חבורת נ"ך - ספר יהושע - בלויז שיעורים
אין דעם אשכול וועלן ארויפגעשטעלט ווערן די וועכנטליכע שיעורים. א באזונדערע קעסטל וועט געעפנט ווערן, וואו מען וועט קענען איבערשמועסן און זיך דורכרעדן אויף די וועכנטליכע פרק, בבחינת חברים המחדדים זה את זה בהלכה, זיך אויסשמועסן און זיך פארשטיין, יעדע וואך אויף יענעם פרק.
די שיעורים וועלכע ווערן דא ארויפגעשטעלט, זענען ספעציעל אויסגעשטעלט געווארן אויף דעם אופן, אז עס זאל זיין לייכט און קורץ, אבער שארף און צו דער פונקט, אזוי אז מען זאל קענען פארשטיין און ארויסהאבן דעם פרק קלאר און צו דער זאך, אן זיך דארפן מוטשענען און זיך פלאגן. עס דארף נישט נעמען צו לאנג און פון בלויז געציילטע מינוטן א וואך, וועט איר אי"ה ווערן א תלמיד-חכם, קענענדיג גאנץ תנ"ך על בריו.
לדברי המגיד-שיעור שליט"א, אויב עס וועט זיין א פארלאנג פון א שיעור וואס זאל געזאגט ווערן מער בעיון און טיפער אפלערנען דעם פרק, וועט מען דאס אויך צושטעלן אי"ה, בנוסף צום געהעריגן וועכנטליכער שיעור. מען דארף זיך בלויז לאזן הערן און מעלדן וואס דער רצון פון די משתתפים זענען.
עס איז אויך וויכטיג אויפצומערקן, אז אלע וואס פלאנען און קלערן מיטצוהאלטן דעם שיעור וועכנטליך, זאלן זיך מעלדן צו מיר אין אישי. דאס איז שטארק וויכטיג פאר עטליכע סיבות: קודם-כל אלס חיזוק, מיר זאלן וויסן וויפיל מענטשן מיר האבן און וויפיל האלטן באמת מיט די שיעורים. אויסער דעם מאכט זיך אמאל, אז מען וויל עפעס מעלדן פריוואט פאר אלע משתתפי השיעור, און פאר די וואס האלטן דאס מיט אקטיוו, איז כדאי אז מען זאל האבן א שטיקל רשימה. ובנוסף לזה, אזוי ווי עטליכע האבן פארלאנגט אז זיי ווילן באקומען וועכנטליכע בחינות, וואס מען זאל דאס צייכענען, אלס חזרה און צו זען אויב מען קען טאקע גוט דעם פרק, זאל מען זיך דערפאר איינשרייבן און אזוי באקומען די בחינות.
אצינד וועט ארויפגעשטעלט ווערן דעם ערשטן שיעור, וואס דאס וועט זיין אן אריינפיר און מבוא צום ספר יהושע בכלל. עס איז וויכטיג און כדאי דאס אויסצוהערן, דאס גיבט אריין א פרישן בליק אויף דעם גאנצן ספר, וויסנדיג אין וואס מיר גייען אצינד אריין.