אפענסיווע, אפענסיווע, אפענסיווע!!
לאמיר אנהייבן, ווי יעדער ווייסט גרייט זיך אוקריינע פאר א גרויסן אפענסיווע צוריק צוכאפן ערנסטע שטחים וואס די רוסן האבן צייטווייליג איינגענומען(... אבער כאפן נישט די רמז אז קיינער דארף זיי נישט...)
איך וויל דא אויסשמיסען א חלק וואס מען האט נאכנישט אויסגעשמועסט וואס איז פון די וויכטיקסטע זאכן פארן בעפארשטייענדן אפענסיווע, דאס איז וואפן.
וואס פארא וואפן האט אוקריינע אלץ אנגעהויפנט צום גרויסן אפענסיווע?, יעדער פארשטייט אז מען רעדט נישט פון קיין 500 טרעקליך, ווייל אויב איז דאס די קעס קען אוקריינא אהיים גיין קיין באכמוט...
אבער פאר מען הייבט אן לאמיר (אויסריפען דעם היינטיגען ספאנסער...)מודיע זיין אז איך שרייב די שורות און איך גיב אוועק די צייט און אנער פאר די אלע וואס געבען אוועק אזויפיל פון זייער צייט אינז צו מהנה זיין און שטייען אויפן פראנט כסדר אין מאכן זיכער אז יעדע מאל מען ריפרעשט דעם פעדש זאל מען זען נאך א פיקטשער פון א רוסישע/אוקריינישע טאנק חרוב און צעשמעטערט, איך וויל נישט אנהייבן אויסרופן נעמען, ווייל איך האב מורא איך גיי איינעם אויסלאזן אבער איך מיין אלע וואס הערן נישט אויף צו אפדעיטן די "רוסלאנד אינוואדירט אוקריינע" אשקול.
איך וויל דא אויסרעכנען די אלע וואפן וואס אוקריינע/זאלענסקי האט באוויזן ארויס צושלעפן פון די מערב וועלט און לאמיר זען מיט וואס פארא קראפט אוקריינע שטייט גרייט איינצושלינגען פרישע טעריטאריע.
איך גיי טרייען אויסצורעכענען נאר וואפן וואס אוקריינע האט אנגעזאמלט פון נאך די כארקעוו/כארסען אפענסיווע, עס קען זיין אז זיי האבן נאך פון פארדעם וואפן וואס זיי גייען יעצט ניצן אבער לכאורה איז א גרויסע חלק נישט דא מער אדער קען דאס נישט אוועק גיין פון אנדערע פראנטן, די וואפן וואס זיי האבן באקומען נאכדעם איז די רוב לכאורה נישט געווארן געניצט, נעמענדיג און אכט אז בשעת אוקריינע איז געווען אויף דיפענס האבן זיי כמעט נישט געניצט שווערע וואפן באקומען פון די מערב וועלט.
נאך א זאך וואס איז וויכטיג צו געדענקען, יעדע סארט וואפן, צו עס זאל זיין א טאנק צו א סטרייקער,צו עני אנדערע מערב וועלט/אמעריקאנער וואפן ווערט דיזיינט און געבויט מיט א פינקטלעכער ציל וואס עס דארף צו טון בשעת א מלחמה,
צו אביסל בעסער מסביר זיין מיינע ווערטער עס איז אזוי ווי די שאך שפיל ווי יעדער שטיקעל פאר זיך איז נישט ווערט קיין סאך אבער צוזאמען ווען עס איז אויסגעשטעלט די ריכטיגע וועג פארעמט עס אויס א שטארקע בוירד,
יעצט די זעלבע מיט די וואפן, כדי עס זאל זיין עפעקטיוו טא די מעקס דארפן די עיברעמס/לעמפערטס פארן באגלייט מיט ברעדליס, באגלייט מיט סטרייקערס,באגלייט מיט מעקס פרא, באגלייט מיט הוימוויס, באגלייט מיט ארטילעריע/היימארס, באגלייט מיט עיר סיפוירט, און עס דארף זיין די ריכטיגע וועג אויסגעשטעלט, אויב איז עס נישט אויסגעשטעלט די ריכטיגע וועג אדער זיי האבן נישט אלע מינע וואפן פון די גאנצע פאזעל אדער מען ריקט זיך צו שטייט פאלט די ווערט פון די וואפן זייער שטארק, אדער און געוויסע פעלער איז די כלי נישט ווערט די אייזן מיט וואס מען האט עס געבויט,
אבער אויב אלעס ווערט אויסגעשטעלט די ריכטיגע וועג און די גאנצע פאזעל רוקט זיך צוזאמען אריין אין דעם שונא'ס טעריטאריע איז נישט נאר וואס די וואפן איז גאר טויטלעך נאר עס איז דיזיינט זיך צו קענען ריקען גאר שנעל אויף גרויסע שטרעקעס און איינשלינגען אסאך טעריטאריע. (איך מיין אז יעצט כאפט שוין יעדער פארוואס די אוקריינער סאלדאטן האבען זיך געדארפט לערנען אזוי לאנג מיט די סחורה פון די מערב וועלט) @נקדימון דאס איז די ריזן פארוואס איך האלט אז די אפענסיווע טאר נישט נעמען צו לאנג.
נאך א זאך, איך בין בכלל נישט איבער צייגט אז מען גייט נאר זען וואפן וואס איז געמאלדן געווארען אדער אפילו וואפן וואס מען האט יא געמאלדן אז מען גייט זען נאר די נאמבערס וויפיל מען האט געזאגט אז מען שיקט...אבער פאר די זאכען וועט מען דארפן ווארטן אויפן אפענסיווע.
לאמיר אנהייבן.
פארזעצונג וועט נאכפאלגען..
- אטעטשמענטס
-
- HAWK.jpeg (7.06 KiB) געזען 6287 מאל
-
- MI-8.jpg (75.99 KiB) געזען 6287 מאל
-
- M113.jpg (151.16 KiB) געזען 6287 מאל