אידישע וועלט פארומס

נו שוין האט געשריבן: ↑ זונטאג יולי 23, 2023 12:26 pm

סאיז זייער א אינטערעסאנטע פענאמענן, די אלע וואס זענען פרא פרי מארקעט אין די אלגעמיינע גאס זענען ממש פונקט קאפויער ווען סקומט צו די היימישע געברויכן, אז מדארף קאנטראלירן און איינצוימן די אינוועסטערס, מזעהט דאס אשכול נאך אשכול, תגובה נאך תגובה.

פרי מארקעט איז זייער גוט ווען מקען ווען מסרן ווען יענער טוט א גרויסע עוולה

לעבאוויטש האט געשריבן: ↑ זונטאג אוגוסט 11, 2024 1:12 am

איך מיין צו זאגן אז לינדען האט נישט קיין גרעסערע פראבלעם מיט אינוועסטערס מער ווי אנדערע געגענטער

ארום מאנסי ווי יודן וואוינען קויפן אינוועסטערס אין לייגן אררין גרויסע ספאנישע משפחות
ארום קרית יואל
ארום TOMS RIVER JACKSON
יעדע איינציגסטע געגנט ווי מען גלייבט אז עס גייט ווערן א גרויסע יודישע שטאט איז דא די זעלבע זעלבע פראבלעם

די זעלבע אין מאנטיסעלא און אנדערע געגענטער אין די קעטסקילס וכדומה,
סאיז א שטארקע פראבלעם, די עצה איז צו עפענען א וועד מיט רבנים, בעטן מיטן גוטען , און אז נישט מאכן א שונד בלאט פון די מענטשן

קליינע טאטע האט געשריבן: ↑ דינסטאג סעפטעמבער 10, 2024 4:07 pm

טרעף איך מיין חבר א חשובה אינגערמאן א פאר יאר נאך די חתונה זאגט ער מיר ער וויל קויפען א הויז!!

די קויפען א הויז? די האסט אפאר הינדערט טויזענט דאלער אין דיין סעיווינגס אקאונט?

הלוואי ווען איך האב ווען, די ווייסט נישט אז אין לינדעןקען מען קויפען פאר א נישטיגע אכציג אלפים? מיין ווייב האט מיט געברעינגט געלט פון אלטס מיידל, און נאך די חתונה האמיר זיך געשפארט א דאלער אויף א דאלער און ב"ה אונז האמיר געניג פאר א דאון פעימענט.

דאס הייסט די מאפסט אויף לינדען??? די לאזט איבער דיין עלטערן, דיין שוויגער עלטערן, משפחה, חברים, אין מ'גייט קיין לינדען??

וואס פאלט דיר ביי? איך מאפן קיין לינדען? קיין לינדען מאפן אידן מיט גיבענטשטע משפחות וואס וואקסן אויס זייער דירה און זענען גרייט צו פארקיקען אויף סיטי לייוו אבי צו האבן א גרעסערע דירה, אבער איך בין נישט אין די סטעידש... איך וועל אריינלייגען א טענענט אויף אפאר יאר און נאכדעים וועל איך זעהן ווי לינדען האלט מיט מוסדות, גראסערי, שילן, סטארס, מיט אלעס וואס זיי מיטשענען זיך יעצט און דעמאלטס וועל איך וועל מאכן מיין דעסיזשען.

איך עפן אויף צוויי גרויסע אויגן.. די גייסט אינוועסטען אין א פלאץ וואס האלט זיך אינמיטען בויען?? דאס הייסט די אלע אידן וואס וואונען שוין יעצט דארט און מיטשענען זיך מיט די אלע פראבלעימען כדי אז ווען די פילסט שוין געניג באקוועים צו מקבל זיין די עול הגלות זאל שוין אלעס זיין כשלחן ערוך???
און ביז דעמאלטס גייסטו אריינלייגען א נידריגע גוי און מכשל זיין אידישע קינדער מיט ריאות אסירות??? די אידן וואס וואונען דארט זענען אוועק געגאנגען פון די שמיציגע שטאט פאר א סובה און די שיקסט זיין נאך די נסיונות??
די ווייסט ווי די אידן דארט ווייטאגן אויף די אינוועסטערס אזוי ווי די, וואס פלאנען צי קימען עווענטשעלי , אינצווישן ברענגט מען אריין ביליגע עלעמענטען וואס ברענגען אראפ די שיינקייט פון די געגענט,
און וואס איז מיט די גשמיות חלק, די ווייסט אז און צוויי חדשים ארים קענסטו דארפן אויפקימען מיט די געלט פאר דיין גאנצע מארטגעדש פעימענטס ווייל די גוי דיין טענענט האט משום איזה סובה שהוא מחליט גיוועין אז ער דארף מער נישט באצאלן קיין רענט, אזוי ווי א גרויסע חלק טענענט טוען און די דארפסט ווייטער באצאלן די מארטגעדש כדי נישט צו פאלירן די הויז, איך גלייב נישט די קענסט זיך דעיס עפארדען.
און לאמיר זאגן ער צאלט יא ערליך, די ווייסט וויפיל פראבלעימען קענען אויפקימען, ווי א ציבראכענע בוילער, א סאער בעקאפ, וואס קען אריינציען אין גרויסע געלטער.
איך מיין זאלסט זיך אפלאזן פון לינדען ווען די גייסט זיין גרייט צו מופן וועסטו דעמאלטס קויפען.

