ריכטיג, עס איז באמת נישטא קיין ווערטער, איך האב זיך אויסגעדריקט פאר איינעם דא אז מ'האט געגעבן א VIP+ עקספיריענס פאר פלעינע פשוט'ע אידן וואס וואלטן קיינמאל נישט געטראכט אז זיי גייען דאס קריגן, און זיי האבן דאס נישט געבעטן, און נישט עקספעקטעד, און וואלטן פונקט אזוי געווען צופרידן און גליקליך ווען מ'מאכט סאך א קלענערע טאראראם, כ'מיין, נאך אלעם איז דאך יעדער געווען אומזיסט אויפן נגיד'ס חשבון, אבער עכ"ז איז מען געגאנגען out of the way צוצושטעלן א next level experience בגשמיות וברוחניות.
אבער איידער איך גיי דא ווייטער מוז איך רעדן פון פלען איט רייט, זיי זענען גרויסע געווינער דא, זיי האבן דא דעליווערט עפעס אויסטערליש,
זייער ריזיגע סטעף איז העכסט פראפעסיאנאל, און געטריי, איך גלייב נישט אז ס'איז דא איינער וואס קען קאמפלעינען אויף זיי, און אפילו ווען זאכן זענען נישט געגאנגען 100% ווי די פלאן האבן זיי זיך קיינמאל נישט פארלוירן אדער געווארן נערוועז/שרייעדיג,
ווען מ'טראכט אריין וואס זיי האבן דא דעליווערט, פון אנהייב ביז'ן סוף, ווערט מען ממש פארפרוירן, פון אפדינגען די פליגערס, כסדר טוישן זאכן לויט די ריקוועסט (פליגער סייזעס, עירפארטס וכדומה) די עסן אין עירפארט, די ערשטע מאל אין סטוארט עירפארט און מסתם אין סיי וועלכע עירפארט ווי מ'האט צוגעשטעלט "שוין נאך סעקיוריטי" א מאסיווע הערליכע סעודה כסעודת שלמה מיט אזא אויסטערלישע רחובות און באטעמטקייט, מ'האט דא גענומען און גערוקט ווענט פשוטו כמשמעו, ווער רעדט נאך פון קראקע אליינס, אין קראקע איז נישטא כמעט קיין אידישע אינפראסטרוקטור, ס'איז נישט ווי דינוב, ליזענסק, אדער קערעסטיר, און זיי האבן נישט פלעין צוגעשטעלט אז ס'זאל זיין אקעי, נאר אלעס איז געווען באמבאסטיש און מאסיוו, די יארצייט סעודה וואלט אין ניו יארק געווען א חידוש, ווער רעדט נאך פון קראקע א גוי'אישע אידנלאזע שטאט,
סתם א קליינע קרישקעלע, אין ליזענסק זענען דאך די גאסן זייער שמאל כידוע, און ווען עס קומט אן א גרויסע מאסע פון באסעס ווערט די שטעטל פאראלעזירט, ס'איז נישטא געהעריג ווי צו פארקן און די באסעס קענען זיך זייער שווער ארומדרייען, אין אצינד ווען די קרן תוס' יו"ט באסעס זענען אנגעקומען, און די שטאט איז געווארן פארפראסקעט זענען די פאליציי געקומען העלפן קאנטראלירן די טראפיק, האב איך באטראכט וויאזוי ר' מענדל סאמעט דער 'פנים' פון פלאן איט רייט גייט ארום פון פאליציאנט צו פאליציאנט און איז זיי מסביר אז ס'וואלט געווען זייער גוט אפצונעמען דעם ציבור נאכן מתפלל זיין פון די הויפט גאס, און גלייך פארן ווייטער, זיי האבן אלע מסכים געווען און מ'הייבט אן שיקן דעם ציבור אהין, איז אבער דערנאך אנגעקומען איין פאליציאנט, נישט אויסגעזען צו זיין א גרויסער אוהב ישראל, און אנגעהויבן שרייען און פארפירן אז ס'איז א סכנה בלא בלא,
ווען איך בין ווען דער אראנזשירער וואלט איך געפלאצט און זיך גענומען שרייען און טענה'נען הייתכן, מ'האט שוין אפגעשמועסט, אהערגעשלעפט דעם ציבור, וואס מיזטו זיין א שלעכטער, אבער דער רבי מענדל האט זיך געגעבן א וויש אפ די נאז, און מיט די גרעסטע מאס רואיגקייט און רעספעקט זיך פארענטפערט פארן ציבור וואס דא איז געווען און שיין געבעטן יעדן מיטצוארבעטן מיט דעם איין שלעכטקייט, וואס דאס האט גורם געווען אז זאכן האבן גענומען אסאך לענגער וכו' וואס דא ביי אזא מעגא נסיעה מיט 2 פליגערס און 2 עקסטערע סקעדזשועלס וואס מ'האט כסדר אכטונג געגעבן נישט אריינצובאמפן איין גרופע אינעם צווייטן כדאי אנצוהאלטן די רוהיגקייט און סדר האט עס געמיינט זייער אסאך, און פארגעס נישט אז די סטעף פון פלען איט רייט האט שיין געהאלטן נאך פולע שלאפלאזע נאכט פון פלאנען גרייטן און נאכאמאל גרייטן, אבער זיי זענען קיינמאל נישט געווארן פארלוירן, און די זעלבע איז געווען ווען 2 אידן זענען אנגעקומען בטעות צום זעלבן זיץ אויפן וועג צו קראקע וואס אין איד פון פליגער ב' האט בטעות געמיינט אז ער פארט מיט פליגער א', איך האב געשטוינט פון די פראפעסיענעליזם וויאזוי מ'האט דעם איד (א עלטערע בעה"ב נכבד) אויפגעמערקט זיין טעות און מיטן גרעסטן מאס כבוד אים געהאלפן אראפגיין.
איך האב נישט געפלאנט צו רעדן אזוי לאנג פון פלען איט רייט, איך קען זיי נישט אבער איך האב געמוזט ארויסגעבן מיני הרגשים איבער זיי, און ווער עס האט א שייכות מיט זאל זיי ביטע אריבערשיקן מיינע פאר ווערטער.
למעשה האלט איך נאך ביי די הקדמה אבער איך מוז שוין מפסיק זיין, ס'ווערט שפעט, איך וועל פרובירן באלד ממשיך צו זיין, אדער האפענטליך וועלן מיר אנדערע אויסכאפן