"אהבת חנם" – זעהט ישועות!
עס איז געווען אפאר יאר צוריק ווען איינער מיט וועם איך האב געהאנדעלט פאר א שטיק צייט געשעפטן, האט מיר באיזה אופן גורם געווען א שאדן פון $100,000 , און צו דעם איז צוגעקומען, אז די פלוצלינגדיגע לאך פון אזא שיינע סכום, האט מיר דערנאך גורם געווען אסאך גרויסע שוועריקייטן אין געשעפטן.
יענער איז א מיליאנער און איז געווען א מזיד, אבער אין דין תורה וואלט איך נישט אים געקענט געווינען משום כמה סיבות, די עיקר וואס האט מיר געבאדערט איז ווי יענער איז געגאנגען ווייטער ווי כאילו גארנישט האט פאסירט, ער האט נישט געוואלט גארנישט באצאלן פאר די שאדן וואס ער האט במזיד גורם געווען פאר א צווייטן איד, און ער האט זיך ניטאמאל געוואלט אנטושלדיגן (ווייל דאס וואלט דאך אים אין הארץ מחייב געווען צו זיין א מענטש און עפעס באצאלן).
אזוי איז דורך אפאר יאר ווען איך טראג אויף דעם איד זייער א שווער הארץ, און ווען איך טרעף אים זאג איך אים קלאר אז איך מצידי בין אים דאס נישט מוחל בזה ובבא דאס וואס ער האט מיר אנגעמאכט.
ביז אפאר חדשים צוריק אינמיטן ווינטער, האב איך מיר איבערגעטראכט ביני לבין קוני, און איך האב אפגעמאכט אז די גאנצע צער איז אוודאי נאר פון השי"ת און דאס אז יענער איז געווען דער שליח איז זיין דאגה אבער איך האב נישט וואס צו זיין אנגעווייטאגט אויף אים, איך האב אפגעמאכט מיט א שטארקייט אז איך בין דעם איד מוחל %100 און איך טראג נישט אויף אים קיין שום שלעכט הארץ, אפילו אויב ער וועט מיר וועלן געבן געלט וועל איך עס נישט נעמען ווייל ס'האט דאך גארנישט מיט אים נאר מיטן אויבערשטן.
די דריטע חלק פון די מעשה איז, אז פון אפאר טעג נאכדעם, האבן זיך געעפענט גרויסע השפעות, און איך האב אנגעהויבן זעהן מזל אין מיינע געשעפטן ווי קיינמאל ביפאר. דער אייבערשטער וואס האט מיר געגעבן דעם עגמת נפש אפאר יאר צוריק, האט מחליט געווען מיר צו אפצאלן דעם גאנצן חשבון.
זאל דער אייבערשטער געבן פאר יעדעם די כוחות צו ארויסווייזן און געבן אהבת חנם פאר אנדערע אידן אפילו ווען יענער איז טאקע נישט גערעכט, און יעדער זאל האבן גוטע השפעות.
יענער איז א מיליאנער און איז געווען א מזיד, אבער אין דין תורה וואלט איך נישט אים געקענט געווינען משום כמה סיבות, די עיקר וואס האט מיר געבאדערט איז ווי יענער איז געגאנגען ווייטער ווי כאילו גארנישט האט פאסירט, ער האט נישט געוואלט גארנישט באצאלן פאר די שאדן וואס ער האט במזיד גורם געווען פאר א צווייטן איד, און ער האט זיך ניטאמאל געוואלט אנטושלדיגן (ווייל דאס וואלט דאך אים אין הארץ מחייב געווען צו זיין א מענטש און עפעס באצאלן).
אזוי איז דורך אפאר יאר ווען איך טראג אויף דעם איד זייער א שווער הארץ, און ווען איך טרעף אים זאג איך אים קלאר אז איך מצידי בין אים דאס נישט מוחל בזה ובבא דאס וואס ער האט מיר אנגעמאכט.
ביז אפאר חדשים צוריק אינמיטן ווינטער, האב איך מיר איבערגעטראכט ביני לבין קוני, און איך האב אפגעמאכט אז די גאנצע צער איז אוודאי נאר פון השי"ת און דאס אז יענער איז געווען דער שליח איז זיין דאגה אבער איך האב נישט וואס צו זיין אנגעווייטאגט אויף אים, איך האב אפגעמאכט מיט א שטארקייט אז איך בין דעם איד מוחל %100 און איך טראג נישט אויף אים קיין שום שלעכט הארץ, אפילו אויב ער וועט מיר וועלן געבן געלט וועל איך עס נישט נעמען ווייל ס'האט דאך גארנישט מיט אים נאר מיטן אויבערשטן.
די דריטע חלק פון די מעשה איז, אז פון אפאר טעג נאכדעם, האבן זיך געעפענט גרויסע השפעות, און איך האב אנגעהויבן זעהן מזל אין מיינע געשעפטן ווי קיינמאל ביפאר. דער אייבערשטער וואס האט מיר געגעבן דעם עגמת נפש אפאר יאר צוריק, האט מחליט געווען מיר צו אפצאלן דעם גאנצן חשבון.
זאל דער אייבערשטער געבן פאר יעדעם די כוחות צו ארויסווייזן און געבן אהבת חנם פאר אנדערע אידן אפילו ווען יענער איז טאקע נישט גערעכט, און יעדער זאל האבן גוטע השפעות.
