ארויפצוברענגן דעם אשכול פי כמה לשביעת הלומדים בעזר השם.
די פאלעסי איז שוין אין קראפט עז ווי ספיעק
יאנאש
אחד מהמנהלים [/align]
עס ווערט ערווארטעט היינט אין מאנסי קרית יואל געגענט אזויפיל ווי א פוס שניי, און ארום 3-6 אינטשעס אין נוי יארק סיטי.
אכטונג! פארט איר אויף שבת קיין אפסטעיט אדער פון אפסטעיט צו די סיטי, נעמט אין אכט די שווערע וועטער און לאזט אייך ארויס באצייטענס! איר ווילט אוודאי נישט פראווען דעם שבת אונטערוועגענס ח"ו.