האלאו באראיג זיך.. איך לייג נאך נישט אריין קיין גוי.. און בכלל איך דיעל מיט א בראוקער וואס וואונט אין לינדען וואס קען גיט די מארקעט דארט, ער האט נאר טענענטס מיט א גיטע פייל, מאך עס נישט אזוי שלעכט!!

אויב די לייגסט אריין א איד דעמאלטס אשרי לך אבער זייט וויסן די אידן צאלען נישט קיין רבי געלט, פאר טייער קענען זיין בלייבען אין בראקלין, עס גייט דיך נישט קאווערען דיין חודשליכע עקספענסעס.
לגבי די בראוקער, עס איז ליידער דא לינדענע בראוקערס וואס גייט זיין נישט אן די ווייגעשריי פון זייער שכנים אלעס פאר אפאר דאלער.
נעם די געלט און אינוועסט עס אין עני אנדערע געגענט ווי אידן וואונען נישט און מיט דעים זכות וועסטו קיין שאדן נישט האבן.

נאכען האבען די שמועס מיט מיין חבר קלער איך צי מיר ווער ווייסט וויפול נאך אידן טראכטען נישט, און קויפען אויף שפעיטער צי מופן און צווישען דערלייגען זיין ברוחניות ובגשמיות, אויב זענט איר פון די אידן ביטע טראכט א מינוט, ואהבת לרעך כמוך...

נאכדעם וואס איך האב געקויפט מיין הויז, האב איך געהאט אן אפציע פון ארויסנעמען א מארגעדזש און קויפן דערמיט נאכאיינס. איך האב אבער באשלאסן אין פרינציפ אז איך קען נישט האבן א חלק אין קויפן א אידישע דירה פאר אן אינוועסטמענט. איך פיל אז דאס גיבט נאך א שטימע אויפן וואגשאל פון דימענד. איך וואלט היינט געקענט זיין מיט א האלבע מעלאנע רייכער, אבער דאס איז דאך נאר נוגע פאר נאך צוואנציג דרייסיג יאר. איינמאל מען ריטייערט האט שוין גשמיות נישט צופיל ווערט. שיינע הויז, שיינע קאר, רייכע שמחות, ברענד קליידער, דאס אלעס ענדיגט זיך געווענליך ביי די ריטייערמענט עידזש.

ר' יום טוב האט געשריבן: ↑ דאנערשטאג סעפטעמבער 12, 2024 12:53 pm

נאכדעם וואס איך האב געקויפט מיין הויז, האב איך געהאט אן אפציע פון ארויסנעמען א מארגעדזש און קויפן דערמיט נאכאיינס. איך האב אבער באשלאסן אין פרינציפ אז איך קען נישט האבן א חלק אין קויפן א אידישע דירה פאר אן אינוועסטמענט. איך פיל אז דאס גיבט נאך א שטימע אויפן וואגשאל פון דימענד. איך וואלט היינט געקענט זיין מיט א האלבע מעלאנע רייכער, אבער דאס איז דאך נאר נוגע פאר נאך צוואנציג דרייסיג יאר. איינמאל מען ריטייערט האט שוין גשמיות נישט צופיל ווערט. שיינע הויז, שיינע קאר, רייכע שמחות, ברענד קליידער, דאס אלעס ענדיגט זיך געווענליך ביי די ריטייערמענט עידזש.

מען מעג זיין אן אינוועסטאר אבער מיט געפיל. נישט אן אינוועסטאר וואס איז דא צו רייטן אויפן ציבור און אויף די אייגענע חברים.