אידישע וועלט פארומס

מורי ורבותי!

אנקומענדיג צו "הונדערט" הודעות בליעה"ר, וויל איך אפנעמען די ווארימע מזל טוב וואונטשן פון כל הקהל הקודש הדין.

ויהי רצון מיר זאל קענען מרומם זיין קרן התורה, יהדות, והחסידות.

א טענצל! האט געשריבן: מורי ורבותי!

אנקומענדיג צו "הונדערט" הודעות בליעה"ר, וויל איך אפנעמען די ווארימע מזל טוב וואונטשן פון כל הקהל הקודש הדין.

ויהי רצון מיר זאל קענען מרומם זיין קרן התורה, יהדות, והחסידות.

מזל טוב מזל טוב!! השי"ת זאל דיר העלפן כהנה וכהנה מיט "הונדערט"ער (טויזענעטער) באלערנדע תגובות לתועלת בית קרעטשמתנו ותפארתנו!

שטארק זיך האט געשריבן: ר' מיכאל בער ווייסמאנדל אין א דרשה, איז זיך מתאונן אויף דאס איבערגעטריבענע באטיטלעכץ, זאגט ער, ס'וועט קומען ווען מען וועט נאך נוצן דעם טיטל: מלך מלכי המלכים.
און מיר האלטן שוין נישט ווייט דערפון.

ער ווערטלט זיך דארט, אז מ'זעהט אז ביי די עקידה האט דער רבוש"ע געזאגט פאר אברהם אבינו, 'עתה ידעתי כי ירא אלקים אתה' ווען מען זאל היינט זאגן אויף א רב אז ער איז א יראי שמים, וועט דאס זיין א געפערליכע באליידיגונג...

כעין זה איז דא א מעשה וואס דער ראפשיצער רב ר' אשר'ל האט זיך אויססגעדרוקט אויפן ישמח משה אדער ייטב לב אז ער איז א ירא שמים צו ערליכער איד (ווער ס'ווייסט פונקטליכער די מעשה זאל עס ביטע מעתיק זיין) און רבינו הדברי יואל האט געזאגט אויף די מעשה אז ווען מען זאל עס זאגן אויף א היינטיגן רבין וואלט ער באליידיגט געווארן

געהערט אמאל א הלצה מפי הרה"ח ר' שה"פ שליט"א

ווען מען שרייבט הרה"ג, מיינט ער איז א גאון און נישט קיין צדיק
ווען מען שרייבט הרה"צ, מיינט ער איז א צדיק נישט א גאון

מה דינו ווען ער איז נישט א גאון און נישט א צדיק
שרייבט מען
הגה"צ
הגאון ווייל ער איז נישט א צדיק, און הצדיק ווייל ער איז נישט א גאון

פרעגער האט געשריבן: נאך איז מערקווירדיג:

אבער די ברכה צום סוף ווי לדוגמא שליט"א (שיחיה לאורך ימים טובים ארוכים) - דאס גיבט מען נאר פאר חשובע. הלמאי............

וכך אני הקטן נוהג, אז ווען איך שרייב וועגן מיין טאטע\שווער\זיידע,

למשל איך הענג אויף א צעטל אז איך מאך א שלום זכר ביי מיין שווער'ס הויז, שרייב איך בבית מו"ח 'שליט"א', אזוי אויך ביים שרייבן למשל א בריוו צי מיין טאטע זלז"ג, שרייב איך לכבוד אבי מורי 'שליט"א', אדער ביים געבן א דרשה ביי א שמחה זאג איך 'ברשות די זיידע שליט"א וכדו'.

אפילו זיי זענען אידן סוחרים נהנים מיגיעי כפם, אבער אזוי ווי איר שרייבט אז דאס טיטל שליט"א איז א ברכה אויף אריכית ימים, נו זאל דען א קינד נישט אנווינטשען זיין טאטע אדער שווער אדער זיידע מיט אריכת ימים ושנים?!

לחיים ולברכה האט געשריבן: אין בריוון און תשובות איז אלע יארן געווען די סדר פון שרייבן טיטלען, טאקע מיט א גבול. אין ספרים געפונען מיר אין די קדמונים קורצע טיטלען ווי "החכם השלם, הרב הגדול, און אפשר אויך ירא ושלם", אין די ספרי תלמידי בעש"ט, ווי מאור ושמש און נאך, געפונען מיר שוין פיל מער, ווי "האדמו"ר האלקי, בוצינא קדישא" וכו'. אבער סתם צו באשמוצן יענעם אויף אנאנסן מיט אנע שיעור טיטלען און דערנאך נאך צושרייבן אין גומרין עליו את ההלל דאס איז שוין ליצנות. דאך, ווי ערווענט, זעהן מיר אן אויפשטייג אין טיטלען אין די הייליגע ספרי חסידות פיל מער ווי פריער.

סינישט געווען קיין אנאנסן און מ'האט נישט אנאנסירט.
כ'האב אמאל געהערט אן אינטערעסאנטע זאך וואס איז מעגליך קרוב לאמת.
אז א חלק אין אויסשפרייטן דעם ים פון טיטלען איז געקומען פון ארץ ישראל.
דארט איז מען אייביג געווען זקוק אויף תמיכה פון די בני חו"ל און זיי האבן געשיקט בריוון און בקשות מיט אסטראנאמישע טיטלען צו די שטיצערס מעבר לים.
אויך האבן זיי געהאנגען פלאקאטן וכדו' ווען א נגיד אדער א גדול איז געקומען מיט גוזמאות'דיגע פראזן און פון דארט האט זיך עס שוין אויסגעשפרייט מער און מער

לחיים ולברכה האט געשריבן: אדער נר"ו (וואס מיינטעס טאקע? נטרי' רחמנא...?).

נטרי' רחמנא ופרקי'

איך האב געזעהן דער ר"ת ווערט געברענגט אפט מאל און פארשידענע פלעטצער און רמב"ן, צו און די תשובות צו און די חידושים, (קען זיין אנדערע ראשונים האבען אויך גענוצט דער לשון)
אויף איין פלאטץ האב איך עס געזעהן, נישט מיט די ראשי תיבות נאר ארויסגעשריבען

עס איז א יסודות'דיגע חילוק צווישן טיטלען אין בריוון פריוואט איינער פארן צווייטן, און טיטלען אין צייטונגען, אנאנסן אא"וו. ואכמ"ל

lebediger berel האט געשריבן: עס איז א יסודות'דיגע חילוק צווישן טיטלען אין בריוון פריוואט איינער פארן צווייטן, און טיטלען אין צייטונגען, אנאנסן אא"וו. ואכמ"ל

תיקון טעות. צ"ל בסוף ואין לי פנאי להאריך

איך גלייך נישט קיין דקדוק און כ'וויל נישט אריינפארן אין דעם אבער מען מאכט דא א מצב אז טהור מיינט עפעס ווייסעכוואס, מיר לערנען אין חומש מכל הבהמה הטהורה, נא, איז ער כאטשיק אזוי טהור וואו א ציגעלע מה כל הרעש.

קען מען שוין שרייבן 'הבהמה' דעמאלטס?

א ציגעל איז טאקע א "בהמה טהורה" אבער דער גרעסטע רבי היינט צוטאג איז א "טמא מת", א בשר ודם איז "נישט טהור", א נשמה איז טהור אזויווי מען זאגט יעדן אינדערפריא "אלקי נשמה שנתת בי 'טהורה' היא", אבער צו שרייבען אויף א בו"ד "הטהור" איז פרעכע עם הארצות. לענ"ד...